咖啡韓食 (Closed)

好難食呀,第一次寫就忍唔住寫劣評，印象中好耐之前黎食過午餐，個時岩岩新開，間餐廳大部分都係韓國人，個時食物質素印象中係唔錯，冇諗過事隔多年，難食左甘多，韓國人全部唔見哂，啲食物質素同之前食爭十條街！其他食物已經不予置評，又貴又唔好食，同行既朋友已經算係咩都食既人，都話好難食，就知道有幾難食，一個套餐再加兩杯野食，又食唔飽，真係前所未有甘難食，一句講哂，伏已中，大家千其唔好再幫襯，除非大家想食伏野啦，真心嬲！個價錢完全對唔得住個質素.

開張左好耐都冇勇氣去試，因為見到唔係好多人食，今次終於鼓足勇氣去食晚餐，其實都係冇乜人～我哋求其叫左兩款野食，問店員拎菜單，佢隨手擺係檯面，然後我想問佢嘢，佢頭也不回地走左，O曬嘴！然後呢，面係有生生哋感覺，兩碗麵都係，唔係好熟！唔好食！！！尤其個韓式拌麵好似咬緊橡筋咁，真係好有挑戰性！所以索性食幾啖就去埋單！原來唔係咁多人去係有原因㗎！所以第一城朋友仔，唔好去啦～真係好伏！真係好伏！真係好伏！真係好伏！

星期五lunch，叫咗泡菜鍋一上嚟個煲熱辣辣，熱到好滾，呢個好欣賞因為佢夠熱完全係增加咗食慾泡菜鍋配飯，入面有豆腐，冬菇，翠玉瓜，椰菜，泡菜同埋少少肉等用料普通，味道較淡，不過湯飯嚟講係唔錯嘅選擇

中午同朋友去吃下午茶，外邊沒有價錢，跟著我地便入去坐。入到去，無咩人，有2個男侍應加一個似老板娘。坐下來想點個焗薯餐，個男侍應話無，最後簡左一個麵餐同一個炸雞翼餐，想叫2杯熱0水，佢話無，我地好出奇地問佢有咩飲品可以簡，佢無講野，反轉餐牌，指一指，咁我地order左一杯熱薑茶，一杯熱柚子茶。收到張單，見到飲品要加每杯$6，於是，我便問個似老板娘嘅侍應，佢態度超差，話：係呀，呢兩杯野係要加錢架！我問咁個餐包咩飲品，佢指一指出面bar 枱（又唔講野）我見到只有水，便問佢係咪水？佢話則邊有茶包！其實無人同我地講過飲品要自己出去自己沖最後，食物到左，炸雞翼無味，即食麵ok（差極有限啦），食完真係後悔，浪費左一餐，又貴啦！

叫左海鮮豆腐湯，年糕拉麵，牛油蜜糖雞亦，檸檬雪碧。海鮮豆腐湯，個湯底好似用滾水白烚，海鮮隻蝦仲梅個少林足球個趙微，豆腐好似變壞似臭豆腐。年糕拉麵竟然完全冇味，求其去七仔買個杯麵已經ko 佢。雞亦鞋什什，而檸檬雪碧個汽水又冇氣又吾凍。真係吾想食淨野，兩舊幾水食左四分一終於頂吾順埋單走人。

係第一城附近住，趁weekend得閒就同屋企人黎第一城近近地買吓餸行下街同食嘢，就咁就度過左個休閒嘅星期日😋我地大約6點前去第一城泊左車，跟住就去食嘢先。好耐之前呢個位都仲係韓國餐廳主打韓燒，裝修後無左韓燒但就有火鍋/燒肉同埋平常嘅韓國嘢食例如韓式拌飯、紫菜卷、炒粉絲、牛骨湯、炸雞等。我地3個人叫左個排骨燒肉、炸雞翼、韓式啤酒、紫菜卷套餐同一個牛骨湯套餐。個排骨燒肉份量都幾夠，有排骨、年糕、椰菜、蛋、玉米、腸仔、芝士等，上台時會有個爐熱住。個芝士要等佢融左後同排骨一齊食，超正😋紫菜卷👍🏻炸雞翼中規中矩，我覺得可以炸得再脆啲（本人喜歡的口味而已）牛骨湯稍為淡左啲，骨比較多，顯得個湯比較清。總括黎講係沙田第一城呢個「社區」入面都算唔錯，環境乾淨企理，服務都OK，嘢食OK，價錢合理，埋單每人約$120。👍🏻下次會想試個韓式刨冰🍧😆

