Bigger Burger Cafe (Closed)

朋友話想食漢堡，帶左佢黎Bigger burger，之前食過唔錯呀。八點左右來到，餐廳半滿座，但卡位全滿，坐了旁邊的方枱，位置也挺濶落。枱上有餐牌，簡單調味料等。牛油果醬炭燒雞扒漢堡（$88）朋友點了雞扒漢堡，大大個還附上不少薯條同沙律菜。黎個近照先，雞扒厚身，煎得皮脆肉滑，下層有菜苗，蕃茄，生菜等，加上半瀜芝士同牛油果醬，脆嫩多汁又香口，好食！經典安格斯牛肉漢堡（$78）自己點了牛肉漢堡，同樣大大個勁厚呀！漢堡肉牛味十足又juicy，大大塊肉好滿足呀！蔬菜同上，但醬汁換成了微辣的千島醬（?），酸酸辣辣十分惹味，而且勁多醬好正。麵包厚厚的但好鬆軟，塗滿了牛油好好味，整體黎講好滿意喲。酸忌廉煙肉薯條（＋$25）Upgrade了薯條，變成大大盤好抵呀，薯條即炸勁香口，粗薯條特別好味，加上個人好喜歡酸忌廉，配埋焦香的煙肉碎無得輸。凍檸茶要了走甜的，茶濃檸香夠冰凍。熱咖啡朋友的熱啡也是夠哂熱，又香濃，正。小店免加一，抵食！

黎開佐敦諗唔到有咩食，行行下見到白居士街有間食西餐嘅。門口顯示嘅餐牌有超值套餐，唔使一百蚊，包蒜蓉包、餐湯、主菜同埋飲品，性價比高，於是決定幫襯。餐廳氣氛好好，播住背景音樂，係樂隊嘅歌曲。牆上掛住以黑膠唱片為主題嘅佈置，配合燈光，裝修都幾有格調，好有西式風情，見到唔少外國人幫襯。我同朋友兩個人一人叫咗一個套餐。我點咗西冷牛扒配薯仔，同埋田園沙律。西冷牛扒揀咗七成熟，但係上菜發現應該唔止七成，所以有啲煙韌。但係牛肉嘅味道香口，仲有一層肉汁。份量好大，有好多薯仔。田園沙律都幾新鮮。朋友就點咗香酒龍脷柳伴檸檬牛油汁，再配薯蓉，份量比牛扒細一啲，不過食薯蓉都幾飽肚。賣相就唔算好吸引，龍脷柳有啲單薄，不過味道有啲酒味幾特別。個湯係蘑菇湯，幾香口，不過唔算好大碗，好彩仲有嘢飲。點咗橙汁。不個橙汁太多冰，放一陣就已經沖淡咗橙汁嘅味道。整體嚟講，餐廳嘅性價比高，環境都幾好，有機會會再嚟。

收工攰乃乃又肚餓，梗係即刻搵嘢食，行經呢間餐廳，望入去感覺好優悠，牆邊掛滿佈置， 好有一種令人放鬆的感覺， 九秒九唔使諗即刻入咗去坐低。侍應態度良好，已經行埋嚟問我需唔需要一杯冰水，之後我打開餐牌 佢亦在旁介紹皇牌美食，而我二話不說即刻點了一份水牛城雞翼同埋龍蝦意大利飯，最後見到蟹肉焗啡菇都好吸引所以都點選埋， 上餸速度正常。先嚟一個餐湯 薯仔菜湯味道獨特 配蒜蓉包， 不過不失，跟住食到差唔多，侍應好細心咁問我是否可以上第二度 菜。之後出場係水牛城辣雞翼，味道濃中帶點辣，炸嘅程度啱啱好，唔會太乾身，六隻好快就咁畀我食曬。之後就到龍蝦意大利飯，龍蝦啖啖肉， 啲飯亦都有好濃嘅龍蝦汁味，在口中 有一種意猶未盡的感覺。雖然食完呢三味餸已經捧著肚，但蟹肉焗啡菇 一上枱 ，已經問到好香 烤菇味，蟹肉入口即溶 再加上 濃濃的芝士 簡直食到停唔到口。絕對值得安歌！下次決定同朋友一齊食，再叫多d款色。

Bigger burger漢堡套餐，有B1至B12款，餐包括一杯熱飲，小許黑醋沙律，原味細薯條。最平，$78，算幾扺，麥當當都要4-5拾啦。最後，我揀咗B4，黑松露煎蛋安格斯漢堡，$98。煎蛋，漢堡的第二層，溏心蛋，蛋黃會流出蛋汁，蛋熟度數剛剛好，不太生也不太熟，蛋邊煎得脆香，幾好味。安格斯漢堡，漢堡的第三層，安格斯牛肉，厚度都幾厚，約有15mm，有肉汁之餘仲帶有嚼勁，牛味香濃又嫩滑。薯條，乾身脆囗，不會油泅泅。黑醋沙律，黑醋帶點酸甜，蔬菜新鮮。另加，大烤菇一件，$15，漢堡的第一層，烤菇鬆軟爽脆，充滿香菇汁。熱飲，即磨咖啡，咖啡味香濃，加少許淡奶，調配濃度，更易入口。總推介指數：8.5/10

