爆丼屋 (Moved) New Location

今次已經係小弟第二次黎食喇～可能因為疫情既關係，今次黎到都唔使等位。呢個三文魚火山丼有三文魚、三文魚子、芥末八爪魚、吞拿魚蓉。呢個丼價錢唔貴而且仲有咁多款材料，小弟見到店內唔少客人都係食呢個。三文魚大大粒，反而小弟覺得加左芥末八爪魚有d奇怪三文魚子份量都好多由於d材料多到跌咁滯，小弟都要將面層既搬去碟上面先可以食到d飯。可惜食到一半多d覺得好溜，無辦法可以食得哂

幾年前食過，但今日再來真係好失望！唔知係咪因為受疫情影響,今日叫左個三色海膽飯,明太子燒和燒牛舌。個三色海膽兒家佢地會用火槍燒一燒先上比你，我一睇就知有唔妥，因為以前係就咁新鮮放上去, 而家燒到一pat 咁都分唔到三種不同海膽。 btw 呢個都唔緊， 如果好食的話。 佢地只係利用火槍來掩蓋海膽不新鮮嘅問題。 海膽食落仲有少少苦， 真係畀錢買難受。 其他小食都係水平之下,尤其是碟燒牛舌只係得啲黑椒味, 都係嗰句食材唔夠新鮮！

平時成日排長龍既爆丼屋，今日經過竟然唔洗等位，立即入去試下，試過就知道真係值得再食👍👍👍.餐牌有唔少既選擇，睇到樣樣都想食😋😋非常足料既miso soup😋北海豪勢丼呢個飯個人認為好抵食，仲有我最中意既左口魚，燒得恰到好處，魚油好香。帶子十分鮮甜。大蝦都有好多蝦膏，但有少少沙。魚籽份量好多好滿足。三色海膽丼海膽好鮮甜，啖啖海膽撈飯，食食下先知原來有隻蛋係中間😂牛舌串燒價錢好抵，燒到條邊好脆，外脆內軟😋

兩個人去旺角睇戲， 夜晚9點幾好多餐廳都last order. 所以去左呢間到食。星期六晚 要等2張票都算合理既。入到去坐bar 台就唔太舒服 因為我個子比較矮。叫左兩個飯， 一個係火焰禮，另一個係三文魚火山。包每人一碗麵豉湯。 湯味濃，唔會死咸。火焰盛輕輕火燒過， 魚生都保持到鮮味。而魚生飯個拖羅蓉好好味， 魚籽新鮮，其他魚生不過不失啦。成個碗約碗半份量，女仔夠食，男仔就唔夠飽了其間服務員都有keep住加水， 服務不錯。

武漢肺炎期間，所有食肆座位都要有1.5米間距，這間爆丼屋本來已經常滿，所以少了很多人出街也要等位... 星期三晚上也等了好一陣子。兩個人點了兩個丼三文魚火山盛丼$13850%是三文魚混著細細粒八爪魚和像西芹的東西，上層還有50% 豪不吝嗇的吞拿魚腩蓉。 份量多，要搬開1/3 魚生才可食到飯。味道方便，略嫌吞拿魚腩蓉不夠新鮮。但這價錢，已算不錯！六重相樸盛$198三文魚子 左口魚裙邊 海膽 等等最吸睛是滿瀉的三文魚子，最好味是火炙過的左口魚裙邊，一碗對我來說都太大了。如果下次也是兩個人去的話，我會選擇一個魚生飯+幾款小食share

店鋪不大，所以成日要排長龍，但為咗依個丼，值得 全四重火山盛井 由新鮮松葉蟹肉丶三文魚籽丶加拿大海膽丶拖羅蓉組成的火山盛宴’小山一樣高的拖羅蓉中還混合了赤身丶甜蝦丶劍魚腩丶帆立貝，紋甲魷魚和柚子絲，滿滿一口鮮味十足yummy

之前去左食呢間爆丼屋，聽聞以前要排隊🤔今次經過見有位就決定食下入到去就係好多行長枱，2個人就對面坐咁，坐落就真係麻麻地😣個丼如圖，視覺滿分嘅，不過就只係金玉其外👉👈 拆返開黎睇上面有3塊炙燒三文魚，蟹柳，左口魚裙邊同帆立貝🤪炙燒後嘅左口魚有逼到啲油份出黎，但就真係唔香 而帆立貝尚算彈牙但無乜味 😳飯嘅份量足 咬落口感幾實下 最後啲餸唔夠 勝在有蛋撈下個飯整體上無論飯定餸都質素一般 普普通通la 配合返呢個價位 覺得overrated 😪真係唔會打算翻兜

