西貢海灣會燒烤大王

得閒同朋友聚會下, 一齊bbq 就真好選擇, 又開心, 又食得飽, 我地決定黎西貢呢間黎到Counter 前先買飛, 職員介紹唔同區域有唔同開爐費, 我地揀左坐玻璃屋, 因為就算落雨都唔怕之後由職員帶我地去玻璃屋揀位, 揀左個窗位附近, 吹著微微海風職員亦提供紙碟, 膠碟, 刀叉, 膠杯, 燒烤叉, 紙巾盒, 蜜糖兜連掃, 我地另加左個燒烤網揀好位後, 就坐定定等職員起爐就可以了, 之後要加炭, 都係自助形式, 就係用爐下面個紅色筒去裝炭食物種類都OK, 有職員不斷Refill, 除左有豬牛雞丸腸等基本野外, 仲有青椒, 車厘茄, 煙肉, 連雞翼都有3款味, 總共二十幾款, 肉類味道醃得唔錯推介蜜汁叉燒, 雞翼, 同埋蒜蓉牛油加麵包, 蒜味重, 仲有粒粒蒜蓉我亦鍾意呢到有煙肉, 我可以自行配搭食材做串燒, 例如煙肉腸仔或煙肉車厘茄飲品就有果汁, 水, 汽水, 任飲, 飲品都夠凍, 不過要拎住個膠杯去裝, 由於個杯唔夠大, 好多人都係企係到飲完一杯, 再裝多杯走, 如果你個位置離飲品機遠既話, 可能有需要行好多次, 呢點有D 麻煩

落雨天即興去BBQ，今日同老公囡囡去西貢海灣燒烤大王BBQ，星期六，日只需$218 ，小童半價，無限時任燒，飲品任飲。環境超級正，可以望住個海一路吹海風一路燒野食，而且我地仲見到彩虹，個景真係超級靚，難得一遇。我地安排坐玻璃屋入面燒，諗住應該會好焗同熱，竟然唔會，玻璃屋既窗可以開，除左玻璃屋，出面燒野食既地方都有簷蓬遮住，落雨都唔怕啦，而且地方超級大，好闊落。還有小小室外遊樂場比小朋友玩食物方面，選擇都好多，有芝士腸，腸仔，魚蛋、 漢堡扒、墨魚丸、煙肉、獅子狗、雞腎、紅腸、雞翼、雞扒、牛扒、豬頸肉、蔬菜類等等，食物質素好好，醃左味既食物，全部都好入味，同埋唔會成陣雪藏味。以前去親BBQ都覺得廁所好骯髒，但以到既廁所係好乾淨，而且員工都好nice ，整體環境，食物性價比都好高。

去開西貢行街，大家所想燒野食，不過又唔想買炭，買燒烤用品同食物，所以上網揾下有無燒烤場，又俾我哋揾到港灣會呢個任食燒烤場！見唔係貴就買飛入場！燒烤用品一應俱全！ 唔駛買，唔駛揾，非常乾淨企理！仲有人幫手開埋爐！呢度地方大，環境唔錯！今晚仲可以睇埋日落！您話係味好開心呢呢度有個其他燒烤場無既玻璃屋，仲可以搞活動，婚禮等, 打卡真係唔錯！拎野食既地方幾企理，地下又乾淨，唔會周地水！ 第一次見到有燒烤場咁乾淨！食物方面都幾多選擇！，西冷牛扒，豬頸肉，雞扒，連秋刀魚同多春鱼都有得燒！雞中翼，雞全翼，魷魚，金沙骨，雞腎，貢丸，墨魚丸，鱼丸呢d 又點少得？仲有粟米，青椒，茄子，車厘茄，麵包等等。。。基本野廚師腸，芝士腸，龍蝦丸，紅腸，漢堡，呢d都大把您揀！重點係汽水果汁飲品任飲！唔駛再花錢買野飲！如果想食豪d ,可以預早打嚟book海鮮餐，龍蝦，鮑魚呢d都有得食，好似仲有乳豬book ! 睇住個咁靚既景嚟燒烤已經好開心，呢度仲要唔限時，隔離檯話中午已經喺度開始燒烤，玩到夜晚，可想而知係幾咁抵食，一個價錢食足成日！

