標記樂園潮州粉麵餐廳

Open Now

Now Closed

我又出深水埗覓食啦，深水埗其實真係好多好野食，今次就食左標記樂園潮州粉麵餐廳位置超方便，深水埗站D2出口轉右手邊行1分鐘就到相信大家對標記既認識一定係潮州打冷，但係呢間標記就食粉麵為主, 除左粉麵，仲有朳飯，三文治，焗飯選擇，價錢由$2x起，都幾抵食三心兩意既我又發作啦，識揀緊係揀標記新鮮牛三寶河，有牛腩，牛筋同牛肚，一次滿足哂三個願望丫，首先就是講牛腩先，肥瘦均勻，咬落去好香濃嘅牛味，加埋牛既脂肪牛油嘅香味，真係做得好出色，跟住就係牛肚同牛筋，炆得好腍好入味，個汁都好香，而且份量好多，每一款都有四件左右，$48直係抵食架，我仲+$6要左紫菜，紫菜再浸埋落個湯底度真係一流，個河粉大碗到我都食唔晒媽媽話要食飯，所以就叫咗個咖喱雞扒飯，一上菜嘅時候我同媽媽都呆左，雞扒好大塊同好厚，雞皮煎到脆卜卜，醃得幾好味，個咖喱汁有椰香味，加埋煎過嘅薯仔，媽媽食晒成碗飯呀媽媽一向鍾意食手打魚蛋，所以我哋另外叫咗一碗淨餸，分別有手打魚蛋，雲吞同埋魚片頭，魚蛋好彈牙，唔會腥同唔會有魚骨，絕對值得一試，另外令我幾有驚喜嘅就係個雲吞，入面有一大隻蝦，但係呢個唔係令我驚喜嘅地方，我係第一次食到一粒咁juicy嘅雲

黎得深水埗，當然就係要搵平靚正野食啦，去完黃金買野就黎左標記食好野。依到有我最愛嘅牛腩牛什食，依家岀面已經少左依類型潮州粉面食，而且搵到又未必整得夠入味。香港人食粉面都係講求快靚正，停留時間唔長，所以依到都唔難搵位👍🏻講到食，黎得當然點可以唔食牛，依到係用新鮮牛腩牛什牛丸嫁，價錢仲要好親民例牌牛腩大大碟，最正係啲汁夠哂入味，啲牛腩食落又唔鞋肥瘦剛剛好難得依到有我男友愛食嘅豬手，叫左碗豬手牛丸河，豬手有兩大件，食落夠哂林牛丸食落仲有汁好彈牙，必食推介魚皮係食粉面最好嘅配答，依到啲魚皮都係自己新鮮炸，但估唔到會跟埋湯上，好細心👍🏻依到除左牛比到驚喜外，仲有好多好野，不過得兩個人食食唔哂咁多野，有機會再黎要叫多啲唔同野食

同呀哥去深水埔黃金睇電腦，睇完去咗標記食招牌牛腩麵。呀哥成日食但我真係第1次黎。標記比我想像中光猛潔淨，有新裝修嘅光猛全新感覺。點了以下share食:呀哥點咗牛腩撈麵。牛腩份量幾多，舖滿成碟麵。牛腩好腍滑，肥瘦勻稱，咬落去柔軟又有肉味，新鮮牛腩超正。最Impressive係佢個撈麵汁，味道酸甜特別。白汁焗雞皇飯。呢個雞皇飯不得了，啲白汁多到蓋滿晒飯面，又香濃又creamy。雞件都切到夠大塊，肉仲係嫩嘅。點咗個小食，薯條炸雞翼。薯條係即炸嘅，夠晒香脆。雞翼都係即起嘅，皮香肉嫩。飲品我地點咗熱鴛鴦同紅豆冰。熱鴛鴦好奶滑，咖啡味無遮到奶茶味，正。紅豆冰啲豆夠起莎，不過再甜啲就更啱我。碟碟大件夾抵食，仲要係好好食嘅。好食過市面啲連鎖大集團多多聲。😁

今日同朋友行電腦商場，行完街順便搵食，大家心血來潮一致想食牛腩粉，最後就黎左呢間標記喇～店舖都算光鮮企理～我叫左碗牛三寶河～分別有牛腩、牛筋及牛肚，牛腩好淋好入味！牛筋及牛肚都係水準之作！大大碗，夠晒滿足！朋友的牛腩雲吞河，佢話雲吞啲蝦好新鮮彈牙，大大隻，自家制一啲都唔吝嗇淨牛丸～又大粒又彈牙！最鍾意食牛丸既朋友讚口不絕另外再叫多左碟通菜，腐乳醬係自家調製，十分惹味，通菜來貨也很新鮮，大大碟，物超所值

