大家樂

Open Now

Now Closed

成日都有人比較三間快餐店嘅焗豬扒飯, 個人而言食唔出有啲乜嘢分別。唔知食乜好簡簡單單食個焗豬扒飯都覺得幾爽皮。大家樂嘅焗豬扒飯食過幾次都ok， 呢個飯最正係夠熱; 面的茄汁邊有少少燶， 芝士面都食到有少許兒拉絲;豬扒夠厚·夠淋食到入口亦都夠鬆化，雖然都知道一定係鬆肉粉醃過豬扒， 但係還好都仍然係有豬肉味; 飯面仲有少許菠蘿令塊豬扒無咁油膩 ;炒飯底夠香又有蛋花，食起手唔會好油。三色豆就仍然係好大陣雪味，連啲汁都蓋唔到個就唔雪味😑整體嚟講係好食嘅

附近做嘢又攰又熱又鵝見到大家樂個叉燒飯下午茶沖咗入去下午茶餐真係好抵38蚊有個細叉燒飯其實份量都唔少叉燒有質素，夠熱辣辣仲有隻雞全翼添跟餐包埋紅豆冰真係好鬼飽抵食

有陣時得自己一個食飯就想是但搵間快餐搞掂。小弟見好耐無係大家樂堂食，就想食下d外賣會無咁好食既野。其實小弟一直都比較鍾情於大x活既咖喱。但係因為時候唔早，好多野食都賣哂，所以就點左佢地既咖喱。店員好貼心咁附上一杯暖水。睇落兜咖喱份量十足，牛腩大大舊，有成7-8舊！薯仔就有兩大舊！呢個飯雖然偏貴，但性價比好高！咖喱汁好香濃，牛腩又唔會好un。最後小弟都食唔哂d飯同薯仔，因為真係好多牛腩果然堂食係唔同d呀～～

夜晚唔知食乜好，行到呢間最新嘅廣場睇到間間都唔係好想食，竟然畀呢個鐵板餐吸引，不過我個人就唔係好鍾意鐵板嗰啲熱力令啲汁又彈，又搞到成身煙味所以每一次我都係叫佢碟上嘅而今晚竟然冇曬重點的德國腸佢問我可唔可以改兩條早餐腸咁其實我喺度諗，我除咗答得之外我仲可以答咩呢？？粟米非常之爽脆，冇渣但甜味缺乏，水份好足嘅所以清清爽爽略嫌有啲淡，會想加少少豉油或者鹽咁兩條早餐腸我實在唔多講喇番茄水分充足嗰個洋蔥我覺得同碟嘢完全唔夾我想要返啲西蘭花或者薯菜好啲牛扒係醃到淋嘅牛扒，未去到最淋有足夠咬口，厚度略嫌薄少少厚返多少少就perfect喇最估唔到係佢跟呢個番茄腸片飯係好食！而且唔好睇佢細細兜係好足夠飽嘅！黑椒汁不錯，我可以再辣少少有啲過鹹因為平常我通常去大家樂只係食早餐就一定叫即磨齋啡咁夜晚嘅話我就唔飲得咖啡因為會瞓唔著所以就試呢個低糖綠茶但係估唔到呢個綠茶，茶味好夠濃而佢亦都係少甜，非常清爽舒適總括嚟講六十零蚊真係冇投訴

諗唔到食咩緊係去反自己下午茶飯堂啦。最抵食覺得係燒鴨粉加紅豆冰。燒鴨保持水準，皮香肉嫩，最緊要真係夠多肉。有5舊都啖啖肉。勁滿足。仲有杯紅豆冰都出色，紅豆夠多夠淋

肚餓唔知食乜嘢好，好自然兩隻腳就會行去大家樂「如果附近係有大家樂的話」， 對我嚟講係自然反應。今日就食「燒肉拼叉燒飯」，諗住有飯有肉一定飽肚，一定開心，不過原來一切都唔係必然嘅。我呢碟飯，啲飯好硬好乾身，如果係喜歡粒粒分明嘅飯粒嘅人就一定會鍾意，不過我唔係呢種人。叉燒，係切得好少比我，肉質好乾又唔夠蜜汁味。燒肉，燒肉嘅皮一啲都唔脆，燒肉切得齊齊整整，但係燒肉嘅味道好咸，肉質唔夠柔軟。兩條菜唔夠清甜，而且烚得好老。睇嚟，真係有極大嘅進步空間。

見完客走去大家樂吃飯一個人都不知吃什麼好於是去了新商場v walk裡面的店都是新開加上商場是新開就算晚餐時間等候時間亦不算長這次晚餐吃了去骨海南雞配以楊枝甘露冰簡直是完美的組合雞肉滑嫩多汁咬下去每一口都是軟到溶化的肉配以雞油飯將味道昇華口感豐富完美的配搭而且米飯粒粒分別不軟不硬！楊枝甘露冰則是香港的代表將平常的甜品楊枝甘露以飲料形式推出大大增加了我的興趣！芒果味重有新鮮的柚子十分新鮮！喝完成個人非常清新！為這餐晚餐畫上完全的句號V walk商場地點佳人流不算多！適合平日假日來逛街和吃飯！

