Café&Meal MUJI

Open Now

Now Closed

無印唔係剩係得文具買架 原來仲有Cafe可以食嘢！上次就同朋友食咗個梳乎厘奄列 都幾高質喎💕佢唔會好空氣感 又唔會好實淨 唔會好似食緊陣風咁💨又唔會好飽肚 鬆軟又濕潤 蛋香味仲好濃 整體份量都幾大 同朋友分享都得！

這天在家工作過後，時候已經不早，快快在這裡買個外賣回家吃，填飽肚子。買的是「外賣精選套餐」中的「兩品料理套餐」（$70，外賣自取九折）。這套餐有三款配搭選擇，而我買的是「山椒炒八爪魚蔬菜」+「日式黑糖醬汁煮牛小排」的兩餸組合，加配健康的「十六糓飯」和餐湯「蔬菜清湯」，再另加十元加配我喜歡的「芝麻醬拌菠菜冬菇」做我的午餐。始終是外賣，賣相比即時堂食難免差了一些，「山椒炒八爪魚蔬菜」的秋葵和青瓜顏色都顯得暗淡，不過口感就都不錯，伴以數片八爪魚片，味道還好。「日式黑糖醬汁煮牛小排」味道甜甜的，除了兩塊薄片牛小排，還有數件青紅蘿蔔。牛小排雖是主角，但肉質只是過得去，不算十分軟腍，幸好味道尚佳。相比起兩款主菜，其實我更喜歡的是無論味道和口感我都鍾意的「芝麻醬拌菠菜冬菇」，可口味美。在想不到吃甚麼好的時候，MUJI從來都是我的心水選擇之一。

一個人的午餐，去嘗試3品料理。擺盤同賣相係靚嘅，可以影相打卡，但係味道真係一般(;_;)完全唔值呢個價，唔知係埋食無慣，除左個芝麻醬拌菠菜冬菇啱食，個薑汁玉子同香草醬烤茄子真係…😵‍💫一言難盡，玉子很普通，千企唔好但單點一份88蚊玉子，唔值得;茄子無香草味，茄子上面嘅雜蔬味道都唔係好鐘意。飯都無咩特別，不過十六殻米可能扮下健康啲..?餐湯就普通嘅味噌湯，無咩特別，咖啡唔係我鐘意嘅口味，偏酸，總之餐係唔會有第二次，不過都想搵機會試埋個cake。小失望…

好鍾意一個人食Lunch，可以真正抖下，通常一個食Lunch都會黎Muji cafe，坐得舒服啲，可以好好抖下😌😌個Menu 成日都會跟季節而加入唔同的新菜式，依家就係秋日主題🍁有日本柿、金柚、南瓜，都係當造的蔬菜水果🍅🍊試左「味噌甘酒醬汁蝦肉金柚沙律」（凍盤）、「日本柿伴烤大蘑菇」（凍盤）、「黑醋醬豚肉」（熱盤）睇落份量唔多，但都食到好飽，而且可以傳款試少少都唔錯👍🏻👍🏻蝦肉金柚沙律最有驚喜，金柚酸甜酸甜配爽口蝦肉，十分清新開胃，是平時出面比較少食到的口味，值得一試！✨✨「日本柿伴烤大蘑菇」就正常發揮，日本柿都甜的，面頭有少少黑醋，但酸甜口味無「蝦肉金柚沙律」咁突出。以Lunch黎講可能Muji Cafe唔係性價比最高選擇，但可以take a break真係唔錯(食完仲可行陣街）

上堂前隨便搵間餐廳解決晚飯最後決定咗黎muji cafe佢可以用QR code落單 都幾方便menu有好多唔同款式既嘢揀最後揀咗呢個四品料理套餐 加配咗個冷壓果汁😂兩個冷盤 兩個熱盤冷盤：烤雜菌配半風乾蕃茄 + 芝麻豆腐菠菜熱盤：和風醬汁炒八爪魚菠蘿 + 黑醋醬豚肉四個餸味道都唔錯 唯獨個豚肉真係好硬 需要啲牙力去咬佢個飯可以揀白飯或者10穀米嚟到梗係要試吓啲特別野 發現佢個10穀米真係好好食 啲米食落去有口感之餘 唔會太硬或太軟 剛剛好至於個冷壓果汁酸酸味味咁 非常開胃

