Cafe 1950歐陸餐廳 (Closed)

第二次嚟食呢間1950，安定嘅呢間1950佔地好大，環境優雅，氣氛幾好，同女朋友或者同朋友re u都係一個幾唔錯嘅選擇。上一次叫咗一個德國咸豬手，豬手超級大份，一個成年男人都只係能夠勉強食得哂食個豬手，雖然幾濟但好滿足配菜嘅薯條炸得十分鬆脆，惹味可口今次我就叫咗一個韓國豬頸肉石頭鍋飯，味道一般，但賣相不錯，可惜沒有韓國辣醬，否則會更加好食女朋友就叫咗個意粉，意粉賣相幾好，都幾多汁幾豐富仲叫咗份炸雞軟骨，啲醬汁好開胃好好食，雞軟骨炸得好鬆脆，抵讚價錢方面可以接受，每人約100元左右，值得一試

It was Wednesday night, me and my friend both finished work late so we just want to have a quiet dinner somewhere close to our home. I was attracted by their chicken dish so we decided to try out. We were surprised that they had oyster as well, since we love oyster so much we will not miss any chance. We tried two different kinds of oyster; USA Pacific and USA Jumbo. The USA Pacific oyster was fatty with a bit of sweet and salty taste. The texture was so smooth. The USA Jumbo oyster very big

每位可以一蚊叫隻扇貝食當然要叩啦,細隻就預左但都唔好咁過分雪味重到好似冰箱一攞出來就蒸又腥又雪,蝦意粉炒得好彈牙清清地好食,白咖哩有香味但唔辣小朋友都岩食,肉眼扒普普通通夠大塊但冇肉味,咸豬手次次都叫但唔係次次都皮脆肉林今晚唔好彩中晒希望餐廳保持水準,菠蘿飯細細個估唔到好好味汁教我好好酸甜度論中,炸魷魚勁大大過晒所有人塊面,炸得夠脆又唔油又好林又平好抵食

今日入屯門搵大少，到夜晚又係時候諗食咩，大少話上次我地喺大圍食豬手嗰間，屯門其實都有，所以我地覺得可以去食 鋪頭好大，好彩我地今次唔係同我爸我媽嚟，因為我地今次坐走廊，佢地最唔鍾意，又有排講，我就無乜所謂，有得坐低食就ok菠蘿梳打香辣蒜片蝦肉意粉 - 意粉雖然唔係屬於彈牙，但係都算爽口，蝦亦都好爽口，大少覺得好好味，有少少辣味，佢覺得薦片可以再多啲~西班牙海鮮燴飯 - 蕃茄味重，海鮮唔少，同埋有少少芝士，所以……拉得出絲，雖然有蕃茄，但係絕對唔會過酸，當然，我一早就叫走洋蔥，所以……正~~法式香草田螺 - 我鍾意食田螺，唔好問點解，我都唔知，我對有殼嘅食物係無抵抗力，其實田螺點先叫好食﹖最緊要多蒜蓉同牛油，咁焗出嚟就會最香最好味~

想平平地食餐晏於是由市中心行去安定商場，最後選擇經濟而算是較好坐的Cafe 1950。之前都有帶友人在這店光顧晚餐，那個啤酒雞味道是蠻不錯的，重點是幾十元大大隻，夠哂飽肚﹗尚有半小時才有下午茶餐，所以不等了。午餐價約三四十元，含湯，有飯有麵選擇，某幾款凍飲亦不用加錢。店子旺場都不得了，不過人手好似比當年開張少了，店員們忙不過來，最後自行走去櫃台取水飲。飲品和主菜都吃緊了，餐湯要追問後一陣才出現。香煎魚柳配黑椒汁，魚柳夠大件，肉嫩有汁，配有少少伴菜，而跟餐薯條算是香口。友人吃雜扒飯配白咖哩汁，有豬扒﹑炸蝦﹑雞肉腸及雞扒，四十幾元來說份量絕對足夠有餘了。白咖哩汁似白汁，還是沙爹王的白咖哩好吃些。紅湯香濃，蕃茄味足，雜菜亦有不少，好味道。至於凍檸茶是好大杯，不用加錢堅抵。之後看過下午茶餐牌，二三十元吃多士﹑麵包類，湯麵﹑飯餐三十幾元但沒有餐湯跟的，那麼還是午餐抵食好多了。

屯門行街後搵個地方食晚餐，見到Cafe1950裝修唔錯又係西餐廳就入去試一試，星期六夜晚六點幾唔駛等位就入得✌。每人點左一個餐(西班牙海鮮飯同海鮮農夫包)，可能我地點果兩款比較膩，大家最後捧住個肚出黎=P ，份量十足又好味。環境的確唔錯，一班人聚下傾下計好介紹，仲有Boardgames玩。👍