見依家餐廳成日都有好評，又咁多人排隊。襯六點幾，冇乜人，同朋友就入咗去試一試揭一揭餐牌，唔少魚生飯都係$150以上。 友人叫左火焰盛丼。中間有隻生蛋黃，已經係最吸引嘅部份有帶子、蟹柳、三文魚等等。全部都有燒過嘅，但係每塊都燒得唔均勻，感覺上就好似隨手隨心燒一樣。上面亦都冇特別嘅醬料，燒完都無黎聞味。壽司飯係暖暖嘅，但係又冇醋味，又冇甜味，食落去根本都唔似食緊壽司飯咁食幾啖就滯餐配麵豉湯然後個麵豉湯其實係角汁煮，好鹹我就叫左三文魚火山盛丼，有三文魚粒、芥末八爪魚、蔥碎吞拿魚茸、三文魚子等等。雖然好足料，但啲吞拿魚茸根本冇味，連蔥味都冇乜三文魚子就夠鹹啦，不過一啲鮮味都冇三文魚無魚味。成碗根本就冇乜味⋯唔通真係要Wasabi送飯⋯完全唔明點解依間野會咁多人排隊，不過咁既價錢有咁多料，都係幾抵嘅。或者當我好肚餓、無乜野想食嘅時候會再嚟食掛

聽聞呢間丼飯好足料好大碗，不過成日經過都好多人，難得今次經過唔係好多人排隊，等左一陣就有得入座。餐廳入面既空間唔算好大，枱同枱之間既距離有少少近。餐牌入面既款式唔算好多，不過款款都非常吸引好想食。點完餐之後就會送上味噌湯，睇落平平無奇既湯原來内有乾坤，湯入面好足料，有魚有肉非常鮮甜，令我更加期待黎緊既菜式。見店員送丼飯既時候都會配上兩包紫菜，都係獨立包裝，可以自由配搭食法。北海豐盛丼 ($198)鋪滿海膽、三文魚籽、帆立貝、赤蝦、火炙左口魚裙邊。見到兩隻好似碗咁長既赤蝦已經食指大動，非常綿滑既蝦身，充滿鮮味。一粒粒晶瑩剔透既三文魚籽咬落非常多汁，配搭白飯一同送入口腔產生非常奥妙既感覺。帆立貝同左口魚裙邊都好嫩滑。海膽既份量唔算好多，不過以種類黎講都好優勝。火焰盛丼 ($155)三文魚、帆立貝、左口魚裙邊同松葉蟹棒都火炙過，仲有一隻蛋點綴。睇落個碗唔算好大，但非常足料堆到好高，要小心將魚生搬開先見到飯。三文魚又厚身又大片，望住都好滿足，咬落啖啖肉。超大粒帆立貝輕輕炙過，又新鮮又爽身。一片片白色條紋既左口魚裙邊非常誘人，質感又嫩又滑。松葉蟹棒本身已經鮮甜至極，再配上醬料，帶出不一樣既濃厚味

其實我宜家已經甚少出去食🙈平日星期一至五都係食煮家飯多🙈係因為今日放工之後諗住同朋友買啲野行下街先決定出一出旺角食飯行過見到爆丼屋哇! 個人龍同記憶中差好遠!明明之前真係好多多多人排隊所以每次經過都唔會想排寧願唔食但今日少有地無! 乜! 人! 結果係我朋友誘惑之下就入咗去🤣🙈🍣點知!😳😳💙原來多人排隊真係有原因!你問我 我會話價錢偏貴但質素真係都幾好😳💙!(雖然比得呢個價我預期係會有呢個質素🤣🤣🤣🙈🙈🙈!)－💜北海豪盛丼 $198(+10%):就係圖一個碗😍! 超級豐富😍! 有三文魚子，炙燒左口魚，帶子，海膽同埋蝦💜。刺身質素不錯，三文魚子閃閃發光晶瑩剔透，帶子鮮甜爽滑，海膽口感細膩入口即融，然後蝦同左口魚就無咁驚豔，不過質素都好ok😝💜! 碗飯唔大，但呢度既飯每粒飯粒都好飽滿，所以食完絕對飽👍🤣雖然198蚊係真係幾貴，但食到呢個質素我覺得好滿意😝💜！－❤火焰盛丼 午市特價$98/原價$155(+10%):圖三個碗就係~😝❤呢碗我覺得個性價比更加高！佢有四種料，三文魚，左口魚，帶子同松皇蟹棒。先講講個外觀，一上枱陣火炙燒香味超撲鼻😝！同埋中間個流心蛋黃造型配搭勁似火山🤣🤣！一唔小心我就

