早晨麵包 (Closed)

已經一袋袋既pack好左,有2個($8)或3個($12)既packing選擇,今次買$8既packing,size大大個,味就只係得提子一種,食落口好鬆,口感似cake,之後我雪左落雪櫃一晚,食落實淨番d,口感終於似番scone多d,但味道真係好一般,又唔係唔好食既,只係我唔太好d咁鬆既scone,所以我認為唔試都唔會有損失!

ｌｕｎｃｈ既時候去買左法式三文治包係香草軟包，陷有魚，牛，雞三種，要左雞既個包真係好大個，差吳多有成隻手咁大，香草味好香，而且好足料，雞絲吳會ｕｎ，仲有火腿ｔｉｍ，配生菜，蕃茄同青瓜，水準有番咁上下以前試過牛既，食落都吳錯佢仲有個南瓜籽包，都幾好架

行開呢帶，去左順興號買皮蛋，之後黎呢度買法飽返屋企整sandwich，入面勁多人，但收錢果位staff 都好快手，除左法飽，仲買左個巨型既腸仔飽，一個綠茶蛋糕、一個葵籽鮮奶球。法飽，質素又唔錯喎，鬆軟，外層唔係好硬。只係賣$8-，勁抵。citysuper 要$16-、Panash 要$15-、東海堂要$12-、估唔到仲有更抵的選擇。巨型腸仔飽(平時既一倍) - 見住佢o岩o岩出爐，好燙手，入面既腸仔都係大過平時普通果種，唔係廚師腸既貨式，幾好味，好似$7-。葵籽鮮奶球- 個樣唔多討好，不過食落又幾好味，仲有咬口添，唔錯，好似$6-。綠茶蛋糕- 個樣唔靚，加上拎到返屋企都好似毀左容咁，味道一般，食到綠茶味(唔似坊間既咁淡)，不過只係麻麻地。

同事成日話呢間麵包店d包好好味，於是今早經過就捧下場，買了個粟米火腿包。怎料，個包很乾，不軟熟，硬硬的不好吃，而且餡料又少。下次食其他種類，看看會不會好一點點。

尋日試左Das Gute既麵包....今朝特登早d起身去試埋早晨麵包....唔知係未星期六...冇咩人係入面...可以慢慢選擇.....佢既種類都算幾多.....本身想試法包....不過又覺得口淡淡想食d有料既麵包...所以都係冇買到....最終買左個法式吞拿魚包....有少少失望....好普通....同埋個包有d硬...之後我個同事打比我幫佢買...買左個黑芝麻奶油球.....因為好多人都話lee個好食.....我試左一啖...真係好食過我個包好多.....so far其實lee度d包既質素同Das Gute唔係差好多...兩間都幾好....不過lee度d包就抵d大個d....Das Gute就款式特別d.....下次食野都係睇左大家有咩推介先去幫襯.....

Bonjour 令我最深印象既係佢個蜂巢design 既蛋糕。成日覺得佢既包點都似係有姿勢無實際類，但尋日早既Bonjour 體驗剛剛調番轉。朝早十點，連muffins 都未出齊已經有新鮮出爐既綠茶卷蛋，好唔尋常...個樣真係不敢恭維：「爛樣」，但由於D cream 卷到好多個圈（即係皮薄啦），所以都係買o左。咬一咬個皮...出乎意料，竟然好勁綠茶香，仲暖暖o地，唔怪得爛面；D cream 都好smooth，唔太甜，合格。不過似乎個chef 心急o左D，未涼好D 皮，捲得唔好之餘仲出得o個兩三舊。下次想試埋佢個南瓜籽衛星包，賣相都好唔錯，周埋唔係度度有。

專登去試佢個doughnut!! 再加多個香蕉藍莓cheese cake, 共$12.6...我食左個cheese cake, 好home made.... texture係極soft, 似係雪o個隻... 香蕉味好勁, 相反cheese 味一d都唔出... 有blueberry 果肉不過味都唔係好出... 唔太好食...................doughnut... 好難食... 我只食左1/3已經再食唔落............... 都唔係朱古力味咁gei!! das gute的好味好好好多

成日四圍行,一到四點零鐘又肚餓,又唔能夠坐底慢慢食tea,唯有買個飽一路行一路食.買個椰絲咖啡飽,即係我最鐘意食o既椰絲奶油飽但係咖啡味.可能雁左買,個飽已經硬晒,仲係好硬o個隻,咖啡味奶油則唔錯,$5,差左D bor.

鍾意到呢度買包做早餐，午餐，芝士餅做下午茶．食過以下飽飽：法飽：新鮮出爐外皮鬆化，裡頭軟熟，我鍾意叫佢地幫我cut 開一塊塊，有時自己會帶d 青瓜，莎拿美腸同芝士夾法包，一條法包同同事兩份食，幾掂！菠蘿包：$3 個，size 幾大，椰蓉皮雖脆不過唔椰香，包感稍硬．藍莓芝士包$6：外型似墨西哥包，裡面餡係藍藍地色，中間有舊菠蘿，味道ok, 不過咬開個包時裡面好空心架！菠蘿忌薕芝士包$6：呢個唔係太得，d 味唔係好夾，好似分別食忌薕芝士, 菠蘿，同個包，忌薕芝士份量幾多，好溜下．南瓜子曲奇餅$15：好味！食落好脆，唔好太勁牛油味，感覺都健康d.另外芝士餅都唔錯，8蚊件真係好抵，食過咁多味中比較鍾意new york cheese cake 同藍莓香蕉味．細細件做tea 好o岩！有次見到個女職員趺左個包都放番個盤上比人買，咁都得?!唔該注意下衛生啦！個笑係比法餅，曲奇餅同芝士餅．

最初諗住芝麻曲奇會健康d同會好香口, 但點知好失望, 食唔到芝麻味之餘, 塊餅仲勁硬!! 自己整o個d仲好食!

去完Sammy's Kitchen,行左過黎諗住買定聽日早餐，買左個菠菜忌廉包$6---包身軟熟,菠菜忌廉頗多,不俗!,雞尾包$3---一般!椰茸餡吾夠香吾夠溜.,另外買左件黑芝麻cheesecake$8---雖則吾夠滑,但芝士味頗濃,$8相當抵食!

先後試過牛油曲奇同咖啡曲奇,牛油曲奇較普通,咖啡曲奇則十分香脆,咖啡味都幾足,$11有十二大塊,真係好食又抵食! 咖啡芝士蛋糕就麻麻地,冇乜咖啡味之餘芝士味亦唔夠(淨係食到用左好多牛油整),不過八蚊雞細細件,當做過下口癮啦.呢度都偶有佳作架!

迷你小法包$3，好硬，唔係脆0個隻，唔係太好!焦糖提子包$7，三角形，呈深啡色，質感唔似包，完全似一件馬拉糕，都幾有彈性，有幾粒既提子干，甜甜地，但唔會再買黎食，ｄ味只係ok,唔特別好食，試過就算喇，買時都係出於好奇，因為未見過又想知道係咩味!

一袋有成12大塊,真係好抵但味道一般,超硬,豆腐味食唔倒佢重話係high fiber,真係食唔倒有幾high~如果冇食錯既果d一粒粒應該係choco 粒,又話豆腐又話high fiber,其實一d都唔健康

買cheesecake時試埋呢款包,$6個,size挺大,藍莓cream cheese偏少,且cheese不夠濃,可能因為餡太少,所以放左d菠蘿落去充撐場面,麵包外層微脆,不錯!但衰在個餡!