佐敦有間出名嘅排長龍既澳牛就係人都知啦。。但係對面其實有間小店覺得價錢合理💰同質量🥗都好好。。Bigger Burger 🍔 星期六想食下午茶四圍都好多人。。當時已經係四點可能呢間鋪已經少啲客人了。。輕易就有位😬。。我們簡單叫咗兩個餐。。估唔到上枱質素都好好喎👍👍 粗粗炸薯條魚柳配他他醬。。仲有啲沙律菜配黑醋。。朋友就叫咗烤大啡菇🍄配沙律菜黑醋sauce 🥗。。4x元連飲品。。ok la。。。Ps 。。。原來我哋嘅烤大啡菇沙律菜餐。。應該有餐湯但係職員就冇俾我哋。。下次真係要留意吓

佐敦出沒亂入，叫牛油果雞卷配薯條，貪佢係輕食。首先黎左個南瓜煙肉湯，調味剛剛好，南瓜味香 但對雞卷就有少少失望。雞卷裏面既牛油果已經溶晒，完全食唔到，好彩仲有拉絲芝士，所以個餡算幾好食，但皮就硬左D，似係冰鮮現成皮烘熱。另外有兜鮮茄辣汁醬，我估係有誠意自家製，可惜味道一般。薯條ok，正常脆熱。沙津伴菜普通，無特別fresh，黑醋又無咩味🤷🏻‍♀️ 但價格相宜，係咪唔應該要求咁高？ 抑或香港地餐廳營利都係交租？基本上食環境多過計食物質素。環境有特色，可以比中意打卡既人士扮chill 😂

真係好嬲 今日下午545去到餐廳點菜 野食過左60分鐘都未黎到！呢個鐘數餐廳根本唔多人 亦唔係繁忙時間 等待時間實在太耐 杯凍檸茶既冰都溶哂了 ！ 好嬲！淨係飲左個好杰既’羅宋湯’ 超難飲好似食緊番茄醬 ！雖然話係即叫即做但我唔相信一間餐廳要個客人等一個鐘頭！我見隔離枱嘅客人遲過我半個鐘到達 都已經接近食完但我嘅飯都仲未黎 真係十分過份！我能夠打咁大篇野都係因為我仲喺度等緊啲嘢食！ 環境又唔係坐得舒服 環境又唔係坐得舒服 個位好窄 今次第二次幫趁 我一定唔會第三次！blacklisted!!!

Bigger burger 第三次來到這間特色餐廳，依舊爆場並有點吵，不過如常坐下點餐。其實餐廳爆場時人手不足，今天也是等了好一會才有服務員為我們送水及點餐。英式手工威靈頓牛柳威靈頓牛柳是英國歷史名菜，看到menu有此菜式便一試，主要以牛的腰部作牛柳，烹調至6成熟，切開沒有像圖中色澤粉紅鮮嫩，反而是「淋啤啤」啡色並湧出一陣腥味，立即反胃，根本不能入囗，於是找經理了解，他說這是正常😶⋯⋯當然我們決定不食也不會再來，後來一位女待應對我們說可以換其他食物，我們也換上火辣水牛雞翼，一入口卻非常咸需要用水清洗.....曾經推薦給別的朋友，經過今次不會再來了

Body check完勁爆肚餓求其搵食，朋友想食burger就走入哩間bigger burger環境氣氛不錯，牆上壁畫和擺設都走外國風，食環境是可以的。我叫了墨西哥辣雞肉卷，味道可以，但食落不是墨西哥辣肉卷🤦🏻‍♀️😅沒有應有的辣，雞肉極少，食幾啖已經食完，得番沙律同薯條🤣反而朋友叫的burger都尚算不錯！牛肉有厚度、是醬較少，食落有點乾。座位比較迫，和人搭台，食得不算太舒服，坐卡位是ok的。

諗住喺openrice 訂枱，點知話30日內都已經 full book，但我今日 walk in 去，即刻有枱，點解呢？不過都有九成滿，所以都入去試吓。見到餐牌嘅食物相好吸引，但我通常都唔會叫哂用一類食品，所以先叫咗一份“藍芝士煙肉漢堡包”，上菜見到賣相已經流口水，味道都滿意，好有肉汁，芝士濃，招牌食品真係正。然後叫咗一份“芝士火腿焗加拿大豬肉眼扒配飯”，賣相好似連鎖快餐店出品，豬扒又鞋又硬，食完覺得頂住頂住，真係大XX嘅x哥豬扒飯好食一百倍。結論:漢堡包係好味道，其他嘢就唔好試啦。

