曼谷食堂 (Closed)

星期六下午的銅鑼灣區，人們熙來攘往，原本想去同一條街的冰室，但店外大排長龍，還是算了吧，何必浪費寶貴時間，於是多走數十步來到這間泰國餐廳。按開自動門，跟一般泰國餐廳不同，這裡沒有神聖的大白象，更沒有金碧輝煌的四面佛，簡約的佈置與格局更像是文青的聚腳點。店內沒有多餘與華麗的裝飾，簡簡單單的木枱木櫈，十分樸實。顧客都以年輕人居多。用餐期間見到很多人來買外賣海南雞飯，應該是口啤不錯吧。侍應遞上全日通用不分時段的餐牌。既然海南雞飯是如此受歡迎，當然不可錯過，由於是現成的關係，所以很快上菜。雞的味道都都算過得去，不會太肥太油，然而🐔味不濃。在這裡不僅環境簡約，連味道都簡約 😄

行過見到價錢牌唔算好貴又想食下辣嘢就試試呢間香葉辣椒肉碎煎蛋飯 ＄58碎肉分開上， 配埋D紅綠椒都幾靚蛋有DD 蛋汁啦， 不過唔係好靚流心個D撈埋D飯辣辣地， 好惹味青咖喱雞扒飯 $58咖喱雞D雞皮好似炸子雞咁脆卜卜有驚喜喎雞皮唔油雞肉嫩身呢個咖喱雞有驚喜好味過連鎖店個D我同友人都係食得辣之人如果咖喱汁可以做辣多少少就PERFECT啦奶茶味道唔同港式奶茶無咗苦澀同回甘味我唔係好識形容， 唔可以話難飲但我又飲唔出有茶味咁囉XD

呢間餐廳必要提嘅一定係佢嘅成個裝潢同主題，比人一種好舒適自在嘅假日感覺，佢揉合左現時非常流行嘅簡約設計，而且樓底亦較一般餐廳高，令佢輕易做到一種令食客放鬆心靈嘅感覺。之所以話食野要食埋環境，就係因為當你去舒適環境食野時絕對係一種超凡享受，再加上係呢間餐廳嘅消費算係中價，食物質素有番咁上下，性價比因而亦幾高。食物方面今次試左【滷水豬手飯】及【三餸金邊粉】。【滷水豬手飯】：HKD58呢個飯嘅份量適中，飯份量較少，豬手份量較多，補番數。豬手滷得唔夠入味，但食落幾軟滑；切得幾靚，大概有7-8件，幾抵食。【三餸金邊粉】：HKD58有好多餸選擇，份量就細左D，特別提提個牛筋唔錯。(另收加一服務費)服務方面員工明顯白鴨眼，見係中產以上人士會提供更全面服務，例如主動問你加唔加錢轉油飯。呢D舉動馬上令呢間餐廳扣哂分，希望呢D係餐廳內嘅害羣之馬，而唔係公司Policy。因為刻意區分入店進食嘅食客，而大家比同樣嘅錢係好唔公平。

今日小編去左試呢間（同事話唔錯wor），通常小編d同事對食物要求係低d所以小編唔敢太大期望。午飯時間去到、排左一陣好快入得，點做冬陰功濃湯3餸，流心蛋似鴨蛋，幾好味，其他餸一般、唔特別好好味咁，金邊粉都唔錯，但湯底絕唔係濃湯囉小編自己ｏ係屋企煮仲濃過佢多多聲la qany肥，強烈想回頭指數一般、持觀望態度另外湯底有小辣、大辣分，大家記得選擇大辣、因為佢既普通辣係完全唔辣既下次（如果有下次既話啦）都想試埋佢既蟹肉炒飯既

今次試咗間新嘢，食泰式外賣，我叫咗香葉肉碎飯，但因為我本身唔太食得辣，所以，叫咗走辣，肉碎幾入味，但可能因為我叫咗走辣，所以，吊唔出香葉嘅味，而且有d油，但overall算好ok，仲有加隻煎蛋，算係有誠意嘅

