BTS美食站

Open Now

Now Closed

近排d 泰匹咁抵，都唱定d準備下次旅程先💪🏻奈何要儲假，唔係話走就走，好彩九龍城有左宋皇臺站之後方便好多，話去就去✔️牛肉沙嗲串燒隔離枱傳黎陣陣串燒香，雖然叫左個飯同菜，但都忍唔住叫多串黎食😋燒得好香唔會乾柴，個沙嗲汁仲有落花生炒，好香濃!泰式馬拉盞炒椰菜苗泰式炒菜咸咸辣辣寧舍惹味，椰菜苗都係配馬拉盞炒最夾💯香葉辣椒豬肉碎燴飯（配荷包蛋）泰國平民美食，簡單既肉碎加左九層塔同辣椒就可以炒得咁香🌶️加埋隻燶邊蛋，係泰國版既白飯小偷👍🏻芒果椰汁沙冰大熱天時食泰菜配埋杯冰凍既芒果沙冰🥭超正!

這是我試過全九龍城最難食嘅冬陰功湯底，碗麵少少蝦味都冇，剩係得此滾水加椰漿。係滾水加椰漿。叫左加辣味，一啲辣味都冇。真係連杯麵嗰啲湯底都好過佢。價錢又不是平，俾少少誠意好唔好？一碗咁簡單嘅粉面都可以做得咁難食？點都要寫夠200字，一定要出呢一個食評，老闆唔該你檢討一下乜嘢叫冬陰功。唔識嘅就去隔籬街搵幾間正宗泰國嘢試吓。唔係奶白色加幾滴男友就叫冬陰功㗎。係極度極度大失所望，敬請本店自我檢討，這是真實食評，完。

泰式酸辣鳳爪（$98）鳳爪隻隻都好飽滿 而且份量超足 雖然偏辣 但忍唔住係咁食🤭次次食泰國野都必食既豬肉碎生菜包（$118）比起鳳爪 豬肉碎味道就相對平和 唔會太酸/辣 食到尾韻有陣青檸香 唔錯 另外鮮蝦炒金邊粉（$108）都唔錯 味道甜甜地 又唔會炒得太濕 伴住果仁碎芽菜口感豐富今次叫左款平時比較少食既咖喱法包🥖軟殼蟹🦀 （$238）上枱已經好吸睛 軟殼蟹炸得香脆而且炸皮好薄 夾埋沾滿濃郁咖喱法包一齊食特別正🫶🏻仲叫左款炸芝士🧀️蝦丸（$118/3粒）粒粒都好似掌頭咁大🫣 中間夾住滿滿既芝士 食完都好飽🤣 不過好彈牙好好食😋

落九龍城就通常都會諗起泰國菜，就算唔坐低食，都會買外賣加餸😁 今日都唔例外，去試吓BTS泰菜，通常都會食隔離人氣店小曼谷，點知入到去應該同小曼谷一樣，因為餐牌係小曼谷😂咁更加填添信心了😋買咗秘製滷水豬手煲、炭燒豬頸肉及泰式金邊粉今晚加餸😎今晚可煮小D 🤣金邊粉海鮮配料份量充足又新鮮，醬汁調味亦能平衡香辣酸甜👍🏻秘製滷水豬手煲做得出色，好入味入口有即溶化感覺，好有泰國風味，必食👍🏻👍🏻👍🏻炭燒豬頸肉係我最愛，去邊都要食的，呢間選份量多又厚肉，仲有炭燒香味，超正😋

👌🏻係九龍城買外賣返屋企食，行經都係泰國菜，見呢間個名咁得意（好韓風 🤣 ），門口又有大大隻吹氣工仔做招萊，幾得意咁，入去睇下有咩岩食 🤓 最終點左呢幾款菜式做晚餐～👅 串燒拼盤 ( $ 120 )一客六款不同既串燒，分別有雞腎、泰式臘腸、雞全翼、雞肉、牛肉同埋豬肉，配上特製沙嗲醬，每款各有特色，但同樣都烤得焦香，打開盒一刻香氣四射 🤤🤤 泰式臘腸比較特別，並唔係港式煲仔飯個種傳統臘腸味，而係近似於台灣大腸包小腸個種，甜甜地幾好味。至於雞肉、牛肉同豬肉配沙嗲醬味道更豐富，滋味十足！😍👅 風味燒豬頸肉 ( $ 130 )份量頗大既一份燒豬頸肉，泰菜必食既菜式之一，每片肉厚度適中，表面焦脆，肉質軟彈，十分不錯 😉👅 豬肉碎生菜包 ( $ 120 )同樣係食泰菜必點既菜式之一，份量足，生菜青翠清爽，炒豬肉碎肥瘦肉有齊哂，用菜包住肉同飯一齊食好惹味 🔥▫️◾️▫️◾️▫️◾️▫️◾️▫️◾️▫️◾️▫️◾️▫️BTS美食站 (九龍城)📍九龍城南角道11號地下

