包點先生

Open Now

Now Closed

兩口子特意往黃大仙的《包點先生》取壽包，之前的都是在荃灣店預訂，這次跑到老遠，當然事出必有因，只因店員說我倆訂的特別款式「要黃大仙店嘅師傅先識整！！」神神秘秘外送壽包…※ 續上，有興趣請見我的上一篇食記：鮑參翅肚鴿皇壽星宴（一）- 大排筵席晚膳篇 ※吃過晚餐後…來到是晚的壓…軸…環…節…！！！就是…壽包！由店子代蒸，端上之時我跟他耳語說「哎呀～底下露左少少壽包出嚟呀！！！」（只因這款是大壽包殼+中「壽包」的款式，如果是自己蒸的話，一定不會出現這情況，以保持神秘感嘛！）他輕聲說「大家唔覺嘅…」先為兩位壽星合照…簡單而隆重的開壽包儀式…登凳…壽星的反應：「」…席上女生們即嚷道「嘩～～～好靚呀～～～！！！」、「嘩～好～～得～～意～～～呀～！！」，還邊說邊拍照…一堆非一般壽包貓貓山……（共十個）說實…跟我倆原本「期望的效果」有點出入：（↑ 附上早前《包點先生》的catalog，留意右下的「趣緻貓咪」參考圖）這個成品弄得很可愛…原本我們想要的是如catalog那樣、「麥x勞叔叔」般的「hxllo mimi」（男人配hxllo mimi，已有夠「姣」，若是弄成「麥x勞叔叔」模樣，那就更更更更更爆笑

行經包點先生忍不住口又去買左個熱辣辣既醬汁牛肉包食.其實試過此店多款既中式包點, 但此終都覺得佢地既醬汁牛肉包比較美味.包既中間放一大塊好似中式點心既牛肉球, 肉質多汁加上此店既包都做得唔錯幾軟綿綿

平時去包點先生通常買佢地黃大仙分店獨家嘅蒸素餃~琴日經過買左兩隻齋粽，一隻鹼水粽($28/3隻;佢地重有鹹肉淙同眉豆淙)~蒸左兩隻嚟試~齋粽多豆，有紫米，唔錯~而鹼水粽對其他食家嚟講可能唔夠甜，但係我覺得剛剛好

大時暑熱行到慶合合一於幫襯下搵D 涼快感冰櫃裡有黑白豆漿選擇白豆漿仲有得選擇無糖tim小妹充當健康小將選了無糖試試果然一點味道也沒有但卻真正嘗到豆漿既鮮味和原味淡淡的，豆香並不濃也沒有機磨既味道一支既份量蠻多的飲完真係有好飽既感覺成9點都可以未覺肚餓

每次經過黃大仙,例必到此一遊無它..原因佢有别於一般分店,【可能近黃大仙寺、多加獨有之'素粉果' ,係好多分店'冇'】《而味道同料材亦好有水準, 給一般齋舖更為好味,讚!》而正常性粉菓也做得好出色,其實...整體上來講,佢咃一班幕後'師傅'應記一功,每款都相當有水準,用$11.換來四隻好味又有內餡的粉果以今時今日,以是買少見少,用心製作...請keep住呢個水準!

雖然燒賣$10只有4粒, 但絕對超抵食, 因為非常足料而且大大粒!! $10有4粒已非常滿足... 另外原本有諗住買包食, 但見佢個約$3.5-$4咁抵, 買左炸菜豬包同冬菇雞肉包做早餐, 外表雖然冇咩特別...但蒸 熱食非常好味! 包又「軟熟」又有「內涵」, 正!!

無飯煮婦間中也會煮兩味讓大老細食下住家飯,但放工回家都已經好肚餓,實在無能量去做飯,通常都會幫襯飽點先生買佢哋既粉果同燒賣喜歡它們的粉果的皮不會太林而帶點煙韌,有沙角好爽口,而燒賣更是大大粒又厚肉的,不是如街邊腸粉檔的麵粉團,單靠辣油補救味道還有東菇粒的香味每次拿到手都是會找個角落便即塲處決了它們以一快,因為涼了便不好吃.