西貢多數都係食下tea, 行下大街，玩下狗仔，chill返下。 估唔到而家西貢都有得燒烤！收費都算正常，最貴既時段都係218, 最平只係$188咋(可以睇返下面張圖) 要講到大型任食燒烤場一定係美孚莫屬，相比之下，呢度環境舒服好多，每一台之間都有好闊嘅空間，出入方便啲，亦都比較通風(美孚真係好焗下)。燒烤場有兩個大嘅雪櫃放肉類，蔬菜類就有一個高身雪櫃放，種類都唔少既。另外一個優點，就係呢度嘅飲品係可以免費添既。好多任食燒烤場只係提供一支飲品，要再加就要畀錢。大家都知道燒烤一定要飲多啲嘢，呢度就可以任飲，唔使額外嘅收費，爽！！除咗自助燒烤食物，仲可以預定海鮮，有4人至12人不等既set。如果追求食物質素嘅，可以有呢個選擇，仲可以有職員幫手燒埋！每個燒烤爐嘅空間都好闊，加埋個綠草地，感覺非常舒服會場提供埋餐具燒烤叉等等，就咁帶個人黎就食得！如果一大班人嚟到，應該可以包一個場。會場有提供音響設備，開party啱曬！

話說肥妹仔星期日夜晚冇咩做，於是就決定同屋企人一齊揸車去西貢嗰度。沿路經過一間叫西貢海灣會燒烤會所， 呢度有得燒嘢食，咁肥妹仔真係好耐都冇燒過嘢食，同屋企人商量咗之後，就決定去呢一間燒烤會chill and bbq。先講個環境，個環境真係冇得輸。嗰陣時候就快日落，我哋被安排咗一個坐喺海邊嘅燒烤位置，吹著微微嘅海風，望住徐徐落下嘅太陽，真係超級浪漫同舒服。一日到去有一個屋仔放滿曬冰箱，冰箱入面有好多嘢食，完全係任燒任食。包括有雞中翼，西冷，豬頸肉，雞扒，魷魚，金沙骨，雞腎，秋刀魚，多春魚，唔同嘅丸，廚師腸， 漢堡，粟米 ，真係你想食乜都有得選擇， 而且望落去個質素都好好，好新鮮。我哋第一round就拎咗蒜蓉牛油麵包，黑椒西冷扒 ，蒜香雞翼，秋刀魚，金沙骨同埋芝士腸。佢嘅味真係醃得唔錯，西冷扒唔會好韌，黑椒味好重，而金沙骨就醃到剛剛好，肉質鮮嫩，雞翼都係水準之上，多士燒到脆卜卜，超級香口。第二round都係雞翼，但係我哋就叫埋試埋魷魚同多春魚，同埋啲魚蛋墨魚丸 。雖然係大路貨色，但勝在夠新鮮，個魷魚好好食。第三啦我哋就 燒咗一啲雞腎，魷魚，金沙骨，秋刀魚同雞翼。大家真係見到我哋燒到勁有心機

肥雞之前嚟過西貢海灣會嘅泰式餐廳食過兩次飯，見到原來呢度仲有得燒烤，咁肥仔今次就選擇同屋企人再嚟燒一次烤， 去到呢一度肥雞仔覺得佢完全係除咗食嘢之外，仲係食過境，估唔到香港地仲有一個玻璃屋整得咁靚，咁浪漫咁樣畀人喺所謂嘅戶外燒烤， 佢好貼心咁樣有呢一個嘅噴水氣機嘅風扇， 當夏天熱辣辣嘅時候一邊享受一啲水氣曬面上，降輸一樓咁佢啲食物都係大路嘢 ，值得一讚呢就係佢啲雞翼醃得幾好味，佢嘅金沙骨又係唔錯，仲有一樣嘢值得讚呢，就係飲品任飲，除咗普通醃肉類之外，仲有麵包同埋水果畀你食

星期六日🌈嘅西貢有很多人入去🚶‍♂️🚶‍♀️，所以雖然西貢屬於郊區🌱都已經不再寧靜💥，反而這家BBQ店不在西貢市中心點，卻比市中心寧靜💤，再加上這裏能夠遠眺無敵海景🌊。確實是心曠神怡😍。BBQ店有這個獨特的玻璃屋❗，玻璃屋原來可以打開，海風吹入嚟👈，所以燒嘢食都唔會好辛苦❤，我哋燒燒下突然間下雨☔💧，我哋又可以將玻璃屋關上，所以就唔驚畀雨淋濕❗ ，顯得這個玻璃屋有外表又有實際👈。食物方面，一個價錢包了現場很多種類食物🍴同飲品🥤，好似豬扒🐷、牛扒 🐄、雞翼 🐓、金沙骨🔴、 粟米🌽、麵包🍞 、仲有秋刀魚🐟 、丸類🍢等等 ，飲品就有百事🥤、七喜🥤、蘋果汁🍎同清水等。食物質素唔錯，我個人就鍾意豬扒同雞全翼😍，醃得入味❗，另外亦鍾意咖哩魷魚🦑同麵包🍞，仲有呢度有好多調味料，可以按個人喜好加甜🍬加辣🔥都仲得。有即日新鮮介紹，仲可以有服務員👩‍🔬👨‍🔬幫手燒埋夠晒乾手淨腳，服務員話想食海鮮可以預早打俾佢哋訂會好啲。👈之前去過其他燒烤場💥啲炭容易整到周圍黑麻麻👈，所以環境較污糟，而呢度環境衛生乾淨👍，仲要就近個洗手間🗯方便洗手，所以俾我唔錯印象。🧡❤我哋星期六去就收218，小童半價👯‍♂️，可以下晝三點一路

