十六座車仔麵

Open Now

Now Closed

從食評得知一間冇負評的車仔麵店， 一於趁住假期去試試，店不是很大只有數張方枱和一排高枱櫈，旁邊是有排鏡加大位置的感覺，都幾特色，點菜方法非常環保，是用紅筆寫在張過膠的點菜紙上,點菜紙上可分幾類，先揀麵類後揀餸再揀汁，最後是飲品，另外再有些小食可選擇，最後叫了兩碗車仔麵，一碗是紅菜頭麵而伴有牛爽、蘿蔔、牛筋腩，另外一個碗叫了菠菜麵加豬皮、蘿蔔、豬紅、豬大腸，還加了個腐乳通菜，每樣餸都整得非常好味，尤以牛爽最爽最正最特色，牛筋腩是超煙靭超淋，而兩款麵同樣彈牙而爽，飲品亦非常健康，選了杞子六花茶，可清下熱氣。

公眾假期中午路經太子站附近，要醫肚但又不是太餓，當然是這家最愛車仔麵啦。小時候有幾個死黨住在秀茂坪，所以久不久就過去那邊玩，極有可能光顧過這家車仔麵店，但可以肯定的是：現在這家比'舊時'做得更出色。服務很好，店家經常滿帶笑容；東西也上得頗快，碗中蘿蔔既甜又無渣，咖喱麵筋完全入味非常出色，豬肉青嫩滑爽口，咖喱魷魚香辣而不硬口；麵身湯頭都是水準之上。加上懷舊瓶裝忌廉汽水，回到八十年代和諧時光乎？！

巧合經過，又未食午餐，於是進來一試。餐牌上乍見有紅菜頭麵和菠菜麵，比普通麵底貴$2，於是試下。揀了5款餸，再加碟菜....可以揀乾撈喎，正！麵來了，牛爽（牛舌芯）味道不錯，還有款甚麼金沙骨上面層肉都幾有新意。其他餸菜就不過不失啦。價錢和旺角砵蘭街某名店差不多，但這家好吃一點。

店名很有親切感很本土， 相信只有老餅土炮才知道以前的公屋是第幾座第幾座的, 現在的都已經改成XX樓了。其實店名很切合車仔麵, 因為都是香港本土特色!  本以為裝修以公屋籃本設計的, 但原來不是。裝修都是以簡潔為主，最大的特色應該是那個裝order紙的鐵皮信箱吧!  最欣賞餐廳是用order紙, 用筆在過了膠的紙上劃，可以循環再用(唔加價的話)，夠哂環保!老公最鍾意大堆頭，什麼4寶5寶6寶8寶就最啱佢，所以就要咗個指定的5餸麵另加豬大腸。因為我唔食內臟，所以只係試咗個蝴蝶腩。唔un，但就瘦得濟。我就要咗自家製韮菜燕餃，金沙青同鹵水雞翼，仲加埋辣汁同腩汁。燕餃是細細粒的，口感實淨，但得3粒就真係少得濟。金沙青非常爽口，雞翼亦鹵得好入味!  湯底不是味精湯，食得出有少少清甜，又起碼食完都無口渴。辣汁除了辣及惹味亦帶香味。最可惜的是豆漿很淡沒有豆味，下次都係飲佢地自家煲嘢飲好了。

（題外話）本身都鍾意食車仔麵，因為貪變化多，想點食就點食，所以都會搵下唔同既舖頭食車記。（正文）呢間店位於唔起眼既街上，店面不大，大概可坐廿人左右，座位空間算正常，未至於迫。叫野食係用蠟筆畫上過膠紙的，款式大路，唔詳細介紹但重點推介：牛爽：依佢講係牛舌芯，爽口而且不常見，第一次必試冬菇：食幾次都炆得好入味烏冬；煙un, 滑辣汁：似乎係自制的，夠香，可叫另上自己「不」仲有數款自家制茶品，其他不能盡錄，歡迎自己黎試試。

