意樂餐廳 (禾輋廣場) (Closed)

星期六最喜愛到沙田「意樂」用餐！價錢親民又多選擇。今日點了個加拿大安格斯牛扒餐，包一個磨菇湯。磨菇湯足料，是味道淡了點。但起碼忌廉味尚算濃郁。主菜安格斯7成熟，但不停滲出血水，估計並沒有rest好讓牛扒收好血水。幸好血腥味不算太厲害牛扒份量不算多，男孩也許吃不飽。要讚的是薯條炸得非常脆！論賣相更不失高級餐廳質素。男友則點了黑松露煙肉意粉。黑松露香味隔著一個身位也聞到！忌廉味都很香水牛城雞翼則有點遜色，辣及酸味都沒有，而且有點乾，不值得點。點牛扒可以加$12加一個阿華田奶凍！阿華田與奶的味道好搭，甜度適中，每次都要食一個才滿足！

學生嘅lunch不外乎都係各式連鎖快餐店，想搵間西式的lunch都難，呢間意樂都算平民化的西餐。我雖然唔係學生，但都試了一試呢個香草忌廉雜菌飯，點餐後，等了大約15分鐘，便上菜，時間就預期之內，但上菜時反而不是熱，只能算是微溫，在這點扣分不小，明顯是預先做好。味道方面是不錯，香草味很濃如果不愛香草的人可能會比較反感，但我也幾喜歡的，忌廉飯是不錯的，用上香忌廉，加上用的是日式珍珠米，兩者混合得幾好，所以在飯方面是幾滿意的，整體而言是還可以的。

星期六盡情吃喝吧，朋友是要見面的！相約兩位好朋友來到沙田區吃晚飯，走到屋邨商場，發現一間特式餐廳人頭湧湧，一於探個究竟…餐廳面積十分大，座位數目非常多，足以鯨吞食客，怪不得等了不消五分鐘便可入座，我們點選了三款食物共享，包括有：＂美式雜扒＂（野菌黑椒汁）＂加拿大認證安格斯牛扒＂（野菌黑椒汁）及＂厚切吉列豬扒魚骨濃湯拉麵＂。可能是食客太多的關係，也等了差不多十多分鐘，所有菜才到齊。美式雜扒（野菌黑椒汁）＄76，配滋味薯條，薯條是番炸的，香脆，但味道一般。煎農場雞蛋，半生熟，脆底蛋白，蛋黃流心有蛋香。野菌炒珍珠飯，淡淡的野菌味道，而且加了醬油去炒的珍珠飯，咸香夠味，好吃。豬扒丶香腸丶煙肉，水準可以。加拿大認證安格斯牛扒（野菌黑椒汁）＄94，無根易切，而且牛味頗濃郁，抵食。紅椒丶黃椒丶翠玉瓜，新鮮爽脆，夠健康。厚切吉列豬扒魚骨濃湯拉麵＄50，吉列豬扒，香脆可口，點一下千島醬汁來起，挺滋味的，但略嫌不夠厚身。魚骨湯，魚湯味淡淡的，配上彈牙的拉麵吃，味道不俗。農鄉野菌湯，野菌香味四溢。菠蘿乳酸特飲跟餐加配每杯＄11，最後每人一杯，菠蘿味重，有果肉，淡淡的乳酸味，為此餐寫下完美句號。

今日出左沙田行街，行到熱熱地想搵個沙律食下，甘岩見到呢間餐廳有，就入左去。地址係禾輋屋邨商場入面，吾難搵。入面環境舒適同見到裝潢新派。我叫左大蝦沙律墨魚意大利冷面，加左杯凍檸茶。呢個冷面，有埋沙律真係望到未食都覺得健康。熱辣辣天氣時，都有胃口食。個醬係芥末溝麻醬，呢個混醬配搭幾有新意，好清新。因為冇左芥辣既攻鼻，又冇普通麻醬既漏，食落特別開胃。醬汁同個冷面好夾，完全吾覺突兀。蝦🦐非常新鮮彈牙，唯一美中不足係冇剔起蝦腸🙈成個菜🥗正常份量，有面有沙律，都夠飽，夠曬健康營養。同埋都有埋紫菜，青瓜，蟹柳，生菜等，全部都好新鮮，有口感同鮮甜。另一方面，呢度既意大利面原本係黑色既，吾同平時食開既墨魚汁面搞到咀黑黑，食完都吾會尷尬🤣岩曬夏天食，十分滿意。見到餐牌其他食物價錢吾貴，係平價平民西式餐廳，值得一去。

我本身就住附近，平日中，午，晚三餐都去食。 話說平日早餐時間到11：30分，我今日在11：20去到,問服務員仲有冇早餐，佢話冇我都覺得冇所謂，咁我哋食午餐，點知入到去佢哋收晒早餐牌，仲叫我哋等到11：30後先叫午餐，我問服務員點解要等，佢話因為而家未到午餐時間所以冇得叫午餐。咁早餐又冇得叫，午餐又未到，咁我哋可以食咩，佢話暫時沒有可以叫，都唔知咩餐廳！

呢度已經成功成為我既飯堂，基本上如果沙田諗唔到食乜，就會黎呢度食，性價比高。湯，推介呢度跟牛扒既雜菌忌廉湯，菇菇夠多，不過今次食無第一次食咁creamy.雜菜湯都有啲辣既。另加既栗米忌廉湯都唔會好似開獻咁。西蘭花，細細碟，唔會焗到太乾身，有煙肉，唔太鹹。三文魚凱撒沙律，有2片三文魚，沙律汁有啲過酸。墨魚汁海鮮扁意粉，個汁偏多，忌廉味重，落左九層塔，個味幾得意。龍蝦汁海鮮飯，汁量都係偏多，隻蝦無霉。西冷扒，呢度俾呢個價錢，西冷算係咁，都幾juicy,有牛味，唔會淨係鬆肉味。

