吉豚屋吉列豬扒專門店

Open Now

Now Closed

原本計劃到石門吃串串，意外發現結業了...於是來到旁邊的吉列豬扒專門店，主打平價快餐食物，有點像吉野家，但不需要自行取餐所以有加一服務費，上餐速度十分快；原來這間餐廳大有來頭，全球超過400間分店，單單香港已經有6間分佈在九龍港島  ᐅ  吉列豬扒+吉列雞扒定食 $83 吉列豬扒確實有水準，外層酥脆少油，內層肉質鬆軟有彈性；雞扒十分厚，甚至比豬扒還厚🤣餐廳不會為客人淋上醬汁，每張台設有豬扒醬及芝麻醬，可以自由選擇；豬扒醬汁夠黏稠，可以沾在豬扒上，亦有助解除油膩感，不要忘記為舖底的椰菜淋上芝麻醬！ ᐅ  野菜豚肉湯+巨峰玉露 +$13 終於吃日料不是喝味噌湯了 (雖然湯有使用味噌)😆湯較濃稠，有少許豚肉的豐腴甘香味，值得一試；對巨峰玉露的平價是：超甜 ᐅ  吉列炸蝦豬柳泡菜湯烏東鍋 $79 吉列豬柳較瘦及薄身，再選擇一次我會點吉列豬扒~炸蝦的外皮稍微厚身，泡菜湯濃郁，烏東有勁道，整體偏濃味 ᐅ  話梅熱桔梗咸檸特飲 +$12 | 正常發揮

平日下午3點，無咩人。不過星期六日會勁多人，要等位既。3點已有下午茶餐，不過我無叫。叫左雞扒牛肉壽喜燒，配湯同飯。$69 加一份量好多，個湯一啲都唔hea, 有肉片，菜， 蒟蒻。 個白飯係用珍珠米，好咬口！個壽喜燒仲有隻半熟蛋，用黎撈飯，一流呢。雞扒炸得好脆，同埋肉係嫩既，個牛就唔洗太大期待啦。我無叫飲品，侍應主動比左杯水我。 座得舒服，但有啲位置冷氣風比較大

在餐廳點了吉列雞扒牛肉壽喜燒餐圖中吉列雞扒下方會浸泡在汁上，上方應能保持招牌脆皮，客人應可同時享受到吉列雞扒的脆皮，亦可以試到壽喜燒牛肉。但出來的結果是把整塊雞扒都淋上壽喜燒汁。（廚師應把壽喜燒汁淋在牛肉上，但反而把壽喜燒汁從上方直接淋在雞扒上，烹調手法有極大問題（令到整塊雞扒都是又濕又軟的粉漿，難食程度嚇人。訊問職員，職員說這是日本標準，但不管餐牌上還是其他餐廳的食評都是有保持到脆皮的出品。職員服務態度差，強辭奪理，成品缺乏監管。廚師缺乏經驗，不能如圖出品。又淋又濕的雞扒別人食評中仍可保持脆皮的雞扒

吉列豬扒唔會係屋企整嚟食，因為用得太多油去炸，所以出街食炸豬排係最好選擇。叫咗個吉列豬扒定食69蚊，肉質好鬆軟唔會好鞋，而且豬扒都有一定厚度，外皮炸得脆唔係硬脆果種，炸皮唔會好厚，食完唔會覺得好油膩。

環境簡簡單單，乾淨企理，套餐相當經濟抵食。點自家製豬扒醬汁比其他吉列豬扒專門店酸味重一點，炸物的確出色，豬扒同雞扒大大件，十分飽肚，就算係煎炸食物都脆口不油膩。

以前真係成日食吉豚屋 覺得佢平得嚟食物質素又唔錯🤣但今次再食就感覺佢地嘅豬扒飯無以前咁好食🥺滑蛋豬扒飯 ($49)今次再食覺得炸得一般 滑蛋唔算滑 豬扒唔算酥脆 唔知係咪因為啲蛋浸淋咗 炸粉略嫌有啲厚 下次可能嗌定食會好啲😢我仲加咗$8炸蝦🍤覺得真係好抵 必加🥺隻炸蝦雖然係另加 但店員會問你係咪連埋飯一齊上 咁就唔會凍晒🤤上菜個一下真係feel到隻蝦係啱啱炸起熱辣辣 而且真係非常酥脆!!! 蝦亦唔會炸得過熟 係我最近食過最好食嘅炸蝦!!🤤推薦指數：🌟🌟🌟【𝐏𝐫𝐢𝐜𝐞: 3.5/5 𝐅𝐨𝐨𝐝: 2.5/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ

