大家樂

Open Now

Now Closed

今日到大家樂食晚餐，點左個老火湯套餐，惠州梅菜醬油雞，呢個梅菜味好正，小小甜，醬油雞好滑，配合梅菜加汁一齊食，真系可以送曬成碗飯。飯軟硬程度剛剛好，正，小小的原盅燉湯，保留了花生眉豆龍尾骨的所有精闢，好濃，中國人喜歡湯水，系湯水有益，對身體好。特別返工⑤得閒煲湯的人，飲呢個省時又有益！

新裝修大家樂, 格局唔同晒.外賣干炒牛河, 點知搵晒全盒, 只得 2 片牛肉? 又無味, 好在仲有少少芽菜, 九黃 ... 爭 d 想成盒唔要 Lunch 淨食炒河粉, 雖然職員效率快. 但係 ...不如去食茶記早餐, 或者麥記都無咁嬲! 激死!可能另一盒有好多件. 希望下次分牛河既師傅, 分得好 d ...

作病的一天,沒有食午飯,4點半肚子餓了,忽然想食雞飯,點了一客好似叫功夫海南雞配油飯加可樂,$49,雞肉'鞋"冇雞味大碟都冇用,雞油飯唔香還好是夠熱.大家樂出品真的每況愈下

六月下旬‧炎熱有時都知道宣傳照內的食物都跟真正的有點差別，不過這裡的落差也真的大。要了士多啤梨乳酪冰，拿上手的時候真的呆了一呆，大家看相就明。味道還不算很差，乳酪味酸酸甜甜而且涼涼的。不過士多啤梨沉在底，怎樣也攪不勻。一試無妨。

這篇食評絶無歧視成份，純屬個人觀感。中港碼頭嘅大家樂，坐滿強國人。搶位，打尖，奔跑乃居家常事，坐在這裏等上船的一個小時，看見好幾次因沒排隊而吵架，有小孩奔跑打瀉食物……喺呢間店打工真係少啲耐性都唔得，對住啲無禮貌嘅人仲要強顏歡笑，真係辛苦哂。早餐叫左好幾份，都係炸魚，炒蛋，煎雙蛋，香腸，多士同麥皮咁。飲野要左凍熱奶茶，檸茶，汽水。其實唔肚餓，不過時間多左就黎食下野。人多，全部都新鮮做起，又幾好味喎。個牛奶麥皮唔太甜，比想象中好味。炒蛋好滑，正。多士仲熱，搽左炸魚嘅沙律醬食（我唔鐘意牛油），再加左少少黑胡椒，好味。廿幾蚊個早餐其實好合理，強國人卻complain貴，買名牌買得咁爽，食早餐卻多多要求，如果有最佳員工選舉，我一定投呢間啲店員。

大家樂都會好食, 就真係六合彩都有得中! 所以唔講食物質素了。黎得呢間大家樂, 大部份人都係中港城上船番大陸, 冇得選擇下唯有食大家樂。(太早D食肆未開)今次係覺得太過份了! 有機小米粥套餐, 跟餐肉/腸仔/煎旦, 任2年, 再跟野飲。個日我想食D濕濕地嘅野, 我已經覺得好奇怪 粥跟餐腸旦? 我ORDER時已經問清楚個姐姐, 係咪粥黎架? 定係麥皮? 佢答我"係粥"OK, 去攞野食, 見個哥哥比個細杯仔我, 話"齊", 我好奇怪, 唔係化, 細得咁過份???睇圖!左邊係粥, 右邊係檸茶。真係"大搵笨"仲要我食, 先發現甜嘅, 跟本係麥皮黎!!激死!!!!!! 嬲嬲嬲!!!!!!(因為我唔食麥皮嘅)

重陽假期,我地浩浩蕩蕩18個人去中山玩, 臨上船先食個豐富早餐吉列豬扒煎雙蛋早餐吉列豬扒- 非常脆,size appropriate, arm我胃口,但無mud肉汁.煎雙蛋- 煎得靚, 但無蛋味.多士- 又硬又乾,完全kung唔落.熱檸水可以, 檸檬幾靚食唔晒,超飽.overall ok la

