Video
Read full review
2016-11-17
524 views
深水埗永隆街開咗間新嘅百分百餐廳, 喺呢個星期六要返公司嘅上晝, 我決定入去食返個早餐,懷著美好嘅心情返工。呢個早上真係好美好，因為呢間百分百餐廳嘅裝修真係好復古懷舊，好型格，好靚，入到去坐喺度食早餐心情都好啲㗎！餐廳門口有麵包部畀你買麵包， 我當然係入去坐低慢慢歎啦！ 環境真係坐好舒適，因為啲走廊，座位都好大好寬敞，而我最鍾意就係佢木製嘅裝飾木製嘅枱枱櫈櫈同埋唐樓特有嘅窗花。菜單上嘅早餐真係好多選擇， 西式中式湯粉類麵包類乜都有， 我最後叫咗個茄香肉碎通粉，跟餐有杯嘢飲，仲加咗三蚊叫咗個蒜香牛油多士。蒜香牛油多士先上， 好開心嘅係，佢係成塊厚多士嚟㗎， 真係熱辣辣整畀你，佢上面嘅蒜香牛油仲係溶緊架， 一啖咬落去，蒜香牛油滲透落多士入面，每一啖都 食到蒜香味，而且多士仲唔會太乾，好食。茄香肉碎通粉同咖啡都上枱喇， 個通粉賣相都唔差嘅，我首先放咗一啖湯入口， 原本通粉嘅湯底都係濃湯底， 茄香肉碎係另加上去再撈埋一齊食。茄香肉碎其實即係免治牛肉， 只不過呢個通粉係張免治牛肉醬加咗上湯度食啫， 但咁樣又幾好食喎，而且牛肉粒嘅份量都唔少， 酸酸地都幾開胃嘅！即磨咖啡都係呢間餐廳嘅賣點， 咖啡都
深水埗永隆街開咗間新嘅百分百餐廳, 喺呢個星期六要返公司嘅上晝, 我決定入去食返個早餐,懷著美好嘅心情返工。呢個早上真係好美好，因為呢間百分百餐廳嘅裝修真係好復古懷舊，好型格，好靚，入到去坐喺度食早餐心情都好啲㗎！
餐廳門口有麵包部畀你買麵包， 我當然係入去坐低慢慢歎啦！ 環境真係坐好舒適，因為啲走廊，座位都好大好寬敞，而我最鍾意就係佢木製嘅裝飾木製嘅枱枱櫈櫈同埋唐樓特有嘅窗花。
菜單上嘅早餐真係好多選擇， 西式中式湯粉類麵包類乜都有， 我最後叫咗個茄香肉碎通粉，跟餐有杯嘢飲，仲加咗三蚊叫咗個蒜香牛油多士。
蒜香牛油多士
43 views
0 likes
0 comments
即磨咖啡(左) , 茄香肉碎通粉(右)
$25
34 views
0 likes
0 comments
茄香肉碎通粉
$25
33 views
0 likes
0 comments
茄香肉碎其實即係免治牛肉， 只不過呢個通粉係張免治牛肉醬加咗上湯度食啫， 但咁樣又幾好食喎，而且牛肉粒嘅份量都唔少， 酸酸地都幾開胃嘅！
即磨咖啡都係呢間餐廳嘅賣點， 咖啡都香而濃郁， 又唔會太苦太澀口又或者太酸。
其實百分百餐廳嘅價錢及選擇都好大眾化， 最重要係呢間餐廳裝修得好有特色好靚， 所有嘢夾夾埋埋令我覺得好滿意。 得閒嚟食早餐午餐下午茶都幾好喎， 最緊要係價錢唔係貴， 食物又ok 又坐得舒服呀嘛。成個早餐夾埋都係28蚊咋， 係咪好抵呢？
Post
