纜車餐廳

Open Now

Now Closed

今日同身邊人行行下街見肚餓，就望下附近有咩餐廳喇，跟住見到呢間纜車喇，好好好好耐之前試過一次，咁就gogogo la下午茶餐佢有好多款，但今日唔想食麵，就叫左個。公司三文治一黎到都幾大份，上面重有幾塊蝦片主要有青瓜，蛋，火腿，蕃茄，同芝士最出色我覺得係佢個方包烘得好香好脆口，又無濃到蕃茄同青瓜既配搭令到咬入口都好juicy加埋芝士既味道，不錯份量兩個人食就岩岩好。下午茶時間都幾多人食，可能附近唔多餐廳，有時間可以再黎試埋其他

上水彩園邨可算是一條老人邨，自從前年領展翻新商場後，引入了不少食肆，供邨民不少新選擇，纜車餐廳就是其中一員。它的定位親民，菜式水準比一般茶餐廳高。今次吃的是西冷晚餐，有餐包、餐湯、主菜和甜品。當然，扒的質素不可與高級餐廳比，但一百元以下的價錢，算是超值了。

又來到彩園了，上次試過間日本餐廳中伏後，今日決定試埋呢間纜車餐廳。餐牌夠晒多選擇，飯，湯麵，撈麵等等都有，總有一款岩食，甚至去到要揀食乜都有d困難。最後揀咗呢個脆脆豬扒燥肉伴飯，雖則話係下午茶，但份量都幾大碟。開頭以為會係台式肉燥飯，但燥肉味道較似肉醬意粉嘅肉醬，撈飯食一流。豬扒做法似香茅豬扒，外層煎得香脆，內裡依然鮮嫩多汁，亦唔太油膩，配埋燥肉飯食唔錯。總括黎講，呢間纜車餐廳多選擇得黎，味道亦唔差，下次黎可以試其他野。

以山頂纜車做主題嘅餐廳，前排重新裝修之後比以前靚咗好多，連餐牌睇落都高級咗，部分餐具都換咗新嘅，食物質素又提高咗，仲有晒擺盤，睇落高級咗好多，但⋯⋯舊嘅餐具仍然有用，睇落髒髒嘅碟仍然keep住有用，湯又倒到出界都唔抹一吓就俾客人，實在有點降格，什至令人覺得嘔心，白碟上都黑黑，真令人胃口大減。

假日瞓晏咗，又唔想同人迫位飲茶又未想食晏時，就最喜歡去上水彩園邨商場嘅cable-car西餐廳 食早餐， 因為其他嘅食肆大多數 早餐供應至11點 ，唯獨cable car供應至12點 。價錢又大眾化， 三十幾蚊樓下都有頗多選擇，有西式嘅又有湯麵，價錢水平民化份量都好足。湯 面$32有好多嘅選擇除咗公仔麵，米線，米粉呢D基本嘢，仲有年糕，烏冬揀又不另收費，大愛。餸都有十一款揀仲包五款基本嘅飲品，其中咖啡係即磨嘅 ，仲冷熱同價真係好少餐廳做到。西式早餐都唔錯 奄列做得幾好，可以跟 多士或者沙律，但牛角包就略太軟及太油膩了點。還有彩園商場屬領匯管理，停車場首小時免費，食完早餐仲可慢慢取車都黎得切。