放工到深水埗配電視搖控，辦妥已經很晚，地鐵站附近食肆很多，見標記新淨光猛，於是在此開餐。環境陳設新淨，老板說開業已有一年，打理得很衛生。食肆一般都以橙色系列為主，採用湖水藍，很有新意。點了碗彈牙牛丸河 28，另加紫菜多 $6，；紫菜是偏愛食材，爽口軟腍。牛丸的確彈牙，還有點點的肉汁。跟餐油菜$12，喜歡跟腩汁，有點肉味的菜心，分外滋味。鮮牛腩撈麵，用新鮮牛腩炆煮的，吃起來肉質鬆化，牛味濃郁，以$42碗來說是超值的，要是在旺區，隨時要索價近百，還有生菜底，的確貨真價實。自家秘裝撈麵醬，袐醬帶甜，估計一大堆料頭炮製而成，配撈麵又真的不錯。撐麵的蔥花湯，味道尚可。淨食秘製五香牛筋 $68，同樣是新鮮的，牛筋軟腍，是街坊價的骨膠原，質量超值 😍😍跟餐凍檸茶$7，茶記也要十幾蚊，大大杯，抵飲 🤗陪伴我們一起長大牛腩麵，將一直承傳下去 🤗🤗

星期日同朋友行行吓街肚餓，喺深水埗經過一間潮州粉麵檔，有得食新鮮牛雜同牛腩麵，見到三點幾都幾多人，諗應該味道唔錯，加上本人好鍾意食牛雜，即管去試，點知味道真係唔錯！首先叫左一個招牌新鮮牛雜撈麵$42 和秘製五香牛筋撈麵$42, 個牛雜完全唔似街邊檔咁鹹，味道啱啱好，牛筋又好彈牙，麵質剛剛好( 加上佢嘅秘製撈麵將，完全加曬分) !! 最後都叫咗個秘製南乳豬手 $ 68+ 自家製新鮮炸魚皮$ 15. 以前係街最怕食到魚皮好軟，呢個完全係脆薄博！南乳豬手炆好軟熟，都幾入味！仲叫咗碟菜，食咗咁多嘢都係唔使$200 ，好抵食！整體來講完全係值得去嘅茶餐廳，上菜超快。同埋真係相當之抵食！

星期日同男朋友出深水埗行街買野，天陰陰想落雨咁，決定食個靚飯先。經過標記，見到餐廳門口貼左好多明星相片，而且餐牌價錢便宜經濟寶惠。環境整潔光猛，很多捧場客，幾吸引值得一試。-先黎碗餐廳招牌標記新鮮牛三寶米$48牛腩、牛肚、牛筋勁多份量。牛肚帶爽口、牛筋腍滑、牛腩腍而不爛，筋、肉、油花分佈平均；腩汁注在湯中，味道濃郁。-另外還叫了碗自家製鮮蝦雲吞麵$28雲吞正常size蝦餡鮮；湯夠熱,麵條爽彈。-自家製鮮炸魚皮 （跟上湯）$15剛剛炸起的魚皮夠香脆，入口鬆化酥脆可口，沒有魚腥膻味。 -還點了份$15 靚菜心，夠爽脆鮮甜，中和一下飽滯感。-見隔離台既細路仔食西多士好滋味😆我地又點了份懷舊西多士 $26 😁西多士麵包夠鬆軟，而且炸得外層金黃夠香脆。有著雞蛋同花生🥜醬香；自行落蜜糖調教甜度。最後加多杯紅豆冰，每次食西多士都會想一併飲😝 縱使邪惡，但總是令人幸福感滿載。紅豆軟綿，甜度合適👍🏻。-

去過深水埗看完電腦，跟朋友想在附近吃一餐。於是到了一間充滿驚喜的餐廳吃晚飯，單看門面大多都會覺得這間應該是專賣魚蛋河粉的餐廳吧，但事實上不是，而是提供很多魚蛋粉以外的餐廳，跟茶餐廳差不多，但食物質素吃過之後都覺得有保證的。這些白色掛牌都是展示這間餐廳的主打推介，確實特別。看到這碗撈麵，份量不錯，牛腩，牛雜都是十分新鮮，所以才吃到這份鮮味。平常去其他粉麵舖吃撈麵，都會配湯。但這間還有一樣是其他餐廳可能沒有提供的，就是配備獨特的醬汁加在撈麵之用。吃上來覺得甜甜的，令到每一口麵都變得更有吸引力，愈吃愈想吃呀。這個炸牛丸確是值得推介，十分彈牙，相信是新鮮牛丸才做到這個效果。這間店提供林林總總的食物之外，新鮮食材以及獨特的醬汁提高客人味覺上的享受，確實不錯。

