百份百餐廳 (交通廣場) (Closed)

今日下午茶想了解多一些元朗又新街附近的茶記美食，我行了一陣就見到一間名為百分百餐廳，而這餐廳外在裝潢真的不錯呀，入内後，我點了個至尊海南鷄飯，叫得至尊，我會有好大的期望。首先要讚的是其雞是嫩的滑的，而香茅雞油飯也很美味，再配上入味的雞汁白蘿蔔，處理得不錯呀，我都會俾高分給他們。可是，能否好食程度達至其餐牌名稱即是至尊海南雞飯，我認為這海南雞仍有很多進步空間。整體上這餐是可以的，我感謝廚師之用心能把海南雞飯做好，但是你們再要努力呀，因為你們老闆在餐牌上叫這海南雞飯為至尊海南雞飯而不是一般的海南雞飯。

呢間屋企附近既茶餐廳，價錢唔貴，下午茶都係40蚊到，炒粉麵飯都有。今次試左揚州炒飯，即叫即炒，上菜時仲冒緊煙，熱辣辣超有鑊氣，炒飯炒到粒粒分明，又足料，性價比高👍🏻👍🏻😻😻

今晚放工同partner 去左元朗百份百我地叫左魚香茄子煲和口水雞簡單魚香茄子 賣相已經令人食指大動超多茄子 而且茄子不會煮得太腍太爛豬肉碎有少少辣撈埋藜麥飯 送飯一流口水雞唔夠麻 少少辣雞有韌百份百食物不算世界級好味不過店內不太擠逼而且裝潢太心思一家人食都不失為好選擇

中午到百份百餐廳吃飯，已差不多滿座，第一次來到，見到裝修企理，座位舒服，餐牌選擇種類頗多，可以散叫又可以叫午餐，由於是日想吃清淡一點，故此叫了蕃茄小木耳什菇雞肉濃湯飯，材料十足，大量蕃茄、什菇、雞肉，最好味是雞肉，不過蕃茄湯味道較淡，主要是胡椒味重，比較惹味重口感，與想像中清淡有點距離，而湯飯的熱度十足，怕熱的人真是花多點時間吃。友人點了蔥雞扒飯，這個值得推介，雞扒份量十足，惹味可口，價錢訪面也合理，如能函蓋飲品會更佳，

早起去咗附近百分百餐廳食早餐， 驚喜魚柳炸得夠脆又嫩唔會老多士香脆唔會太乾，牛油剛剛好炸魚柳配香草包菇炒蛋配香草多士，菇炒過先再炒蛋，所以好香，多士又香又脆火腿通粉份量足，湯唔味精

早前天氣凍，常常去食醉雞鍋。用料新鮮，份量也足夠。又可以加肥牛。而且價格都算公道。不過有一點非常不滿的。餐牌上寫到明可以優惠價追加檸樂。相信任何人都會理解為餐飲如果飲完後，可以追加吧。事實上我頭幾次去食就直頭在落單時已經一次過要兩個檸樂完全無問題。可是可能我幾次都係一開始點餐已經要兩罐可樂，他們便可能覺得我沒有飲完第一罐後才加，於是開始不讓客人以優惠價格追加第二罐可樂。這些做法非常之不討好。我覺得如果你要縮皮的話，唔該你改一改個餐牌，取消掉追加果兩隻字。把餐飲這部份回復到最簡單的寫法。一向以來香港茶餐㕔都只係會寫例如「熱飲+3蚊，涷飲+8蚊」請你們唔到搬籠門。其實飲多罐可樂飲少一罐可樂係冇問題架。只不過你商品與說明不符有誤導客人的成份。以上只係我個人嘅善意提醒，希望有所改善。

元朗最近交通廣場開了新的連鎖茶餐廳，百分百餐廳，所以走來試試它們的下午茶。平日下午茶時段，客人不多，不用等位。下午茶款式很多，今天點了客乾炒豬扒公仔麵配熱奶茶($39)。這個炒公仔麵確實有驚喜， 材料十足， 有很多椰菜， 洋蔥， 豬扒也不少。 最怕炒公仔麵很鹹， 但這個味道恰當， 而且不太油膩，很好！朋友點了星洲炒貴刁配檸茶($39)。這個炒貴刁味道也是不錯，很香，只是有點辣。 材料也很豐富， 有韭黃，火腿絲和蛋絲。總結， 價錢合理，味道不錯，可以一試。

上星期開始，老公返工經過呢間餐廳會幫襯凍鴦外賣，茶胆都唔錯，所以星期日既早上，就選擇去試下早餐。舖面頗大，坐落唔劑迫，感覺幾好。我同老公各自order一份早餐。侍應服務態度十分友善！食物味道亦不錯，唔會太味精，而且熱飲都幾大杯，感覺好抵可以再encore！