樂融雅敘 (Closed)

剛餘下四十五分鐘的空檔，就步行上來這裡來個三文治餐，這裡的奶茶，撇開不與勝香園比較的話，也算過得去，三文治的麵包非常軟熟，但夾著的罐頭肉確是過鹹了，向店員反映，希望下回已轉了另一品牌，食物不過不失，不過仍會再來，食評也會再寫，當作是一點點的支持。

服務好主動得來不會過分熱情即是:好主動帶位但會等你主動招才過來替你落單主動替你擺兩分餐具及碟食物全是新鮮熱辣的哈哈,.....連開位茶都好飲過人....不過上菜速度慢了點我們點了蛋牛治及西多差不多等了四個字才上但其實當時客人並不太多另外塗西多的牛油及糖漿可能放在冷藏地方太久硬繃繃的塗不到, 倒不到.雖然比其他地方價錢略貴.....不過環境舒服也抵回

因為我要去呢度樓上打波,所以去左呢度食...呢度的員工係弱能人士,但服務態度我覺得係好過出面好多的餐廳...我自己一個人靜雞雞入左去入面的角落坐,但很快一位弱能人士已經好主動咁攞杯茶比我...之後我叫左雙丸烏冬,魚蛋同牛丸都幾大粒,菜心冇沙,烏冬都夠淋,但味道較為清淡,可能係冇落味精...o係呢度就可以慢慢食...呢度擺左幾多公仔,都幾令ga~仲有呢度係有一張比兒童玩的檯,當上面d玩具亂左,員工會主動將d玩具收拾整齊...仲有d椅子冇拍到,員工都會主動拍番好佢...雖然食物唔係咁出眾,但服務已經令我覺得值得再去幫襯...

琴日同朋友仔睇戲前黎食個brunch叫左公司三文治($24).公司麵($20),雞蓉忌廉湯連牛油多士($14),凍啡($12)公司三文治～烘左底但只係微暖既麵包,餡有雞肉,火腿,蕃茄,炒蛋同生菜,蕃茄同生菜少左d,雞肉又乾又韌又無味,食完一件後已經忍唔住挑起左d雞肉黎食,炒蛋唔算特別出色,食完好後悔!~公司麵～有五香肉丁,香腸,太陽蛋,火腿同菜心,五香肉丁唔辣幾香口,菜心新鮮,其餘配料味道麻麻,麵唔係出前一丁,但煮得都唔錯雞蓉忌廉湯～呢個好明顯係金寶出品,只係略略加入左少無味又韌既雞絲,早知又係唔叫牛油多士～跟湯送既,反而個多士烘得夠脆口,但略嫌落牛油多得滯凍啡～味道較茶餐廳淡食完朋友仔同我都呻唔扺食因為地點唔係方便早餐時間又無set都算幾貴不過服務真係幾好上食物係由一個人捧住另一個serve上檯十足十酒店服務唯一值得黎既因素係欣賞弱能人士積極面對生活既態度

工作太忙，又有好一段時間沒有寫食評了。尋晚同朋友仔去左呢度食飯，喜歡呢度一個好舒服o既感覺，亦覺得ｄ服務非常認真。朋友仔食五香肉丁烏冬，我食蛋烏冬，我地再加左個蘆薈沙律。個蘆薈沙律好出色，我好喜歡。有士多啤梨、蘋果同埋新鮮菠蘿，太正喇！！當然唔少得主角：蘆薈啦！哈哈～兩個烏冬雖然冇技巧可言，不過煮得好好味…哈～得閒要再黎食，影像中佢o既碎蛋沙律都好好味架~仲有，果度唔係太方便，所以幫襯o既人唔算多…亦因為咁，都幾o岩傾計。

味道較清, 大份, 岩哂on diet 既人服務好, 環境寧靜清優, 揸車都好方便, 停車場係隔離一個食tea 既好選擇

這間餐廳已來過多次。最初是一個人來，後來覺得唔錯，開始介紹朋友來。這裏食物價錢算合理，環境很好、坐得舒服，即使多客時也不覺擠迫和嘈雜。食物美觀，上枱前都是修飾過的和餐牌上的照片相同，絕不欺人。服務態度好，員工似乎受過一定的訓練，對客人很細心。唯一美中不足沒有飯餐，只有麵、沙律、三文治和其他小食飲料等。不過如果和三五知己小聚談歡，這間餐廳是一個好的選擇。

......啊邊個話呢到d沙律好食喔....,奇異果, 哈蜜瓜, 桃, 菠蘿, 蘋果, 蒟蒻o既雜果沙律,唔史多講, 新鮮已經足夠雞肉忌廉湯和多士, 一個不留神, 差d 要入院同半條利做分割手術, 極少係餐廳飲到咁熱又有忌廉香味o既湯, 件多士樣貌烘得不錯, 不過牛油就多左d 喇~

又一城由朝到晚都咁多人....唔想等位又想食餐清靜D既確係難....睇OPEN RICE 先知原來歌和老街公園入邊有呢間咁既餐廳....咪去試下囉....食左個火腿奄列...加雞蓉湯....個奄列好大份.....仲有D磨菇係入邊...味道都唔錯...個雞蓉湯好熱....又多料...但係係雞柳唔係雞蓉....呢個TEA真係勁飽...我未行過入呢個公園架...原來都幾骨緻...大熱天時坐係冷氣地方...望住青蔥公園....都幾怡神...奄列$16....湯$14....唔加一....抵食!!

上次去打壁球前,走入去醫肚.叫了一份蘑菇奄列(奄列可選腸仔或午餐肉或蘑菇),好大件,好多蘑菇.我個朋友叫了一個小食拼盤,熱辣辣,我"偷"了她一條春卷,好脆~~不過,可能是即叫即整,所以有點耐.但環境好好,好靜.下次我會試下佢d飛碟,睇下好唔好食先.

一到星期六日lunchtime，又一城多人到飛起，間間食肆都無位，連貴既Queens cafe 都要排隊等位，試過Food Court 多人到買左野食，但係企左半個鐘都無位坐，最後走返去counter 叫佢地將食物打包再拿出去公園食，激死。從此發誓餓死都唔幫襯又一城Foodcourt. 最近終於發現到又一城外的一個世外桃園，唔駛餓死。此店在又一城外公園行上去約3 分鐘，在康民署的壁球中心內。我知道此公園已幾年，但竟然唔知穿過公園的盡頭再行上去竟然會有個壁球場, 仲有個cafe, 名付其實係繁嚚城外的一個世外桃園。由於少人知，地方清幽寧靜，嘆茶休息實在一流，比又一城內噪吵又無位既pacific coffee 或super sandwich 更勝一籌。唯一美中不足是這裏沒有飯吃，只有小食如沙律、三文治、麵、通粉、奄列及飛碟等。還有這裏由循道衛理服務社經營，專門聘用輕度智障人仕，值得支持。