上星期參觀某港島半山中學既畢業典禮，沒想到全程要5小時，當日氣溫30多度，熱過泰國，全日未食野，好肚餓又口渴，從半山搭小巴下來希慎附近，一下車就見到呢間曼谷食堂，問口廚窗整齊地掛滿一排海南雞，二話不說就沖入去，當時差5分鐘就5點半了，店內只1兩個客人，馬上有位，侍應也馬上送上午餐餐牌，提醒午餐時間快過，太好了。睇menu期間見有兩單網上外賣平台既外賣海南雞，想必呢道既雞應該不錯，不過我咁熱沒胃口吃飯，所以叫了一個海南雞湯金邊粉，朋友就分別叫了咖哩雞扒飯和海南雞豬手飯。金邊粉賣相一般，蘿蔔一大件，沒什味道，湯底好一般，雞唉！鞋，失望。反而朋友的海南雞豬手飯的豬手還不錯，比雞出色。至於咖哩豬扒飯是穩陣之選，不會太辛辣，也夠香，扒既肉質也還可以。平均每人約80蚊。

又到銅鑼灣的新食店一試😋這間食店的價格、食物及服務態度，我們也感到滿意。店員推介我們這優惠的晚市二人套餐$228我們點選了小食拼盤（炸春卷、泰式青木瓜沙律、炸南乳單骨雞翼）每一樣小食也美味，右上角像甜酸醬的醬汁十分可口。飛天通菜滷水豬手拼鴨飯，還有半隻流心滷水蛋曼谷遊船河（我轉了金邊粉）內有我喜愛的牛筋😍我們分別點了泰式青檸熱紅茶及凍紅茶整體而言，平均$127一位，有以上的食物及好的服務，是值得一讚的。

首先，服務生會主動收拾餐桌，以便下一位客人用餐。環境方面，有曼谷的氣氛，感覺到整潔。食物方面，由於我只享用了滷水豬手飯($58)，所以我也只能評這餐點。如圖中表示，青瓜用作淡化稍濃的味道。而在右方則放了飯。中間就放了豬手和溏心蛋。左下方的小碗應該是中辣的醬汁，這也解釋了青瓜出現的原因。味道方面，滷水不太濃，也不太淡。而酸菜就更配滷水和辣汁，舒緩了兩者味道的強烈對比。辣汁稍辣，不過也填補了餐點的淡。地點方面，離銅鑼灣地鐵站F1出口不遠，大約只要步行三分鐘左右就能到達。

星期六都番工？唔怕。最緊要放工後諗定食咩。#曼谷食堂一定要試。冇黎一排。水準依然高。1/青咖哩吉列豬扒飯🍛🐷🌶$62:食物黎到。想移一移個碗影相。熱㗎兜咖哩。好熱。加晒分。最怕食物唔夠熱。豬扒。一如以往。皮炸得鬆脆。豬扒好juicy。份量岩岩好。青咖哩汁微辣。夠香。2/泰式奶茶$22好飲。可以叫少甜。岩我。唔知點解。好多地方嘅泰式奶茶只有勁甜。冇少甜或走甜。環境。裝修舒服。坐位略嫌少許逼。但可接受。侍應全部後生仔女。服務態度認真。手腳快。服務好好。如果冇記錯，星期一至五午餐有set叫。仲抵！銅鑼灣泰菜選擇多。呢度絶對係推介。Account name : My tastebuds 👶🏻🐵 二級架喇有興趣可以支持一下。題外話:生意都係要懂得令客人番兜先長久嘅😌

海南雞豬手飯 (8.5/10分)豬手都幾腍仲要夠味,自問大食之士一定要要求多飯.因為份量嚟講個人認為大食之士一定唔會夠飽的.自選三餸冬蔭公湯底粉麵 (8/10分)湯底幾惹味,酸多過辣.另有滷水鴨湯選擇二人拼盤 (6.5/10分)新鮮即叫即做,可惜炸嘢冇咩技巧可言,純粹加餸選擇泰式檸檬茶 (2/5)個人口味問題...係唔啱我飲的...純粹貪得意飲下...點知就中伏了...😓整體 (8/10)以食物質素同價錢嚟計,算幾好㗎喇,重點係味精唔算好勁,喺出面食飯嚟講算幾難得了☺服務係近年來出去開飯難得嘅不錯了,希望會繼續保持呢種服務質素