纜車餐廳呢個平民西餐食堂終於回歸😂其實間隔好似無咩點變 不過光左同企理左好多就真嘅⠀真係好鍾意呢度嘅羅宋湯因為帶少少嘅辣味 同埋入面好多蔬菜料⠀忌廉湯係我爸爸嘅至愛 正在佢真係日日唔同款咩南瓜忌廉湯 海鮮忌廉湯都有 今次係火腿忌廉湯⠀蒜蓉多士件件大大塊 仲要一個餐湯配兩塊 食完已經飽😂多士烘得好香蒜味 同埋脆卜卜點埋湯一齊食就更加係停唔到口😆⠀香草忌廉汁蝦仁蜆肉焗意粉 ($50)佢用嘅唔係平時茶餐廳意粉係比較幼身嘅 我自己好鍾意呢種意粉😚蜆肉比我想像中多 蝦仁都爽口但蝦仁炒法中式 再加埋意粉好似有d炒埋一碟🙈⠀黑牛肝菌意式燴飯伴重皮蟹 ($78)意式燴飯比較濕身 如果個汁可以再收多少少先上碟會更加好但味道唔錯 同埋以西式茶餐廳黎講真係算唔錯仲要有埋重皮蟹 蟹咬落有蟹膏味 好香好美味😍⠀照燒牛扒豬骨湯烏冬 ($40)牛扒係極度嫩滑 超好味！！！！！！仲要配埋個燒汁係real jeng😍⠀夜晚嘅姐姐好好人 朝早黎就次次都比錢食埋佢塊黑面所以真係唔好朝早去😎同埋價錢真係好抵食 岩哂長期糧尾嘅朋友😂🙈

家附近的餐廳重新裝修，趁放假就跟家人來個下午茶。 裝修後間隔相同，換過牆壁、椅子，感覺新淨不少。 多了點植物擺設，有點活力。 平時食開的烏冬下午茶没有了，換來是差不多全日(12:00-22:30)供應的麵餐，但價錢貴了約10%。 惟一不變，凍飲依然不用加錢。👍 吉列豬扒咖哩湯烏冬 $40 烏冬口感依舊煙韌。湯底濃稠，咖哩味濃。與其說是湯烏冬，我覺得叫咖撈烏冬更為合適。 吉列豬扒不過不失，以街坊食堂來說是及格。 香濃蕃茄豬軟骨烏冬 $42 與咖哩湯底相若，蕃茄湯一樣濃厚，味道天然，没有退步。 豬軟骨夠軟熟，帶點蒜香，很惹味。 一向覺得餐廳裝修後質素會變差，但纜車餐廳實力依然。難怪深得街坊支持。 餐廳資料： 纜車餐廳 地址: 上水彩園邨彩園廣場3樓 電話: 2672 6648

上星期工作拼搏左一輪(十級繁忙)，今天比較無咁緊密，向上水終於可以放鬆小小😬，好啦！對自己好d，揾個地方享受下我的午餐，上 Open rice 見彩園邨有間纜車餐廳，食評都唔錯，就試下呢間啦「獨當一麵」啱晒我，本人午餐比較喜歡食湯粉麵，而且佢仲可以揀拉麵/金邊粉/米線/烏冬 tim，有咁多款配搭，如果喜歡食粉、麵 ge 朋友，一定有一款啱大家😋喇沙豬軟骨烏冬，湯底夠濃有誠意，烏冬麵質略淋左少許，豬軟骨入味配返杯凍檸茶🍹，環境唔錯，完美呢個午餐已為我叉足電了，我又可以💪🏻💪🏻💪🏻工作

尼到焗飯餐最抵食份量夠, 連蒜蓉包, 餐湯, 餐飲$50有找, 味道OK, 晚飯時間都唔等好耐. 至於服務方面, 一般茶記水準,  送餐時間快, 但人多就唔可以坐好耐.

好耐冇去過上水食晚餐，而個商場入面餐廳唔多，行到去呢間餐廳見到入面坐左好多人，我哋入去坐低見到好多人食焗飯，於是叫左一個焗牛肉飯同焗豬扒飯，個餐另外會包一個餐湯或羅宋湯，有蒜蓉包同埋凍飲，而凍飲係罕有地唔需要加錢。羅宋湯就好夠味，蒜蓉包有少少燶，但都可以接受，二個豬扒飯用嘅BBQ汁因為太酸，我覺得下次可以調校下，個豬扒都幾滑，而個炒飯就水分多左少少，可以乾身啲，牛肉飯個汁係有黑椒所以就辣辣地， 牛肉份量都足夠唔會太少，整體來講食物質素都可以！