Muji cafe一向都係我食堂黎點解？因為佢又健康又有日式家庭料理既感覺仲有素食選擇今日要寫個食評讚揚下佢先 哈哈店內位置好多架又好坐好鍾意無印良品嘅木色裝修再加埋愛爾蘭風笛音樂真係好治癒入到嚟已經有想好好食餐飯嘅感覺由於lunch time太多人我就唔影內部裝修了門口帶位嘅服務員好有禮貌Respect我叫咗個三品料理（$98）再加多咗個美式咖啡☕️（$18）講咗個三品料理先評分：10/10點解咁高分？首先有少少分數係因為佢有素食嘅選擇素食得來又好食出面好多素食店又油膩又唔好食但佢$100食到好食又低卡嘅素食其實都好抵仲要佢口味比較清淡食完都唔口渴咁即係冇味精啦好有日本人養生長壽嘅感覺加分加分講返食物先我叫咗三款，分別係：芝士菠菜麵卷（10/10）呢個真係好好食芝士味好濃！！！我呢個芝士控食到好滿足而且佢包住嘅麵卷口感唔錯加埋菠菜 味道好夾一啲都唔似係素食清淡嘅感覺必試芝麻味噌伴豆腐菠菜（10/10）呢個冷盤都一樣好好食佢嘅豆腐味好濃郁！加埋芝麻味好香成件事好夾我覺得仲好食過胡麻醬菠菜無咁漏好清，仲可以增加蛋白質推薦烤雜菌配半風乾蕃茄（8/10）呢個相對來講就冇咁出色以前我好鍾意食呢道

#lunchset #mujicafe 健康版嘅三餸飯！(⁎⁍̴̛ᴗ⁍̴̛⁎)可以去櫃到望下啲冷盤同熱盤係咩樣先各揀兩三款，然後配麵豉湯同白飯/十六穀米飯/包，好健康！四品料理(黑醋醬豚肉、日式黑糖醬汁煮牛小排、和風雜菌汁厚燒玉子、芝麻醬拌菠菜冬菇，配十六穀米）個玉子入面有好多野，好啱揀飲擇食嘅小朋友(=´∀｀)芝麻醬唔係出面啲胡麻醬，冇咁甜，但好香芝麻味三品料理(甜椒醬炸雞、烤雜菌拌半風乾番茄、紫薯青蘋果沙律)炸雞食落唔似炸雞(◐‿◑)不會很heavy，幾嫩。紫薯沙律成個雪糕球咁好得意！但我覺得齋紫薯會好過加啲蘋果落去，雖然有會fresh啲，但會冇咁甜。整體嚟講只係略嫌熱盤唔夠熱，只係暖暖地，其他都幾好٩(˃̶͈̀௰˂̶͈́)و配搭好健康，同埋全部都唔會太甜/鹹/過多調味，麵豉湯都係淡淡地飲落好舒服。

“黑毛和牛配醬油烤磨菇”($228/100g)“香煎黑毛豬配青蘋果乳酪醬”($168/100g)“鮮果芝士班戟蛋糕”($40)“芒果茉莉花茶新潟米粉卷蛋”($40)“菠蘿生薑甘酒果汁”($45)“沖繩青柑檸特飲”($38)之前嚟過muji食佢個梳乎厘奄列今次一於試吓佢嘅鹹食🥰Muji最近仲新出咗個春季餐目當中最吸引我嘅就係個黑毛和牛配醬油烤磨菇🐮🍄呢道菜式選用咗鹿兒島嘅黑毛和牛😍入口口感嫩滑,油脂分佈都好平均😋另外一份叫咗香煎黑毛豬配青蘋果乳酪醬🐷🍏用上西班牙黑毛豬,切開入面仲有啲嫩粉紅色😍入口一啲都唔韌🤤配上酸酸地嘅青蘋果乳酪醬可以將個油膩感減低☺淨係食主食又點會滿足到我地個胃🤣甜品就揀選咗鮮果芝士班戟蛋糕🥞個樣十分精緻🥰班戟包住軟芝士忌廉同士多啤梨🍓味道鮮甜☺不過略嫌個班戟有啲乾😂另一款甜品係芒果茉莉花茶新潟米粉卷蛋🥭卷蛋口感十分鬆軟🥰散發出淡淡嘅茶香加埋香甜嘅芒果同幼滑嘅忌廉好夾好好味😍飲品方面都幾特別😆一杯係菠蘿生薑甘酒果汁🍍雖然有個酒字但其實係冇酒精成份嘅😆小朋友都飲得🤣以甘酒代替糖,加入菠蘿🍍,生薑,香蕉🍌,橙🍊入口先係甜甜嘅菠蘿味,之後就會散出生薑嘅辣味另一杯係沖繩青柑檸

