一樓咖啡室 (Closed)

***又係跑會聚會今次會長請食自助餐.好多野食. 食過既大概如下:青口, 沙律數種, 印度餅+ 咖哩, 魚生, 壽司, 意大利雲吞, 闊條麵, haagen dazs(杯裝), 磨菇湯, 櫻桃芝士蛋糕, 朱古力fondue...其實唔係真係好特別, 或者有任何一樣野談得上好好味. 但係每一樣野都好平均. 唔會有任何一樣係入唔到口的.有d好精美既a la carte蛋糕但無試到.餐前餐後都有飲品. 如需任添飲品要加$58. 我地一行人就無叫到任飲.每樣都試少少. 都食到好飽. 晚餐時間係6-930.早d訂檯有著數, 好似我地係坐靠海邊窗既檯.有好幾檯好似都係慶祝生日的但一d都唔會嘈到隔離, 檯與檯之間既距離好好.雖然有人請唔知幾多錢, 但聽到hsbc白金卡有折. 可以參考番銀行既資料.最後, 多謝會長!!!!

afternoon tea buffet from 3:15-5:15168 +10%88 extra for all you could drink wine and soft drinksNice place with seaview and yachts!great vareity of foodsteam pot of your choices of chinese foodfreshly made spaghetti with own choices of contentscongee, sharkfin soup, red been soup, almond sweet soupdim-sumsasian snackssushisalad baricecreamchocolate fontaincakesfruits.....very enjoyable on a sunny afternoon!

哇 個日我生日男朋友帶我去酒店book 食野 哈哈去到呢間一樓 第一眼就見到個chocolate泉 好靚@@去到坐係window邊 食左三文魚sushi 好鮮架 仲好大件冇怪味 好正一定要一試g就係燒牛排 去到個counter度會有個chef 切俾你架~加d紅酒汁 口感唔似rubber 好林架!仲有d血汁 不過ok多筋-___- 整體係好食 一定要try仲有沙律啦 加千島醬 正呀XD 跟住食完main dish即刻食甜品XD 恨左好耐個chocolate pool 朋友都話我發青光哈哈 一定要用棉花糖 最好食不過係milk chocolate黎 如果有dark就最正XD仲有cake同brownies 都算係好食brownies真係食一件就足夠 好膩呀不過要留意係brownies下面 有一碟碟好細碟ge honey cookies呢個好好食架 入口第一次唔覺係咩但係食多2口呢! 好香好甜又唔膩 一定要試!! XD 不過呢 一定要有優惠劵先去 如果唔係好貴

一大班朋友去呢間野食自助餐，我自己幾年前食過一次，都覺得ok，但今次去食，發覺已經面目全非！平日食已經冇生蠔，仲要其他D食物都好少款式，連避風塘炒蟹都完全吾掂，我未見過有人用水蟹炒，真係想搵D肉食下都冇，食完成場，居然最好食既係杯裝雪糕，真吹脹！

前幾日去左excelsior度食dinner buffet,終於都有海景位了~~~我見到d野食係多左款式,但係d抵食的都沒有了...淚....明明我上年黎的時候感覺好回本的....\不過食身的質素仍然keep住okay,甜品都好有心思~~~好好吃~~~~~但係服務質素差左,話說我唔小心咁倒瀉左杯橙汁,但係D Waiter仲好施施然咁走埋黎,再施施然咁諗用紙巾定係用檯布好,仲有一直都冇諗住畀紙巾我.....第二個問題係當我去湯面度諗食拎食物時,有個LV 女人打尖,我好心讓佢先,點知個湯面廚師陣係顧住Serve佢唔埋我....唉.....目光短淺

7月31號晚, 因為有2張 $250 coupon 先嚟食, 因為好耐之前嚟過都覺得無乜嘢食, 點知幾年後嚟食仍然無改善<服務>唯一最值得一讚係服務, 侍應見我哋食完燒牛肉後, 會遞上牙籤, 食完生蝦就會遞上濕乾紙巾, 但佢哋絶對唔會釘實客人食嘢, 我覺得係醒目表現<最回本食物>1) Haagen Dazs 小杯裝雪糕, 有4款味2) 刺身 - 三文魚, 吞拿魚 (好霉),八爪魚, 醋鯖魚 (幾好), 魚立 魚 (ok)3) 蛋糕 (一般) - 芝士蛋糕 (幾好), tiramisu (麻麻), 草莓, 綠茶, 朱古力4) 芝士5) 沙律, 煙三文魚, 牛肉刺身 (但完全未見過 refill), 生蝦, 青口<最飽肚>1) 湯麵, 大大碗即煮意粉, 炒飯2) 燒味熱盤款式不多, 大多令人飽肚肉類二人共消費 : $160