係上水嘅哩間纜車餐廳因為比佢個名吸引左就走去試下🤔雖然就叫做纜車餐廳不過其實又無咩關於纜車架wo😂😂😂應該係純粹得個名🙈🙈係出面望入去🙈大多數嘅人都係食焗餐一個普通四十幾蚊嘅焗餐有餐包，野飲，餐湯，主食一set過🍜價錢可以話幾唔錯❤不過份量就少左D😥😥如果係男仔or胃口大D嘅相信都唔會夠食😖講番味道我叫左個焗肉醬意意粉中規中距，不過醬汁味道嘅重量拿捏得幾好🙂對於唔好濃味嘅我係覺得唔錯嘅整體而言係ok嘅，係差在個份量🙈🙈🙈

一個人去完康文署做健身，當然想搵野食補充番蛋白質，經過見到間餐廳，寫住lunch set燒春雞，唔洗諗即入去食，豐富蛋白質。隻雞唔鞋，滑滑地，有肉汁，我專登叫店員幫我將個汁分開上，廢事食咁多汁，$50個餐算係咁

以前間唔中有黎食，時隔幾個月再黎，所有野都變到好差，叫左個公司三文治，賣相還可以，但淡而無味，同行朋友叫左肉眼扒 七成熟，食落口有好大陣雪藏味，極難食，黑椒汁亦毫無味道可言。再加埋白烚意粉，真係夠曬惡劣！set有配湯同麵包，兩塊貌似蒜蓉包嘅野焗到黑曬。。。真係好難食！服務態度方面亦差差差！餐具比唔齊 已經有禮貌地問姐姐們拎，點知問3個姐姐都無人拎。。。最後一個好人哥哥仔拎左過嚟！收錢果陣呀姐亦毫無禮貌，真係無第二次！

纜車餐廳，一聽個名，感覺自己上左山頂，去左旅客區😂不過呢間餐廳位於上水，係水貨客區😂😂餐廳環境一如其名，以纜車做主題，牆上有啲纜車既相，有部分是卡位，環境不錯，但有點嘈，可能是太多人既關係。食物不過不失，價錢大眾化，午餐$34-$50不等，不過因為纜車及遊客既感覺關係，覺得幾抵食😁

一家人慶祝紀念日，去了附近的餐廳。 外牆沒有拍下，算坐得舒服！ 我們叫了精二人套餐(內有餐湯，法式蒜茸多士，兩客意粉，意式焗肉醬鮮冬菇，香蒜茄子粉絲焗龍脷柳，香煎牛肉眼扒和紅燒乳鴿)，另外叫了葡汁芝士焗雞扒飯和千島醬菠蘿煙三文魚薄餅。 二人套餐可能都多人點，所以很快就上枱。 餐湯+法式蒜茸多士：我個人覺得個羅宋湯都不差，有點點辣，味覺刺激感大。但蒜茸多士就一般，沒有蒜茸味……嗯……=.= 意式焗肉醬鮮冬菇：這個有點創新，但我覺得肉醬不太配合冬菇，冬菇未能把肉醬的味完全吸收，有點點敗北的創意。但我欣賞創造者的想法。 香蒜茄子粉絲焗龍脷柳：這個勁推介！很好味！！意想不到的焗法和調味。茄子很入味，不會太濃。龍脷柳也很香！最推介是粉絲，完全把所有的味吸收，雖然有一點點油，但很好味哦！ 香煎牛肉眼扒：哦~~相比之下這個不錯哦！牛扒易入口，而且牛味都足夠。有薯菜在旁令這一碟的性價比高了！ 兩客意粉份量都不少~~~WOW~~~ 紅燒乳鴿：味道普通啦~~哈哈！ 二人餐好抵食，當中只有少少不足，但已經足夠令人一來再來。我個人覺得這個二人餐也是招客的重點！HAHAHA！ 二人餐