日系風格簡單舒服，無印cafe 比人既感覺都係甘單純。叫左個綠茶芝士蛋糕（$40）好香綠茶味，芝士好rich, 但質地吾夠滑。仲叫左個梳乎里奄列（$88）二人份，好大舊，第一眼見到個外表以為質地會好實，但係一切開，見到裡面係好soft, 放入口就會溶化。表面原來係整左一層焦糖，敲醉D焦糖mix 埋D疏乎厘，甜度剛剛好。隨碟仲有一舊蛋白cream 同一壺仔蜜糖同朱古力醬，所以嘢夾埋放入口，好滿足❣️剩係食個疏乎厘奄列已經好飽😂😂😂因為會員滿$200有九折，所以我哋嗌左杯伯爵茶（$30/杯）和梳球洛神花茶（$48/壺）😊洛神花茶比較特別，好重薄荷味酸酸的，不過我都係比較喜歡平實的伯爵茶🤣🤣好hea 好舒服感覺～～

一向喜歡「無印良品」，喜歡它的日式簡約、樸實，這間位於奧海城二期「無印良品」內的 Cafe & Meal Muji，即有麵包、西餅等輕食，也有不同的菜式可作午膳或晚餐，食物以簡單、健康為主，與「無印良品」的其他產品一脈相承，絕對是個吃東西的好去處。而這一天，我就獨個兒在這兒簡單舒適的環境中吃了一頓美麗、好味又健康的午餐。這兒的「料理套餐」有三品、四品和五品可揀，想簡單些，便宜些，可選三品（$98），想豐富些，可揀四品（$110），想再豐富些，就可選五品（$118）。這天是我開始放假的日子，那就吃好一點，來個「五品料理套餐」吧！反正，四品和五品價錢相差不過是八塊錢而已。「五品料理套餐」可自選三款冷盤和兩款熱盤，而且已包餐湯，飯就可在白飯與十六穀飯中二擇其一，要是不愛吃飯的話，也可選擇麵包。而我就選擇了感覺最健康的「十六穀飯」。三冷兩熱的菜式中，「紫薯青蘋果沙律」是最吸睛的，紫色的紫薯球大大一個，帶著清新的甜味，紫薯球內藏著的青蘋果粒爽脆而帶點酸，與甜味的紫薯正好起了相輔相成的作用。另一款沙律「三文魚牛油果沙律」有我喜歡吃的三文魚和牛油果，當然不會不滿意。最後一款冷盤「芝麻醬拌菠菜冬菇」的

Muji 一向俾人簡約清閒嘅印象，店內餐廳都唔例外，環境清靜舒適。點左個signature嘅三品料理套餐，可以揀兩款凍食一款熱食，選擇都唔少。芝麻醬伴菠菜冬菇我覺得最好食，菠菜同冬菇質感上成對比所以口感唔錯，芝麻醬唔會落得太重手南瓜雪耳沙律嘅南瓜蓉令沙律好creamy，雪耳爽脆，不過味道比芝麻醬淡，所以呢個其實應該先食味增烤盲鰽魚柳係熱食，味增同魚味鮮甜，但係如果再熱啲會更上一層樓是日餐湯應該係黑蒜雜菜湯，味道似熱水滾雜菜，真心麻麻地總括：食物製作冇難度又一早煮好，$98感覺上偏貴，係食個品牌

Weekend下午想搵個地方chill下，就去左Muji Cafe試下佢哋嘅甜品。之前有朋友介紹過佢哋嘅布丁🍮同舒芙蕾好正宗幾好食，所以今次就試下啦～ 由於其實我本身麻麻地布丁😂所以就叫左3品季節甜品套餐，裡面其中一樣揀左布丁試試味😋 當然仲叫左必試嘅舒芙蕾奄列啦-3品季節甜品套餐呢個套餐除左可以選擇三款迷你甜品之外，仲包埋咖啡或茶☕️ 其實都幾抵食嘅😂 甜品就揀左宇治抹茶芝士蛋糕🍰、宇治抹茶紅豆卷蛋🍵同白芝麻布丁🍮 全部都細細件 啱曬眼闊肚窄嘅我😂 原來揀左兩件都係抹茶添😛 芝士蛋糕抹茶同芝士味道都好濃郁 細細件已經好飽肚 對我黎講有少少太濃郁🙈 卷蛋相對口感同味道比較清新 有濃郁嘅抹茶味配埋絕配嘅紅豆味奶油真係幾夾👍🏻 最令我驚艷嘅係白芝麻布丁 本身我都幾鍾意芝麻嘅香味 再加埋軟滑嘅布丁 味道真係令人流晒口水🤤 呢個一定唔會再去食㗎😍整體黎講全部甜品都唔會太甜 味道適中 質素唔錯～-舒芙蕾奄列呢個係即叫即整嘅 大概等咗20分鐘左右 見到好多檯都有叫 想必應該幾好食 但可能我對佢嘅期望太高 舒芙蕾味道雖然蛋味係幾濃郁但冇想像中咁軟滑🤨 旁邊嘅奶油都冇咩味道😲 所以味道及單一 老實講冇咩

