西貢海灣會燒烤大王

個場完全同啲相係兩回事，張相有間好靚嘅玻璃屋，去到完全拆晒，個場好熱好焗，啲人草地爛容容，無乜設施，所謂加錢去海景位，根本睇唔到海景，冇意義，又唔係平， ＄239一個人，啲嘢食非常普通，飮品只係有汽水機針出嚟㗎汽水，並唔係罐裝或樽裝，係疫情底下真係要小心啲，食物種類完全冇驚喜，味道亦非常一般，仲只係收現金，啲職員呼呼喝喝態度非常差，鐵網加隻拑要收$70一個，每人獲派一隻紙碟，若果要加紙碟要$5兩隻，除咗有啲人可以帶埋隻狗，諗唔到有咩原因要再去。

「年初四」中午在「西貢」墟海傍光顧茶餐廳，享用完「咖喱牛腩飯」連「凍奶茶」飲品套餐之後，我徒步沿着「西貢」海傍，前往位於「西沙灣」酒店旁邊的燒烤場「西貢海灣會燒烤大王」。雖然「西沙灣」其實已經擁有燒烤場很多年，在我二三十年前還在讀中學的時候已經存在，但是獨立間格規模的「西貢海灣會燒烤大王」，還是最近才在「西沙灣」裡面出現。由於阿媽跟阿姨她們一早已經在「西貢海灣會燒烤大王」購票和進場，反而我需要先在「西貢墟」海傍食完「咖喱牛腩飯」之後，才慢慢徒步沿着海傍，來到「西沙灣」「西貢海灣會燒烤大王」。我打電話通知阿媽，阿媽才在燒烤場裡面走出來，把入場券交到我的手上，我才能正式進入燒烤場裡面，「西貢海灣會燒烤大王」在我手背上蓋上一個印章以資證明，確保能夠自由出入。阿媽一早已經在「西貢海灣會燒烤大王」取用燒烤食材的食品區裡面，拿了眾人即場燒烤的食品，例如「牛扒」、「雞扒」、「雞翼」、「香腸」、「牛丸」等等食品，食品區旁邊還有自助汽水機供已購買自助汽水食客取用。由於我之前已經食了「咖喱牛腩飯」當作午餐，所以在「西貢海灣會燒烤大王」裡面的實際目標變得非常之簡單，只需要食燒「雞扒」和燒「雞翼」就足夠。「西

星期六嚟啊～咁呀三點開門，可以食到凌晨一點。場地都闊落嘅咁每組人都會有一張枱同埋隔離有一個開咗爐嘅燒烤爐。食物嘅選擇就不是非常之多啦。主要有醃製嘅肉類啦：腸仔、丸、雞、牛、豬扒、秋刀魚、多春魚、雞腎、雞翼、雞全翼同埋豬頸肉。蔬菜就有：粟米、茄子、青椒、蕃茄仔、有渣嘅菠蘿粒。澱粉類：白色方包、小法包、番薯如果想食海鮮要預早係佢地都落訂另外只係會包紙巾、碟、膠杯、兜同紙碟&燒烤叉。其他錫紙啊～鉗～網等用品就另收費。 覺得佢地最出色係 蒜蓉牛油🧈⋯⋯配燒麵包一流，其他食物水準一般，秋刀魚可以唔試。

同朋友黎西貢燒嘢食，如果有去過嘅都知碼頭有海鮮賣，咁我朋友不以為意，咪諗住順便買入去一齊燒。點知....啲職員話外帶海鮮另收300.所以提醒燒嘢食嘅人，如果唔知又唔想俾多舊錢嘅，就唔好多手入出面買入去。

賣點一：地理環境位置係好嘅，左邊是海，右邊是山。上面係雲彩或星空，呢點真係好加分！.賣點二：食物飲品無限量供應一般燒烤場都有時限，但呢間可以任玩。我地當日下午一點食到晚上九點，食物質素是高嘅，醃製用心。款式適中：西冷豬頸肉雞臀雞翼.... 橙汁可樂蘋果汁七喜......青椒粟米大啡菇……魚蛋墨魚丸牛丸龍蝦丸......