有喜事慶祝，我們十多人安排了窗口位置，雖然只是二樓，前面沒有遮擋，所以都可以一路食飯一路欣賞維港夜景。每人送上一杯welcome drink，也可加$78任飲紅白酒、啤酒。先繞場一周，頭盤有刺身、壽司、沙律、凍海鮮及即開生蠔，當然以即開生蠔最為「搶手」，有法國、澳洲及愛爾蘭三種，初時師傅依地區將蠔整齊的排好，最後人多排隊時，師傅將所開的蠔胡亂的在一齊。雖然即開也未見突出，我食的法國蠔，味道超鹹，只食到鹹水味，食不到鮮味出來。刺身的三文魚、吞拿魚、油甘魚、八爪魚等，不是款款新鮮，尤其是吞拿魚有點點霉。沙律有中、西、日、泰…多款選擇。凍海鮮方面好過先幾日我食過的「蠔酒吧」。熱盤相對較頭盤少，燒羊扒及牛仔肉最吸引我，每件燒得剛好，肉質又嫩又滑。見甜品區有HaagenDazs雪榚櫃裡有多種口味，滿心歡喜以為今次可以開懷暢食，原來不供應予自助餐的，只供應餐牌上的甜品，頓是極之失望，唯有食細杯裝的HaagenDazs，只有朱古力、雲呢拿及曲奇三味，我當然一次過食均全部，尤其與窩夫及紅豆沙同吃，更為滋味；蛋榚有7、8款，因為細細件我可以逐一試，奶茶蛋糕最好食有淡淡茶香、紐約芝士餅最不濟，沒有芝士香。

從前問朋友有什麼好宵夜自助餐介紹，首推怡東。主要原因是食物款式多，價格相宜。之前也曾惠顧其自助晚餐，絕不叫人失望。倚窗閣一餐教人回味，順道比較一下。其實單看照片已高下立見。我們十點半到達，剛好是宵夜自助餐的法定開始時間。在顧客不多的情況下，食物的選擇和份量已經好像尾聲一樣隨便。新鮮海產欠奉，頂多只有壽司充撐場面。平面方角的壽司飯，相信是把飯放在模具中壓成一大塊「飯板」，再切出小塊的「壽司飯磚」。這樣高級的酒店，難道沒有一個正式的日菜師傅和像樣一點的日本米嗎？壽司材料沒有本身的味道，配合那壽司飯，整體既淡且硬，敗筆之最。點心無論外觀和製法均非常敷衍，像那惡形惡相的燒賣和過鹹的煎腸粉，形實俱欠，懷疑廚師的標準在哪。倚窗閣的雞翼和炒飯叫人難忘－－這兒的雞翼卻小得可憐，隨便的用豉油煮熟便算；炒飯則乾而無味。因為沒什麼好吃，但確實肚餓，本人又偏好包食，便取了一堆中西包點比較一下。那小籠包賣相像小學生的勞作，味道不提也罷。各種中式包點像街上茶餐廳兼賣的水準，不好吃但總算能吃個飽。鍋貼硬得罕見。西式麵包乾而無味……究竟那一樣菜的廚師是達標的？甜點賣相不俗，但食味卻非常普通。比較好的是丁方的核桃蛋糕，

I last came here with my friend last X'mas and was pleasantly surprised by the quality of food at Cafe on the 1st. However, this justification no longer applies after today.I came here today for a late lunch because of its comfy seating. The tea set was tempting at $118 but I decided to have something more filling instead. After all, it's almost 3pm and I still have a long day to go.I picked a dish from its monthly specials which is called "Crispy pomfret, chili paste, French beans and chicken f

12號, 為了答謝母親, 大伙兒訂了怡東的自助晚餐, 6點來到, 看見食物選擇很是豐富, Waiter帶位時不見老豆, 原來一早已離隊, 一個人去視察一圈.首先大伙兒進攻魚生, 生蠔. 魚生首一輪非常新鮮, 但經過7點時, 食客狂搶後, 再出來的有點遜色.生蠔, 有 兩種法國的及一種愛爾蘭的, 即場開, 不腥, 海水味剛好, 不同產地的, 給你不同口感. 開蠔師傅好experience, 一堆蠔, 一看就分得出產地.其他, 海鮮最是吸引, 有長腳蟹, 有扇貝, 有青口, 魚類種類很多, 亦很好食. 甜品已沒有胃口再去食了, 說豐富, 雖不及金鐘三間, 但海鮮, 的確很多選擇. 雪糕是Haggan-Daz, 食了最喜歡的Cookie and Cream.