呢度啲甜品都幾吸引😍心思思咩都想食嘅話呢個套餐就最啱💓嗰日去佢中有七款甜品可以揀仲會配飲品😚咁樣擺盤又幾靚 好吸引🤤.3品季節甜點套餐🍮 $98上到下 左至右👇🏻👉🏻紅桑子玫瑰戚風蛋糕🌹食到淡淡的玫瑰花味😋不過就冇紅桑子味 佢應該係講緊面頭嗰半粒🙈cream就同疏乎厘伴碟一樣😝.宇治抹茶紅豆新瀉米粉卷蛋🍰中間個紅豆忌廉甜度適中 都夠滑😋幾鐘意佢啲紅豆唔會整到好爛 食到一粒粒嘅紅豆😎不過抹茶味就唔夠濃 個內餡嘅味出啲🤏🏻.宇治抹茶芝士蛋糕🍵佢面頭舊cream同上面嗰款卷蛋個餡係一樣嘅😎不過我自己幾鍾意呢個芝士蛋糕 抹茶味好濃好香😍食抹茶嘅甜品最驚就係佢會好甜 同埋有浸好假嘅味 但係呢款好重茶味🤤抹茶同芝士味平衡得幾好🧀口感仲好軟滑🤩.迷你香橙朱古力蛋糕🍊我唔太鍾意食呢款😟覺得橙味同朱古力味唔太夾🍫同埋蛋糕有啲乾 唔夠濕潤同埋鬆軟🥺不過可可味幾濃 唔會好甜 仲有啲橙嘅果香味😛.雜莓芝士蛋糕🧀口感唔係New York cheesecake咁實 又未去到輕芝士蛋糕咁creamy 介乎兩者之間😋味道偏酸唔甜 我幾鐘意😍不過就冇乜芝士味~比中間莓醬個味蓋左🙈但係食落感覺幾輕盈😚.迷你雜莓撻🥧係咪好

多數去無印都淨係會去買佢啲文具或者小食🤣都未試過去cafe食 估唔到又幾高質😎價錢又唔貴 推介大家去試下💓.梳乎厘奄列🥚 $78呢個應該係招牌 見好多人都嗌嚟食✨佢質感唔係好空氣食緊陣風嗰啲soufflé pancake🥞 佢有少少似實淨啲嘅燉蛋🧐口感好軟滑好濕潤😍蛋香味好濃‼️呢個梳乎厘最特別係佢面頭有一層好薄嘅焦糖🤤燒到好脆卜卜😎不過我自己覺得偏甜🤏🏻佢旁邊有朱古力醬,蜜糖,同埋忌廉加埋一齊食😝不過我自己覺得就咁食已經好好味😋我好鍾意啲cream💓好香奶味🍼打得勁幼滑 食落好輕盈 仲要唔甜🤩

難得經過奧海城，就試吓一啲健康餐，堂食係以自助形式，如果可以用ipad落單就衛生啲今次叫咗2個五品料理，再送嘢飲自選冷盤三款：紅菜頭藜麥沙律-味道比較淡，可能個沙律醬比較淡，而材料都係冇乜味道牛油果茄子羽衣甘藍沙律-配搭得最好，牛油果都幾多，個醬汁有比較濃蘆筍水果沙律-水果款式都好多，蘆筍都好爽口烤雜菌伴半風乾番茄-食落啲雜菌，比較單一，唔似有好多種菇，反而個蕃茄就好味，不過得好少自選熱盤二款：黑醋醬豚肉-扮咕嚕肉，又唔熱，個皮仲淋pat pat有機藜麥芝麻烤雞-呢個有驚喜，有雞味，出面鋪滿芝麻+藜麥味噌烤盲曹魚柳-盲曹魚好大件，仲有幾條菜伴，口感一流，配搭出色男爵薯餅-又係凍冰冰，又唔脆，真唔掂最後試埋個甜品，2人前疏附厘班cake，份量都幾大，新鮮熱辣，即叫即做，如果可以配埋啲水果，就perfect