環境十分優雅高檔，木製嘅枱面特別有格調，唔講真係以為去咗一啲好高級嘅意大利餐廳，佢收費真係非常之親民！食個早餐都覺得特別正，可能真係環境影響心理，件多士真係可以做到外脆內軟，飲品質素都OK，有即磨咖啡飲👍🏻

在沙田閒逛期間, 一行人想找東西醫肚當係晚餐, 7點鐘,餐廳都開始多人, 但唔駛等位, 因為都好大間餐廳,半間酒樓咁大,好多位, 而且係香港人最愛既卡位。4個人嗌左白汁意粉, 牛柳, 雞翼, 法式田螺, 每人一個白湯。都大大份, 幾個人share, 絕對夠食。最緊要既係, 野食非常抵食, 以上野食都係300蚊左右。估唔到盲中中去左一間抵食夾大件既平民西餐。而且都ok好食。當中個扒d配菜無揸流攤, 薯條好好食。有機會會再食!!

下午茶時段，步入餐廳後並沒有任何人帶位，連問幾多位也沒有問。於是我便自行入坐，點菜時舉了手一段時間也沒有人過來下單。最後終於有人來，但態度奇差，一走過來就大聲叫我「等等」。食物到了後，餐桌上沒有餐具，本人又舉手找服務員，這次沒有點菜時等得久，但我向員工說沒有餐具後，她不發一言就轉身，取了一籃餐具過來然後一手拋到餐桌上！呯一聲！也嚇到我了！然後侍應轉身離去，並沒有任何道歉的說話。令本人感覺非常差！！

🍋👧🏻最近瘋狂食拉麵唔知你哋有冇留意到呢🙈 今日講嘅係一間好多地方都有嘅餐廳 比茶餐廳高級小小 但係又比吾上西餐廳 唔知你哋有冇食過呢🤣－－－－－－－－－🌶辣地獄叉燒豬骨湯拉麵 ($49).✅拉麵份量足夠 配料有溏心蛋🥚叉燒🥓香蔥🌱海帶 粟米🌽走了木耳 味道唔差 這個價錢不會要求太多.✅蛋是滷水的味道 可是沉底了🙈 溏心的部份做得不錯👍🏼 但是蛋黃有點下陷😮.整體賣相跟餐牌的分別挺大的 辣度不錯 雖然是很小辣 但有點刺激喉嚨🌶🔥 湯加了芝麻很香❌湯底有點鹹 叉燒有點薄 筋和肥膏較多•❌嗰碗設計得太深 食嘅時候好唔方便 🥄上枱嘅時候好污糟 搞到成隻手都係油 該注意一下了⚠️⚠️⚠️

意樂餐廳為亞洲國際餐飲集團其下品牌, 主打新派歐日融合，價錢親民大眾化，餐牌食物選擇繁多，吃一個午餐才四、五十元。羅宋湯－酸中帶甜、甜中帶香，以番茄和各色蔬菜調味，開胃醒神。法式紅酒香茅燴牛肋肉飯－牛肋肉軟腍入味，汁醬美味，拌飯超級一流。

今日放工同男朋友去左禾輋拎野，放工好肚餓，順便食個下午茶，行過見到間餐廳就入左去食啦！入到去，都見到好多人食緊，裝潢比起平時的茶餐廳係靚少少，不過衛生情況就好一般下午茶餐牌：香烤雞扒包配田園沙律伴粟米份量都好多，感覺雞扒包好似冇豬扒包咁夾😂沙律都好食嘅，不過冇咩粟米㝽仔風味豬扒包配薯條🍟豬扒包都唔差，好大個，薯條好脆呢杯抹茶啫喱冰好奇怪，一d都唔夾，亦都冇抹茶味不過呢個價錢黎講都幾抵起碼可以坐得舒舒服服，又飽肚

意樂一直係我飯堂，意樂集團既分店大多開係屋邨商場，為既就係以最合理既價錢，帶俾客人有質素既食物。今日又嚟到意樂，叫左一個所謂加拿大認既安格斯牛扒，係咪嚟自加拿大就唔知，不過真心幾好食。單講賣相以為自己身在xx扒房，右上係牛肝菌醬，牛肝菌味濃，又心理上健康d薯條都好唔錯，新鮮炸起又鬆脆牛扒7成熟，牛味唔算濃，但無筋而且口感尚算厚實。牛扒餐跟一個野菌湯，入面應該有冬菇，所以有少少苦，但總體都算好唔錯，菇菇足料！小食叫左個水牛城雞翼，正宗就一d都唔正宗架喇，有d似辣雞翼，都幾惹味加左少少錢叫左杯 牛乳抹茶紅豆冰，抹茶味的確濃，配上紅豆一解食物既咸同油膩甜品叫左個好立克奶凍，好！好！食！先講個奶凍好軟滑，入口即溶！好立克味濃！超級抵加錢去食！食左咁多好野埋單只需$146，絕對會繼續支持

日式嘅wasabi crossover 意式risotto 究竟會擦出什麼火花？結果竟然出奇地夾，仲好開胃😋 wasabi唔嗆喉之餘，食落仲甜甜地，為普通嘅白汁帶來特別嘅味覺層次享受🍚

10次有8次上錯飲品 永遠冇道歉 仲要大聲反問翻人 咁你要唔要 好聲好氣問佢攞餐牌 竟然黑面叫我自己出去門口攞 咁我自己煮埋黎食啊笨 最後離開係背後專登串多你一句比你聽 決定永遠不再幫襯 不知所謂 態度一星都比多 比錢買難受