紫丹亭後街牛扒 (Moved) New Location

之前朋友帶我黎過之後，就真心覺得呢度好抵食。除左價錢合理之外，仲要係免加一!!同朋友兩個人6點半左右黎到，一枱人都無，以為可以坐卡位啦，點知原來已經比人BOOK哂....本身想黎試下呢度既任食西冷架，但原來要BOOK左枱先可以食，唯有下次先啦我叫左加拿大厚切肉眼牛扒(1lb)，朋友叫左澳洲T骨牛扒(14oz)，另外加多一份紐約芝士肉醬粗薯條加$15任飲凍檸茶，甜度自己調節紐約芝士肉醬粗薯條 一直都好中意食粗薯，而且上次試完之後就深深愛上呢度既薯條，所以第一樣就決定左要叫佢!!今次同上次一樣，都係熱辣辣送上枱，芝士可以拉到絲! 分量都多不過唯一唔同既係，今次啲薯條比較濕，好多都唔脆...有D失望加拿大厚切肉眼牛扒(1lb) 一上枱都係好驚訝，因為真係好大份。講真係其他地方食相同SIZE既牛扒，無二百應該走唔出呢個門口。我地叫左五成熟，不過師傅有少少失手，塊扒已經OVER左五成。但值得一賞既係，即使塊扒煮得過熟，但仍然嫩滑多汁!! 而且成塊扒又唔會太肥太多脂肪!讚澳洲T骨牛扒(14oz) 揀T骨既原因係因為可以享受到兩種唔同既肉質。呢個就岩岩好五成熟，味道唔錯，一邊係嫩滑多汁，但另一邊就比

1）要加拿大32oz肉眼扒，又話無貨，不停介紹你食安格士嗰塊1磅既prime rib2）要紙巾，又話支持環保，叫你畀3蚊買tempo，仲話包紙巾可以攞走。你有見過人買包紙巾唔可以攞走既咩同埋佢支持環保又會畀膠杯你裝凍檸茶飲。做乜食餐飯要紙巾都玩語言藝術？你直接話無紙巾供應咪算囉，又話支持環保，又乜乜。3）朋友叫嗰塊安格士1磅prime rib，落單講到眀medium rare，第一次嚟到既切開係well done，叫佢換過一塊講明medium rar，第二次嚟到切開又係well done，咁咪同個waiter 反應完都照食，費事再浪費食物，但塊扒好韌囉！你D扒同文華同一個supplier，但唔係同一個師傅煮呢。落單、上菜都攪到咁麻煩。4）埋單仲經典，一間餐廳開咗接近一年同埋每樣嘢個價位都唔係平，你竟然夠膽同個客講無得碌卡，要畀cash。畀cash你，又話唔收毫子。個waiter 仲要態度好串咁。就算食物幾好食都好，你咁既趕客態度真係無下次囉！

年多前無意走入呢间喺後巷並5起眼既餐廳，仲要係$88任食牛扒(5好以为$88牛扒会好梳打，佢地係冇用梳打而且係即叫即煎丫，佢地請过我食)但我第一次冇試，第一次叫左$98一磅既牛扒，嘩，超出预期冇梳打味而且好味，仲可以自带酒不用開瓶费，仲要5驶加一，冬0T$15任飲，走果時仲可以带走一抔，真係冇得顶。呢年多我去边好多次，每次都有驚喜，牛扒真係冇拿过而且肉款多，羊架仲勁，都有三四款，厨师手勢勁，d肉嫩加埋d薯蓉冇得輸，所有扒又5贵，好似羊架九條骨都係约$250，d小食仲抵—大盤(蕉)盬鳮，真係有香蕉，配埋食原来甘夹丫，只係$40，佢地仲要不断尋找好食材而且價錢公道。点解我会話佢有心，係因为佢地真係用心对客，今日我同男友週年日黎食反，可能佢知我中二食紫薯，除左有我指定既紫薯心太軟外仲專登為我地制作紫薯湯，好飲到爆又靓，呢d咪叫誠意囉牛扒紫薯湯蕉盬鳮