外國有朋友嚟咗香港 指名道姓話一定要嚟到深水埗感受下香港文化 既然佢講到就帶佢過嚟啦福榮街行咗一段時間，佢話想食下啲地道野，見到附近都有好多間粉面店，求其帶佢來做標記試吓，估唔到都幾好食。 揀啲好特別㗎啦，叫咗牛雜同埋崩沙腩俾佢試吓，價錢唔貴分別係$68同埋$98。價錢唔貴仲要超大份，牛雜入邊有牛肚，肥腸，牛肺等等。牛肚煮得夠淋又入味，但係最估唔到最好食定係牛肺，本身都唔係太鍾意食，但係居然口感彈牙仲要唔腥另外都叫咗新鮮牛腩，牛腩真係好辛苦唔係散修修好醉嗰啲，另外崩沙腩原來係限量嘅，平時外面食呢個好貴$98有一大份好掋食，咬落好有好香油味同牛味都叫咗個腐乳通菜，外國朋友話好特別有個味。野飲方面都叫咗杯紅豆冰，食咗少少鹹嘅嘢飲返甜嘅，舒服曬。

標記係旺角由細食到大，反而轉左舖位之後就冇再幫襯過，今日嚟到深水埗行過，見到附近冇乜嘢特別想食，一於懷緬一下佢嘅牛雜麵。標記最出名既一定係佢哋嘅牛雜同牛腩，黎到當然兩款都要食喇！仲特別叫咗一個新鮮岩岩炸起既炸魚皮，叫下叫下叫到成枱都係都係$153，勁抵食！炸魚皮 $15本身冇諗住叫，不過呢度嘅職員係咁叫我試（因為佢係咁講啱啱半個鐘頭前新鮮炸起）最後抵受唔住誘惑叫咗一份。$15份（一袋袋放好）放左出黎好大碟，而且唔係碎碎而係大大舊，炸魚皮好薄而且超鬆脆！單食我就覺得咸左少少，沾左湯就岩岩好，脆卜卜真係好惹味❤️食食一定係食淨牛腩 $68（例牌）叫淨牛腩就可以食到原汁原味嘅牛腩，呢個牛腩係肥瘦均勻既位置，而且牛腩煮得好入味，入口口感好軟身～只有男朋友出現嘅地方，就一定會有牛黎標記食已經諗定要食牛雜麵！碗麵一嚟到就俾佢嚇咗一下，原因係佢嘅牛雜係鋪滿晒成個碗面，唔講唔知仲以為老闆啲牛雜係唔使錢架！味道方面，牛雜10分入味而且質地10分實淨，呢啲咪叫真材實料！而我就叫左一碗魚蛋麵，手打魚蛋白雪雪而且好滑身，不過就欠缺左勁彈牙既質感，不過魚蛋嘅香味都好足夠，整體來講味道都唔錯架！雖然一間小小粉麵店，

深水埗真的是一個美食聚集點, 最近找到這間貌似普通, 但食物質素高的粉麵餐廳。這裏主要是吃港式粉麵, 他們亦有下午茶餐牌。價錢親民、服務好、食物份量多，抵吃！我率先要大力推薦這裏的紅豆冰！首先, 紅豆粒的份量非常多, 另一重點是紅豆粒煲得夠淋身和夠甜, 甜度是剛剛好的, 非常好喝。若下午茶時分來, 可以點一杯紅豆冰再加份三文治🥪, 應該會很爽的！我們點了公司三文治來分享, 公司三文治裏面夾着芝士、午餐肉、番茄🍅、火腿、生菜、煎蛋, 分量非常多, 很足料的。烘過的三文治有微脆的口感。我點了一碗牛筋撈麵來吃, 撈麵會配上他們特製的醬汁。用來撈麵的醬汁的味道有點兒像蠔油, 但是比蠔油甜一點, 而且好像有少少XO醬的味道, 很惹味，配麵一流！牛筋炆得夠淋, 有微煙韌彈牙的質感, 很入味。牛筋分量亦有很多, 但由於太好味, 所以我覺得還是不夠我吃呢！牛筋充滿骨膠原, 女士可以吃多一點喔！炸魚皮超脆卜卜！