返工前食d野中港最平應該係大家樂叫左個咖哩薯仔豬扒件豬扒好硬...食到牙肉痛咖哩好辣,近排天氣已經好熱食落去出了好多汗今次真係叫錯野食食得好辛苦不過味道其實唔錯可惜唔岩我食

食咁多次大家樂覺得又平又好味的都算係呢個餐,勁多肉醬而且味道濃郁...意粉同肉醬比例岩岩好!!但我覺得芝士味唔係好濃...意粉比較淋,同乾身意粉比較起來,我比較喜歡食乾身個隻而且覺得有點肥膩=0=食完個意粉好飽^^可惜個意粉唔係成日有~.~好難食到

呢日九月初九重陽節，就黎左呢度食午餐啦。假日果然係小好多人，坐又坐得幾舒服。真係好小人呀。魚湯米線本來係有魚蛋既，但魚蛋就無哂。就轉左鹹雞。講一講個米線，唔算太鹹既，但一試就知係雪雞。而米線就唔會太淋，整得好爽口。個湯好清甜，不過我唔係試得出係魚湯，但都唔錯既。木瓜鮮奶好滋潤既飲品，木瓜味好重。而鮮奶唔會太熱，因為太熱既話會出現分化既現象。唔知點解面頭會有粟米片，真係唔知有咩作用。相信只係裝飾。呢餐都唔差既，味道算唔錯，仲有下次架。

第一集就講過西多同叉瀨，咁呢次就食下第二啦。今次又黎呢間食下午茶，因為真係無乜人，坐得好舒服。呢一次都係，呢度只係開七點收七點，所以小人既。公司三文治呢個點都係即製既，唔係既就唔好食。個公治好足料，有煙肉、蕃茄、雞蛋同火腿。個包好脆口，四件既就好。真係好正。牛腩麵呢個唔係出左好耐既野食，牛腩都有幾件。又唔會太韌，都算幾正既。而麵就整得幾爽口，又無"簡"水味，算幾好食既。雪糕紅豆冰除左軟熟既紅豆，仲有一球冰涼既雪糕。除左呢之外，仲有幾粒涼粉，好正。真係好正既環境，野食都算唔錯。

呢餐都好耐好耐之前食，呢間都唔係開左好耐。呢度都幾好，因為下午唔會太多人，食個下午茶真係幾好架。食咩好呢？不如食西多同叉燒瀨粉啦。糖漿西多士其實呢個成日都食架啦，因為真係幾好食。我唔知點解都係鍾意用糖漿，呢個會好食過煉奶。而西多都係即炸既，所以好好食，又夠熱，仲想點呀。叉燒瀨粉又係好飽肚既下午茶，叉燒係半肥瘦。真係好正，瀨粉就好。唔會太淋又唔會太韌。雪糕紅豆冰煙韌鮮甜既紅豆，同雪糕係絕配。杯野既奶水唔算太濃，真係幾好飲。呢個只係第一集，因為仲有第二集架。

真係估唔到中港城開左間大記，只不過十二點半就已經排哂隊。真係好多人，為左節省時間，仲有個職員問你食乜。之後俾張野個收銀，呢招可以節省諗食乜野既時間，等都唔會太耐。香草汁海鮮意粉個樣都唔錯既，意粉又整得幾爽口。不過個味就淡左小小。而配料都唔錯既，有蝦同魚柳，又幾新鮮既。個份量都適中，食完都幾飽。珍珠奶茶杯野夠哂凍，奶茶茶味好濃。不過珍珠就無比糖水浸過，就同杯奶茶有小小唔夾。呢間野開既位都唔錯，而且新張期間會有三蚊折扣既。我會俾笑面，因為珍珠奶茶真係好夠凍。