石門嘅吉豚屋，永遠都係排曬長龍，今日就算十二點就出發嚟，都要排隊幾乎次次嚟都係食呢個泡菜湯烏冬配炸蝦同炸豬排。分量超大次次都食唔曬可惜今次嘅炸物炸粉好厚，食落去粉多過肉….同埋最唔鍾意就係呢度得沙律醬，無mayonnaise

加一服務費，但是無服務可言！入到去又叫人隨便坐，坐好了又要人去其他位置，位置不足理解啊，那你又叫人隨便坐？！一句唔好意思都沒聲！之後飯來啦，更加好笑！直接就把個飯丟在我對面，要我自己拉返過來食，拿個飯來正面樣都無！直接就丟我對面！立刻轉頭走人，你比我那個係炸彈啊？明明其他人，2個人，4個人那些就好聲好貌地問這個餐是不是你的，還要小心翼翼地幫人轉返個正面比人！點啊？？歧視一人食啊！到食物啦，炸豬扒！完全唔催！！OK，因為個滑蛋放上去，那你炸到柴到咁都低唔脆喔！你話好食我都沒那麼生氣啊！劣食！服務又無！

Hello 大家好👋🏻！今日我嚟到位於沙田石門嘅「吉豚屋」吉列豬扒專門店。今次同大家分享一下我嘅午餐經歷。 佢哋除咗有炸豬扒之外，仲有炸雞、炸蝦、 鰻魚飯等…今日點咗「炸蝦豬柳泡菜鍋定食」。單價@ $75泡菜湯味道ok, 略為偏咸， 豆腐夠滑，仲加咗隻蛋，送飯食不過不失。炸蝦炸豬柳跟椰菜絲。炸豬柳件頭好細😅， 基本上食一啖可以K.O晒成件😅。豬柳炸後偏乾，大致上… 係無豬柳嘅味道，得油炸味😞。炸蝦炸後仍然食到蝦嘅質感， 但… 都係無蝦味，得油炸味😞。佢哋有兩款醬汁任意添加。豬扒醬好重喼汁味，類似喼汁溝燒汁，因個人口味加減。芝麻醬偏甜， 相反加落椰菜上食會好啲。最後講下最先上嘅餐飲， 我點咗「巨蜂玉露」， 唔知因為今日係公眾假期還是新年檔期抑或中午飲品無跟餐價， 服務員只係講收正價並無交代清楚。 反正食煎炸嘢配凍飲好緊要，正價無問題啦。 但杯飲品係失望之作， 無論賣相還是味道😭，好甜… 死甜味。比日本超市賣果隻巨峰乳酪飲品更甜，佢哋加咗藍莓爆珠同椰果亦挽救唔到杯飲品… 我望住杯嘢飲.. . 好後悔！ 食完過隔離買台式嘢飲或者7仔買汽水飲好過😞飲品單價@ $22美食指數：5🌝最高味道：🌝🌝

琴日半天工作，放工時好想食吉列豬扒，所以去石門京瑞廣場吉豚屋，去到已經有十幾人等緊，等咗12分鐘就可以入坐，等候時見到有poster介紹吉列豬扒拼牛燒肉定食，自己都喜歡試新嘢，立即叫咗一份，等咗十分鐘就到，即炸嚟請都算幾快，但係見到塊豬扒比之前食嘅細咗一半，就問店員係咪豬扒，佢問完同事返嚟答我係，我唔想影響食欲所以冇追問，多汁又脆，牛燒肉都好味，份量都正常，豬扒跟食開一樣，只係細塊咗，對超鐘意吉列豬扒嘅我，真係滿足唔到，呢款以後都唔會再叫。