約朋友閒聊, 我一定首選CAFE 1950, 貪其易搵位兼多選擇又坐得舒服。我點咗SET最不普通的酥炸雞軟骨配薯條餐, 我相信一般餐廳好少機會下午茶餐有呢個選擇。雞軟骨炸得鬆脆香口, 面頭既係蜜糖芥末醬, 同其他餐廳既普通沙律醬唔同, 甜蜜蜜感覺即時為雞軟骨加分, CAFE 1950果然佢有自己特色。薯條更係我愛的粗條, 我喜愛粗薯條係可以一口有2種口感, 外脆內綿。呢一款正係我心意, 內綿可以食到薯仔本身的質感, 粉粉果種口感。

來屯門這邊探完朋友，中午飯也還未食，至下午肚子已很餓，遂與友人一起到附近找間坐得舒適的餐廳, cafe 1950,吧。這邊的價錢也算便宜，在這個價位也不能挑剔得太多了吧。跟餐的紅湯稍為偏淡，而且有點稀，沒有足夠配料的感覺。雖然只是簡單一個餐湯，但我認為也應下點功夫吧。須自己下頗多的胡椒粉來增味，這亦有改善空間。卡邦尼意粉的配料也足夠，但煙肉淡了一點，建議可先煎至香脆才混上醬汁煮製，而且芝士味不夠濃郁，有點不夠creamy。可是以普通的角度來看，整體味道也是討好，是味道不錯的白汁忌廉意粉，但絕不出色。米蘭肉醬雞扒石頭飯(好似係)沒有太特別，但雞扒與肉醬的味道也頗搭配，肉醬的味道頗濃，但有點太味精的感覺。

                                我沒有接受試食邀請約左幾個朋友食飯, 有個叫我地去佢屋企附件間歐陸餐廰, 咁就去試下. 去度間餐廳裝修唔錯喎, 靜靜地, 又舒服, 岩囇成班老死吹水.先來幾個小食, 吹吹水先.椒鹽魷魚鬚, 岩我地哩D重口味, 差在無杯啤酒.德國式啤酒焗雞雞, 來多個德式, 淨睇外觀都想食, 成隻雞上, 自己手撕, 好有參與感, 肉又嫩.話明歐陸, 除左德國, 又點可以漏左我的愛隊-西班牙西班牙海鮮飯, 食完咁多肉, 都系時候食下飯, 濕濕地的飯, 配D蝦, 雞蛋咁, 又幾香, 哩餐好滿足

我沒有受到任何試食活動的邀請!!!今天舊同事們約出來聚會,地點是屯門,一個當年我們認識的老地方,非常有紀念價值來到這間屋邨商場內的西餐廳, 單看店舖外的裝修, 我已覺得它別具特色! 牆身以木色為主調, 店舖採用歐陸式coffee shop的設計, 加上半開放式, 地方寛敞, 環境優雅舒適, 為這個商場增添了不少的氣氛!這裏的飲品是自助形式供應的, 冷熱飲品包括奶茶、咖啡、汽水, 可供客人隨意選擇, 食物的價錢, 當然會高出一般的快餐店, 但比起高級一點的西餐廳來說, 已是走出平民水平, 價錢大眾化, 且食物有質素的餐廳了!我們坐下來點了一口氣十幾款菜式包括主菜及小食, 印象中較為好吃的有幾款, 那個「椒鹽魷魚鬚」香脆、爽口、彈牙, 好味呀! 再來個「蜜糖芥醬雞軟骨」, 同是一樣好食! 較為欣賞的是「泡菜豬頸肉石鍋炒飯」, 可能自己喜歡吃泡菜的關係, 我對這個飯情有獨鍾! 用石鍋上菜的飯熱騰騰, 加上泡菜炒的飯, 帶點辣味而香噴噴的, 美味!熱鬧的餐廳讓我們可以放聲大笑,每當重提舊事的時候,總是笑得份外開懷,愉快的晚上就這樣晚晚渡過

約左朋友係屯門行街。。見呀仔肚餓就係附近搵野食啦。。首先見到間環境同衛生都唔錯。。所以就選擇左呢間去食野啦。先講一講環境。。唔迫。因為係入面食野既人唔多。幾舒適。不過侍應就唔係太主動。再講食物。。因為我地都係醫一醫肚仔。所以叫左個黑松露卡邦尼蛋汁煙肉意粉試一試。我同呀仔兩個人食都食哂架。好味在於意粉汁。意粉又唔會太軟呀。  下次有機會一定再食