除左平時去連鎖快餐店，burger有新介紹。之前係觀塘lunch食過大大份嘅burger，不過lunch唔平。今次誤打誤撞入到呢間，lunch價dinner嘅享受。真心講真係平，有安格斯牛肉漢堡，係100元內。除左burger，都有意粉類可以叫嘅。經典安格斯牛肉Burger好好味，漢堡夠juicy，包有小小脆，薯條係厚切，新鮮炸，唔係翻炸。叫咗芝士焗蟹肉烤菇，再額外加15元叫個烤菇，飛水飛得好，呢種整法好好味，濃濃嘅芝士，蟹肉同菇都match到。龍蝦忌廉湯夠濃，有湯料，唔似罐頭湯。兩個人都係食咗每人100元，平靚正！

兩個人叫咗兩份西冷牛扒，先上羅宋湯完全飲唔到應有嘅酸甜味，換嚟嘅只有怪味加難飲，我飲咗兩淡就停口，再嚟份扒我都唔知點形容好，仲差過大X樂，叫七成得五成熟，都唔好講牛味，直情難入口，可能叫burger 會好啲掛，最後收碟竟然問我個朋友做乜食剩咁多？我直頭答佢問吓個廚師啦...另外唔知佢係咪老闆娘啦，一啲服務質素都冇，又冇禮貌，完全唔憂做咁，最搞笑人哋塊扒食完先上紅酒，真係服咗佢...呢間嘢一定冇下次！

星期日經過佐敦，看到門口的漢堡ok, 人不多，價錢合理。叫了一個blue cheese burger, 等了大約15分鐘。牛肉有點乾，但味道可以。包也很好👌🏻，薯條也很好吃。他們的menu 其實可以選擇的burger 也很多，價錢ok最失敗的是有一個女服務員，她應該負責招呼客人，可惜，每一個客人一直揮手，她都是沉醉於玩手機。要其他負責送餐和埋單的同事經過才可以有人回應。我不能抹殺其他的服務人員，他們很積極。老闆應該把不喜歡招呼客人的侍應放在後勤吧。

今晚我哋去佐敦搵食，原本諗住去食pizza， 但見到佢樓下呢間餐廳個格局都好吸引所以就入咗去試吓。睇返餐牌嘅超值晚餐都係六十幾至一百元一個餐，仲有餐湯同餐飲，好抵食下。首先係南瓜蓉湯，都好 creamy. 仲有一片蒜蓉包，好香脆墨西哥辣肉卷配薯條及番茄沙沙$68辣肉卷同番茄沙沙味道OK，但個皮唔夠香，薯條都good，份量不少，$68 超抵香煎刺身帶子綠茶忌廉汁意大利粉 $88成碟得一粒帶子， 幾個人真係唔知點樣share...... 綠茶味意大利粉，好濃日本綠茶味，唔係個個接受到，少伏香煎澳洲牧場西冷牛扒配香草新薯及田園沙律$98牛扒好味同埋唔韌，肉質同汁都 good, 薯仔煮得太淋了, 總括嚟講＄98連 set 真心係抵食，推介藍芝士煙肉安格斯漢堡$88 加大啡菇 +$15漢堡呢幾乎每枱都有叫，餐廳叫 bigger burger,冇理由唔試吓佢D burger。佢份量都幾大，一個人唔一定食得曬。大啡菇正！cheese 同煙肉都好味，但係安格斯漢堡扒就有少少比下去了，冇乜牛肉味。但係我鍾意佢配埋啲菜都好健康。大虎蝦沙律配意大利黑醋醬 跟餐 +$48大虎蝦得一隻，朋友食咗話唔係好掂。其實

之前買左coupon，襯男友生日順便用左佢！我地一早Book定位，去到嘅時候都好多人啊！見到啲員工都好忙！個menu好多野揀，呢兩樣算系唔錯！雞翼黎講，好難唔好食嘅！但真係如圖，好多蕃茄醬，好酸！我都叫做中意食酸野，但都頂唔順！同埋系炸嘅關係，我覺得麻麻地！虎蝦墨魚汁意大利粉不錯！墨魚汁味唔夠重，但係好香！虎蝦嘅肉唔會好嚡！而意粉系真係好好食！好中意佢整到咁爽口！配埋啲香料一齊真係好正！核桃朱古力蛋糕嘅蛋糕太鬆！一叉落去即刻散曬！朱古力味夠重，但有點過甜。核桃味就唔夠味啦！餐廳幾有feel，啲人好早就Book曬啲位，冇想過咁受歡迎啊！