반찬앤쿡 Banchan and Cook (時代廣場) (Closed)

見網上食評十分高分 所以同友人一齊黎試試我地晚上6點幾入座 都已經有7成入座率 果然都幾受歡迎👏🏻（網友話如果7點過後就要排隊）一於試試佢既野食係咪真係咁值得等咁耐啦一睇餐牌價錢不貴，食新派韓國嘢應該主打係蛋包飯，每一枱都有一碟蛋包飯，所以我地都會試一下一共點左3樣野烤牛肉蛋包飯，烤牛肉係肥牛，醬汁都幾甜用刀砌開飯上面既蛋，係會流蛋汁，賣相不錯，但沒有香濃的蛋味我認為不合格蜜糖炸雞半份，十分之甜，炸雞上有沾滿糖粉的韓國年糕，韓國年糕應該用炸既方法處理，偏硬。炸雞如上述所講，同樣沾滿了糖粉，好甜、死甜，雞亦唔夠juicy，不合格。唯一好吃的是薯條，但同樣沾滿了糖分破壞了薯條本身的味道。香蕉士多啤梨乳酪香蕉味特濃，有輕微士多啤梨味，不錯👍🏻清心鮮甜最後，我唔明白點解此食店有咁多好評，食物價錢雖然唔貴，但食物質素一般，即使唔洗排隊，都唔會再去。最後，埋單時發現，收銀位置電腦顯示為富臨集團，當堂明白了點解會有此食物質素了。

去咗銅鑼灣韓式餐廳Banchan & Cook食Dinner ～呢度好有人氣💗經常滿座，入面裝修都好雅致～感覺清新。🔶海鮮煎蔥餅 $89點咗一份經典韓式小食～共有3大件，有魷魚圈丶青口等等，入口十分香口，配以秘製辣汁～沾來食更加惹味～🔶炸芝士豬扒忌廉年糕 $105芝士控一定好鍾意！酥脆嘅炸豬扒入面釀入咗好多半溶芝士🧀入口滿滿芝香與忌廉香，年糕煙靭有嚼勁。🔶牛肝菌蛋包飯 $102一切開～蛋皮屬於半熟狀態🥚蛋味香濃，伴以牛肝菌一齊食，菌味十足！配菜仲有新鮮沙律菜～賣相唔錯。🔶玫瑰醬無骨炸雞 $108/半份店家人氣炸雞🐔可點半份或1份，半分兩三個人share啱啱好，醬汁香甜惹味，滲着少許玫瑰香氣～炸雞炸得軟嫩多汁唔會嚡口。仲有少少薯條同埋年糕，都好豐富。🔶韓式雜莓牛角包窩夫 $72啱啱焗起熱辣辣，用咗牛角包酥皮去整窩夫～入口 香脆🥳質感獨特～配以糖漿和紅莓藍莓，另外有香甜軟忌廉，成個配搭好滋味！🔶盛夏冰爽西瓜檸檬梳打 $48入口滿滿西瓜和檸檬香～冰爽十足！夏天之選～一飲解膩。🔶荔枝梳打 $42 又係夏天嘅消暑解渴之選～有甜美嘅荔枝香，夠晒清爽。

時代廣場行街行到攰，就想近近地搵間餐廳，發現9樓有間韓國餐廳，呢樹人氣滿座同埋裝修靚靚，打卡一流！玫瑰醬燴雞腿肉蛋包飯呢度最出名蛋包飯，店員用心一切全部蛋汁都流哂出黎！特別少有既玫瑰醬帶種花香清新既感覺，相當出色！炸芝士豬扒忌廉年糕炸得好脆既豬扒，再有邪惡既芝士，相當罪疚，如果年糕可以再淋啲會更加好食！慢煮羊膝配薯條一直都覺得慢煮既食物都會好好食，因為容易咬口唔會韌，同埋鎖住肉質既原味，所以呢款真係正！玫瑰醬無骨炸雞又係清新玫瑰醬，配上超脆炸雞一流。盛夏冰爽西瓜檸檬梳打 夏至士多啤梨香蕉沙冰兩杯都係期間限定先有既特飲，好飲要試！

