Blue Cafe Seafood & Sushi Buffet (Closed)

樓上鋪人唔多，喜歡佢地方坐得舒服，侍應有禮貌態度好，埋單係放低餐牌等你自由找錢個隻有中上水平既食物質素，Set Lunch 32-45 不等，+錢有自助餐不過無試，午飯唔洗咁豪華不過午餐係Set 死十幾個的，選擇有限，但每個餐既味道都幾好

完全同意樓下SAMM既評價, 唔明d人讚得咁誇, 我都以為咁多好評先去試, 88蚊冇咩好食, 結果叫返menu餐, 如果個餐加d誠意去整更好, 味道可改善, 不過員工態度同佢個廁所就幾好.

我本身在太子區工作，通常開OT都會去附近食飯，在這區老實說是沒太多好選擇。最近行過見到這間cafe開咗，試過2次都唔錯，好食﹗以為只有Buffet，原來亦有散叫，地方及味道都GOOD GA! 想在此向同我一樣成日做到好夜的朋友介紹下。

環境比我想像中小得多，不過坐得幾舒服~但係燈光較燈d的話會更好~可能因為新開的關係啦...頭輪都坐唔full拎野食的位置不大，不過野食種類算幾多!壽司bar有剌身、壽司、手卷、冷面、日式小食等，幾滿意d刺身，夠厚!尤其是赤貝同三文魚!蟹捧也好鮮甜~~~冷凍的也ok，生蠔係咁加的，但我只吃了兩個~~熱類食物也不錯~竟然有好多好精緻的小碟食物...又靚又好味!還有我愛的龍蝦湯~!最後，最欣賞的就當然是dessert~!有好多精緻的一杯杯甜品，芒果布丁、藍莓cheese、mousse等等......連豆腐花都有，好味道!下次會在非節日再試下個buffet~~~要一讚員工們~~~每個都好有禮貌啊!我與男友過了一晚開心的平安夜~嘻

我公司上星期在Blue Cafe 夜晚包場開party 慶祝Christmas ,我地有60幾人, 個場都幾好, 因佢可以選擇buffet,及可預先order自己喜歡想食既食品,我問過公司價錢又唔係真係好貴喎. 講到食品方面, D 日本魚生好新鮮,同D 甜品都幾多款式選擇,尤其是藍莓芝士好好味^o^, 熱盤就羊扒同椒鹽賴尿蝦我就比教喜歡,我個人認為都可以值得介紹,哈哈~~ 好彩我當時影左D相，你地可以睇下啦!如果想攪Party, 都值得試吓架!

我係23號去食既，食物種類好多，價錢大眾化，值得一試，當日係全自助buffet，熱食既有火雞,雜菜炒帶子同青口，steam魚，炒蜆，青口，串燒，京都骨，牛仔排，海鮮飯，燒多春魚，湯中西等等，凍既有生蠔，carb，蝦，花螺，仲有好多冷盤，架上面仲有好多小食，鵝肝，煙三文魚等等，有壽司bar(最估唔到佢有海膽，同真既蟹柳食，因為有好多酒店都係用假蟹柳)，甜品都好正(本人唔太鍾意食甜品都有食左好多。服務方面又真係一流，環境都好舒服，係冷氣大左小小所以熱食好快凍，建議去既氣候帶多件衫

2007年12月18日1930hrs,我同老婆兩個人因為新屎坑上左去Blue Cafe食晚飯。起初想試佢哋個buffet,聽經理解釋﹐$88 加$50可任食主菜同甜品。主菜任食即製米線炒粉麵飯﹐鮮蝦蟹生蠔云云....巡左個圈﹐見到佢哋將D蟹箝同腳拆晒出黎放係冰上﹐蟹箝比大閘蟹個D仲要細....自助餐食米線....真係有D問題﹐最後我哋叫左兩個set dinner. 老婆個餐有例湯(龍蝦湯),白酒汁龍脷魚配蟹餅餐。咁大個人真係第一次飲水汪汪既龍蝦湯﹐無左應有既濃度同鮮味﹔餐包竟然係半塊方包再1開2﹔白酒汁仲有酒精未揮發﹐係貪快出菜既後過﹐魚都OK,個蟹餅好似俾油浸過咁。我就叫左個雜扒餐﹐有鮮蝦芒果沙律﹐例湯﹐雜扒同芒果mousse。芒果幾酸,唔係季節﹐不時不食﹐好心用其他材了啦﹐D沙律菜老黃又有沙。D蝦無去腸﹔湯同上﹔雜扒無腸仔!有兩條超肥煙肉﹐超薄凍豬羊雞扒﹐牛扒都無﹐不知所謂。費事教精佢所以無投訴。個甜品最好。D銀器好多水漬﹐立癡癡﹐好嘔心。食西餐居然用日式膠碟上﹐碟上印有日文字....無料唔好扮勁﹐豉油西餐充酒店西餐﹐未做過酒店唔好話酒店式。我亦都未見過咁亂O既open kitch

我閒時最鍾意捐窿捐隙揾好嘢食，不論平與貴都會去試一下，而BUFFET更是我至愛之一，因生蠔和刺身都是響我的飲食字典中不能決少的重要主角，前兩日同幾個朋友去開太子SHOPPING，見到有間餐廳新開張無耐，唸住去試吓囉! 原來間餐廳係BUFFET場嚟架，但價錢都係百幾蚊一個咋，上到去，個場既裝修坐位比我想像中優雅及舒適，坐好後，即刻去看看冷盤有咩食先，嘩!除了生蠔及刺身壽司外，還有凍蟹、凍花螺、風乾火腿配蜜瓜...估唔到這裡竟然有酒店級的食物選擇，因為這裡每位價錢比酒店平四成有多呀，雖然熱盤方面種類不算太多，但食物水準方面真的很不錯，很新鮮!簡直物超所值!!!