Happy Sunday!!今日約左一班朋友入西貢BBQ去左近期大熱既Beach BBQ King享受起玻璃屋既環境歎一個下午假日每位218 任食任飲不限時 其實都幾抵去到時間尚早 我地係第一枱入座獨霸成個場環境好光猛開揚 而且好乾淨寬敞 地面鋪左假草 好有假日既感覺 感覺都幾用心佈置我地選擇坐起海邊既位每枱都有自己既燒烤爐同埋長枱Staff先幫我地起爐 大約等個火15分鐘就可以開始燒望出去會見到成個沙灘 一望無際 真係好正攞野食既位置 有3個櫃裝住各種肉類丸類同埋蔬菜 叫得出 想食既 都應有盡有仲有汽水機 夏日炎炎最好飲返杯凍汽水多款自助醬料 夠哂貼心攞完就可以開始燒我地加左個燒烤網 方便燒當中我地幾欣賞魷魚 夠哂爽脆彈牙咖喱同蒜蓉雞翼都好好食 好入味脆皮腸既芝士仲會爆出黎 好正呢個場仲可以搞wedding 都幾得意而且每人加百幾蚊仲有海鮮食值得一提既係廁所都好乾淨 啱哂怕污槽又好想去bbq既女士們！

今日週日去西貢BBQ, 天氣不似預期-落雨, 不過唔打擾我哋興致。去到原來停車要$20/1個鐘有小小貴, 因為其他場既唔需要停車費用。不過西貢Beach BBQ King 環境好又喺沙灘隔離, 而且個場又大又廣闊又有得唱K又有兒童設施比小朋友玩, 如果唔落雨環境真係一流！食物亦唔差, 全部喺雪櫃入面又乾淨衛生, 又有免費汽水同果汁, 唔飲汽水果汁又可以買其他嘢飲有枝裝茶,啤酒等, 又有醬料蜜糖牛油可以攞, 因為嗰日有一大團差唔多400人BBQ, 所以坐唔到玻璃屋唯有坐喺室外。雖然有落雨但好彩唔算太大, 所以都唔大掃興, 而且食物同環境真係唔錯, 星期六日係$218, 星期一至四係$188, 星期五係$198, 而且佢哋有海鮮餐又有乳豬只需三日前預訂, 仲有專人幫你燒價錢又唔貴, 每人只加少少錢就有海鮮食, 又對住過海,天氣好嘅話真係超級寫意。 總括嚟講價錢唔算太貴環境又好性價比高。如果有人結婚行禮可以係玻璃屋到舉行添, 又可以打咭。 如果下次嚟西貢燒嘢食一定會再來。

適逢星期日，我就同兩個朋友BBQ加影下相。呢個BBQ場真係好值得推介，環境好靚，地面鋪滿哂草皮，好有feel，問返原來個場可以用做婚禮場地，唔怪得咁靚。而旁邊就係一個無敵大海景，水天一色，一落去就係沙灘，想游水都得。 而且呢到既服務都非常好，服務員好有禮貎好親切，亦會幫手起爐同講解。 BBQ食物就當然係主角，呢到既食物都好齊全，丸類肉類都有好多款同唔同口味，而且都幾高質，亦有蔬菜，海鮮都有得另外訂。最正係有飲品任飲，除左一般汽水之外，仲有果汁任飲，係燒烤必備。以下係幾樣特別推介既食物。 墨魚丸肉質好爽好彈牙，入面仲有粒粒墨魚肉，以燒烤任食黎講絕對係極高質，可以燒多幾粒。 而豬頸肉係厚切，一大塊，但燒完都依然好爽好嫰，好似食緊爽口既扒咁，加上調左味，就咁燒已經好好食，好正。 雞扒好嫰口，而且雞肉味好濃郁，係幾高質既雞扒。黑椒味唔算好濃，如果想食濃味D既可以自己加牛油或者蜜糖，自己調味特別好食。 雞翼有好多唔同味道，每款都唔錯，而且仲有雞中翼同雞全翼。不同雞全翼相對黎講難燒，對自己廚藝冇信心既朋友就真係要小心D燒。

