全記小店

Open Now

Now Closed

聖誕假期最後一天到西貢郊遊，晚飯於西貢市中心全記小店。全記小店是一般茶記格局，分上下兩層，地方環境普通喇！正值天氣轉涼的日子，一眾火鍋煲仔飯傾巢而出，我們也湊湊熱鬧，點選了這兩款時令食品。 臘腸北菇滑雞、鹹魚肉餅及鱆魚雞粒是常見的煲仔飯款式，以瓦煲生煮成飯份外富風味。吃前先揭蓋加入適量豉油再焗一會，味道更佳。筆者最愛臘腸，當然首試臘腸北菇滑雞款式，臘腸選材肥瘦參半，少吃滋味，奈何一煲只有半條，實在太吝嗇吧！肉飯同樣是筆者喜歡的餸料，份量同樣不多，質感略肥沒有太多驚喜。除了餸料外，飯焦亦是煲仔飯的精髓，成品效果做得不錯，大家也吃得津津有味！至於火鍋，則挑選了西貢首創邊爐烤沙巴龍躉。原條沙巴龍躉先經煎煮處理，再放湯明火浸煮。龍躉肉厚，富魚味，但魚肉有點黏骨質感較實。至於魚湯，或許旨在為火鍋生料上味，味道調較很濃，直接飲用可能會覺得鹹了少許。胡椒奶油海蝦的賣相與餐牌相片相距大，蝦肉鮮度一般，期待的胡椒香氣亦不太突出。上湯菜膽雞製作比預期嫩滑肉豐，屬全晚最好吃的佳餚。上湯海味銀絲雜菜煲與蒜蓉炒唐生菜均是菜蔬小品，前者勝在菜蔬款式多，食感味清溫熱；後者明顯以蒜蓉的惹味感取勝。

難得假期，同閨密入西貢HEA下~~平時假日先可以入去行下，但都會勁多人~~就算HIGH個TEA，都有一定難度~~今次終於可以慢慢黎，行下，睇下，休息下~行到咁上下，個肚又開始響~睇左幾間，都係簡單啲算啦~因為個腦真係唔想諗野~~喺門口見佢放左餐牌，睇左一陣，大家都覺得可以TRY TRY~於是入去試新野~(其實黎黎去去嗌黎嗌去都係食嗰啲架啦~~)一入到去，環境都算大，但係佢啲位擺得都幾迫~我地卡位嘅角落，我個FD坐入去時都差啲撞到隔離枱。。。(利申 : 我閨密係個食極都唔肥嘅港女~)睇到餐牌，其實都係冇咩特別~我又唔想食常餐，結局嗌左個下午茶~~我個FD就獨沽一味~沙嗲牛麵配個奄列~佢話個丁煮得幾好，唔會煮到好淋，食落煙煙韌韌~有咬口~啲牛肉又唔會好韌，個湯又夠濃味~(佢仲要連湯飲埋。。。)奄列就不過不失啦~冇咩特別~~而我叫嘅下午茶係喇沙海鮮湯米粉~原因至在貪佢重口味~睇相應該係幾辣，啱我~~黎到之後，又覺得佢幾足料喎~有啲餐廳係"相片只供參考"嘛~呢個又幾好喎~同張相都有9成似。(除左相入面擺得靚仔啲之外)首先，佢個辣味夠，唔會得個色~另外，啲餸都入哂味，唔會好淡~而且除左青口佢得一

我在開飯網的歷史首篇西貢餐廳晚飯食評，開始。全記海鮮菜館另外開的小店，不像酒家般專做遊客生意，菜式對象都是以本地居民為主。今晚純粹我跟細佬阿媽的一餐普通晚飯，並無特別意義。上湯菜膽雞（半隻），以現在香港禽流感狀況，活雞供應有限的情況下，不難估計雞是冰鮮雞，幸好雞還算是新鮮，雪味不重，尚算有雞味。伴碟的菜芯亦算新鮮。清湯蘿白鮮牛坑腩，我只吃了一兩塊，口感略嫌有點韌，反而蘿白都算入味。最後這碟小炒，荷蘭豆算是爽脆，蝦乾口感不錯，只是潮州花生令整碟小炒變得很油膩，如果是腰果的話可能更好。今晚為了家人不外出食晚飯，始料不及在西貢的餐廳食一餐小菜晚飯並不便宜。

食一個湯麵tea，熱飲檸茶成層油係面，衛生十分差。生菜魚肉米線啲米線勁淋，都唔知浸左幾耐，生菜同魚肉都勁少，完全唔值36。友人嘅炸雞腿油味勁重，凍飲啲冰有怪味，薯條又燶。仲有勁多烏蠅!