話說上網見到人share大大塊牛扒再睇下個價錢，咦又唔係好貴喎梗係要試下啦~雖然店係後街但都好多人食去到先知原來出名食牛扒放題（第一次聽）原來晚餐任食牛扒都係$138，lunch都係$88可惜自己唔太鐘意食肉，所以最後都決定散叫健康人生當然要食啲菜啦我以為會好Hea 就咁比啲伴碟菜但點知係同蒜蓉一齊炒，真係幾好食之後真係極邪惡既芝士肉醬薯條薯條好粗，配埋肉醬芝士真係一百分肉醬食到一粒粒既免治牛肉真材實料啊！之後就來主菜啦⋯⋯晚市每人要叫一份主食我地加左個套餐$25(湯+檸茶無添加飲）Main dishes 就叫左一個 Rib eye 同risotto 鵝肝好好味，但飯就有啲硬我地即刻問店員哥哥佢就話呢到係用正宗既意大利米所以會硬啲佢主動問我地洗唔洗煮淋啲當然好啦，因為真係食唔慣點知煮淋左出來既飯真係好好食汁同飯完美地結合😂跟著就到主角啦⋯⋯上到枱我地都嚇親呀成隻手掌咁大塊既牛扒我地叫左五成熟Texture 岩岩好一啲都唔un,冇渣但一個人真係食唔曬二個人就岩岩好食到飽之後同店員哥哥傾計佢好有心講解唔同牛扒既分別又介紹左餐廳賣既其實牛扒比我地知原來呢間餐廳仲可以自己帶酒唔額外收費咖下次真

朋友介紹黎呢度食，佢話呢度D野食又平又大份一心上黎Openrice望下，睇下係米真係甘吸引，但發現食評唔多....結果，試完之後，覺得一定要寫食評，要將呢間甘正既野公諸於世!!!呢間野唔係大街，係小巷度，所以要細心少少先搵到佢7點3到，企係門口既職員笑容好好，亦好親切問我幾多位；而且全程服務都好好，無嫌我地要求多多，亦無嫌我地嘈，讚!!我地一行九人，之前已經Book左位，可惜佢個VIP房太細，我地坐唔哂結果被安排坐中間張bar枱，攪到傾計唔太方便飲品方面: 呢度只有凍檸茶，而且加$15可以任飲。糖漿自己加，甜度自己控制食物方面: 打開張Menu，發現佢有唔少既選擇。唔止牛，佢地仲有豬、羊、連和牛都有!!我地九個人叫左9款野，同2款甜品。加拿大安格斯短骨肉眼牛扒(五成熟) – 一開頭我地話要六成，之後職員哥哥好好人，佢話六成就唗左塊扒，建議我地五成就夠。果然，五成岩岩好，牛扒好嫩有肉汁有牛味，正!!日本產三文魚籽意大利燴飯 – 三文魚籽另上，足足有一碟!! 個個見到都雙眼發光!! 個飯煮得岩岩好，唔爛又有咬口，每粒都掛滿忌廉汁，再加上鹽味既魚籽，綿上添花!!西班牙戰艦海鮮燴飯 – 一上枱

一入到去扮晒做到任食比我，因為本身無訂位，之後叫我地like fb,我以為任食牛扒要like左先，我地like完，就拎凍檸茶比我地，但我地未叫野飲，原來要加15蚊，之後我話一個凍檸茶，女友要杯水，但個侍應同我講無水，之後第二個拎汽水過黎，我地話唔要，要水得，可能係老細，所以比我地，黎到牛扒三成同五成一樣，咬唔開，叫第二次，五成同七成，五成同三成又一樣，叫侍應返煮，佢同你頂咀，話五成係咁，係咁唔緊要，咁食煮少少係咪唔得？個薯條係可以既，不過我係去食牛扒，但唔會再有下次

好大件好抵食！我地叫左七成熟既西冷同牛肩肉，不過都有少少難咬，下次要order 5成會好一點加25蚊有湯同有任飲lemon tea !! 個湯都好有誠意，係蜆肉湯！ 好多蜆肉係湯𥚃面！lemon tea 都好好飲！食得好飽！真係值得去試下呀！

