料杯杯

Open Now

Now Closed

見到呢新開既手搖店，次次經過都好多人排隊，撞岩無咁多人就買嚟試試。Menu係用電子code，都幾好，唔係堆一群人係門口。叫左一杯熱芋泥啵啵奶，店員話甜度固定左，原本都擔心會好甜，出奇地甜度岩岩好，唔會一浸死甜。不過芋泥唔算多，奶味比較濃，小珍珠比較淋，唔夠煙靭，但好在飲完唔會覺得好漏。

作為鮮芋仙忠實fans，當然要試下沙田新城市新開嘅姊妹店✨-🧋BOBO 奶茶 $38「彩小芋啵啵、白珍珠、西米」-作為人氣Top 1嘅珍珠奶茶，飲完第一啖，覺得有驚喜！🤩-奶茶嚟講，佢唔係普遍街鋪嗰種奶味好重，蓋過晒茶味☕️反而依隻茶味出啲😆我哋唔記得叫少甜都唔會甜到糖尿🤣👍🏻-珍珠口感煙韌度適中，唔會太淋，亦唔會溶晒咁黐埋一舊！👍🏻同埋加咗西米令個層次同口感都有提升😋西米就正常發揮，同街邊糖水鋪食嘅一樣𓈒𓂂𓏸-唯一缺點係彩小芋啵啵嘅芋頭味唔太出，要仔細㗳真啲先食到少少芋頭味😣-ᰔᩚ 好味指數：7.5 / 10

第一次來試唔知飲咩好，問職員姐姐有咩好介紹，佢推介左我飲BOBO奶茶。果然無推介錯，同埋杯野飲同個店名好貼切，杯野飲真係好多料，如果食完飯先黎飲都未必得哂。下次會再來試下其他飲品。

買嘢飲嘅時候想嗌少甜少冰。Cashier妹妹 覆嘅時候我聽得唔清楚，我講咗句「唔好意思」，點知比cashier 妹妹大聲喝我「冰度甜度無得變」。都算數啦，都好多人買嘢嘅，咁店員會躁底少少我都理解同明白，可能我當期時反應真係慢啲，俾佢嫌棄，嫌我阻住條隊掛。點知行埋一邊等拎嘢飲嘅時候，個Cashier妹妹一邊打單，一直keep住啤住我。認真，真係俾佢望到有少少尷尬，同埋覺得有啲危險，真係唔想發生口角。到最後叫到我個號碼嘅時候係佢拎嘢飲俾我，我都好驚佢會唔會有啲咩動作，攞完行埋一邊飲，同埋用個背脊背住佢。真正嘅俾錢買難受。唔會再去。一共俾咗90幾蚊買兩杯嘢飲，雖然都唔係好多錢，都唔係要咩五星級服務，但都唔使俾人啤足全程……

叫左要少冰都成半杯冰(圖下)成杯野都冇茶味，連茶嘅色都睇唔出只係得奶味唔明點解可以咁貴，加個麻薯要10蚊依家租貴要賣得貴我都明，但咁嘅價錢都係咁難飲嘛？一定唔會有下次，奉勸大家千祈唔好幫襯

料杯杯🧋 平時波波放工搭車返屋企嗰陣都會途經新城市廣場，但係小妹最近無意中喺IG見到有間叫「料杯杯」嘅台式手搖飲品店登陸香港，並選址新城市廣場作為香港首間門市；於是小妹今晚決定專登早幾個站落車去試飲佢哋嘅人氣No. 1手搖飲 - BOBO奶茶…… 💛💛💛💛💛 BOBO奶茶（$38） 啖啖都𑁻到口感軟糯嘅彩小芋啵啵、晶瑩剔透又口感煙韌嘅白珍珠及軟淋淋嘅粒粒西米，一次過滿足晒三種唔同口感嘅享受 至於奶茶底，小妹覺得茶味欠奉，而且有濃濃嘅奶精味道😓 💛💛💛💛💛 雖然飲品質素尚算合格，不過店員嘅服務態度真係麻麻哋，如果店方能夠定時提供Training畀員工適時改善就更加好啦～ 📌：沙田新城市廣場一期 1樓 156號舖

台式手搖茶已經唔係咩新食品不過仍然有不少新品牌引入香港今次呢間過江龍第一分店選址沙田新城市廣場當日星期六中午都有唔少人排隊不過人龍都清得好快，大約15分鐘內可以攞到飲品到手睇佢哋個drink list 選擇都算豐富而呢個品牌最出名嘅係類似芋圓嘅芋啵啵，當然要試試啦當日試咗一柸黑白綠豆冰材料都好豐富，包括有牛奶麻薯、綠豆沙冰、仙草凍、彩小芋啵啵由於第一次試，所以冇調整任何甜度因為綠豆沙冰底，甜度都算啱啱好牛奶麻薯好香滑軟糯彩小芋啵啵望落好得意，夠Q彈👍🏼成柸飲品口感十足，飲完一柸都差唔多飽咗一半價錢方面比一般手搖茶貴少少，不過材料十足，CP值都算高📝🐶iamladypudding

買咗兩杯彩小芋爆料厚奶，與其話係甜品杯，其實更加似奶茶。奶茶完全無奶味，亦無茶味，好似溝咗好多水咁。芋圓七彩繽紛但都係無味，成杯得麻糬係甜甜地同仙草有味。開幕之前充滿期待，但真係好失望，唔知自己飲咗啲乜，浪費quota⋯⋯