好多年前嚟過 自從裝修之後都冇再嚟過一樣都係買飛 之後就吸印仔係手嘢食種類感覺上冇乜點變都不外乎係啲丸 腸仔 雜扒 雞翼 麵包幾鍾意呢度蜜糖同牛油可以任加 有好多地方都係逐罐收錢加咗$68要咗個網同夾 大家想平啲嘅可以自己帶個網過嚟同埋見到好多人都會自己帶食物入嚟燒例如海鮮之類 今日仲見到有人帶乳豬用咗網燒就輕鬆好多唔使隻手咁攰 其實食物味道就真係一般般 無話有咩咁驚喜最好食嘅反而係麵包😂簡簡單單 加啲蒜蓉牛油呢度勝在幾舒服 成班朋友吹吓水 隔離就係沙灘而且價錢亦都合理 如果真係想食得好味可能真係要考慮帶少少嘢食入黎燒會好啲

食物很好，環境很好，價錢相對來講有少少貴，但物有所值！唯一一點比較差就係職員大部份都比較粗魯，4-5個人看守入口位，當你進出時，只會擋住你，唔講野，等你自動show返手臂印仔就比你入，全程咩都冇講...當你有需要問多一點問題的時候，他們都好像不願答。入座時發現沒有太陽傘，叫佢地加返。答案係，一陣得閒先幫你加...轉頭同第二個同事講，晏啲得閒先幫佢加，我地十幾人就企咗喺太陽下曬住等👍

以放題BBQ黎講，依個場地最寬敞，燒野食坐得好舒適，仲可以對住海景燒野食燒完野食可以去燒烤場對外沙灘🏖️漫步或游水，燒烤場地可以帶狗隻一齊進場享受BBQ場內自助式用碟取食物，好似自助餐咁自己夾，想食乜夾乜、有熟食、甜品等仲有兩個大冰櫃放凍肉，岩晒仲意燒野食既朋友飲品自助形式取，燒烤場裝修後環境比之前更好而且坐位坐得好舒服😌先推介一下燒烤場內必燒食物，咖喱魷魚、咖喱雞中亦、蒜蓉雞中亦、牛油栗米、蒜蓉牛油方包等依幾款入場必燒，咖喱味多汁香口，袋過倍無介紹錯燒烤場服務員有禮貌親切，入場價錢合理，吾錯

星期五及假期貴啲$198，平日好似$168 左右。但飲品唔好抱咁大期望，任添可樂，蘋果汁、橙汁同水。到場會每人比一杯膠杯... 食物我諗都有卅款左右，基本嘅都會有腸仔、丸、豬牛雞扒、雞中和全翼、雞腎、蒜蓉牛油法包仲有紅腸呀！... 粟米、蕃薯唔少得但無錫紙，要買$20卷....環境舒服，乾淨... 入場時佢會吸個印仔喺你手臂等你可以去沙灘玩完再燒過，都開到好夜，呢個價錢抵嘅。佢下午6:00 開始，好似閂1:30。可以行完市中心再去燒，燒完仲可以散步去滿記甜品食埋先走

位於西貢大網仔路沙下村9號的 海灣會燒烤會所 Beach BBQ King，主打自助任食BBQ。BBQ場的面積寛廣，而且有四十款食物無限任燒，時間也不設限。和朋友上年年尾去光顧，性價比頗高。入場前要先購票，之後店員便會安排燒烤爐的位置。今次獲安排坐在較為涼爽的室外燒烤區。另外，也有瓦遮頭既燒烤區，下雨也不用擔心。職員會幫忙把爐火起好，這空檔時間可以先去食材區盒食物。順便一提，如果燒烤期間需要加炭，可以自行去取炭區拿取，所採用的炭也頗為大塊和耐用。食材區約有四十款食物，種類頗為豐富。有各類魚丸、不同口味的雞翼和肉類、秋刀魚等。蔬菜也有六款，全部也有切成一小件一小件的。而且有燒烤必吃的番薯，令人頗為驚喜。每位客人會獲發一個小杯子，可以到自助飲品區拿取飲品，有汽水和果汁等。特別加購了一個鐵絲網，燒烤時可以更為方便。個人最喜愛吃蒜蓉雞全翼，醃得頗為入味，而且燒烤場較為少提供雞全翼。醬料和蜜糖也是自由拿取，用光了可以再添加。燒烤不設限時，和朋友大約六時多到達，可以悠閑地聊天和燒烤，慢慢吃到飽。

週末和朋友去西貢市行下，漫無目的左穿右插看看附近的小店，發覺西貢除左食海鮮外都有幾多食店喎。行到沙下就見到西貢海灣會燒烤會所，個場幾大而且光鮮，結果就吸引左我地幫襯。場內有分幾個燒烤區，靚一靚的燒烤區要另收開爐費，我地無咩要求當然去返免收費區啦。免收費區環境亦唔差，地面有鋪假草皮，光線充足枱櫈乾淨。成人收費(星期日) $218食物雞肉腸、彈牙魚蛋、牛丸、獅子狗、漢堡扒(豬)、煙肉、日本秋刀魚多春魚、黑椒鴨腎、紅腸、墨魚丸、龍蝦丸、貢丸爆汁、芝味芝士腸蕃薯、栗米、茄子、車厘茄、方包、法包、青椒、菠蘿粒蒜蓉雞翼、咖哩雞翼、黑椒豬扒、黑椒雞扒、黑椒牛扒、蜜汁叉燒、蜜汁西冷咖哩魷魚、香茅雞全翼、泰式雞全翼、秘製豬頸肉、金沙骨飲品七喜、百事、蘋果汁、橙汁、水無限時任飲飲食，食物選擇唔少，食物質素不俗，全部放在雪櫃內，當中以黑椒雞扒、漢堡扒(豬)、蜜汁叉燒、咖哩魷魚比較易燒和好入味。放上燒烤網燒比起用燒烤叉燒較為快捷和舒適，但就要另外購買工具，燒烤網＋鉗 $68，錫紙 $20燒烤網買完要自行扭曲放上燒烤爐，燒烤網好易傾倒，要ＤＩＹ用燒烤叉屈成鈎固定燒烤網，見隔離食客咁做我地又跟住做又真係幾work