星期一 日常 , 去接豬豬收工 , 之後落旺角豬豬話想食爆丼屋 , 平時經過都見到門口都大排長龍 , 因疫情期間 , 人流感小 , 21:00去到 , 唔洗等位直入被安排坐高台 , 地方還可以 , 算清潔我地2個人 點左鰻魚丼 , 火炙魚生丼 , 三文魚腩刺身鰻魚丼- 鰻魚份量多 , 差不多成條鰻魚 , 鋪滿飯面- 鰻魚味道屬正常 , 配上日式鰻魚汁 , 但汁小 , 唔夠撈飯- 這條鰻魚算特別 , 肉厚且實 , 唔肥 , 唔會有入口即溶既感覺火炙魚生丼- 刺身面輕輕用火槍燒過 , 變成半生熟 - 材料新鮮 三文魚腩刺身- 外觀肥美 , 厚切- 但入口欠魚油既香 , 偏淡埋單連加一 , $408

之前經過旺角爆丼屋外 經常一大群人係店外排隊，今次經過 無人排隊所以就入左去試下。我地叫左三款；- 玉子明太子燒，明太子醬配上多蔥令燒玉子食落口更加香口。- 火焰盛丼，份量都很多，有燒帆立貝 三文魚 蟹棒 左口魚 十分豐富 ，不過全都係燒 食到一半覺得有些乾。- （小)爆盛慢燒牛肉丼 ，小碗牛肉分量都多，牛肉都是六七成熟，配上汁撈飯的確實不錯。想多提餐廳侍應很好，我和朋友很早食飽了，我們坐在傾計，侍應都很貼心不斷斟水給我們，最後我們坐了大概2個鐘離開。

見平時咁多人等～最近咖食評都吾差，諗住吾好食都應該吾會太難食....除左大份。。。。好飽肚🤔️真係冇麥特別。..個飯係暖ga 但冇麥醋味🤨食左半個已經飯氣攻心，同埋飯偏硬，吾似係一般日式咖壽司飯。..吞拿魚解凍時間吾夠，食落重冰冰地😓放下放下 重會見到有紅色咖水 好吾開謂。.唯一三文魚冇麥野，不過個三文魚蓉冇麥味=_=！！..所以除左份量好足 好飽 ！又可能果日好肚餓 咁就好低食，吾係應該冇下次lu .二個人埋單都四佰幾，講真依個價，又好選擇。唯一一樣野好係落單姐姐好nice

🔥火焰盛丼($155):前排見好多人post，講佢好大碗。 飯係好多，但魚生既數目都唔算好多。依款盛丼有既魚生係帆立貝、三文魚、蟹棒、生蛋黃同左口魚裙邊。唔知由幾時開始，我習慣食魚生唔加豉油，欣賞魚生既鮮味。帆立貝鮮甜爽口彈牙，可惜不夠肥美；三文魚不鮮甜、口感欠奉，可能係用火燒完失去咗三文魚既油脂味；蟹棒普通，冇特別；左口鮮裙邊食落過分爽口，少咗肉質柔軟感覺。油分豐富有嚼勁，但不鮮甜。整體來講，性價比唔高，勝在一個丼入面有幾款魚生可以食，而且多飯可以食到飽。然而，論魚生既新鮮度，個人覺得中中間間。溫馨提示，飯低有豉油，覺得唔夠咸可以將刺生夾起放係碟到，再撈勻飯底既豉油一齊食，避免落過多豉油☺️

Dinner time去食長期滿坐，等好耐位，入到去仲要同人搭枱。嗌左兩個丼，一黎到好驚訝，成座山咁高塊塊拖羅都好大片，啖啖肉 好正！呢到有3款海膽，味道各有特色，又新鮮