漢堡王

Open Now

Now Closed

再補一補飛先, 呢度跟餐杯汽水係有22安士, 都幾大杯架! 師傅之前淨係掛住寫, 唔記得比分添, 拿拿聲比番分同埋笑臉就梗架啦!而家而已又心思思想試下個辣華堡喇!

上星期去左山頂, 其實無他, 最主要係想黎呢度食野就真, 如果唔黎呢度, 咁就要去機場, 既然機場冇咩睇, 咁不如黎呢度搭下纜車, 行下街啦!餓住肚咁上黎食晚餐, 入到去都幾多人, 搵左一陣先有位! 兩個人商量左一陣決定叫個華堡餐, 華鱈魚餐同埋雞棒棒餐!華堡真係好大個, 而且好好味, 沙律醬汁適中, 熱辣辣既華堡加埋大大塊既蕃茄, 而蕃茄又好鮮好甜多汁, 漢堡好香有肉味, 真係唔識停係咁食; 華鱈魚既鱈魚唔油, 脆脆地加埋沙律醬, 好味, 加上個包好鬆軟, 正呀; 雞棒棒一盒有八條, 炸得有d乾身, 肉質就鞋少少, 點少少燒烤醬就會冇咁乾身, 易入口d, 呢個一般; 至於薯條都幾大條, 炸得幾脆又唔會太硬, 趁熱時食就冇得頂!其實都幾貴架, 如果唔係有d優惠師傅都未必會去咁密, 不過都係果句, 個華堡真係好掂呀, 如果未試過, 咁就一定要試喇, 小華堡反而唔會有咁震撼既感覺, 師傅覺得大比細好, 希望遲下市區都會呢間食店啦, 下次一定會再去!

淩宵閣重開之後都未去過~今日特登去行下and去Burger King試下個burger~今日真係超大霧~能見度得10米左右~周圍都白蒙蒙一片~搭巴士上山個時仲差d同架惠康車相撞...=.="落車後就去左burger king食lunch~叫左個whopper餐★★★★★★★☆☆☆個包有好多餡and醬汁~生菜, 蕃茄, 沙律醬, Tomato, Onions, Ketchup, 酸瓜, Grilled beef~幾好味~之後再叫左個Double Cheese Burger ★★★★★☆☆☆☆☆塊肉干左d~食落口雖然都有肉味~但係整個包都好干~服務方面唔多好~d員工成日係度吹水~唔多理你~

叫了6號餐, 有ouble Cheese Burger走酸瓜,走芥醬,加becon: 個包少汁,細個,不值此價錢(Triple O's的正很多)薯條: 普通(M記的好食d)另加個BK BIG FISH(華鱈魚): 一般不過山頂冇乜得揀(除非你有錢),平平地的話,呢間已經係首選,其他好易中招!

上到山頂就去buger king 到食左個雞包set個包係比x記d 包好味同大個.但係都唔係特別特別好食.可能牛肉包會好食d..但係因為本人唔食牛肉..薯條有d "林"..不過不失!不過下次上山頂要我擇選食x記定食buger king 黎講我都會食buger king 因為黎個價錢黎講buger king 比x記好食好多!

特登上山頂食burger king,食左個煙肉芝士漢堡餐+芝士漢堡餐我地其中一個轉左洋蔥圈,都唔好味o既,成團粉咁D薯條又唔熱全部野都唔太熱!!!食完仲好口渴添呀!

與男友上山頂，專程為了這間快餐店。12:15去到，不算多人。兩個人，叫了個華堡餐，散叫炸雞漢堡，1客洋蔥圈，1個蘋果批。華堡真的很好吃，個沙律醬整得很好味，加上富有肉味的漢堡，正！但是個包是暖的，令它失了點分數。個炸雞堡要等一會兒才有，新鮮炸起的雞，有點"鞋"，應該是雞胸。叫了太多野食和太飽的情況下，放棄了半件雞胸。OK la！洋蔥圈最為特別。在炸粉上洒了些麵包糠，令炸完出來的效果比較香口，令我吃到停不到口。每個圈的size也一樣，好奇心驅使的情況下，拆了外層研究一下！原來係麵粉加洋蔥粒整成圓形。和我想像中用原條洋蔥炸的（例如：Ruby Tuesday是這樣做的）有點不同。薯條的厚度與麥記差不多，好過麥記。但本人偏愛厚身薯條，所以覺得Triple O's好一些。到最後的蘋果批，炸得很脆，好味。

昨天第一次食Burger King，食1號餐華寶，所有材料好新鮮，超好味，小小洋蔥圈好脆，食過後相信已不能再食麥記了！

每次到山頂都會有衝動買一個華堡o黎食,因為唔係周圍有,又可以懶係懷緬o下在外國o家日子,雖然唔係最好味o家漢堡,但有佢\獨特o家味道,塊牛肉雖然不是超厚那種,但咬落唔會乾真真,有炭燒味有肉汁,還有夾雜著新鮮的生菜,蕃茄和洋蔥,混埋D醬汁,一口咬落去,無o野講,下次再o黎.