在時代廣場睇完戲就落Banchan睇吓，條龍又唔係好長就等吓喇。呢度裝修好多花花、好靚，簡約舒服。燉牛肋骨蛋包飯：個蛋煎得好靚，待應哥哥落檯後先幫我哋切開，今次蛋汁無爆流出來，可能熟咗少少，但那一刀都很治癒。牛肋骨肉燉得好淋，一刀切很易脫骨，很入味。韓式辣炒年糕：年糕小辣，很開胃。炸餃子熱熱脆脆的，很好味蜜糖炸雞(半份、有骨)：炸雞香脆甜甜，很快就被消失了；連伴菜的薯條、年糕因沾到蜜糖都很惹味，差點連手指都食埋這餐廳價位合理，位置方便，待應又有禮貌，會提點你點得多食唔晒，體貼周到。

人氣韓國餐廳環境寬敞明亮 木系裝修坐得好舒服💯而食物選擇亦多 性價比高 難怪成日都排長龍!🌟玫瑰醬燴雞腿肉蛋包飯店員會幫忙把蛋切開嫩滑既半熟蛋會從兩旁流瀉將炒飯覆蓋呢個畫面好治癒😆而雞腿肉非常嫩滑同好入味炒飯粒粒分明 好好味😋🌟炸芝士豬扒忌廉年糕豬扒炸得酥脆 中間夾住滿滿既🧀拉絲感十足 配埋口感軟糯既年糕👍🏻🌟海鮮煎蔥餅海鮮蔥餅好足料 餅皮煎得夠脆 蘸埋辣椒醬汁 更鮮香惹味🌟玫瑰醬無骨炸雞用上蕃茄忌廉汁調配出黎既玫瑰醬酸甜既醬汁同炸雞好夾 食落無甘膩💯🌟韓式雜莓牛角包窩夫再飽都一定要點甜品😂Croffle 口感酥脆帶牛油香 簡單配上🍯,🍓,🫐 已經好好味🌟盛夏冰爽西瓜檸檬梳打🍉+🍋 非常消暑解膩👍🏻

韓食真係越來越多fusion菜，位於銅鑼灣嘅哩間Banchan and Cook，一開始系比佢嘅裝修吸引，入面以花花💐作裝飾，連隔板都好有格調，岩曬同三五知己行完街後談天說地👯‍♀️。話說我覺得二人位置相對擠逼，不過週末peak hour大排長龍，有位已經好lucky，為咗儘快一飽口福🤪，一有位就即刻入座。▶️玫瑰醬燴雞腿肉蛋包飯($158)，好欣賞哩個飯，諗吾到玫瑰醬燴雞腿肉咁有特色，雞腿肉真係啖啖肉吾單止，外皮焦香，而肉質鮮嫩，醮上玫瑰醬，每一啖都好滋味！飯底系炒底，加上割開蛋皮嘅一刻，半熟蛋漿好似熔岩一樣流出嚟，視覺上已經覺得滿足！▶️牛肝菌蛋包飯($122)，吾想食太多肉嘅朋友食哩個就冇錯喇！好多健康菌類之餘，系白飯底，吾怕肥，蘑菇醬汁清淡，伴碟嘅沙律好fresh～▶️慢煮羊膝配薯條($185)羊膝煮至軟林，上枱先發現原來分量超慷慨，足夠幾個人分享！羊肉吾會黏在骨頭上，而且冇咩騷味，在口中好似會化開一樣，而薯條就好香脆，哩味值得一試！▶️韓式無骨炸雞半份($128)同我一齊去嘅食肉獸食到冇停口，話說個醬料真係做得吾錯，最緊要系冇骨，岩曬懶人！▶️韓式雜莓牛角包窩夫($92)我真係覺得諗到c