今次唔係第一次黎食， 第一次都係豬手飯， 實在係好味。黎到係2:10, 店鋪依然有7成full. 坐低好快有人招呼， 上菜快， 豬手飯$58, 價錢喺銅鑼灣區叫中規中矩，份量夠食，唔會食完唔飽。豬手淋，夠味，配汁食一流，因為酸味減輕左豬手嘅肥膩感， 肉同飯嘅比例ok, 再加少少鹹菜，白飯唔會無野送。因為太肚餓，我今次配左個菜 再加杯野飲+38 配菜， 再+10 龍眼茶上到枱真係豐富到爆， 又菜又肉又有飯，菜唔老，亦唔會太鹹， 有少少辣， 我食得辣，可以再辣d。龍眼茶唔太熱， 岩入口，亦唔會太甜，飲落舒服， 岩哂近日口喉有少少燥。3樣野食哂真係有d 飽到反艇。。。 最點係， 3樣加埋， 再+10% 都係$117比前幾日食同一條街嗰間越南野好70% 最起碼貴得黎，食得飽！！ 老闆熱情，員工都有禮貌，唔錯嘅食店～

The service here is great! Thry have very friendly staff. The pad thai, beef brisket yellow curry and mango sticky rice are all pretty decent! The restaurant is pretty spacious and the price is reasonable. I would definitely recommend to friends

冬蔭功濃湯米粉配頂級白魚蛋、墨魚丸及溏心蛋- 冬蔭功湯鹹辣酸味平衡，惟沒有香茅及檸檬葉味，層次少了。看到香茅，舀起，但咬下去是沒味道的； 看到乾蔥碎，但咬下去也是沒味道的；看到小塊的青、紅泡椒，咬下去只有微弱鹹酸味- 芽菜軟趴趴地混在米粉中，了無生氣但算爽脆，惟起不到平衡粉麵厚重感的作用- 墨魚丸雖混有墨魚粒，但墨魚味欠奉，更帶假甜味- 白魚蛋有魚鮮味，尚算彈牙- 溏心蛋不流心，與蛋白相連約半厘米的蛋黃全熟，不討好- 米粉幼細吸湯帶米香，但與大部分冬蔭功湯粉一樣，米漿令冬蔭功湯底稍為濃稠了，米味亦影響了冬蔭功湯的味道

有時會心思思想飲個冬陰公湯，特別係天氣凍嘅時候呀！公司附近有間叫做曼谷食堂嘅泰國菜，都開左一排架喇，平時lunch time都坐滿人，今日去到咁岩有張枱埋單，等左一陣就好快有位喇！有d似車仔麵形式，$58包三個餸，湯底可揀清湯或冬陰公湯，麵類就有河粉/米粉/金邊粉。今日試下白魚蛋，滷水牛肚同埋泰式魚餅。魚蛋夠彈牙，魚餅一般泰式魚餅咁，無咩特別，滷水牛肚反而幾入味！金邊粉底，份量都唔少架，食完都好夠飽！而湯底呢，唔算好辣，反而酸味唔夠。跟餐送熱青檸茶/泰式奶茶，因為個茶底已經預先落左糖，無得少甜，我平時飲奶茶唔鐘意落糖嘅，所以覺得呢到個奶茶甜左d!

今次介紹一間銅鑼灣泰國嘢，今次我叫左個豬髀飯加雞翼同一杯凍奶茶，我感覺啲豬髀好軟身咬落去好容易入口好正雞翼都好食但感覺唔係太特別...但講到杯奶茶我就覺得特別因為佢同泰國啲奶茶顏色一樣，但又冇泰國啲奶茶咁甜....我感覺係泰國奶茶加香港奶茶Crossover很特別所以很喜歡！