上個星期天氣好凍，伊間包點先生出名燒賣好味，本人都成日食，十蚊有買粒熱辣辣，忽然想起屋企位老人家，想買幾粒比佢食咪行去買囉，買左廿蚊，因為得兩個人食８粒都夠啦，拎既時候佢竟然比兩個透明既膠兜載，大佬出面得十二度又大風，唔駛一陣就凍晒，要求個店員（定店長）佢改用發保膠載，佢話要買１０粒先有窩，膠明兜無蓋蓋住咁我拎返去都凍晒啦，仲點食？咪唔要拎返廿蚊走人囉，當然明白公司係有指引去做野，但有時都要體諒下Ｄ客既要求吧，我又唔係買４粒，我都買左８粒同貴公司指引差兩粒，兩個透明兜換一個發保膠兜，相信貴公司都唔會蝕左好多，本來可以賺我廿蚊既一單生意就因為一個兜而結束了，以後都唔會再幫襯。

咦, 包點先生有腸粉食?腸粉有兩款:$10 排骨腸粉$5 齋腸 ---- 無講幾多條 => 先試此款$5 腸粉 份量不多 醬料由店員加上, 除了辣什麼都要 => 結果最多係豉油, 少少甜醬, 麻醬更少, 芝麻得幾粒 腸粉普通, 無米香, 唔夠熱, 質地厚身實淨, 唔會黏在一起

黑芝麻包 ($4) 買熱包食, 返到屋企一切開個包, 已滲出香濃的黑芝麻香味 黑芝麻全部都是茸, 軟軟的, 不會過甜, 近乎入口即溶 包就一向不喜歡食, 因為嫌它太實淨包點先生的賣點係個包夠彈, 可能因為咁要做到個包好實, 不能鬆軟吧$4 來講有咁多黑芝麻都係抵!

買了個叉燒包, 齋睇, 有點失望, 因為不是中間十字界開的那一種, 但, 食落, 包很軟, 餡正, 無肥肉.

買左個芝麻饅頭我覺得同普通饅頭冇分別只不過係加左芝麻味第一擔都食到有芝麻味愈食愈唔覺有芝麻味芝麻味唔夠多飽都幾大個質感唔太軟熟 硬左d

我幾乎每星期最小食一次架!中式包比西式包好味得多,熱辣辣,感覺新鮮得多!我食得最多係曼頭,減肥MA,佢啲包質感.味道都唔錯!白曼頭$3:我o既至愛,卡路里較其他包為低,所以我經常將佢當早餐!!無咩味道架炸,怕淡o既人請撰其他!!顏色曼頭:其實只係多左啲味,都係白曼好啲!(有時特價,$10有10個小曼頭,好抵)奶皇包$4:佢啲奶皇同酒樓唔同架,無蛋黃架,我覺得麻麻!!''差''燒$5.5:我男朋友o既至愛,其實我都覺得好好食,奈何卡路里都幾高,所以我好小食!濃味多汁!正架!蓮蓉$4:普通香蔥包$4:幾香,但我食左兩次都有某啲位過咸,有啲鹽未勻!菜肉包$4:菜多肉小架,但味道幾好!小食:燒賣,正,大大粒,好食!粉果,個皮唔得,唔煙un架!素餃:好食又健康...我都成日食!牛肉:無咩特別以上$5兩個豆腐花k!(好似係$6)不過啲sales態度唔好,有次我買兩個素餃,(買得小無兜裝)我叫佢支簽唔好吉落個袋度,要吉住件食物,(因為會吉穿個袋,流晒啲汁出黎!)佢完全無理我,俾袋野我就算

去完婆婆屋企落黃大仙中心兜下有咩睇口痕 見到d包咁靚 熱辣辣見到芝麻包好想食 $4同媽share芝麻包好好味呀!依間芝麻包個甜度岩岩好!好香芝麻味!share完之後心思思又想食埋個馬拉糕 $5.5好鬆軟!我覺得唔夠蛋香味 甜度就夠媽唔太好馬拉糕結果自己一個食晒舊馬拉糕咁制飽到呢........如果屋企附近開間就好每個朝早就可以食唔同口味熱辣辣香噴噴既包包/"\

冇可否認..我俾佢ge外表吸引了..太沖動買左好多包..係好呢星期ge早點..士多啤梨曼頭=冇咩味...有d膠膠地ge feel..菜肉包=我諗係最正常..但原來塊肉同個包原全唔岩比例..=.=奶皇包=好味牙...比酒樓好味多..魚翅包=足料..抵食..不錯..同咪我買了即食燒賣..好好好好好好好好好味....好多野係粒燒賣到..讚p.s我發現有小動物係d包櫃到