對於燒烤，哥從沒寄望，沒有冬天就要燒烤的盼望。燒烤之意從不在食，而只在圍爐取暖嘅感覺。不過近年愈來愈多出色嘅燒烤場著實令人改觀，尤其有海風加持嘅地方🌊今次發見地點係西貢一隅，沿海岸一直向北行，走到盡頭毅然發現呢處隱世場所，未去過嘅人大概會有「柳暗花明又一村」嘅感覺 (冇錯，老土就是哥😎) 沿路走過係一條木造嘅仿棧道，夜晚配上燈飾都幾浪漫，而入面係鋪滿草皮嘅綠海，雖然唔係真草，但整體感覺都非常良好，有係海邊野餐嘅感覺。叉住燒的確有圍爐感覺，但我從少就非常討厭，拎住支叉完全阻叉住我活動，所以決定加個網同個夾，$68除返開都唔算貴，最最最緊要係睇落pro好多lol 雖說哥不是老手，但唔燒唔知功夫好，賣花讚花香都要講🤣 食物選擇尚可，如果有更多海鮮類更好。豬頸肉猶其出色，幾層樓咁厚，唔易燒燶，而且醃製得不錯，吃得出泰式味道，香茅味幾出眾。另外對食肉獸黎講雞扒雞翼當然係唔少得，多春魚同秋刀魚都係好選擇。順帶一提，酒鬼們如果要自己帶酒就要收$50一支開瓶費。另外有樣野要讚一讚係當日燒燒下突然落雨，有位職員明明見佢去緊廁所方向，突然轉個頭飛奔過黎幫我地開把大遮擋雨，如此不畏三急嘅精神，著實令人敬佩!

疫情前同朋友嚟到西貢海灣會BBQ🍢，我哋個日仲特登早啲嚟排隊霸位，希望坐到室內望住個無敵大海景食野😎我哋既努力當然冇白費，用$218 (周末) 就可以享受到靚景+無限時任食放題，即係我哋就算由1pm燒到夜晚都得，兩餐都可以係呢度搞掂，真係好划算！場內亦有好多配料可以揀，款款都腌得入味，肉類既話都好甜心咁分咗辣(黑椒)同唔辣。個人就最中意食蒜蓉包😋燒下已經切好既法包，再配埋攪拌好既蒜蓉牛油好好食😋食飽仲可以落沙灘行下玩下，我哋都好醒目咁帶定拖鞋🕶消化到七七八八後又上番去繼續燒🐷

你到西貢就想優休閒閒又一日，好耐冇燒嘢食啦，今次就嚟到食仼食BBQ，今次星期日黎可以由下午1點燒到夜晚12點都係$218出去行下沙灘游下水同返黎食野又得，燒足全日同朋友吹下水又得，重可以帶狗仔入場Tim啊，放假燒下野食、游下水、吹下水咁就一日喇😂好嘆啊！任食多款雞中翼、金沙骨、雞腎、牛扒、豬頸 肉等等，重仼飲汽水🥤環境非常乾淨，而且對住個海景燒嘢食好寫意啊！附近仲有車位泊車添，啱晒揸車嘅朋友仔。

家庭聚會去燒嘢食，地店都算方便，撘小巴入西貢，然後沿住海邊行到入泥。風景唔錯，有個沙灘，後面有啲bb玩既設施，建議大家自備啤牌搵啲野玩。坐既位置可以自己揀，啲窗係可以自己推開，唔洗怕大風。有分開發保膠碟同紙碟比你分開生同熟，夾食物都幾衛生，種類都算多，都有成二三十種，飲品就無咩好揀。炭有成坐山甘高任你夾，大大舊可以燒好耐。廁所都乾淨，不過啲廁所門有2格都鎖唔到。女廁要行上一層，如果要洗手都要專登行上一層，幾麻煩。野食方面，咖哩魷魚，豬頸肉係值得讚嘅。我去個日價錢係268一位，可以座足成日，又可以一大班人聚下，都幾好。