紅茶館 (Closed)

早陣子在openrice看到紅茶館的dinner有半價，貪新鮮的我們又走去試了一試，最後我倆想起來都覺得蠻惹笑的。我倆選了比較就腳的油麻地店，由於那天我倆都準時放工，早早就到達目的地。餐廳給我的感覺就似茶餐廳，而且餐具都比較骯髒，鋪了不少塵，要我自行清潔。看了menu的價錢，如果沒有半價我倆是不會來吃的。最後點了一個牛仔骨配法蘭克腸($68)和西冷扒($108)。先來的餐湯是洋蔥湯。沒想到這個湯是這樣的油，真不敢喝﹗而且又是一味的咸，不喝也罷。再來的餐包，算是不錯了，熱熱的有蒜味，不過是用微波爐加熱的。主菜方面，兩者相比，牛仔骨比西冷好。雖然牛仔骨比較咸，不過肉也算嫩了，男友也說不錯。腸很長，我只吃了一半就算了。西冷扒的賣相不錯，可是我們點了七成熟來了卻只有五成，但又乾爭爭的沒有肉汁，連平時不浪費食物的男友也受不了，吃剩一半。沒吃完主菜我已要點餐飲，安全起見，我們都點了凍檸茶，原來這是整頓飯最好的了。大大杯，多冰，夠冰凍，茶也清甜，是這餐飯的救星。最後結賬原來要用會員卡才有半價，幸好那裡的職員都算不錯，立即幫我們申請了。要不然，真是後悔莫及。

話說0個日...雙紅大戰曼聯大戰利勿浦原本約齊班friend睇波..點知比女友捉左去行街=.=情緒十分低落同女友行行吓廟街唸住坐低食d野....比我見到間紅茶館..重點係入便有部42"電視..播緊曼聯對利勿浦tim,即刻衝左入去~~~^0^對於我野食唔緊要...最緊要有波睇...餐廳個環境同氣氛都好好...靜靜地..睇吓波..又可以同女友傾吓偈...不錯不錯...唔同d酒bar...鬼剎咁嘈...至於野食都唔錯...我點左份什骨扒..另外女友點左份肉眼扒...仲開左紅酒仔兩個人啱啱好...價錢亦令我意想唔到...以往行過...感覺好高級好貴咁...埋單都係$200左右....如果唔係食扒..仲可以再平d tim...

個女兩歲生日會選擇左嚮呢度開, 本身知道呢間餐廳有好多分店, 但係油麻地的location好方便我的親友, 加上我地夫婦二人好鍾意個露台(係個VIP房, 不過係露天), 所以就選左嚮度開個女的兩歲生日會油麻地的經理都好易話為, 我地話想要麻雀同卡啦OK, 但其實係另一邊VIP ROOM, 佢見我地人多都照俾埋我地用, 又俾我地由四點開始玩到十點幾 (本身好似無咁長時間, 不過可能見我地人多), 個場都算OK, 乾淨, 連SET枱都可以同佢傾, 佢仲教我地入會話可以即時有九折。戲玉食物: 本身佢價錢唔貴, 我都唔期望佢有幾好食, 當晚我好忙無乜點試, 不過朋友的FEEDBACK就唔錯, 話D雞翼同個鰻魚炒飯好好味, 本身我叫左十盤野食, 唔知係D野好食定係D人好肚餓, 好快就食完, 加左幾盤轉個頭就無哂。我覺得價錢好合理(40個人都係$3000埋單), 食物質素我無份食我唔知, 不過D FD話幾好應該都OK~可能下次會試下去紅磡BBQ, 因為紅磡近屋企D

朝早沿著廟街行，覺得條街好似未瞓醒咁，份外冷清。一路行過咗榕樹頭轉入鴉打街，本來想揾碗粥食，偶然發現呢間蚊型酒店原來係有餐廳，仲有$22一個自助早餐，咁抵？係唔係呀！一於試吓。餐廳響一樓，雖然地方好細，擺埋D檯出lift口都唔夠十張，不過好企理又乾淨，入到去得連埋我都係得四個客，一對相信係自遊行嘅年青男女，另一個有鄉音嘅中年女人，個個響度靜靜地咁食，反而最嘈係個D侍應阿姐，掛著傾偈。食物方面就千祈唔好有期望，有雜菜湯、白粥、紹菜、腸仔、茄汁豆、蝴蝶粉、麵包、自製窩夫、雞蛋，飲品有橙汁、鐵觀音、紅茶及咖啡；啱啱好超過一打。全部都OK架，最低限度唔會難食，最鍾意自製窩夫，有得玩又有得食，仲有花生醬、朱古力同糖槳任落。咖啡係用自助咖啡機，味道幾好可惜唔夠熱連D糖都唔溶。埋單真係$22，飲杯咖啡都要喇！仲可以靜靜地好悠閒咁hea吓，確係賞心樂事，食物仲好健康，一滴油都無，有興趣不妨一試。