Burger Joys (君悅居)

Open Now

Now Closed

下班後在公司附近找些速食，於是找到了這間漢堡店，因為不想去一些很熱鬧的店，想靜靜地吃個快餐，見到這裏的漢堡選擇也有很多👍🏻這店只有一個服務員在前台，還挺有禮貌的。我們點了一個牛肉芝士漢堡及魚柳包，其中一個跟套餐的。不得不說他們魚柳包的魚柳很大很厚，外脆內嫩多汁，吃得到一塊塊的魚柳紋，加上沙律醬的配搭好邪惡又飽足😍 漢堡包皮有煎過一面，所以吃落口感好好，而且有陣令人流口水的香味～ 另外一個牛肉芝士漢堡套餐，也同樣好有份量，套餐配菜有四個選擇，我選了扭扭薯條，熱辣辣的十分香脆可口🥰🥰

餐廳位於灣仔地鐵站附近鄰近地鐵站路程，只需要5分鐘左右方便又快捷。芝士漢堡,外皮香脆的麵包，內裡多汁的牛肉餡,再加上濃郁的芝士,難以抗拒。每一口都充滿了經典滋味,飽滿的肉餡配上煎香至金黃的麵包,口感紮實而不油膩。外表看起來很普通，但吃起來卻充滿特色。脆炸薯條，外酥內軟，炸得香脆可口。散發著濃郁的香氣。配搭蕃茄醬別有一番風味。熱辣辣的送到你枱上果然非同凡響。配搭一杯冰涼的啤酒，絕對是重點。解決炎熱也能為你帶來一陣清新。

食漢堡包🍔 我通常都去專門食漢堡嘅地方！呢度🍔嘅Burger係每日新鮮用美國USDA安格牛肉🥩手做架！咬落又juice，肉味又濃！我鐘意點 #芝士牛肉漢堡 係餐廳嘅signature dish🍔 Burger麵包軟熟 🤭配上充滿油香而厚厚嘅 #漢堡扒，夾埋芝士同配料一齊食，口感豐富 好滿足啊🤤食漢堡當然要食薯條🍟啦！呢度粗薯條份量都幾多~~薯味濃郁，熱辣辣 脆口！再點個 蒜香雞翅🍗！蒜粒突出咗蒜香味道有少少辣 肉汁豐富 好惹味！🌶️ 店鋪🪑裝修係英倫風格 以高櫈Bar檯為主 都幾chill吓！🥰

好求其行入去一間burger店，近門口好特別，復古風格，去完之後返到屋企check咗呢間舖原來先知佢係全球50間最出色漢堡店，唔知唔覺原來食咗一間美食舖，哈哈哈哈個魚肉漢堡好大隻，中間一份魚肉炸得有少少燶咗，乾咗少少，但係魚肉都幾鮮嫩，仲要加埋佢哋特製嘅醬唔會覺得好膩，個芝士漢堡呢就細咗好多，相對比與魚柳包嘅話，但係麵包比較鬆軟，然之後好香濃嘅牛油味，牛肉餅好有牛味，煎得到火候啱啱好，夾埋蕃茄生菜酸黃瓜加埋好似千島醬嘅醬，酸酸地好開胃，幾好食，炸薯仔份量好多，炸得好香脆，類似於薯大阪，但係係細細的粒狀，入邊仲會有一粒粒嘅土豆肉，比較推薦呢個炸薯仔，好味

The food quality is soso, the sweet potatoes fries were burnt and a bit pricy for the ‘add-on’. The staff service was extremely poor, especially the cashier lady who spoke loudly to me and was rude in the conversation. Very unpleasant experience.

好細個嘅時候喺麥當勞食完扭扭薯條，就愛上咗。雖然麥當勞定期都會有，但係好多時候都唔想又去返麥當勞食，於是乎就不斷喺坊間搵有冇扭扭薯條。暫時發掘到有扭扭薯條嘅餐廳五間數得晒，Burger Joys就係其中一間。‣ 雞肉漢堡 $89唔想下下淨係食牛肉，所以都嗌一份雞肉，覺得比想像中更加有驚喜，啲雞肉多汁嫩滑唔會好嚡，外皮香脆再加上蜜糖芥茉醬真係唔講得笑。食到一半覺得好似比牛肉更加好食，可能因為對雞肉本身冇乜期望，值得一試。‣ 牛肉漢堡 $99只可以講係正常發揮，略嫌有少少乾，但係牛肉味都好出，醬汁芝士配搭都好好，唔會令到個包變淋。我覺得漢堡嘅份量比起幅相入邊更加大，食完其實都覺得好飽，食埋份薯條就覺得好頂肚。‣ 扭扭薯條 $39呢個價錢嚟講我覺得佢比嘅份量都好足，一邊食嘅時候就覺得好爽，終於食到我心心念念嘅扭扭薯條。曾經有諗過真係嚟嗌一個薯條放題，淨係嗌扭扭薯條叫幾十份，加埋奶昔就真係邪惡爆燈。#foodbara_diary

