紅茶館 (Closed)

又拉朋友落山食 tea, 今次0黎試試好似幾好坐的呢度. 見有蛋糕 tea set, 想叫一件 cheesecake, 點知賣晒, 唯有要「是日蛋糕」-- 拿破崙餅, 配凍咖啡; 朋友就揀了扒芝士火腿三文治, 配熱奶茶.拿破崙餅雖然層次分明, 但賣相完全唔似拿破崙餅, 一拮落去仲拮唔開, 立即心寒起來... d 酥皮除0左唔酥唔脆之外, 仲好韌, 唔掂; 應有的 custard 就用了好乾又無味的 sponge cake, 及太甜又唔多脆的朱古力薄脆代替, 加埋碟底的勁酸 berry sauce, 絕對係我食過最難食的拿破崙餅, 勉強食了 1/3 件, 決定唔食. 唔掂!凍咖啡就好少少, 雖然勁多冰, 咖啡味又淡薄, 但起碼飲得落口吧.朋友的扒芝士火腿三文治, 就好過我的所謂拿破崙餅好多, 雖然麵包烘得十分唔夠, 入面的卡夫芝士及金妹火腿又「誠意」到爆, 但起碼好難會難食, 呢度的亦唔難食, 結果又「央求」了朋友請我食一啖過0下口. @_@"環境係西餐廳殼的茶餐廳, 服務就係百分百茶餐廳, 不過既然食 tea $24 就落到樓, 無辦法啦. 唯有下次去水街食刨冰算吧.P.S. 多

28-4-08 (一)約六時到坤記，巳全店滿座，轉來這裏晚餐。叫了牛扒和羊扒，味道和肉質都麻麻，尤其是雜菜湯和忌廉湯都不好，兩者都過鹹，說來說去，最可取的只是蒜蓉飽。

搬左來西環一陣,成日經過呢間鋪.覺得內有乾坤.有唔想係特別日子來試.見佢張menu都算complicated.但又唔係貴.最終,佢今晚試左.-1 個套餐 (香草龍利柳天使面+什菜湯+蒜茸包+餐飲)-1 碟 德國咸豬手及腸配薯菜-1 house wine結論: 好大份量, 聲稱無味精, 薯條(唔熱氣), 不過個湯就濃左少少.註: 即時做會員,可有8.75折

le排間唔中都會去le間野食佢d tea set近一個星期食左2次個海鮮炒天使麵$24 , 要加1有一杯野飲講真, 個麵就真係唔係炒得話十分好食海鮮料就雖然幾多但無咩鮮味個麵我個人覺得炒得唔夠乾(純個人喜好)總括來講我就覺得$24有咁的質素又食得飽我覺得算值得提介啦茶餐廳價錢但環境同服務又好過茶餐廳好多仲想點如無記錯就2點左右開始有tea set遲開飯的真係諗得過真係唔明點解間野咁少人來但咁少人來都仲維持到咁耐!

同朋友做完運動後去水街覓食，這裏乾淨又清靜，試試午餐。餐湯選了雜莱湯，味道不錯，份量適中。蒜蓉飽很香脆可口。煙三文魚薯仔沙律:煙三文鱼份量以價錢計，很超值，沙律則普通，整體不錯。朋友的雞扒天使麵也味道不錯。整頓午餐只有我們，好像包場一樣。其實這裏環境清雅，食物比很多地方(同價錢計)好很多。

今晚心血來潮, 突然間想去食下屋企附近嗰間'文化材', 因為開左咁耐, 見到裝修幾靚, 但係都未食過.於是同我gf同埋細路3個人, 就走左去食.去到門口見到個餐牌都ok啱食, 所以就走左入去坐低左.環境唔錯, 氣氛幾好, 啱拍拖去, 又有電視, 不過個電視係播新聞台仲要冇聲兼播緊啲古典音樂做背境, 真係悶死...都係講番啲食物, 我地order左3個set dinner, 分別係一個海鮮炒天使麵($3X), 兩個稱之為紐西蘭超西冷($6X)(我地要8成熟); 另外再點左一個雞軟骨串燒($1X)同埋一個烤半架串燒(1X)(因為見平所以點左).起菜速度超慢, 天使麵黎左個湯同餐飽都未黎(仲以為即煲添呀..). 天使麵完全冇味, 得海鮮既鮮味. 等多陣個紐西蘭超西冷同埋啲串燒終於黎左, 我嗰個西冷都還可以, 但係我細路要嗰個就熟過頭, 韌到咬唔開咁滯.最攪笑係佢係配茨菜, 問佢攞茄汁點薯條, 佢竟然俾左枝差唔多用晒既俾我地囉.再講串燒, 雞軟骨完全唔得, 一朕雪藏雞味, 幾難食; 反而個羊架幾正, 有肉汁.最後點埋餐茶, 但係漏左單好耐先至黎.整體黎講, 呢度真係麻麻, 食一次好啦.

紅茶館開了一段時間，佈置得很特別，經常經過它門口，但都懷疑它是否一間餐廳，去年中秋前第一次去試，想不到那兒的環境竟可做到那個低食價，Set Dinner由40元至65元，餐湯大大碗，主菜大大碟，飲品大大杯，味道真不錯，只是意粉不夠爽，T字牛仔骨不錯。那段時子還送月餅、甜品及公仔等。環璄一流，以紅色為主調，地方乾淨又清靜。可能是西環區的人都不太會欣賞這種風格的餐廳，生意一直不太好，做了一段時間後終有點起色，可能是成本問題，最後餐廰還是搬遷了﹐好在只是搬到斜對面，不過搬遷後生意又差了。該集團文化村主力做長者服務的生意，但許多人誤會了以為旗下生意都是以長者為對象，其實文化村的餐廳及酒店任何人也可以光顧啊！而且服務一流。

一天往西營盤探朋友，下車後感到口渴想喝點飲料，剛好看到對面馬路紅茶館的招牌，看看門外的歺牌，下午茶套歺由十八元起，有多款選擇，價錢不貴而且環境又幽靜，正是朋友吹水飲嘢嘅好地方，我叫了一客瑞士雞翼拼沙律和一杯凍咖啡，竟然有四隻瑞士雞翼，以美心價三蚊一隻已值十二元了，沙律也很好味，以一隻超大型碟上枱，好像在吃晚歺一般，凍咖啡像Ruby Tuesday 以一個大玻璃樽盛着，份量＋足又很好味，實在是一份超值的下午茶歺。而朋友則叫了一份藍莓蛋糕、和一杯熱啡(二十二元），蛋糕就很細件但咖啡則較普通餐廳大杯。看看菜牌，還有紅酒及啤酒供應，Happy Hour 啤酒６８元任飲加一客小食，紅酒最平三十多元有一小瓶的澳洲貨環境方面，整間餐廳都很整潔，餐枱都舖着鲜紅色的枱布及放着白色椅背的企身椅，而且人客不多，非常清靜，下次想約朋友試下這裹的晚餐。

同老公黎食lunch,叫左兩個set lunch!個湯就少左d,同埋唔夠熱.牛仔骨就好好食,好入味又唔會過熟.薯菜呢,薯仔又夠"林",菜都新鮮.餐飲夠大杯.以價錢+環境+服務黎講,好合理.值得一試.