期待緊暑假泰國之旅，未出發先興奮，去九龍城聞下陣泰國味先🇹🇭見到吹氣公仔就知係小曼谷，旁邊就係Bts 美食站，鋪仔細細有個玻璃房包廂!哩度既燒海鮮好似都幾出名，叫左個鹽燒東風螺，有料到喎份量多又夠大隻☑️螺肉鮮味彈牙，泰式食法個海鮮汁好緊要! 簡直係靈魂所在，酸辣有勁完全係泰式風味😋主食叫左青咖喱豬，叫得咖哩無理由唔叫蒜蓉包🍞青咖哩勁香，首先質感唔會過稀，味道重椰奶香亦有辣勁，而且入面超足料，肉片唔會碎濕濕，用番泰式茄子🍆香葉等配料，口味夠地道😋蒜蓉包4大件，放耐左依然脆口，輕輕浸落咖哩度已經索哂汁，香口惹味👍🏻椰皇沙冰🥥簡直透心涼! 用真椰肉打成沙冰，面頭仲有椰子渣係度，超爽超清甜❄️係香港食過咁多泰菜哩間口味真係算地道，唔會得個樣，難怪長期爆滿🇹🇭

一心想食泰國野做lunch，經過就入左BTS，叫左碗牛肉牛丸船麵，沙嗲雞串燒，同一杯珍多冰。雞串同埋珍多冰係正常，但碗麵就非常差！絕對可以稱為我人生食過最差既船麵。湯唔合理地濃，基本上唔可以當係湯，而係汁。濃得黎，味道卻無深度，得個咸字。就連做配菜既牛丸，都過份地充滿胡椒味。碗麵上枱果陣，麵條已經發漲。食得非常痛苦，完全係食緊一碗鹽，胡椒，發漲麵條既混合物 🤮。如果唔係有食過其他船麵，可能此生都唔會再食船麵。

今日去開九龍城，又點可以唔食泰國嘢呢？不過放工時間呢個鐘數，周圍都好多人，不如就買個外賣返屋企同屋企人happy share啦！呢間BTS，都可算係九龍城嘅其中一間人龍店，佢係Under小曼谷嘅餐廳，今日就試試佢先😂泰式燒豬頸肉 - 分量十足，大大盒，而且切嘅size啱啱好, 重點係個汁同豬頸肉非常夾食到停唔到口！👍🏻泰式海南雞（一隻) - 超有驚喜！冇諗過呢度嘅海南雞，又香又滑，份量又大，一隻有成兩盒，非常抵食，屋企加餸一流🤣串燒拼盤 - 包括有豬牛雞，雞翼，雞腎同臘腸，好豐富！燒得都唔錯，加埋沙嗲醬，好開胃😍總括嚟講，外賣都幾抵食，買返屋企加餸絕對值得一試，下次試埋堂食先！

點餐後，我迫不及待地等待著我的海南雞飯。不久後，一碗香氣撲鼻的海南雞飯被端上了桌子。鮮嫩的雞肉配上滑嫩的米飯，再加上醇厚的雞湯汁，讓我完全沉浸在美食的世界中。而且，這裡的海南雞飯還可以選擇辣度，讓人可以根據自己的口味來享用。除了海南雞飯，我還點了一些其他的小吃。椰青是我非常喜歡的飲料，而BTS美食站的椰青非常新鮮，喝起來非常清爽。珍寶腸也是一道非常特別的小吃，它是用腸衣包裹著鮮嫩的豬肉和芋頭，口感非常有嚼勁，味道也非常美味。最後，我還品嚐了他們的鮮蝦泰國金柚子沙律，鮮嫩的蝦子配上金柚子的酸甜口感，是一道非常開胃的前菜。

今日去左九龍城做野，黎得九龍城梗係到食泰國野，去左BTS買外賣返屋企食😋🌟牛丸牛肉船河 $63船河味道好正宗，湯底加入了豬或牛血令到湯底呈黑色，加入大量香料如金不換、蔥花令湯底唔會有腥味，牛丸好彈牙，同平時急凍丸好唔同，用新鮮牛做出黎，配料仲有軟腍嘅牛肉同牛柏葉🌟泰式鮮蝦炒金邊粉 $108金邊粉口感煙韌，蝦肉彈牙，仲有芽菜、豆乾、韭菜、雞蛋、花生碎，非常足料，味道酸甜，越食越滋味😚🌟芒果糯米飯 $88屋企人指定要食嘅，芒果🥭夠晒熟，食落香甜，糯米飯煙煙韌韌，食落咸咸地，加入香濃椰漿真係太好食🤩🤩🌟雞肉串燒 $22/串雞肉串燒外層搽滿沙嗲汁，好入味，點埋秘製花生醬更惹味😆🌟炸蝦片$25見到大大包嘅炸蝦片就忍唔住買埋，香脆可口，煲劇時食一流☺️