🌟整體評分: 8/10🌟❤️味道：8/10🧡環境：8/10🩵服務：9/10💚性價比：8/10💗小朋友喜愛度：8/10餐廳環境幾chill, 似bar既格局， 人少少過黎食野，似返杯啤酒就fit啦！灣仔區有好多間Burger Bar, 呢間唔係排第一都第二！點解？淨係自家製個麵包都贏哂啦！漢堡包同平時一般唔同，有少少蛋糕鬆軟感，更加可以吸哂漢堡既肉汁，Signature Beef Burger 無得輸！仲有Buffalo雞翼都好正！ Burger Joys 選擇幾Classic, 但都出左impossible meat burger，素食者都岩啵！

兄弟姊妹呀，今日我要同大家嗌聲：終於搵到間可以隨時光顧嘅漢堡店啦！店入面氣氛熱鬧得嚟，仲幾有美國風味，食完個人都精神靚啲。先講返芝士牛肉漢堡，我可以講，肉汁呢個勁，每啖都如融化嘅芝士般，熱辣辣包裹住我塊舌，好滋味！再來個魚柳漢堡，脆皮下面嗲得滑嫩嘅魚肉，本身已經好吸引，夾埋酸甜酸甜嘅醬料，簡直係絕配！落手落腳嚟到薯條，勁脆又唔會過油，正至彈啊！最後，Buffalo Wings嘅辣味剛好，食落去唔似啲平時攞嚟嚇人嘅超辣，而係那種隨住時間越嚼越有味，最後令人回味無窮。整體嚟講，呢度嘅漢堡同小食，足以令人回頭再嚟，食指大動！😋👍🍔

之前已經聽到吾少人介紹burger joys, 系美式漢堡style, 所以前幾日終於去左食lunch~ 漢堡價錢平均$100, 加$42 就可以轉餐有埋飲品&薯條🍟 D野食系即order即整，我就嗌左牛肉漢堡，好juicy 😋餐廳選用美國牛肉整成漢堡，多料到一啖都咬吾哂～炸物有得揀薯條/薯堡/扭扭薯條/洋蔥圈，好多款式！我就揀左扭扭薯條，好脆口，新鮮炸起嘅薯條真系會令人食到停吾到口😂同埋薯條已經充滿調味料，好夠味好香口👍🏻

呢晚嘅 #灣仔 異常平靜，我哋沿住 #灣仔港鐵站C出口 一直行，終於嚟到 Burger Joys。坦白講… #小秘書 一向對 #薯條、#漢堡包 冇乜興趣😅 就算要食🍔🍟都只會搵到去 #麥當勞 嘅我，呢餐唔係朋友仔提議，我諗我都未必會特登過嚟幫襯😏 餐廳地方唔係太大，環境有點英倫味道，座位都係以高櫈為主，雖然唔算坐得好舒服，不過偶爾chill吓，都幾有特色嘅。其實呢晚過嚟幫襯係有特別原因嘅，朋友仔本身係素食者，所以好多時都鍾意捐窿捐罅搵啲特式素食試吓，而今日佢就係為咗個 #雜菌蘑菇芝士漢堡 而嚟😚 服務員同我哋講餡料係用幾種唔同嘅菇類打成，味道特別香濃🤤 而我揀嘅 #芝士牛肉漢堡 係餐廳嘅signature dish🍔 鬆軟而帶有些少甜味嘅漢堡包，配上充滿油香而厚厚嘅 #漢堡扒，夾埋 #紫洋蔥、#芝士 一齊食，口感非常滿足🤤 不過美中不足嘅係佢哋嘅 #薯條 喺我哋食嘅時候已經淋咗😅 對已經食到半飽、又唔鍾意食薯仔食物嘅我，就更加無能為力食埋落肚😅 好彩最終有朋友仔嘅支持，先唔使做大嘥鬼咋😉📍 Burger Joys (灣仔)駱克道42-50號君悅居地下E號舖

