Cafe 52 (Closed)

上個星期六參觀左朋友既STUDIO 之後順便一齊食LUNCH,周圍無咩選擇, 見近近地甘就簡左樓下既CAFE 試一試, 裡面環境唔錯, 粉紅色兔仔, 好岩帶女仔黎!平時我鍾意食西餐同BURGER既我, 見到價錢甘平真係狗沖.個牛肉配車打芝士漢堡包好重芝士而且塊和牛唔係一般茶餐廳貨色, 牛味好重, 入口即溶但我本身唔太鐘意竹炭個黑色包如果可以有其他會比較好!另外我地仲點左三文魚沙律牛角包同火腿蕃茄長通粉好食! 用料新鮮, 另外加$8 有特飲, 我地坐左好耐!下次值得再試. 

已經第三次幫襯啦,原來真係會掛住佢哋嘅意粉㗎,份量夠哂飽肚👍🏻下次要試下和牛漢堡先咖啡味道剛好未飲已聞到濃濃的香味,今次我的朋友亦有試甜品,賣相及味道出乎意料之外咁好食,非常脆身😋以超值價錢可以享受美食😋不錯非常好👍🏻

睇咗媒體介紹後與女友專誠來到這免仔餐廳，附近的環境已俾我唔錯的印象，餐廳外面喺個廣濶嘅露天平台，空氣十分清新，腦海已經立刻出現咗喺太陽傘下懶洋洋high tea嘅画面。入面娤修十分文青，以為主打賣萌，原來食物重有驚喜。我哋點了韓汁意粉,一客沙律同一客竹炭漢堡。食物一上桌已令我哋覺得冇嚟錯地方，食物賣相很酒店feel,拌碟堆砌一絲不苟，韓汁意粉味道好正，十分醒胃。沙律視覺同味道都好好啫，竹炭漢堡第一次試，又幾ok喎，加上價錢貼地，我哋决定會嚟多次，試埋其他嘢。

今日突然間係OpenRice嘅「新餐廳」排行榜裏面，見到呢間疑似係咖啡店，我仲興高采烈咁樣同朋友即刻揸車去到呢個葵涌嘅工廠區度試吓，打吓卡。呢度嘅環境的確係唔錯，門面就係落地大玻璃，隔離仲有個好高嘅書架，如果單憑裝潢，我會將佢界定為文青咖啡店。我叫左一份窩夫，係下午茶餐。當佢上枱嘅時候，我已經好失望。本身我expect係水滴型或者心形嗰隻窩夫，而唔係比利時窩夫。咁呢個都只係我嘅預想錯誤。但最錯嘅並唔係我對窩夫嘅假設，而係呢個窩夫真係好！難！食！我明白一間細細的店舖可能唔會將甜品師傅或者主廚分得咁清楚，可能所有店員都可以落手去整食物，個個都會識做。但係呢個窩夫真係離晒譜，上枱嘅時候淋padpad不止，咬落去都只係室溫。如果一個窩夫只係需要用焗爐去焗返熱，咁簡單嘅技巧都掌握唔到嘅時候，我相信好難會有人再好似我咁特登走入黎食，做來做去都只會係呢棟工廠大廈嘅生意。

見飲食報導介紹呢間cafe以兔子為主題，又係文華前主廚主理，便抱有一點期望地去試下。地點吾係好就腳，吾近地鐵站，應該target食客都係同大厦或附近商厦的返工人仕。食物選擇多，亦因為吾係好肚餓的關係，我跟男友只點了 sandwich 同coffee。煙三文魚牛角包同燒牛肉竹炭漢堡味道不過不失，牛角包烘過帶點香脆，但竹炭包則比較硬身，漢堡又無咩醬汁，所以食到一半已經吾想再食。好彩薯條係即炸，所以還算香口好味。飲品叫咗朱古力咖啡同green tea latte。前者太甜，只有朱古力味，後者更令人失望，只帶甜味，幾乎沒有抹茶味，而且飲咗三分一已經好似飲奶溝水的感覺，比三合一即沖的質素還差雖然價錢吾高，但食物飲品質素只達飯堂級數，整體有待改善。

佢哋以前間舊舖喺青山道近和宜合道附近，當時已經好鍾意食佢哋嘅意粉，醬汁香滑，意粉軟硬度適中。而麵包亦很鬆軟，蔬菜又新鮮，係間舖比較細，好多時要等位。知道佢地重開，特登一家四口行山後去食，去到已經2點幾，人唔多。新店大左好多，裝修以兔仔為主題，小朋友見到兔仔公仔好開心😆我叫左杯藍莓soda，影完相後，飲左一啖就被我細仔消滅左😖到意粉同薯條上枱時，相都未嚟得切影就被2個小朋友食左了🤦🏻‍♀️推介：煙肉白菌卡邦尼、白松露油薯條芝士總結：買相好、食物鮮、環境靚、店員親切，下次再黎幫親😋

係葵涌工業區附近返工，以前日日都要行好遠先搵到啲茶餐廳食，一係就買杯麵食... Lunch Hour 完全係勞動時間最近知道返工附近開左呢間Cafe，見咁就腳就專登落去試一試，點知一試愛上！間Cafe個裝修又幾relax同埋有好多兔仔既裝飾品，我諗佢呢間係以兔仔做主題啦（本人係極度鐘意兔仔🤤所以主觀地心目中加左好多分），睇埋個餐牌，價錢好平！Lunch set平均四十幾蚊，普通主食最貴七十蚊都唔洗，擺碟同味道都係好好，係出乎意料既好味我覺得個自家制咖喱雞飯超好食，唔算好辣但係好香濃既咖喱+椰汁味！岩晒我怕辣但又想食咖喱既人同埋個荔枝梳打，一拎到黎個梳打係識出泡泡架，好得意，感覺超級refresh！咁平既價錢可以食到咁好味既野食，環境仲要咁靚咁chill，完全係變成左我既日常飯堂

三五知已ー起去食午餐、發現ー間新開的 Cafe  、價錢優惠、環境舒服、最緊要係野食好味!私たちは新しいカフェ「Galaxy 313」を探しています。 合理的な価格、良い環境とおいしい食べ物

相信喺附近工作嘅人都好有感受嗰邊真係可以話冇啖好食！基本上只能夠挨飯盒同食杯麵而家終於都有好東西吃喇～自從Cafe 52開咗同事們都熱烈討論以後我哋就有個優質飯堂喇Cafe 52就喺正The Galaxy大門非常就腳裝修走輕鬆可愛嘅風格係以兔兔為主題嘅咖啡輕食店估唔到啱啱開張就有咁多人今日試咗韓汁海鮮意粉配煙三文魚醬汁好惹味帶點微辣意粉口感剛剛好唔會好似平時茶記嗰啲稔到斷曬每條意粉都掛住醬汁而且配料好大方唔會淨係得意粉唔夠餸配埋杯荔枝梳打成件事好perfect呀～

黎到葵涌， 經過青山公路葵涌段。 見到有間好有特色嘅餐廳， 心思思走去試下點知有驚喜。 意粉飯類都好經濟, 又有特色嘢飲。 舖頭用兔仔裝飾好有心思啱曬啲文青過嚟飲杯咖啡, 可以做呃like位。意粉同漢堡餐都好有特色味道好友有心思。