琴日男朋友黎佐屯門陪我出街，每次都諗唔到去邊度食飯好，其實係因為價錢問題😭，又想平又想埋個環境，之後行行下見到1950 於是係門口望下啦 見到d裝修好靚😍 於是行埋去睇下個餐牌 見到入面d野又唔貴又吸引😍 於是我同我男朋友入佐去 order佐薯蓉焗西蘭花 溫泉蛋卡邦尼蛋汁煙肉意粒 同黑松露意大利芝士雲吞同埋兩杯凍檸茶 可能因為好野食 所以時間要等耐d🌚🌚 大概20分鐘先黎佐個焗西蘭花 d薯蓉焗係d西蘭入面好香 食落口有即熔既感覺 食到一半上埋個溫泉意粉同黑松露 我食溫泉意粉個陣 每一淡d意粉都有蛋汁浸入去 真係好好味 之後再食埋個黑松露意大利芝士雲吞 每一舊雲吞都有黑松露同芝士既汁 唔油腻 食完炭番埋凍檸茶是常識吧 最後200埋單 我同我男朋友都好滿意 下次一定會再黎幫襯😁

我剛從澳洲回港，一路都好想可以搵一間類似懷舊外國風既cafe..因朋友住屯門既關係.佢又知道我從澳洲生活太耐無回港.所以帶我去一d好有特式既地方..咁我地就約左7點鐘 去食個晚飯~ 唔洗等位 又坐得舒服 唔會同人迫.咁我地兩個女人仔叫左一個"荔枝松葉蟹沙津"一個超新鮮既一個美味沙津。食完個前菜後order左個"黑松露卡邦尼蛋汁煙肉意粉"..因為我好中意食黑松露又香又好creamy.真係好正好好食吖..最後最經濟又好味既德國豬手..超香口..又大大份總括整體我覺得十分之好食又唔會好油膩..不過服務上有點兒不太好..不過還可以接受既.因為d野食真係好好食又平..讚!

男朋友又放閒日,好彩我聽日唔洗返工,夜d返屋企都唔怕,收工就走入屯門揾佢喇,但其實我係有目的架😆😆😆就係同佢去食我口中好好食果間1950餐廳😛由於我唔係屯門人,咁就上openrice揾個地址俾佢由佢帶路啦因為我平時早收工都慣左早食飯,6點半去到唔洗等位直入我地叫左前菜"薯蓉焗西蘭花"薯味入哂西蘭花,好香好爽口main course"溫泉蛋卡邦尼蛋汁煙肉意粉"and"西班牙海鮮飯"基本上,我一見到溫泉蛋嘅野我就會叫架喇,仲要再有蛋汁,實在係不得了,加埋好creamy嘅卡邦尼汁,我真係冇辦法抗拒😅海鮮飯真係好海鮮,因為真係好多海鮮,係堅多😎除左青口,蝦,帶子,仲要有蠔,佢真係豪俾我😂好味兼抵食!推介甜品"紅莓白朱古力蛋糕"減肥關係,2個人食1件甜品夠喇,但酸酸甜甜真係好好食呀😋(回味中...)飲品"巨峰提子梳打"and凍檸水男朋友真係好鍾意飲提子乜乜乜...雖然我都好想飲,但我減肥😢凍檸水走甜唔該1950好似我飯堂咁,唔知我幾時會去齊咁多間呢😆

今日同個朋友同埋佢仔仔向屯門食飯, 佢帶左我去呢間Cafe 1950, 雖然只係屋村餐廳, 但俾人感覺好似走進另一個空間咁, 呢度既裝修好有品味, 格調, 令人忘記自己係身處屋村內, 好似去左高級餐廳咁.入到去, 見到個餐牌有好多野食, 但發現周圍都叫石板燒扒餐, 小朋友話要食旦包飯, 所以我地兩個大人就跟大隊試下D 石板燒餐啦. 最後我地叫左,安格斯肉眼扒石板燒 - 本人喜歡食牛, 特別係肉眼, 因為呢個部位好鬆軟, 跟石板上其他同鐡板差唔多(只係個人感受), 但最重要係上到枱仍然係熱辣辣, 感覺一流呀!!!紐西蘭羊仔架石板燒 - 朋友叫的, 一向對羊都麻麻地, 好驚個種騷味, 不過朋友試完叫好仲誠意拳拳邀請我試下, 咁都無妨既; 試完又真係如佢所講無騷味, 下次可以自己叫黎試下白咖喱雞扒旦包飯 - 小朋友叫的, 其實我對旦包飯都有興趣的, 但牛扒在前, 唯有放棄後者啦. 見塊雞扒都好足份量, 對小朋友黎講一定夠食, 當然, 結果佢都係食唔哂啦 服務方面, 可能我地係較為早食, 又有足夠既侍應, 可以話係反應非常快, 呢點都好滿意.下次有機會, 一定會再黎食過.