《Hong Kong‘s No.1 Best Burger》If you love burgers, you’ve definitely heard of Burger Joys! The restaurant has been named the No.1 Best Burger in Hong Kong and the 5th Best Burger in Asia by Big7Travel! Burger Joys brings the food concept and unique style of Los Angeles to its menu, insisting on using fresh ingredients and high-quality beef paired with homemade buns and sauces. Whether it‘s the texture of the bun, the quality of the beef, or the combination of ingredients, every bite is a delight

約咗朋友睇食飯+睇戲，由於收工遲咗所以就選擇咗食漢堡，朋友帶我嚟咗位於灣仔嘅Burger Joys，平時揸車都有經過，但一直無細心留意以為係酒吧，朋友仲話呢間係亞洲區好出名嘅漢堡，有好嘢食當然要細味品嘗！點咗個Double Cheese Burger Combo + 蒜香雞翼 + 凱撒沙律Double Cheese Burger 嘅麵包好鬆軟，食落感覺好似新鮮出爐嘅麵包，淨係個麵包已經覺得好好味，而內層嘅漢堡牛肉有豐富肉汁再配上芝士香味，真係暫時食過最好味嘅芝士漢堡！蒜香雞翼上嘅炸蒜都好香脆，雞翼剛剛熟所以肉汁亦都好豐富，而且肉質嫩滑。凱撒沙律就無咩特別。有機會要再嚟試吓其他味道嘅漢堡！

逢親想食Burger都會諗起Burger Joys 今日又再去食Beef Burger叫咗一個Combo Set 揀左Single Burger/ 薯堡/ 同埋Coke Zero 只係一百蚊鬆啲 佢Drink其實可以揀啤酒 中意飲酒同朋友Happy Hour嘅話會覺得更加抵Burger麵包軟熟 牛肉夠厚又Juice 加埋中間啲蕃茄酸瓜生菜醬汁夾埋食係好正薯堡新鮮炸起又薯又香口Buffalo Wings 我哋叫咗一打 醬汁夠正宗夠酸 雞翼又香脆Juicy 每隻雞翼嘅外皮都畀醬汁包裹均勻另外我見呢度有唔少酒類套餐都幾抵 二百幾蚊六支Corona 真係啱曬同朋友嚟Happy Hour

話說我其實都好鍾意食漢堡包，我覺得一個好嘅漢堡包除咗肉嘅質素之外，個包都好緊要，我自己就唔鍾意濕咗淋啤啤嗰啲🙈聽人講呢間漢堡包嘅包係米芝蓮大廚Michael Gillet研究出嚟，所以一直都好想試，今日終於有機會去試啦🎉🧀Cheeseburger 果然個漢堡包冇令我失望，個包唔會比番茄或者過多嘅千島醬汁整到濕咗、食落有牛油香之餘係有鬆軟嘅感覺，唔係一般攞貨返嚟嘅包。漢堡扒肉質juicy又油脂香。下次我想食double burger🤣🥤+$42 combo cranberry juice 🍟+$12 Cajun fries係幼身炸得好香脆嘅薯條，加上辣粉真係超惹味食唔停口。🍗Chicken burger 個包一樣係亮點，入面個雞雖然係炸但係唔油膩仲有肉汁。

試左佢地combo，漢堡加扭扭薯條！一直都係扭扭薯條忠實粉絲，但每年麥記只有農曆新年嗰排先有得叫，所以與其話期待個burger，不如話我其實真正目標係個薯條！不過今次扭扭薯條味道始終有少少寡，懷疑香料味道唔足，係冇麥記嗰啲咁香。雖然脆係脆，質感係好，但味道係淡，不論薯味或者調味。所以個扭扭係咪好出色？我會話唔係，佢滿足唔到我嘅扭扭癮，亦唔足以令我會想返兜。至於個burger，個包的確同平時burger 大有分別！超級鬆軟，亦都比較厚身，所以鬆軟到好似蛋糕咁！亦都因為似係落左唔少牛油？所以其實個包有啲漏，外面唔脆，主要係鬆軟，但其實問我的話，我自己反而prefer冇咁多牛油甚至冇咁鬆軟嘅麵包，呢個純粹係個人口味。個patty因為麵包太厚身牛油味重，所以其實被蓋過味道，但我都食到係好香牛味。因為佢係嗰種薄身但煎到脆身類似smashed burger嘅patty，但一樣好juicy，所以個patty係正。應該未必再會光顧，附近有其他性價比更高的burger 店，但如果口味係鍾意呢種超厚身鬆軟牛油麵包嘅，應該鍾意呢度。