既然一場上到黎, 就一於試個最重份量的set: 三層芝士華堡order後職員先奉上汽水及薯條, 而主角係隨後2分鐘就由職員送到黎. 由於個包係剛剛整好, 所以都幾燙手. 見到那3塊牛肉的邊位都有少少燒焦, 證明佢地真係用明火黎燒扒. 至於其他配料都好新鮮, 整體配搭得好好.因怕熱氣, 薯條之後先食, 雖然灘凍左, 但外層仍然好脆, 唔會好似m記個d咁淋晒.希望佢\可以快d開多d分店. (山頂同機場對於我真係幾唔方便)

其實已經唔係第1次黎食burgerking架喇..但上個禮拜食完freshness burger之後,真係要黎山頂食返個熱辣辣漢堡!哈哈,burgerking既出品真係唔同d..個華堡熱辣辣之餘仲有一朕其他漢堡無既燒烤味=]正呀!! d薯條又比老麥個d更加有薯味*不過包洋蔥圈就無想像中咁好食..推介:華堡+薯條=]

鍾意burger king 多過m 記係因為burger king 多左一份誠意：薯條外脆內軟，就算凍左都依然可以保持外脆呢一個重要既口感；華堡既牛肉有烤過既香味，剩係呢點都已經比m 記優勝了，不過價錢就當然......但如果有得選，我都依然寧願俾多少少錢。

跟bf來山頂揀了最經濟的burger king食tea叫左2個set芝士煙肉雙層華堡餐(加大)小華堡餐(薯條轉洋蔥圈)小華堡無咩特別但係個芝士煙肉雙層華堡餐真係好好味特別係個d芝士真係好香!!!同埋呢度d包有埋生菜番茄感覺唔會好肥膩又好味=]薯條都係m字頭快餐店好味d而洋蔥圈就幾香,不過硬左d汽水...只可以話"大杯"整體都好好味但建議大家唔好笠亂加大個餐因為真係會好濟嫁

四年前去加國旅行後愛上Burger King當知道佢\重出hk江湖好開心!!Burger King加油!!最好撼低mc don don!!Burger King山頂店開業以來吃過兩次第一次(超期待)...1號餐\華堡!!超超超超超好味!!!M記真係比唔上Burger King!!亦冇乜可能比得上!!第二次(一個平日的下午...冇乜人...幾好feel)...最尾個餐\魚柳包!!好失望/.\\冇乜味...M記好食D (陰公,一場上到THE PEAK)加左4件chicken wing...唔錯唔錯正架!今次坐出面...大風到同隔離枱d紙巾果d飛哂出去!!哈哈今次加左大(果日冇食breakfast+lunch)...真係好大...食唔哂+飲唔哂oh no! hehebut i still like Burger King!!期待下一次!

車仔麵一早就落左格, 見又到四點幾, 不如食個tea喇, 難得兩口子拍住拖咁上山頂, 咁兩個人都從來未黎呢度食過野, 於是乎咪豁出去試下囉!入到去地方唔算好大, 環境光猛, 而且都好多人下, 好難先搵到位, 於是乎單邊高都照坐, 睇左一陣先決定到食咩!我要左一個小華堡, 同埋一個甚麼雞排堡餐加大, 加大就係薯條同汽水囉! 薯條都幾大條下, 炸得都幾脆又唔會太硬, 我就覺得好味過麥記好多而且份量足好多; 小華堡就走左洋蔥, 個包份量好大下, 裡面有牛肉, 蕃茄, 青瓜同埋d醬汁, 個包就好鬆軟, 牛肉好香好有牛肉味, 蕃茄好大塊好多汁, 青瓜反而唔多不過酸酸地配埋d醬汁, 好好味, 呢個包有d似麥記個至尊漢堡, 不過佢大個好多, 食左好耐都食唔完; 雞排堡個樣好似熱狗咁長長地, 個size都幾大, 不過塊雞肉就比較乾身同埋幾鞋下, 呢個反而差d, 唔係咁吸引, 我諗佢個魚柳包會幾好味! 價錢都幾貴, 好彩今次有coupon, 唔使咁貴, 埋單$29, 佢最平一個包都要$19, 一杯汽水都要$12, 你都咪話唔貴, 不過師傅覺得如果摩斯漢堡都做得住, 咁多人排隊話, 咁呢間野絕對好過摩斯