今早還是天睛，誰知下午落著毛毛細雨。約了友人去西貢燒野食，點選好呢！既然預早計劃好的，那就不改期了，反正有帳篷可免淋雨。西貢碼頭去燒烤場只是沿著海邊，五分鐘左右路程，非常便利。燒烤場環境清幽，可望海景，乾淨和寬落。有一間玻璃屋可容納多人，還有周邊的烤爐全部有帳篷可蓋，真係落雨或太陽太猛烈的時候都不用怕。至於BBQ食物方面，擺放整齊，衞生。醃製的食物非常入味，有誠意。款式多，有多款雞中翼，雞全翼，西冷，豬頸肉，雞扒，魷魚，金沙骨，雞腎，秋刀魚，多春鱼，貢丸，墨魚丸，鱼丸，廚師腸，芝士腸，龍蝦丸，紅腸，漢堡，粟米，青椒，茄子，車厘茄，麵包，蕃薯等等...還有任飲汽水。如喜歡食海鮮的話可追加，還有專人代燒。價錢方面一點也不貴，性價比高。有專人開爐，時間又不限，環境寫意，係一大班人的好去處。

在當日到達前4日已訂枱，但去到又話訂在都要先到先得，咁都無所謂，等到有位時，入在去先揀在張枱，之後出去叫在我出去俾完錢，俾完錢再入去，有個職員企係到話幫人霸在，所以咩叫先到先得?我先訂位，先揀枱，重要我地d人先入返去張枱到，咁叫先到先得?點做生意，重點我要讓俾佢地?憑乜嘢? 諗住個環境幾靚先嚟試下， 試得好諗住同多啲朋友再嚟試 ，但咁樣嘅服務態度同質素，以後都唔會到，俾錢請我都唔會到

今日同屋企人入左西貢行下海傍，行行下見到有得BBQ，見個view幾靚又唔係好貴就入左去試下。值得一提係佢不限時任食，性價比好高！成個燒烤場都幾大，可以揀坐露天或者有蓋玻璃屋。玻璃屋可以搞埋婚禮，對出仲有個兒童設施俾小朋友玩添。我就揀左坐玻璃屋望住個海黎燒野食，都咪話唔寫意😆！食物款式都算幾多，有各種肉類、魚、蔬菜、丸、腸同埋蕃薯，食材同飲品都全日無限refill，仲有好多醬料俾你揀添！依個燒烤場有得燒埋海鮮，不過海鮮餐需要加錢3日前預訂，加錢仲會有人燒埋俾你食。總括而言，環境都幾乾淨同寬落，坐得幾舒服，仲可以望住個海景。BBQ食物唔錯，性價比高值得一試。

Parking - $10/Hour on weekends.  Luckily I went on a weekday and no need to pay or i would have gone elsewhere.Price - $18x/person.  A bit more expensive than other comparable places but I don't remember if they charge an open stove fee.  I don't think they did.   But in all fairness, unlimited drinks and unlimited charcoal make up the differences. Food - frankly, not very attractive.  Very average.  Especially the beef steak.  Obviously marinated with baking soda.  Other food, nothing to brag a

香港近海邊沙灘的戶外燒烤場，屈指可算。而西貢這個燒烤場環境是一級棒，望出海邊還有不少人在練習龍舟競賽、獨木舟，非常寫意。至少十年前有來過這邊的燒烤場，但當時感覺只有混亂和骯髒，是重新裝修過嗎？ 下午一點左右到達，已經人山人海，門面大概是位經理更提醒我們，若然有任何天氣變化，打風落雨也不能換位置，位由於我們一行大人小朋友，一行接近20人需要兩張檯，為保險計，只好加 $400 可以在玻璃屋內燒烤。每人入場時都會蓋豬印，方便出出入入，不用拎 Pass證明什麼的 ，皆因你可以用一個價錢坐足12個小時，也沒有人趕你走！【食物種類】 快熟類：廚師腸、芝士腸、魚蛋、墨魚丸、牛丸、龍蝦丸、貢丸、獅子狗、紅腸肉類：秋刀魚、多春魚、牛扒、豬扒、豬柳漢堡、叉燒、各款不同調味的雞中翼及全翼等 蔬果類：青椒、番茄仔、茄子、粟米、罐頭菠蘿粒、番薯 麵包類：法包、厚切麵包 (提供蒜蓉牛油及普通牛油)飲品料：汽水機【醬料】芥末醬、豉油、茄汁、辣椒油 【餐具】筷子、匙斤、刀、叉、牙籤＊每人3雙碟、1隻杯，兩張檯一共有3個蜜糖兜及4盒紙巾＊ ＊可攜帶外來食物，沒有明文規定，但周圍都帶了薯片、麵包、飲料、多款BBQ食物，也