Banchan and Cook 主打蛋包飯，雖然位置有點隱蔽，是時代廣場長期排隊的餐廳，總有它一定的過人之處和實力。店內簡約的座位給人放鬆的感覺。盛夏冰爽西瓜檸檬梳打($48)的西瓜刮成一個個小球, 感覺清新消暑。士多啤梨紅桑子梳打($42)的顏色很吸引。本來想吃的牛肝菌蛋包飯今天售完, 最後選了燒牛肉蛋包飯（$78）。蛋包飯蛋皮鬆軟, 蕃茄汁的調味也恰當。炸芝士豬扒忌廉年糕 ($105)是一個芝士愛好者必點的菜式。炸芝士豬扒很拉絲, 配菜年糕也很口入味, 口感也不錯。玫瑰醬無骨炸雞半份 ($108) 雖然半份份量也不少,  炸雞脆口有肉汁。慢煮羊膝配薯條($165) 相對地比較普通, 羊味很濃厚。最後甜品是韓式雜莓牛角包窩夫($72) 的牛角包窩夫鬆軟油膩, 甜度也不高, 雜莓可以多一點。

每次去到韓國餐廳🇰🇷都一定會食佢哋嘅蛋包飯😍超推介玫瑰醬燴雞腿肉蛋包飯✨雞髀肉超級嫩滑 又入味🍗半熟流心蛋 加堆玫瑰醬 幾特別🌹炒飯底炒得好乾爽 甜甜地辣辣地 超級惹味🌶

平時去開太古城嗰間食，今日有美食券，所以過咗嚟時代廣場幫襯，當日星期日，我已經12點去到餐廳，已經要喺出邊排隊，但係其實入邊仲有位嘅，等咗5分鐘左右就入咗去。佢同太古嗰間好唔同太古嗰間係Cafe認識呢間係serve嘅唔需要自己攞餐。我都係食牛肉蛋包飯，蛋好滑而且有哥哥幫我切開隻蛋，但係冇咩蛋味。牛肉份量好多一個女仔過嚟食lunch一個蛋包飯其實應該會好飽泡菜豬肉煎餅都係成日食嘅, 唔知點解今日覺得佢個泡菜偏酸咗少少🥹酸嘢就唔係我嘅菜嚟, 所以留返比另一半食😂泡菜五花肉蛋包飯,有啲可惜嘅, 其實佢個五花肉係好好食, 入晒味啦, 入口即溶啊, 但係我嫌佢太少喇, 得兩舊😓泡菜就真係勁多,,,,但係好似我頭先所講唔知點解今日啲泡菜特別酸呀,,15x幾蚊貴左啲，好似食牛肉蛋包飯抵啲😂最後一杯摩卡作結！

最近成日睇日本𝐛𝐥𝐨𝐠𝐠𝐞𝐫啲蛋包飯就睇到好想周圍去試唔同餐廳既蛋包飯 見呢間반찬앤쿡 𝐁𝐚𝐧𝐜𝐡𝐚𝐧 𝐚𝐧𝐝 𝐂𝐨𝐨𝐤既蛋包飯幾多人推介就黎試下佢好味啲定𝐓𝐞𝐫𝐫𝐚𝐜𝐞 𝐢𝐧 𝐬𝐞𝐚𝐬𝐢𝐝𝐞好味啲 估去到又唔差𝐰𝐨𝐫 ʕっ˘ڡ˘ςʔ ✿ 烤牛肉蛋包飯 𝐎𝐦𝐮𝐫𝐢𝐜𝐞 𝐰𝐢𝐭𝐡 𝐫𝐨𝐚𝐬𝐭𝐞𝐝 𝐛𝐞𝐞𝐟 $𝟏𝟏𝟖 烤牛肉既份量都唔少 淋上甜甜地既韓式燒肉汁好惹味上菜既時候店員問完我洗唔洗影相 跟住就幫手用刀輕輕𠝹開滑蛋一切開半熟既蛋液就流滿成個飯 見到都好吸引(◍ ´꒳` ◍)呢度既蛋包飯用咗炒飯底 裏面仲有翠玉瓜、紅蘿蔔等既配料 個炒飯底比起其他蛋包飯既更有誠意~✿ 招牌燉五花肉蛋包飯 𝐎𝐦𝐮𝐫𝐢𝐜𝐞 𝐰𝐢𝐭𝐡 𝐤𝐢𝐦𝐜𝐡𝐢 & 𝐬𝐭𝐞𝐰𝐞𝐝 𝐩𝐨𝐫𝐤 𝐛𝐞𝐥𝐥𝐲 $𝟏𝟑𝟓呢個燉五花肉比𝐭𝐞𝐫𝐫𝐚𝐜𝐞 𝐢𝐧 𝐬𝐞𝐚𝐬𝐢𝐝𝐞既好味好多!!五花肉燉到好軟熟完全唔會覺得韌 唔會好似𝐭𝐞𝐫𝐫𝐚𝐜𝐞 𝐢𝐧 𝐬𝐞𝐚𝐬𝐢𝐝𝐞既咁韌咬都咬唔開配埋微辣既𝐤𝐢𝐦𝐜𝐡𝐢一齊食可以為肥肉比例較高既五花肉解解膩~整體黎講 蛋包飯既配料比𝐭𝐞𝐫𝐫𝐚𝐜𝐞 𝐢𝐧 𝐬𝐞𝐚𝐬𝐢𝐝𝐞既高質喔~✿ 無骨醬油蒜頭炸雞 (

