Bingo Juice Bar (Closed)

   間店SERVICE很好,LUNCH TIME都不會好多人,只做外賣生意~買完之後便可以回公司慢慢食,不用去大家樂排隊咁耐…買來就是價錢又貴的粉麵飯…… 雪耳栗子十穀粥$20之前都係聽過五穀,也未點聽過十穀….粥內的栗子切到非常之細粒….嗅不出很香的香氣,但的確係好大碗又非常足料,買果陣即時盛一大碗給我,其實碗粥食左一半都飽了~~好杰身的粥,有好多豆類,例如眉豆,綠豆,雲耳,燕麥~ +$5有半份3文治,生菜咸牛肉, 用健康的麥方包整的~~食落又唔會好DRY TIM!!

當日早上特地行去遠東果邊,於bingo juice bar買下 鮮奶蛋白麥皮 $10因為下午無得賣鮮奶蛋白麥皮,所以朝早去買喇~真的非常好味道呀!其實有1大碗售賣,但要$20,但我又覺得唔係咁抵吃,.所以都係買細細杯就好了~因為公司唔太多同事扲住大大份早餐黎食,所以都算係偷雞咁樣食,keke 呢款鮮奶蛋白麥皮的杯size如熱飲杯size,但我也很滿足了~蛋白+鮮奶+麥片的混合,非常易入口!!!!絕不會很「鞋」而抗拒吃麥片!!

其實呢個post主要定係介紹果汁店同買沙律既地方架 唔記得講添呢間曾經我都幾喜歡嫁 不過我就覺得佢地0的沙律貴左少少咁當然一分錢一分貨 佢0的沙律多d選擇而且係有肉有其他更多口味既沙律但係對我而言我比較喜歡只有生果既沙律啦=w=呢間野俾我都有幾深既回憶嫁係開學無耐 記得上電腦堂, 我好友V小姐會特登買呢度既早餐俾我食 ( 多謝啊=v= )個餐入面有杯麥皮啦(唔太甜 ok嫁~~記得食之前攪攪佢) 重有一個三文治~~~大概20蚊倒啦~~ 唔錯架而且呢度重有粥呀.. 除左沙律同果汁之外都有頗多既選擇總結而言; 沙律多元化, 服務不錯, 健康主義 , 價錢略貴as材料較高級 <比起生果沙律xd>不錯不錯

轉來金鐘工作已近半年，小妹最不習慣就是眾所周知的 - 搵食難。午飯時間人多不在話下，幾間連鎖式快餐店的外賣部的人龍總是神龍見首不見尾。除此之外，我到目前為止在金鐘都沒有找到一間粥店，但今天有了新發現！今天腸胃有點不妥，午飯打算買一碗粥或粉"填肚"。本想坐叮叮到灣仔去，但太陽又猛，叮叮站又人多無車。結果放棄，到海富、遠東一帶逛逛看。當我發現這間果汁店竟然有粥賣！喜出望外！我外買了一碗雜菌燕麥粥+半份三文治，$25 - 在金鐘區來說是很便宜的了...雜菌燕麥粥 - 煮得很綿，可能是有用南瓜吧，粥是橙黃色的。雜菌可不欺場！真的有很多菌︰金菇、鮮菇、秀珍菇、木耳等等。芝士蕃茄治 (半份) - 沒甚特別，與一般快餐店貨色相近 (因為怕只吃粥不夠飽才會加份三文治，不次應該只會買粥了)下次必會再光顧，

呢間係我既心水外賣店，雖然鋪細細，位置唔多起眼，但係都好多人幫襯。其中最喜歡佢既沙律，用料新鮮，醬汁好味，特別係南瓜沙律，淋淋既南瓜加上少少既香草，勁好味。不過尋日去到已經賣晒，所以揀咗煙三文魚縲絲粉，三文魚都好新鮮，份量亦唔少。仲有幾款醬比你楝：千島、意大利、honey mustard。推介：honey mustard。其實唔落都已經好好味！另外再要一個例湯（+5蚊就有！），今次係南瓜湯，勁重南瓜味，正！。平時多數都係雜菜湯，無肉既，味較淡，但勝在夠健康。跟住再加多個細生果盒（都係+5蚊），個盒有芒果、奇異果、提子、火龍果、梨等，好新鮮架！其實可以揀大盒ｄ既生果（都係多幾蚊雞），不過已經好飽。呢間鋪似係家庭生意，所以佢地個個都好合作，而且非常快手同有禮貌，價錢唔貴，值得推介，所以我係中環返工都會行過黎幫襯。

第二回, 今早行過海富, 暫時沒有一間感興趣時, 再入遠東, 為了一杯醒神奶茶, 而又不想吃大份早餐時, 看到這裡的半份三文治, 好似好抵食, 咁就試個究竟.半份吞拿魚沙律治, 麥包, 標榜健康, 買包時, 看得出他們在切蔬果, 小小果汁店, 所有食物Home made, 而且價格廉美, 難怪中午時段, OL們排著長隊, 個個三文治果汁. 原來$20左右.

繼續0係金鐘食平0野, 今日0黎到呢間果汁三文治外賣小店. 細看 menu 原來連 e.g. 雞肉粟米粥都有得賣, 但叫得自己做 "juice bar", 主力當然賣果汁, 安全起見, 買了蕃茄芝士三文治 (一份) + 蘋果汁 ($20).三文治除0左蕃茄芝士, 仲有生菜, 又係無手勢可言, 味道住家, 夠晒健康咁啦.蘋果汁係鮮榨, 飲落無乜渣, 幾清甜, 又係健康到暈.平日食咁多街外0野, 花 $20 懶健康一個早上, 都 ok 的.P.S. 寫得好 hea tim. @_@"