今日來了十六座車仔麵食一點也不HEA的三餸腩汁加辣車仔麵，麵底同餸菜都有好多特別款🍜 很喜歡這裡設計富有屋邨懷舊風味!講回碗車仔麵先, 湯底揀選了腩汁加中辣配綠甘甘的菠菜麵, 湯底重味好正, 亦可能因為這, 麵不太食得出菠菜味.三餸就揀了流心蛋, 牛筋腩, 蘿蔔. 流心蛋好正, 蛋黃同部分蛋白係半熟狀😍至於蘿蔔就勁吸辣味, 牛筋腩的滷汁味又都好正斗👍🏻 食完碗重味車仔麵飲返枝裝汽水就最prefect啦!

【原來撈麵好食過湯麵】第二次黎食十六檯，十六的主打車仔麵一向唔錯，所以食完再食。餐牌可以循環再用，夠曬環保今次我照舊點左自家製的紅菜頭麵湯底，鹵水大腸，懷舊牛筋腩和冬菇三樣都系濃味的餸，加埋個腩汁，成碗好濃味，不過......點知，友人點左個乾撈麵，個麵唔會太乾之餘，好岩我胃口，搞到我想食換撈麵，不過太遲了～～友人點的是金沙骨、豬紅和冬菇 蝦子麵配乾撈汁乾撈汁味道濃而且撈埋其他菜，會更入味；麵身唔會太乾，而痴埋，反之個金沙骨就無想像中甘好食，似食魷魚甘，但唔夠味最後都點左碟腐乳通菜，一碗一單，甘就唔駛成日計aa我個碗淨計$40，算是抵食之選

舍妹強烈推介下，今晚趁收工得閒專誠過黎試下有幾掂先，佢話電視既飲食節目都有介紹wow....大辣五香蝴蝶腩牛爽金沙青紅菜頭面42黎呢度點都要試下1D特別既面既，面無乜我唔鍾意既紅菜頭味，腩唔係好多但幾入味。金沙青不特別，牛舌還可以，辣汁加賣幾惹味呀，大辣好夠辣。好傷心相片拍得不好，一pat咁無得post=皿=郎君的中辣豬皮咖哩魷魚大腸油面38魷魚凍食但幾欣賞個汁唔錯，豬皮都可以，大腸不算肥，但他油面吃剩半碗，說其不夠幼滑，我幫他處理了很多，還是吃不完囉，浪費。。。食後感：有賣點得黎幾實惠，不過面食點要三個“食送”起就好大碗，一定會食到好飽囉，被安排坐的位置對鏡坐，櫈太高食得唔太爽。

十六座係我囡的最愛，問佢想食咩，一定係十六座。佢鍾意食呢度啲金沙青，牛爽，同豬紅，次次黎都係鐵膽我自己就鍾意食冬菇，炆得好入味，今日就試左芙蓉麵，幾煙un ，不錯香港物價越來越貴，依家已揾唔到以前屋邨十六座的底食車仔麵，連有質素的車仔麵已不多，所以呢度嘅味道，已屬上品。

想食呢間車仔麵好耐但成日都好忙無得試，今日終於都過左黎食，首先講舖頭地址，假如唔想搵咁耐正確地址應該係太子花墟後一條街（泰萊藥房直行），入到去老闆好有禮貌，不過間舖就唔係太多位，坐底點左五個餸，波菜麵，鹵水汁，小辣，嘩，速度都幾快先講蘿蔔，都ok既不會太差，豬紅無得頂，蝶蝶腩正，韮菜燕餃好食，不過有少少碎骨（唔係隻隻都有），金沙骨如果鍾意食豬肉既人會覺得正，但我就唔係咁鍾意豬肉味。菠菜麵超彈牙，湯底夠濃，辣汁會辣，小心選擇。車仔麵黎講算係高質，好食，最欣賞地方落單唔係用紙，係過左膠，用水筆，落完抹左再用，夠環保五十幾蚊算抵食。p.s.好大碗，五餸一面如果細食夠兩個人食。