好耐冇食湯河，所以就同朋友一齊試下呢間標記！ 平時食開的粉麵餐廳都總會有點污糟、暗暗地既感覺！ 我地揀呢間，係因為呢間餐廳同平時食開的粉麵店不一樣，餐廳的座位好闊落，有卡位、有圓檯！ 餐廳好光猛，餐檯用Tiffany blue 色，令成間餐廳都有好整齊、好乾淨既感覺！ 我地點左 標記新鮮牛三寶河（$48）和 新鮮牛腩撈麵（$42），三寶即係牛肚、牛腩、牛筋！ 這三個係必食既牛湯河！ 牛筋好軟林林，好彈牙！ 牛腩係瘦瘦既質地，但都有小小肥的油脂，岩曬唔鐘意食肥既人！ 而且店員話，撈麵的醬係自家秘方，十分出色👍🏻👍🏻另外 我地仲加左個牛雜例牌（$68），份量十足，有蘿蔔係底，牛雜也很多件，我地兩個人太飽，食唔曬！ 可惜的是 大腸太肥，失色左小小！ 總體十分不錯，下次食粉麵一定會再食👍🏻👍🏻👍🏻

深水埗曾被喻為最貧窮的地區，我深信現在都是。不過有此裡更有特別的感覺，全因夠貼地又親民。今次又途經一間粉麵店，下午茶時分都比較多人前往。牛肚魚蛋撈麵粉麵店除了湯麵之外，又點少得撈麵。牛肚的份量頗多帶有煙韌口感，魚蛋只有兩粒不過非常彈牙配上撈麵分外美味。重點旁邊的醬汁，令人回味無窮值得一試。茄汁豬頸肉蛋飯港人最喜歡的兩餸飯，簡簡單單倍感滋味。豬頸肉燒烤得香脆無比，配上太陽蛋更加美味。茄汁與白飯同吃，份外滋味。最後又點少得香港獨有味道，紅豆冰多豆多奶。以及檸茶亦是香港人最愛的系列之一。

今日放工，我打算去買少少電腦野，大人就打算去買2隻game玩下，所以就渣左架車去深水埗。黃金電腦，一次過滿足晒2個人嘅願望。泊好車後，大人話好肚餓。收到！無理由要大人餓住行腦場，咁不如快快趣食個飯。就係附近搵左呢間標記樂園潮州粉麵餐廳。入到去無晒卡位，無所謂，求其搵張無人圓檯坐，就快快手叫野食。地方好光猛，個人嚟講十分 Like。因為我好鍾意啲茶餐廳好光猛，因為一定係好乾淨先至敢咁光猛！叫左2碗粉，1碟菜同1個淨牛肚標記新鮮牛三寶河呱呱呱！啲牛腩煮到好淋好入味，一啲都唔肥。有時食牛腩都驚肥多過肉！牛腩好味不特止，牛肚更加好味，一定係炆左好耐。牛腩牛丸米粉牛丸好彈牙，好似係深圳打潮州邊爐食果啲生牛丸咁。係好好食！得2粒，大人割愛分左一粒比我食🤤。蠔油菜心菜心煮到好淋，好大碟下！淨食秘製五香牛肚因為太好食嘅關係，我哋忍唔住叫多左個淨食！佢啲蘿蔔又係煮到好淋好入味！痴線！點解可以煮到咁入味！有Coke Plus👏🏻👏🏻唔係到到有，夠凍！好耐未試過係茶餐室食粉麵，小食同菜係會清晒底。下次過開嚟再食過🤤。

今日去完深水埗最平嘅電子城之後, 就去咗附近食過潮州粉麵, 環境搭上tiffany blue, 夠乾淨, 夠脷落, 點咗佢最出名嘅就係牛三鮮嘅撈麵, 包括有牛腩, 牛肚 同牛筋, 先飲佢嘅湯, 非常之清香,  佢嘅麵條夠彈牙, 唔點湯嚟食, 都唔會乾爭爭之餘, 仲非常之有口感, 另外佢嘅牛肚夠爽彈, 五香味濃, 配料鋪滿曬成個碗, 份量好多! 牛腩啖啖肉, 每一啖都散發出肉味另外佢嘅牛筋, 入口即溶, 之後再飲埋杯凍檸賓 簡直係大滿足, 幾十蚊就可以落樓, 真係非常之平, 性價比較高, 質素不錯不錯