後街沒有男孩有美食這裡是灣仔W square 後面的一條小巷，原來開了一間美式餐廳，以開揚與木材的設計很有西部牧場的感覺。這裡比較出名的是牛扒，但其實其他食物都很有水準的，而且價錢也不是偏貴。本來是打算叫燒春雞的，但是未有貨。(特應哥哥說隻雞搭緊飛機來，還推介我們改轉珍寶豬扒或是西冷扒，看到對面的珍寶豬扒其實是大大大大塊厚身的喜列豬扒，最後我們還是點了霸至別雞~~雖然待應哥哥說這是普通雞……汗-.-!!! )霸王別雞其實是一塊很大塊的雞扒，用了很香的孜然調味外皮香脆，肉質嫩滑雖然配菜只是一堆椰菜絲配少許沙律醬但椰菜絲連雞皮上的孜然味一起吃卻是惹味值得一讚的是這麼其中有一個餐叫素食主意，對於一些喜歡吃菜或素食者來說是一件很好的事，至少如有朋友聚餐，來到這裡也可以選擇素食。而且店內對這碟素食一點都不馬虎，非常好食。(雖然在肉食店食素食是有點搞笑吧﹖)這碟素食主意主要是椰菜花、西蘭花、少少沙律菜和2舊大啡菇啡菇很有菇味且軟身，也很juicy而沙律菜上的沙律醋帶點甜味容易入口西蘭花椰菜花紅蘿蔔應該是炒過的，有些黑椒碎作調味看似很清淡，其實很有味道的~~~這裡每個餐都可以配小食、薯條薯菜、沙筆、

如果有睇開我寫嘅食評可能會發現我成日都係灣仔搵食，因為公司係灣仔丫嘛~~平時灣仔食個lunch都唔平架，計埋加一都要$100，食西餐嘅話就差不多$200。咁究竟灣仔有無平又好食嘅餐廳呢？答案係有‼️呢間餐廳位置有d隱蔽，係W Square後面，如果唔係朋友帶我去都唔知果度有餐廳啊~~一入到去餐廳裝潢比較簡約，用上好多彩色玻璃燈罩，感覺年輕🎈餐牌都幾多選擇，一時間都花多眼亂唔知食咩好，就問下侍應有咩推薦。咁佢就推薦肉眼扒同吉列珍寶豬，佢話珍寶豬加左兩樣食材黎整，出面係食唔到嘅~~朋友兩樣都食過，佢覺得吉列豬扒好食d，咁我就揀左吉列豬扒，而朋友就揀左鰻魚滑蛋。板燒菠蘿吉列珍寶豬🐷嘩❗️一上菜真係嚇親❗️塊吉列豬扒超大塊~有2隻半手掌咁大，而且唔係薄薄的，而係厚切的~~外層脆卜卜，豬扒肉質一d都唔韌，又唔鞋，而且仲有芝士係麵包糠同豬扒之間！非常好味~~但會有d膩。。伴碟嘅菠蘿並唔係罐頭菠蘿，而係新鮮菠蘿片🍍味道都幾酸！可以中和一下~~而🍟薯條係肥薯條，一樣炸得好脆，惹味得黎唔會太鹹！呢道菜男同事都食唔晒啊，2個女仔食一個就差唔多😂😂蒲燒原條日本鰻魚配韓國忌廉炒滑蛋🍳而朋友點嘅鰻魚滑蛋，真係成隻手掌