今日又同平時一樣，食車仔叫咗好大碗，又足料，又多麵最的係蘿蔔，一咬落爆汁這間無離錯又大碗值得再來但價錢就........但都值得，yum提一提：假日超多人， 要早D去

太子花園街有不同菜式的餐廳，多數都比較平民的，對我來說就最好不過，每星期都總會到這裡試不同的餐廳。今日去到 16 樓車仔麵，店內的設計很有懷舊的色彩，有一邊牆用了白粉筆在黑板上畫了一大碗麵，加上一些中文字體，而另一邊牆就有一些舊式的風扇制，燈制和電制，很地道的感覺。整體都是木做的傢俬，座位不多也有小小逼，但對於一間車仔麵鋪已經算是"豪裝"啦！！食物放面一點也不懷舊，加入了很多比較特別的選擇，例如有菠菜燕餃，九州刀麵，紅菜頭麵，芙蓉麵，限量金沙青，新鮮鹵水雞腸， 豬五香蝴蝶腩等等。我就簡單的點了唐生菜，鹵水雞腎，流心蛋加九州刀麵($36) 。鹵水汁的湯底味道比較淡，九州刀麵原來是闊身的，麵質又薄又滑口感幾好。鹵水雞腎夠鹹，肉質幾爽脆，不過就切得比較薄。流心蛋真的做到流心的質感，但蛋黃的味道有點怪，無蛋味！以一間車仔麵來說水準尚算可以，下次要再試下其他特色小食。

細細個放暑假就會去阿嫲度渡假，以前阿嫲住牛頭角下村，最記得第四座，因為啲零食舖同玩嘅都係喺第四座屋企最深刻就係大大個數目字表示樓層，又有個大大嘅平台可以踢下波，呢啲都真係童年回憶講講下，食米線食得多都想食下其他，咁岩就見到呢間十六座車仔麵，佢個舖名吸引咗小妹行入去，舖仔細細，但第一眼就有個大大嘅16數目字吸引到，即刻想當年啊～好有feel wo...睇下餐牌，唔算貴，價錢合理，而且佢地呢度用環保餐牌，就係將餐牌過膠，再用筆寫喺上面，又美觀又耐用！仲慳返啲紙添！其實小妹咩送都想試，但無理由咁貪心嫁麻，邊食到咁多，就試下啲招牌菜先！呢排戒食牛肉，個蝴蝶腩好似幾特別咁，見係豬肉就見識下先，再點左咖哩鱿魚又係招牌，而蘿白就係車仔麵必點item話咁快上枱，好有條理，每人一盤，不過竟然用即棄筷子…呢度要減減分，咖哩魷魚係分開上嘅，唔知係凍食定點啦，凍凍地但個魷魚同咖哩好夾，唔似出面食果啲咁两樣野分開两個味，份量都可以接受，車仔麵個麵底小妹覺得做得幾好，麵質較彈牙同爽，無鹼水味，蘿白入味無渣，夠清甜，個蝴蝶腩雖然我唔知係豬嘅咩部位，不過真係幾入味幾稔，同埋唔使成日食腩肉咁悶，值得一提係呢度嘅辣醬，沙

今晚行過太子，試了這間。行入去時，已沒什麼位置，找了近門口位。點餸紙是過膠，可循還再用，款式也很多，飲品有雞骨草，啱哂。點好後，很快便弄好，味道很不錯，湯底夠濃味，幼麵好爽且入味，不會是那種淡淡無味的，另外我至愛配搭大腸及冬菇，都好味，值得推介下

我其實好鍾意車仔麵但怕味精怕污糟，所以少咗食。朋友介紹呢間真係無介紹錯！雖然我外賣，但店員都好有禮貌好有耐性叫人慢慢睇食乜。真係無味精，因為我味精敏感！蝴蝶腩好味！我唔食白蘿蔔都覺得個白蘿蔔超正！韭菜燕餃自家製都好味！最推介紅菜頭撈麵！辣汁好正！