西貢玩完水, 肚仔餓, 醫埋肚先閃。物價滕貴, 家陣食個 tea 都要 $40 以上, 仲要係大制作個種。星洲喇沙海鮮湯米粉 ($40/tea set)湯底辣辣地, 幾濃香吓, 惹味開胃, 海鮮有幾件, 連飲品算係咁。紫菜四寶湯河 ($38/tea set)除左貢丸好少少, 其他不吃也吧, 魚蛋粉團, 無魚味, 又不爽彈, 牛肉……唉!

Order beef mix noodle for tea set. The menu look very attractive. But when it arrive, I regret what I ordered. *presentation horrible* can't taste any beef and sauce is over powering* when I talk about this with the staff. She said " is like this " This is what happened.

在西貢閒逛, 來到下午茶的時間。看到這家全記小店有少見的波浪薯條供應, 趕快坐下是也。炸雞髀拼波浪薯條港仔下午茶, 非雞髀薯條莫屬。又香又惹味, 皮脆肉嫩的, 一口咬下時俾滾熱的雞汁(油)燙到舌頭, 忍不住呼呼雪痛但又迫不及待地再去咬下一口 - 這種矛盾的快樂, 應該是不少人的童年下午茶回憶吧。薯條, 別看它只是配菜, 學問也不輕。在我心中薯條分波浪薯條、急凍幼薯條、手切粗薯條(chips)三種。波浪薯條的粗幼度比較適中, 容易做到外皮脆內里綿糯的效果; 急凍幼薯條, 即麥記用的那一類啦, 口感比較弱, 很多時會不自覺地一把把塞入口, 卻依然未滿足; 手切粗薯條多在對自己有要求西餐廳中找得到, 一般都不會太脆, 反而是薯仔的香味和粉糯的口感才是重點。我最中意的是樣子漂亮的波浪薯條, 你呢?

諗住是但坐低食個早餐就去行山，好似之前食過普普通通都對佢無嘜期望，點知今次喜出望外同啤酒肚一人一個早餐D（$34），2個都睇中佢夠豐富好野係厚多士！烘到"金黃鬆脆有鮮牛油香味"～個太陽蛋煎到剛剛好，d蛋白食落好滑。不過點滑都唔夠啤酒肚嗌既炒蛋咁正，又滑又有濃香蛋味（唔好意思太好味未影已經食左...）好滿足咁KO完一碟就轉戰個蘑菇腸通粉，原來蘑菇腸係好似火腿片咁既樣，孤陋寡聞我嗌果時仲以為係蘑菇+腸..哈哈哈！見d通粉大大粒好似好正咁，點知食落淡到爆炸咩味都無好彩有d咸咸地既火腿同蘑菇腸(唔係好食到蘑菇味）姐。。不過忘記佢既淡味，個通粉真係同外表一樣咁彈牙既p.s. 好抵喎轉出前一丁都係加$2，仲要有一樽芝麻比你任落鴛鴦一飲就知用左黑白淡奶沖，飲落有香濃奶味正好中和咖啡既苦雖然個通粉好差，不過炒蛋真係好正所以下次都會再黎（不過一定唔會再嗌依個通粉。。。）

釣完魚一日, 當你想離開西貢, 係一件好難既事..... 仲要出面撞車大塞車....所以都係食埋野先走但個個都係咁諗既時候, 就連餐廳都多人, 之前食過全記一次, 覺得唔錯, 見有位都即入去食因為都幾餓, 所以好快就揀好叫咩食上菜速求真係嚇死人....真係唔洗10分鐘上晒3樣野....蔥爆飛魚籽蝦米銀絲煲, 好乾, D蛋白同蟹籽同粉絲, 3樣野冇樣野夾, 成個煲係冇汁, 太乾唔好味魚香茄子肉鬆煲, 味道唔錯既, 不過威完都幾渴下, 所以一定要送飯食, 如果唔係會有少少咸雪裡紅肉鬆芥蘭煲, 其實個配搭唔錯, 但個芥蘭只係岩岩夠熟....入口都幾硬下...如果可以煮耐少少會好D....另外加左兩碗飯 $16, 兩罐可樂$30 (好貴)其實以前真係好食好多.......而家D野仲係有鑊氣, 但係味道唔得....不過小菜既價錢就一D都唔貴