上網見到唔少人講呢間餐廳所以今日就專程過海黎到灣仔一試係北海中心巴士站落車 行1分鐘都唔洗就到位置比較唔起眼 好在有google map要預先係facebook訂位 先可以$88任食牛扒星期六1200呢個時段去都滿座一坐低 同友人分別order左3成同5成熟個人鍾意3成熟 嫩口 都幾有牛味雖然每塊都有d根 但油油地幾香口薯條都好好食 鍾意佢大大條 似自己切唔似買番黎一包包再番炸加$15可以任飲檸檬茶 緊係加啦！最後小妹自己只係叫左兩塊牛扒同食左一份半薯菜但已經好對得住呢個價錢比我大食既朋友 可以黎試下最真心抵讚既係呢間餐廳好有心 做野唔馬虎職員都好好人 好有禮貌 又勤力最後仲好貼心咁話出面天氣熱幫我地倒滿左杯檸檬茶 比埋蓋我地帶走飲真心 有時就算一間餐廳食物好好食 員工服務態度唔好 就一定唔會想再幫襯相反 呢間咁有心做既餐廳 服務態度咁親切會令我想介紹身邊朋友去試試

睇到同事嚟食牛扒放題$138，第一次聽牛扒都有放題！而且原來有午餐，只係$88一位！真係超吸引！我地兩點半嚟到，依然好多人！不過老闆員工們好nice！雖然人多，但係服務態度超好！牛扒比想像中要厚得多，而且好大塊！切落去有肉汁，食落口都好有牛味，五成熟唔會韌！不過我食兩塊已經夠曬啦！之前睇過食評，話要等好耐。落order後10分鐘就已經有得食！追加凍檸茶$15都係任飲！好大杯呢！一杯等於茶餐廳兩杯！

這間「後街牛扒」早係同事間岀哂名抵食夾大件，一個大男人食一個lunch set已經夠哂飽，而且價錢超值，所以每日lunch都有一大班上班族(特別是男士呢)等位。難得happy friday, 即刻排隊一試！選了牛扒另加茄汁意粉 一上枱就俾2塊手掌大嘅牛扒嚇左一跳，估唔到只係$70-80嘅價錢竟然有咁巨型的分量，有點後悔另加了意粉。牛扒只得5成或全熟可選，當然選5成啦，怕全熟太難咬啦。上枱熟度剛好，切開不會有血水，不過肉質食落有下了鬆肉粉啲感覺。而意粉絕不比牛扒失色，意粉用茄汁炒過仲有下香草，並不是茶仔啲港色西意粉 , 剛剛的後悔在吃了第一口意粉後消失得無影無蹤, 非常值得一試。順帶一提, 午餐飲品需額外加錢, 不過係可以refill的, 而且係用外賣杯, 飲唔哂仲可以俾你帶走添!

1點前結賬有折，公司Lunch食12點，啱啱好。食過魚，牛扒，漢堡扒，so far最好係漢堡扒。蛋炒飯食過一次，濕得嚟入面又硬，唔推介。薯菜唔錯，但女仔可能食唔晒。比較有問題嘅係份量，時大時細，唔係咁標準化。經常一張枱4個人，份量都有好大出入。要檢討。另，食物上枱方式幾有心思，但桌面相對較細，4個人有時好難擺，如果4個人都主菜加飯，真係唔夠位放....

預得食放題都唔會只叫一份啦食物質素唔差但係經歷十分不悦快！一行人四位食第一塊牛扒等左半個鐘先上第二塊，四個人餓到黑曬臉，放題拖時間正常但唔好拖得禁明顯啦間鋪位置好差，店主可能為當做宣傳，但真係唔好因小失大啦食左4塊就夠鐘，等多過食

當晚朋友提議去食牛扒，話138蚊，原先我以為係一份，周圍都食到啦，使乜去到灣仔，點知原來係放題!!一份牛扒既內容為一大塊牛扒+4-5塊著角+小小雜菜。牛扒唔算厚，但肉質普遍較韌，因為我第一份叫七成熟，已經熟到好難咀嚼，之後圖幾份我都係叫3-4成熟先叫好D，圖為4成熟。另外佢係以木板上，感覺都幾有特式同誠意。醬汁為洋蔥汁，但牛扒不太吸收醬汁味道。配菜方面，薯角炸得幾脆，而且都幾大塊，有口感，而當晚雜菜係椰菜，都幾新鮮爽口，但無乜味道。最後我一個鐘多d食左四份就宣佈投降啦，都算係食啦。