呢排好多Times Square Coupon，食滿$200就有得減$100，揀咗9樓一間好長人龍嘅韓式餐廳，【Banchan and Cook】主打韓式流心蛋包飯，另外仲有多款經典韓式料理：韓式炸雞、海鮮煎餅、紫菜包飯、部隊鍋拉麵等。餐廳走和諧木系風，座位數量多而且寬敞舒適，適合同朋友暢飲🍴🇰🇷🍳明太子慢煮雞肉蛋包飯蛋包嘅烹調時間拿捏得好好！職員輕輕將蛋包飯切開時，半熟嘅雞蛋隨著四散，慢慢融入炒飯粒中，成個畫面好治癒蛋皮厚薄均勻🤩滑一下就吞咗🥰🍗玫瑰醬炸雞幾Fusion嘅一道菜，玫瑰味比較少見，因為玫瑰本身相對清淡，而且炸雞都幾辣，所以玫瑰味唔係幾出，旁邊配有薯條及年糕🍗醬油蒜頭炸雞醬油蒜香味濃郁，炸雞外皮炸得好香脆，內裏肉質嫩滑，評分中上🐔🧀炸芝士豬扒忌廉年糕好特別嘅係豬扒入面有芝士餡，呢樣出面比較少見；年糕口感非常軟稔，容易入口，芝士忌廉汁完全滲透入年糕，好入味！值得一試👍🏼📍반찬앤쿡 Banchan and Cook (時代廣場) (銅鑼灣)銅鑼灣勿地臣街1號時代廣場9樓922-923號舖

반찬앤쿡 Banchan and Cook (時代廣場) (銅鑼灣).呢間間唔中去洗手間經過見到都要排隊，今日心血來潮就黎試下！. ▪️玫瑰醬燴雞腿肉蛋包飯 ▪️.呢個蛋包飯很不錯，雞肉有三塊肉又嫩，蛋包飯上到枱店員先幫手切開，華麗登場🤭蛋包飯入邊仲夾雜着泡菜粒！.▪️炸芝士豬扒忌廉年糕▪️.炸芝士豬扒有四件，脆卜卜，芝士係中間可以拉絲，但係原來忌廉年糕嘅份量好多，食多少少好膩🤭.▪️慢煮羊膝配薯條▪️.羊肉好腍身，可惜唔係好入味，但羊肉嘅羶香係有.▪️韓式無骨炸雞半份▪️.半份都份量驚人，個人都係喜歡無骨啖啖肉.▪️韓式雜莓牛角包窩夫▪️.牛角包壓扁做窩夫真係幾好食，夠酥香，配上楓糖漿好邪惡！有啲藍莓🫐士多啤梨🍓等酸酸地開胃啲💜.▪️焦糖脆脆鮮奶咖啡/盛夏冰美西瓜🍉檸檬🍋梳打 ▪️.成日無飲咖啡，即係叫返杯焦糖脆脆，男朋友就試吓飲佢嘅特飲，西瓜檸檬梳打夠清新！.📌반찬앤쿡 Banchan and Cook (時代廣場) (銅鑼灣)銅鑼灣勿地臣街1號時代廣場9樓922-923號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.#ay87food銅鑼灣

