貓店街 (Closed)

近排旺角開左好多貓CAFE, 本來係身心舒暢既地方, 但係就發生左一件悲劇令我有恐懼症本來我同朋友黎食飯一直都相安無事,但有一隻貓係後面跳過之後,我就發現我既手袋比劃花左,侍應又話睇唔到,所以不了了之! 有冇搞錯! 冇訓練過D貓就走出黎招待客人?我都識開貓CAFE啦!一陣咬到人咁點算?個手袋仲要岩岩新買囉對呢間餐廳好有陰影!嫌疑犯平心而論D野食唔算好差, 不過都唔係好食囉,極普通, 求其係街邊都食到既質素

估唔到第一次中伏, 係因為冇睇OPENRICE...睇番之前一個食評就見到, D貓好唔公關貓係唔理你既, 一掂就走開, 好衰囉, 有一隻仲過黎搞我D野食, 搞亂晒之後就走左, 搞到我地好嬲又唔敢出聲都知道唔會好食, D野飲仲要好求其, 又希外型又核突, D湯匙仲要好污糟, 衛生真係麻麻

近排成日都係樓下見到D街貓, 不過佢地就好唔鐘意摸摸, 搞到我好手癢, 去左呢間CAFE度摸貓, 不過就有不愉快經歷...幾十蚊一杯既咖啡得個樣...一飲就覺得點解冇咖啡味既? 仲要非常稀! 飲到落下面仲好似飲水咁, 雖然唔係主力食物, 但都唔好咁差呀D貓就完全唔理人又唔鐘意比人摸, 全部都係度訓覺, 又唔會郁 係咁既話點解我唔去玩具反斗城摸毛公仔? 真係好掃興囉!

旺角貓咖啡店林立莨莠不齊，有的貓口擠迫，有的衛生欠俸，但也有很多是恰到好處實而不華的。雖然近期大部份貓Cafe都是打正旗號家貓流浪貓一家親，但Cafe de Kitten卻是少有的名種貓的天堂。貓口不多，一眼看到，就是蛋黃、豆腐花、雞蛋仔、栗子、可樂、朱古力這幾隻貓貓，隻隻都好名貴，好可愛！來到Cafe不能白坐吧，＄68最低消費無限時，一hea就過咗4個鐘，治癒到不得了！提供的食物都是超簡單，反而飲品非常用心。2人喝了芒果沙冰和蜜桃茶，芒果沙冰是白色的，一點都看不出是芒果，但朋友說喝下去時是有點點芒果味道的。而我的蜜桃茶則是熱水無限添加，非常抵飲。整個下午只吃了三文治，反正不是來開大餐所以有點東西填肚就OK了！聽店主介紹，他們對貓貓服侍周到，每天親自餵水給寶貝們喝，吃的貓糧是天然糧。每隻手掌都勤力用棉花棒清潔，天啊。。。這不就是Spa級的享受？聽畢我都想做一隻貓！場裡面大部份都是貓仔，只有一隻貓女，她名叫豆腐花，超受歡迎，無論是貓貓還是客人都喜歡哄著豆腐花！而且全場的貓都是BB貓，最大一隻都是一歲，有的7,8月大，100%可愛！這裡的貓貓，基本上摸頭摸手，隻隻都可以，但不是每一隻都好抱