每次經過呢間舖頭都會見到有唔少人排緊隊同埋飄出黎既吉列香氣今日終於試到啦餐廳唔算好大 又唔算好小既 但位置真係唔多，不過都坐得幾舒適，衛生程度不可不失今次Lunch都等左15分鐘有位坐 店員人手好似都5太夠 執5切枱menu都有5少款式選擇~ 我就揀左 佢限定推廣既 $55吉列雞扒特製冷拉面連鎖式吉列豬扒專門店，果然炸得好鬆脆，炸皮亦都唔厚，但雞扒唔算厚切入口佢出面嘅外層，脆皮、輕、薄、鬆散!入邊嘅雞扒仍然保持到濕潤及有肉汁，呢個真係要值得一讚嘅！而朋友就揀左 $69吉列豬扒定食聽佢講味道都好食既，分量亦都多既  佢大讚值得回頭再食呀!而且豬扒底下配襯左一大堆幼細嘅椰菜絲，你可以跟沙律醬撈埋嚟食當沙律，突然自我感覺健康左! 

日式家庭餐廳好處就係坐得寬敞一家大細一齊食飯都唔覺逼午市都算旺場好多街客捧場呢家以炸物為主不過真係炸得幾曳下粉厚好快淋食落好膩肥牛都乾爭爭飯底既汁都不足唔會推介

石門的變化很大, 多年前曾在石門工作, 當時就只有工廠飯堂. 如今竟有個商場, 還有不少食肆選擇, 沙漠中的一點綠洲. 雖然找來的是連鎖店, 但畢竟大家都沒有試過, 也試一下吧. ❣️吉列三重奏🐖貪心什麼都想試，三重奏太合適不過！內有吉列蝦🦐，豬扒和豚肉餅。吉列皮清脆聲音的聲音令人滿足，豬扒還有點肉汁💦，不會乾，豚肉餅味道挺豐富，送飯實在不錯。味噌湯🥣很多材料，喜出望外！⚜️吉列雞扒咖哩飯🥘雞扒不乾，沒有雪味，加上咖喱汁，是很實在的選擇。是一家想吃吉列豬扒過過口癊, 又不想大揮金錢的話, 這是極佳的選擇!

又到星期日，係個要去搵地方食晚餐的日子。阿仔一向鍾意食吉列豬扒飯，難得妹妹今晚唔喺度，咁就由佢揸fit揀咗呢間吉豚屋。呢間餐廳嚟過好幾次，所以嘅餐牌都算係熟悉的。雖然嚟嘅時候諗住要食吉列咖喱豬扒飯，但係睇到餐牌竟然有壽喜燒，於是乎就轉軚試食新嘢。三個人叫咗三個餐，分別係滑蛋吉列豬扒鰻魚飯，吉列三重奏定食同埋我要嘅雞扒牛肉壽喜燒鍋烏冬。老公叫嘅最先上，又豬扒又鰻魚，最啱佢呢種魚與熊掌兩者兼要的這種人。阿仔食佢一向鍾意嘅吉列三重奏，我個人會盡量避免食煎炸嘢，但係睇到佢食得津津有味，後生仔食得肥膩少少都唔緊要啦！我係極鍾意食壽喜燒的人，諗唔到喺呢度竟然有個咁嘅雞扒牛肉壽喜燒鍋烏冬餐。雖然個名聽落去有少少九唔搭八，但係出嚟嘅效果都算係幾好，起碼我覺得呢餐我係食得滿意的。埋單每人約90蚊，日本餐喎，價錢算係咁喇！

星期六12：30石門好多人， 好多食肆都排隊， 選擇此間， 以為唔駛排， 原來在店內排，幸好起碼有冷氣。內在環境好一般， 像日式快餐店， 仲要好嘈。剛坐在旁的3口子（媽在講大聲電話， 仔不 斷跳及嘈， 工人在旁扶實小孩） 。 小孩不斷走來我坐位， 又嘈叫， 好影響我， 頂唔順， 要求侍應轉位坐。 轉左位， 旁又有2名青少年， 嘈# 不過 好過3口子。滑蛋吉列豬排鰻魚丼$89跟巨鋒乳酸 +$9滑蛋唔多又唔滑， 炸豬排係厚但唔鬆， 鰻魚過份林滑蛋吉列3重奏。$69跟可樂。+$9炸雞， 炸蝦， 炸豬柳滑蛋唔多又唔滑， 炸蝦好厚炸槳， 蝦有d硬炸雞， 炸豬柳，唔鞋口， 冇咩味道，正常水準總評食物好一般。 5.8分環境好嘈， 唔清靜， 周圍仲要d食客好嘈， 有小朋友枱更嘈。 4分如置身在茶樓。 嘈