排超長龍嘅韓國餐廳嚟到銅鑼灣時代廣場,如果諗唔到食咩又唔介意排隊，不妨考慮吓呢間啦🥰.玫瑰醬無骨炸雞依個炸雞岩晒得懶人🤣可以唔使吐骨😌醬料超多，堆到炸雞🍗超高😍有雞胸肉同埋雞髀肉底層仲有一對薯條.玫瑰醬燴雞腿肉蛋包飯其實玫瑰醬係指蕃茄醬加啲忌廉去整成嘅醬,呢間餐廳係醬上面仲會放啲玫瑰花瓣，所以食落去都仲有淡淡的玫瑰味😃雞腿肉好嫩滑😍蛋包飯裏面嘅飯用咗醬汁去炒過，上面既蛋好流心，成個配搭好夾❗️.牛肝菌蛋包飯呢個蛋包飯入面係白飯😂所以好需要靠牛肝菌既汁去送飯🤣菇既種類好多，好岩中意食菇既人😚.燒醬油黑毛豬白切肉配大醬生菜食個超有驚喜🥰五花腩煎得超香，半肥瘦適中，用生菜夾住蒜片，韓式醬加五花腩😌食落口一啲都唔肥膩.韓式雜莓牛角包窩夫雜莓超多🥰窩夫上到黎熱辣辣，岩岩焗起，超正

今日放工同朋友黎到位於銅鑼灣既哩間韓國菜餐廳。餐廳環境寬敞，走木系無印風，入面既位置放上唔少乾花作裝飾。有一點要提提大家，餐廳經常大排長龍，如果想黎食又唔想排隊既話，要盡量6點前到。餐牌上面既選擇非常多～🔸炸芝士豬扒忌廉年糕 $105豬扒外皮炸得香脆，中間係有個小坑，入面放左滿滿既芝士，芝士係半溶狀態，底下既忌廉年糕口感軟糯creamy。🔸牛肝菌蛋包飯 $102蛋包飯輕輕一切開，就見到啲流心滑蛋，雞蛋既火候掌握得啱啱好，入口嫩滑，入面係白飯底，如果改做炒飯底會更佳，旁邊有唔少牛肝菌，配埋蛋包飯一齊食相當唔錯。🔸慢煮羊膝配薯條 $165慢煮羊膝大大舊，肉質軟腍吾會羶，亦相當入味，配有粗薯條及茄汁。🔸玫瑰醬無骨炸雞（半份）$108玫瑰醬味道濃郁微辣，炸雞炸皮唔會好厚，亦一啲都唔會乾，仲配有薯條同年糕。🧇韓式雜莓牛角包窩夫 $72牛角包窩夫有驚喜❗️超鍾意個窩夫係牛角包嗰種酥脆嘅質感，只係淋上蜜糖，蘸上旁邊既cream已經好好食，仲配有藍莓、士多啤梨同紅桑子。🍹盛夏冰爽西瓜檸檬梳打$48🍹夏至士多啤梨香蕉乳酷$48西瓜檸檬梳打酸酸甜甜，香蕉乳酪味道清新，兩杯都好啱夏天飲。

對比上一次來光顧差天共地 生意都係咁旺 又係卷尾黎幫襯 好似轉曬左d伙計定放假？ 全部都係蕃薯咁企喺度唔識主動幫手 一個中年大叔唔識幫手 靜係識係度做武術指導 後尾問返員工個位員工係分區經理 唔識安排 淨係指指點點 有咩用講返野食 我今次叫咗菌菇蛋包飯 菇味唔夠 蛋都係夠滑既甜品值得一讚係 個棉花糖嗰啲餅 我問佢可唔可以添加佢都加比我 整體上服務對比上黎黎超差 仲衰過茶餐廳 擺杯水落嚟揼一聲 仲要彈到周圍都係 如果咁嘅質素其實真係唔考慮幫襯 如果唔係有優惠券基本上呢間餐廳仲衰過太興 嘢食普通 服務超級差