藍鳥

Open Now

Now Closed

去長洲除左食芒果糯米糍之外，仲有其他唔錯既美食！今次試左間叫藍鳥既小店，朋友介紹要叫招牌炸雞髀，同肉碎蠔仔粥！招牌炸雞髀：超大份既雞髀，新鮮即叫即炸，睇住佢放落油，再炸好上碟，有得選辣或唔辣，辣既佢會灑d木枚粉同七味粉係雞髀面，超香！同佢有用南乳醃過，所以雞髀食入口會有陣陣南乳香，而且肉質滑，雞皮夠香脆，果然係招牌！肉碎蠔仔粥：類似湯飯既粥，飯煮得岩岩好，唔會太綿，蠔仔都幾多同新鮮唔會有腥味，加埋莞茜，蔥等配料食落湯底都幾鮮味，加入埋肉碎，令成碗鮮味加上肉香！亦見佢可以另加紫菜、蕃茄、皮蛋等其他材料！價錢亦合理！一試無彷！另亦有車仔面，同喇沙湯底粉面選擇👍

上次嚟已經睇中你。終於今日相遇嘞，蠔仔粥！一上枱熱騰騰、香噴噴~ 你的內涵比外表還要吸引。 湯十分鮮甜，蠔仔又多又脹卜卜。加了紫菜更鮮~ 除了紫菜，也有肉碎、方魚提供。雖然有少少熱氣，但也忍不住點了炸豆腐。味道是炸豆卜，但毫不油腻。還脆得似薯片🤓可選擇辣和不辣。 我點了辣 ，更加惹味。 由於食物是即叫即整，需要一點時間。倒也值得。遇到有心做食物、有良心、有人情味和價錢合理的食店時，真的要多加珍惜。這餐滿足又滿意。

小島上有多間餐廳供應喇沙湯粉麵，但每每都令我大失所望，不是湯底無味像稀釋過一樣，便是只有濃濃椰奶味，總是找不到好吃的喇沙湯麵。偶然經過「藍鳥」，全靠它門外的易拉架宣傳，才得知小店除蠔仔肉碎泡飯及車仔麵外，還有喇沙湯麵，立刻點了雞扒喇沙湯米回家細細品嚐。除了雞扒外，還有多塊豆卜作伴菜，出奇地豆卜完全吸收了喇沙湯底的精華，比主角雞扒更得我歡心。主角雞扒以油炸，外皮香脆可口，而肉質尚算嫩滑。此外，老闆細心把雞扒剪碎，吃起來方便很多，值得欣賞！喇沙湯底濃郁，鮮味、椰香味及辣味融合得恰到好處，讓人不禁把湯底一併喝光！

咁啱之前見到fb介紹長洲小食, 又好似唔錯, 於是入開去就試下, 當然係要食主打介紹的炸脾啦~ 炸脾呢個係下午茶餐, 但冇薯條或者沙律配, 只有炸脾一只, 等我滿心期待時, 竟然見到一只來只非洲的雞脾, 炸到黑忟忟, 雖則黑忟忟, 但只係個皮脆, 啲肉都仲有肉汁, 唔會乾哂, 都還算可以. 凍檸茶叫佢走甜, 但竟然話沖好哂, 只能少甜, 唔可以走甜  不過佢都唔算好甜, 而且茶味都算幾濃~ 炸雲吞其實係雲吞麵果啲雲吞, 不過炸咗, 但又係炸到偏黑, 可能係佢啲油問題, 唔係新鮮油呢間嘢順路可以一試, 專登入就無謂~

終於唔駛等食宵夜先有蠔仔粥食，蠔仔多，味道夠，有鍋氣，但食完都係成身油煙味。但有過之後，就會成日心思思想食㗎啦⋯⋯當然不能不提佢既炸雞脾，真係生炸，無用炸粉，但依樣就唔記得照相

長洲居民介紹南鳥炸雞髀好出名。佢以前喺街邊檔，而家入舖。除炸雞髀之外，仲有蠔仔粥、方魚粥、車仔麵、餃子等等。食佢嘅炸雞髀時要非常小心，因為好熱。 炸雞髀冇厚厚的炸漿。雞皮薄薄的，很脆。 雞肉醃得入味， 只是炸得比較乾身。 我要辣，所以灑上少少辣粉和孜然粉。生日2pm至-5pm有下午茶。雞髀連飲品30元

車仔麵100分佢地非常足料！蒜辣汁好惹味 蠔仔粥個湯底係用長洲名物大地魚淆制而成！原來係之前Facebook見到嗰個隱世高人！轉左黎呢到開 價錢合理！態度良好！仲加入左好多元素 例如牛什、咖哩魚蛋都唔錯！下次去長洲可以去下潮聖。

長洲賓客人數多，餐廳其實亦都好多。遊客入到黎成日都話要食大魚旦芒果糯米糍，長洲居民又其實會食啲咩呢？問左長洲朋友，決定去食佢地食開既舖頭呢間唔係開咗好耐嘅藍鳥小食，以前老細佢地係做宵夜嘅就係藍鳥酒吧門口果檔呢，入開長洲玩既朋友一定識佢， 依家就做左鋪頭，不過就唔使再消夜時間先有得食喇。入門口右手邊係吧枱位可以方便一個人食嘢， 入面有幾張枱又有電視睇我見平日下午都幾多居民黎食嘢。 食客同舖頭做野既人都係街坊， 長洲啲餐廳都係十分之親切，呢樣野係香港唔容易搵到架喇。 我叫左碗雞扒喇沙， 唔好以為呢度唔係做新加坡野食個喇沙就會好Hea， 我食到成口嘅香茅碎好足料架 雞扒又係啱啱炸起另外我哋仲叫咗碗雲吞麵大大粒雲吞足料老細話係自己包架，辣椒醬又係勁好食。食完呢二碗已經好飽 ， 下次去長洲都會再黎試下其他野食朋友仲話呢度個炸雲吞好食，留番下次再食行完一轉，我地又番左黎食埋隻炸雞比呢隻雞比係以前宵野檔皇牌同果時一樣咁好食！ 因為本身唔中意得啲炸粉既炸雞，呢隻有調味既炸比啱唒我，仲可有辣有唔辣$20 價錢親切