這間韓國餐廳，人客又唔夠，坐位仲要砌積木咁，有個年齡不少的「女員工」勁無禮貌，所以終於明白為什麼周圍要排隊時，你都無客！這位女員工簡直唔當你係客，老細你請佢，所以d客入到去都出返嚟去第二間。

自從上次試過咖啡韓食的麵食都還可以之後，今次就同朋友來試下其他啦，之前見到飯都唔錯咁，打算試下啦，點知出事啦。牛肋骨湯飯 - D個係友朋友叫的，其實還可以，只係牛有少少韌。魷魚石頭窩飯 - D個就係出事位，我好明白石頭窩飯的重點係個窩要熱辣辣同有少少飯焦，但佢個種燶法完全係燒焦左的味道，食左一啖係唔對路既，所以都問返待應，佢話其實係正常既，不過都肯幫手換左佢，之但係第二個石頭窩飯其實都仲係有焦味，咁我相信都應該係個石頭窩真係好難控制個溫度，只可以燒焦或者係唔熟。因為都唔想浪費食物，最後唯有硬食左D個咁難食的石頭窩飯。整體而言，加左一之後真係有D唔抵食架，同埋真係唔好試石頭窩飯，除非你係對焦味情有獨鍾，或者喜愛黑色的焦類食物啦。

在家不想走遠，懶洋洋的星期日晚上因吃過下午茶而不餓，就在附近簡單吃個晚飯，準備早睡明天上班。跟友人二人又真的沒必要吃酒樓小菜之類，因在劣評後再試過外賣炸雞不錯，決定再給這店一次機會。餐牌上選擇多了很多，原來星期一至六每日都有不同熱鐵板或熱鍋的特價，如芝士豬肋骨、部隊鍋等，也足足便宜了約$40。今天星期天則沒有優惠，所以沒有點這些大份量的。我們點了一份蜜糖牛油炸雞和一個牛排湯套餐。先來牛排湯套餐。店員解說餐牌上牛排和牛肋骨兩個的分別是前者較多肉，後者則是骨多。豈料端上來牛排真的只有肉，有點像牛柳般不過較碎。湯頭很甜，應該都是下了不少味霖，送著較硬的韓式短身米飯作湯飯吃就剛好。湯裡有金菇、椰菜、紅薯粉、冬菇，配料很多，也是抵吃的。套餐是加$4跟泡菜和菠菜兩個小冷盤，味道ok。熱騰騰的炸雞端上，新鮮炸出來的已經加分。所以即使淋上蜜糖汁的炸皮仍很脆，也不會有過多油凝固在盤上。蜜糖牛油汁甜甜的但不會死甜，令炸物沒那麼油膩，不過牛油味就不覺。不足之處是炸皮很厚，還有陣梳打粉味。個人比起炸雞是更prefer燒雞，所以韓式雞來說Goobne Chicken仍是我的all time favourite，

五一勞動節假期，諗住帶兩個小朋友唔去咁遠食晚飯，同埋小朋友話想食韓式炸雞，咁就近近地，去哩間啦。諗住同兩個細路食餐簡單晚飯啫；結果 ～～～ 嘢都未食，就搞到要轉場搵過第二間嚟食。我哋諗住叫一份炸雞，同埋一個部隊鍋，兩大兩細，應該夠食，咁我哋就落 ORDER 啦。侍應嚟到，小朋友唔食得辣，咁我哋就問佢：『請問部隊鍋可唔可以走辣呢？』侍應答：『好的，我幫你哋問吓廚房。』之後唔夠一分鐘，侍應哥哥回覆：『唔好意思喎，部隊鍋係無得走辣嘅。』我哋覺得有點奇怪（但心平氣和嘅），跟住好友善咁問：『請問你哋部隊鍋嘅辣，係點樣嚟㗎?  加咗一啲嘢？』侍應哥哥回覆：『係啊，部隊鍋辣，係因為加咗辣椒。』我哋再友善問：『咁，你可唔可以問下廚房，可唔可以唔加辣椒呢？』侍應哥哥回覆：『好，我幫你哋再問吓。』一心諗住走辣椒啫，應該無問題掛，點知令人發火嘅答案嚟了 ～～～『唔好意思喎，部隊鍋係無得走辣椒嘅。』我哋已經開始唔高興，問返佢點解唔可以走辣椒，跟住佢又係重複上面答案。『唔可以唔放紅辣椒，因為係規定咗嘅。』跟住真係火都嚟埋，我再問佢：『部隊鍋係我哋食嘅，有乜理由我哋叫你抽起某一種材料都唔得先？呢啲叫乜嘢待客之道啊