今日和家人吃中午，以前例牌的豬手好食，現在真係好咸，串燒太乾，醬汁一般。芒果冰就不似新鮮芒果，以混合芒果汁，不是新鮮芒果整。馬拉盞通菜正常，比較油在菜面。蝦餅就好大，但係都係粉比較多。

最近相約姊妹共聚，我和姊妹經過九龍城南角道，她帶我去「BTS美食站」，食店人流很旺，被它的食物所吸引，打算進入外賣覓食。餐牌上設有多款菜式選擇，美食當前無法抵擋，放縱一下自己，美味的食物，我都很鐘意，價錢很相宜。香芒蟹肉炒飯賣相相當吸引，炒飯好足料，芒果好大件，每一啖飯都充滿蟹肉，仲有肉鬆，肉質鮮嫰爽滑，滿載的味道清新，別有一番風味。海南雞（半隻）海南雞半隻份量十足，鮮嫩有彈性，脂肪很少，食落不會太過油膩，十分香滑，香氣四溢，味道可口。泰式炸蝦餅單單看樣子已經令人唾涎，熱辣辣炸蝦餅，蝦膠爽口彈牙，口感非常香脆，入口美味，剛好恰到好處，齒頰留香，饞嘴的我很想Encore。BTS美食站（九龍城）地址：九龍城南角道11號地下

今次去咗有小睇過自稱嘅九龍城買飯食去咗買串燒同埋沙冰外賣返去食呢度嘅串燒好得意我買咗個串燒拼盤，裏邊分別有豬牛雞，雞全翼，雞腎，仲有最估唔到嘅係佢仲有泰式臘腸，真係勁意外，估唔到有泰式餐廳會將香港地道嘅嘢食，變成泰式嘅味道😂😂😂個人認為佢一份串燒已經好夠飽，不過食咗咁多肉同臘腸，會建議配埋一碗飯😂😂😂另外我哋仲叫咗椰皇沙冰同西瓜沙冰，超級好飲，椰皇好重嘅青味甜甜地幾好飲，而西瓜亦都有好純粹嘅西瓜味，而唔係有糖漿😆nice!

餐廳位置近地鐵站，非常方便，整間餐廳滿鋪泰式情懷，張貼著一大張泰國BTS地圖，另外餐廳亦有VIP房間用餐，想一班人小聚chill下亦無難度。串燒豬肉 嫩滑，肉汁水分被鎖住，不會太乾身扎肉 口感紮實，燒至金黃，沾上沙嗲汁，更惹味珍寶腸 燒至外皮香脆，內裏不會乾黃咖哩雞肉 黃咖哩溫和不辣，較適合不嗜辣既朋友。雞肉新鮮肉嫩，咖哩內的薯仔也煮腍入味泰式馬拉盞炒椰菜苗 以馬拉盞炒得非常香口，炒得夠穫氣，椰菜苗夠鮮嫩泰式鮮蝦炒金邊粉 必食推介！鮮蝦彈牙爽口，將花生混入金邊粉，更香口，口感更豐富小曼谷原隻芒果糯米飯 超甜原個大芒果，鮮甜多汁，加上椰汁糯米飯，糯米軟糯，絕配椰汁西米糕面層香濃椰汁，下層綿綿西米，地道泰國甜品

放工想食泰國野，過黎九龍城買外賣，餐牌都幾多選擇，揀左好signature既三樣野。雖然當晚堂食客好多，但外賣出餐都好快手，抵讚☺️🌟 泰式炸蝦餅 $100蝦膠用香左少少泰國香料，未點醬之前已經好夠味，油溫控制得好好，金黃色外脆內彈牙，唔會太油。點埋泰式辣醬又係另一種風味🌟 泰脆炸豬手 $160超大隻炸豬手，$160算合理，又係炸到皮脆肉嫩，筋位好淋，瘦肉部份都唔會好鞋🌟 小曼谷原隻芒果糯米飯 $90糯米口感Q彈，甜甜地仲好香椰香味。夏天來臨，芒果又係當造期啦，又甜又多汁，超滿足既甜品🤤