前幾天同朋友到西貢行山,行之前入來嘆下早餐先.來到碼頭附近,見到這間餐廳裝修最好,於是入去試下.坐位是梳化卡位,坐得舒服.這裡早餐款式都ok,我間了雞扒,蛋,多士,雜菜套餐。除左雞扒無咩味之外,其他都好味,雞蛋炒得很軟熟,多士亦很脆,雜菜不油。但最正的是凍奶茶,好滑,它的冰,奶和茶嘅分量啱啱好我朋友間了沙嗲牛肉蛋公仔麵餐,他們都話ok,牛肉夠林,只係麵有d硬.奶茶真是very good!食左個早餐,醒晨去行山,hoho

到 9 月都仲有得去船河，正呀 ﹗今日參加小慧搞既 party，仲有 Jerry 同 Jerry 弟弟添 ﹗我地已經遲到架啦，點知小慧同佢朋友更加遲，捱意氣是但買兩個餐蛋麵比佢地食啦 ﹗您地好快啲喇 ﹗太陽蛋雞扒出前一丁，今日試試雞扒先 ﹗Good 喎 ﹗無令我失望，雖然略咸，不過都滿意。香煎雞扒味道濃郁帶點香草芳香，表面層炸過翻熱，湯麵跟黑椒汁都幾有趣。麵質同湯底依舊保持高水準，無得頂 ﹗

我諗今日係今年最後一次船河喇掛，十月喇 ﹗朋友仔都係遲到，唉 ﹗我唯有又自己坐低先啦。原本諗住唔洗次次食茶餐廳，可以去食歐陸餐，但係趕唔切啦，最終咪又係出前一丁。太陽蛋雞扒出前一丁，今次雞扒失手喎，翻熱炸得太耐，有點乾硬喇 ﹗味道都還算可以。麵質都好爽滑，合格。

見枱枱等成半個鐘都未有野食，我又好鬼趕時間喎，阿姐話食套餐啦 ﹗唔改太陽蛋、唔改出前一丁，就唔洗等即刻有！真係兩分鐘唔洗即到，但從來未食過咁難食架 ﹗上年 10 月到依家都無黎過，今年第 1 次船河就比個咁劣既早餐過我食，搞錯呀 ﹗炒蛋沙嗲牛肉麵，您睇吓啲麵係白雪雪架，食落似滾水浸出黎既白紙條，完全無味架！牛肉勁韌、汁又漿實晒 ﹗湯唔熱、麵同牛肉都唔熱，炒蛋直頭係凍添！我唯有勁撈辣椒油，格硬倒晒落肚算喇 ﹗點知食晒無耐，見到隔離有熱辣辣出前一丁食呢！

琴晚係 Baby 飲到爆醉，今朝瞓醒先執野，所有船河游水衫褲漏低晒囉，所以全部要即刻買過晒先出到海啊 ﹗順道黎全記食個早餐先，琴日朝早食完，今日再黎執多劑先得。太陽蛋餐肉出前一丁，點解今日多左劈菜架？其實我唔食架喎。厚切餐肉煎得外脆內嫩非常香口，太陽蛋保持水準，蛋白滑、蛋黃味甘香 ﹗熱辣辣既湯底配上爽彈麵條，真係想一啖倒晒落肚呀 ﹗全記已經變左係我西貢早晨即食麵餐既指定茶餐廳喇 ﹗

比附近幾間茶餐廳既出品驚親後，終於搵到間有質數既茶餐廳喇 ﹗真係明火煮既出前一丁呢，一食便知龍與鳳 ﹗太陽蛋沙嗲牛肉出前一丁，熱騰騰上枱，湯底香濃，色澤通透，麵質又爽滑剛剛好，真係好感動啊 ﹗嫩滑入味既沙嗲牛肉，雖然醃得有點過火，味道有點嗆，不過都好滿足。和記絕對要例入黑名單，生蔥生芽菜清水泡無味白紙條，勁恐怖 ﹗隔離既陳權記好少少，但都係跟和記同一系囉 ﹗