經過沙田見到新開既台式手搖店, 見有鍾意既芋頭同芋圓配搭💜當時人又唔多就去買黎試下, 畢竟而家台式手搖店開到成行成市, 要突出除左味道之外, 特色飲品亦要夠特別吸引顧客🤭由排隊買到拎得都係用左5分鐘左右, 好快手。彩小芋紫芋冰沙 $48呢杯冰沙材料好多, 包括有紫芋冰沙、仙草凍、彩小芋啵啵🍭同鮮奶🥛飲落有清淡既芋頭味, 係去台灣飲到既傳統古早味既芋頭味🤤仙草凍非常之滑溜, 口感好似布甸咁滑。彩小芋啵啵姐係迷你版既芋圓, 同珍珠差唔多大, 好煙靭好好咬🧋所以呢杯手搖既口感層次好豐富, 而且配搭得分明, 知道食到邊款配料。由於有咁多唔同配料, 成碗糖水咁, 飲完真係好飽😆冬瓜檸檬 $30由於當日都好熱🥵所以亦冬瓜檸檬消消暑🍋由於甜度固定, 習慣左少甜都冇計,唯有叫少冰。飲落唔會好甜, 亦唔會有死甜既感覺, 應該係冬瓜本身既清甜🥒再加上檸檬既酸, 夏天飲呢杯真係好消暑。

Arrived around 09:50pm at night but it is still within service hours as stated in the operating time displayedWhen trying to order, a lady just stopped me with short, brief and rush attitudeI know it is around closing time but if it is not allowed to orders, I would suggest it marks the closing time as earlier to prevent any misunderstandingCannot rate for the taste and quality

沙田新開嘅‘’料杯杯‘’，行過路過，天氣又咁熱，更要試吓。我就要咗杯紫糬芋泥奶茶，入面有牛奶麻糬，紫芋泥，仙草凍同燕麥，奶茶香滑，口感豐富，要少冰又真係能做到！而且甜度剛剛好，飲完大滿足呀！另一杯就是冬瓜青茶，又是勝在唔太甜。兩杯加埋75蚊。OK。會再幫襯呀！

第一次寫食評，估唔到係差評。男收銀態度惡劣，商場人流多又十分嘈雜，咁細聲講野客人聽唔清楚問多佢一句就黑口黑面，唔想serve不如唔好做服務業？就算飲品幾好飲都無用啦，咁既態度真係唔會再有下一次。仲話台灣過江龍，不如train下啲員工服務態度先？青檸多QQ本身想飲最signature既彩小芋紫芋沙冰/彩小芋綠豆沙冰，但竟然暫停供應，唯有簡其他飲品，最後就簡左呢杯青檸多QQ，但太酸青檸味，掩蓋曬益力多既味，唔係難飲，但覺得期望太高。

炎炎夏日，喝水以外一杯冰凍透心涼的飲品絕對不能少！台式飲品對不少朋友來說屢見不鮮，最近又有台飲品牌進駐香港，開幕只有短短數天已經大受歡迎；這天經過因時間尚早沒有太多人在排，即時要來試試跟大家分享一下味道紫糬芋泥奶茶 $45看名字好像有點普通，可這杯是其中一款店家推介（最想試的今天沒在賣）！一杯包含了牛奶麻糬、紫芋泥、燕麥粒、仙草凍跟奶茶的飲料，看用料感覺就如店家標榜的「行走中的手搖甜品杯」～ 當然也可以看個人喜好選擇甜度跟冰度，這次我點了走甜版其實味道也有夠豐富：牛奶麻糬奶味濃郁，軟糯綿綿的又帶煙韌感，作為飲料用的口感絕對是有驚喜，說是店家的手炒之作，單是這個麻糬已經令整杯飲品的評價拉高；紫芋泥重芋頭香，帶甜而不會膩，綿密幼滑，與甘澀順口的台式奶茶很配！仙草凍甘甘的正常操作，燕麥粒爽口有𡁻頭同樣有驚艷到我～ 整杯配料滿滿但與飲料的比例分配得很好；口感就不用多說，每種食材的質感都確切感受到又沒有違和感，走甜的更能喝到食材的味道！大推啊～ 雖然價錢定位比較進取（比一般台飲店還要貴3成左右），不個整體來說味道真的很好很滿意，下次要來喝最想點的那個！店家是台灣有名甜點全新打造的姊妹品牌的首家在

襯仲係新開張時，試下新既過江龍料杯杯。咁我就買左好靚既彩小芋紫芋冰沙 😌原價$48而家$38甜度係固定甜，初初都有d擔心，但飲落唔算好甜。仲有好香濃既芋頭味道加仙草、jelly同啵啵食，口感相當豐富！

新店優惠follow IG買指定款式手搖飲品可以減$10，超多人排隊。.排到的時候，彩色小芋紫薯沙冰已經賣光了。於是，就試咗推薦飲品BOBO奶茶，可以半糖少冰。.實物望落唔錯，配料份量有三分一杯咁多。奶茶，重奶味，但茶味不算太濃郁，亦唔會蓋過配料的味道，甜到半糖啱啱好。.配料包括：彩小芋啵啵、白珍珠、西米。彩小芋啵啵，有紅色、深紫色、淺紫色、黃橙色，食到有芋頭味，口感軟糯。白色珍珠，煮得夠時候，口感Q彈。西米，是細粒版，非常軟淋淋。.以新店來講，都好多人排隊。店入面有好多店員整飲品，所以落單同拎嘢飲都唔需要等好耐。