每次黎到大家樂 我都必點佢既芝士焗肉醬意粉配上熱奶茶芝士黎講佢放左一大塊係面 焗既時候完全溶入左肉醬入面 雖做唔到拉絲既效果但佢既芝士味微甜而不膩 十分好食 而佢既肉醬就偏甜 豐富既肉粒蕃茄 同埋栗米粒 租成一層 茄味香濃 加栗米會更增加口感 意粉就唔會太硬 份量適中 一個人既午餐就剛剛好另外 大家樂既奶茶一向都有嚴格嘅品質保證 香滑既三花淡奶撞洛紅茶☕️ 唔洗加糖都飲到佢既奶味香濃同埋茶膽靚 一點茶澀味都無 好值得飲以上就係我去大家樂既午餐🥣

閒來無事，又上街逛逛，行經V Walk商場，又了內消消熱氣，走了一會，感到肚子有一點餓，就四處找地方休息一下同食野，嚟到大家樂門前，已有一段時間無去過，所以入去睇下。見有一款蝦鲍汁荷葉飯，覺得可一試，就要了一客及熱奶茶，搵完位終於食得。一打開，個樣都幾美觀，見有很多櫻花蝦及蛋絲，葱花，在荷葉上。顏色好搶，陣陣香氣撲鼻！急不及待吃起來，飯粒粒分明，有咬口，飯內混有肉粒及鲍汁，食落香口，鲍汁及荷葉香氣，另食慾大增。再試奶茶，香滑濃郁！

喺V walk，行咗一陣覺得肚仔有少少餓，就入咗大家樂，叫咗個上湯浸娃娃菜同一哥芝味厚切焗豬扒飯食！見到熱騰騰嘅豬扒飯，即刻食慾大開！打開娃娃菜，上湯鮮味，娃娃菜夠淋身，仲有少許菇菜，非常啱我口味。再睇睇個豬扒飯，聞到陣陣芝士香味，豬扒上面有好多芝士同菠蘿，配搭嘅顏色好搶眼，睇見真係令人食慾大增。食落酸酸甜甜，茄味濃郁，豬扒咬落軟腍有肉汁，味道非常濃郁，飯亦粒粒分明，但不會太硬，有芝士同肉香，配搭得真是天衣無縫，可謂色香味俱全，好有水準。

好少可見到大家樂咁寬敞開揚😂人少少又幾comfortable 啲枱椅係幾舒服既，而且啲staff可能因為人少而好nice，但幾好笑容去骨海南雞飯，一個人食係super多份量，但兩個人食又會唔夠。最後我食唔晒整到要造成waste🥺feel so sorry 海南骨去咗雞，一黎方便咗，二黎啲雞肉又滑嫩啲。雖然比起正宗的泰式餐廳點都無咁正架啦，但係在大家樂用一個平既price食到呢個質素，已經覺得好驚喜反而想appreciate碗素翅，好大盆，又入味，食完都飽飽

今日晚餐決定係大家樂快手快腳搞掂✅新店裝修 都乾淨企理，亦有大勢既自助點餐機大家樂雖然係大型連鎖，但一向都幾欣賞佢既厚切焗豬扒飯👍🏼👍🏼👍🏼焗完熱辣辣出爐🔥面層落左一堆芝士，成件事好香口🤤 仲有菠蘿，蕃茄，青豆等等...連埋茄汁底真係無得輸😂😂😂厚切豬扒大大片，連鎖野唔會係咩高級貨，但勝在大件夾底食 跟餐叫左個菠薯青檸冰，大大杯，酸酸甜甜😋好適合夏天飲，好快就飲哂想encore🤭

遲啲要去日本旅行，所以今日收工專程嚟咗深水埗買電話卡！買完都有啲夜，所以就打算喺附近食啲快餐，朋友之前介紹過大家樂嘅荷葉飯唔錯，就決定今晚試下😂😂😂呢個鮑汁鮮蝦荷葉飯真係好足料，睇圖都見到佢啲料多到出晒嚟，唔好睇個飯好似好深色咁，其實佢嘅味調得幾好，唔會過鹹，又唔會太硬同太乾，好香荷葉味，唔錯！特別要讚一讚呢個砂鍋紅燒素翅，雖然口感同真翅唔同，但佢個湯底係以瑤柱熬製，食落真係好濃郁，有鮮味！

好耐無去過大家樂食啦，前兩日貪方便因爲要快快手食完開工，但唔想叫外賣，就去左呢間大家樂食lunch。睇完我已經快快手決定要脆腩四寶飯。講真，快餐黎講我都無特別期望，但估唔到都幾大碗，男仔相信都夠食。味道方面，可能我都肚餓，覺得都唔錯，豉油雞入味同都算滑，入口唔會太諧口梅曬，而且值得讚既係脆腩仔，竟然仲卜卜脆，相當有驚喜，配埋咸蛋好好送飯，我成碗都清曬，簡單快捷解決一餐。所以如果想快快搞掂，呢間新開既大家樂都係一個唔錯選擇。

又黎到今晚食咩好既世界大難題，就算係大家樂，我都可以選擇困難症發作，最後我用左最民主既方法，叫我朋友幫我簡😂😂去骨海南雞飯🐥🍚：無骨海南雞，擁有油香外皮非常嫩滑，配上油飯煙韌幾好食。雞皮爽而肉嫩，不要怕肥，因為食雞一定要連皮食先正，可以感受到佢油脂好平均，加上黑白養生芝麻好香好健康咁。重點係佢去係去骨雞肉🐥，真係懶人必食，啖啖肉可以好放心咬落去，配埋我杯茶，可以解解油膩，真係吾錯🍵💜👍🏽