印象中沙田第一城並唔係特別多好野食，因為唔想成日食連鎖餐廳，所以今日同朋友試左咖啡韓食。入到去坐位唔算好闊落，但都坐得舒服。餐牌都有好多選擇，但兩個人都叫唔到太多款，都係一人叫一個麵比較方便。朋友叫左炸醬麵，炸醬唔算太咸，反而甜甜地，雖然唔係正宗韓國味道，但應該係調教過適合香港人口味，而且有埋細細粒的肉係中間，配合埋味道較清淡的麵，味道比想象中豐富。我叫左辣醬拌麵，拌麵質感唔錯，麵條彈牙。配菜有青瓜，紅蘿蔔，芽菜等等，口感豐富，唯一美中不足係個辣醬都落得好重手，而我又唔記得叫小辣，結果就出事啦，但味道都係唔錯的。整體而言，雖然加左一之後唔算好平，但食物質素同分量都唔錯，喜歡韓國菜的可以一試。

今日突然想食韓國野😋搵咗附近一間韓國餐廳試試韓式紫菜包飯 $40好奇怪地比咗一碟豉油我地....我食過好多間韓國餐廳，而且必叫紫菜包飯不過依間都算其中一間比較差😥啲材料接近冇味道，而且份量少香辣海鮮湯麵 $55 🌶我本身都食得辣，不過依個麵辣到食唔到佢加咗好多辣椒油去整個味出黎海鮮份量可以接受，有4粒蜆，不過好多沙😥另外，依個落咗粗麵感覺好奇怪，完全唔覺自己食緊韓國菜芝士湯麵 $40好多芝士👍🏼不過上枱既時候啲麵仲好硬，未煮好不過味道可以接受，不過不失

未轉名之前間中有去，轉名之後第一次來。沒有了以前的燒肉爐，餐牌都變成了炸雞。牛肉kimbap未轉名前，這幾乎是每次必點，明明門口餐牌看到有的，但坐下來看食品目錄卻沒有，忍不住問職員，還好是有的。Kimbap 包得夠紮實又足料，飯不會乾硬。菜肉餃子改名前後都有同一個問題，味道可以的，但餃子皮太軟了，幾乎一夾即破，餡料有菜、肉和粉絲，只是一樣偏稔沒口感。咖喱奶油炸雞意粉炸雞量不少，炸得鬆脆不油膩，粉漿不算太厚，雞肉算嫩。炸雞本身沒太多味道，但咖喱奶油醬很香很美味，香滑帶微甜，配意粉真的不錯，如果醬汁可以多一點更好。價錢不太貴，食物質素也可以，沙田友想吃韓國料理或炸雞可以考慮。

20-1-2017 (Fri)返醫院接受治療,而女友人VL早前約我食lunch,我同佢會合後,行到o黎第一城,以為ASAP開o左,但原來仍未開業,唯有走入商場搵,求祈見到呢間有個café字就中入去,由於已經2:15pm,人唔多喇,我o地坐低後,VL睇menu,話呢間原來係食韓國o野,咁o岩我食o既咪好少?睇睇menu,都唔係,有啲o岩我食o既. VL就要$55.00o既牛肉餃子湯年糕,$8.00o既可樂,我要$45.00o既戈爾根朱勒乾酪薄餅,轉沙律套餐就$57.00.原來重想要$30.00o既藍莓果漿熱香餅伴薯角,但侍應話墳晒,咁快賣晒?叫完後,可樂好快到,之後等o左好耐,VL o既牛肉餃子湯年糕先到,見到有5粒大大粒o既餃子,牛肉份量適中,年糕就切片,我冇問佢好唔好食.之後我o既戈爾根朱勒乾酪薄餅到o黎,名副其實o既薄餅,真係好薄,而且唔大件,而佢o地已經切開成四件,食落,幾鹹,芝士都幾鹹,薄餅都脆,面上有啲花生粒,除此之外,好似食唔到有其他o野.而沙律就係細細兜雜菜沙律,菜係新鮮,食幾啖就攪掂啦.

麵豉湯為基礎，外加泡菜辣粉。豆腐配金菇、溫泉蛋、豬肉片、洋蔥，整體味道不過不失。薄皮Pizza茄醬濃郁，雞肉醃得夠味，沒有韓國特色，但個人認為是餐廳中較突出之菜式。炸雞說實好普通，皮是炸得爆脆，但冇味，麥當勞KFC平得黎又好味過佢，點解要黎食。。。？好就好在有啲醃蘿蔔同沙律減輕油膩感。