有frd (相中有佢隻玉手) 有會員卡所以黎high tea, 六個人食左四個set tea 再另加兩杯飲品，我要左健康寶寶，酸酸地都可以接受。會員卡收少一份人錢，所以作為酒店都算幾抵，環境幾好，野食都唔錯，不過啲侍應唔會將啲野食捧到你面前，而係叫坐外啲果啲將啲野遞俾坐裏面果啲，o係我印象扣左分，五星服務一定唔係咁囉(雖然唔知間野高唔高級)。除此以外其他一切都唔錯，如有折扣會再黎過。

同左BB去左食怡東酒店既宵夜自助餐諗住應該都會唔會太差掛點心有燒賣, 蝦蛟, 小籠飽, 雞飽, 糯米雞, 叉燒飽, 炒面全部都係公仔點心既貨色, 亦是全晚最穩陣既食物.湯面檔有蝦, 豬潤, 魚片, 皮蛋,肉絲揀, 種類太少了, 而湯底有清湯同埋喇唦湯底兩款, 試了喇唦, 唔好食的.熱盤有咖喱魚旦, 街邊仲好食過佢, 咖喱牛肉, 都OK,咖喱海鮮, 冇食到, 賣相同咖喱牛肉差不多, 蒸雞, 蘿蔔蚊牛腩, 依個唔錯, 肉醬焗通粉, 賣相十分差, 薯蓉, 又係唔好食, 印度炒飯, 港色炒飯, 都是普通野, 牛仔骨, 依個都不錯.壽司得果幾款, 連魚生都冇, 真係失敗.沙律配料很少, 生果一D都唔新鮮, 甜品亦都唔好食.

之前申請左渣打visa card換既coupon, 我地揀左食宵夜buffet, 呢度係我第一次黎, 入到黎都比佢呃左添, 地方環境係唔錯, 食物個樣都呃到下人, 但食落口就真係麻麻囉, 佢係有好多款食物, 種類都幾多下架, 不過有d唔夠熱壽司: 最hit既三文魚,吞拿魚都無, 只得一隻不知名的魚, 都ok既, 熟蝦, 散散地既加洲卷, 蛋呀果d咁囉, 無魚生沙律係有幾款, 但見到個樣都唔想夾甜品: 溶溶地的杯裝雀巢雪榚(vanilla/mango), 心型格仔餅(不是新鮮即做的, 但就放起個熱盤度坐暖, 食既時候就好dry囉), 朱古力蛋榚, 綠茶mousses cake, 合核朱古力批, 迷你果撻, 紅豆沙, 豆腐花, 雜果粒西米露, 紅棗茶, 椰汁黑糯米點心: 燒賣, 牛肉粒, 牛肉球, 糯米雞, 叉燒飽, 菜肉飽(我覺得最穩陣係食點心, 夠熱最正常)熱葷: 咖哩醋皮魚蛋(d魚蛋好淋), 炒麵(無料), 三文魚串(呢個最好味, d魚唔鞋), 迷你熱狗, 湯粉麵, 焗通粉(又係唔熱, 好一pat), 煎腸粉, 蘿蔔炆牛雜(都好味), 印度黃薑飯, tandoori chicken,

上星期五相約朋友吃自助餐，食物種類還可以，有數款可以一說：1. 長腳蟹的數量及長度都能滿足食客，但略為鹹了一點；2. 羊架熟度剛好，沒有(口鞋)的感覺，但芥辣一點也不辣，很稀；3. 最值得推薦生蠔，當晚有2款生蠔供應並即埸有專人開蠔，味道鮮美，yummy；4. 其它款式不過不失吧!以食物質素來說，如果不是朋友有$500優惠券，要給$831(兩位連加一)，我一定不會幫襯。最後要彈的是他們的椅子，背部全空，祇得一條背靠板，女仕的手袋祇能放在大腿上，很不方便!

同家人慶祝生日,黎怡東食自助餐,之前睇過食評,唔少人話其實唔係咁好,但係甜品最好,所以甜品有所期待,但係以我今次經驗,竟然係調轉,即係甜品令人失望,反而其他食物比想像中好。不如先講甜品,雖然款式算多,包括朱古力忌廉號角,瑞士朱古力餅,藍莓慕絲蛋糕,紐約芝士蛋糕,黑森林蛋糕,朱古力truffle蛋糕,朱古力方型蛋糕,合桃卷,麵包布甸,綠茶紅豆蛋糕,綠茶慕絲蛋糕,朱古力噴泉,生果,心型窩夫,法式菠蘿甜品,馬檸撻,豆腐花,同一些中式糕品等等.當然唔少得我最愛而且係全場最好味甜品haagen-dazs雪糕(有四款口味,分別係士多啤梨,朱古力,曲奇,呢拿)啦!見到有食評話有tiramisu,但係我呢次似乎就無喇。既然咁多款,點解會失望?好簡單,因為質素唔夠好,大部份蛋糕類,都係硬硬的,唔夠軟熟,稍為好少少係黑森林,而朱古力方型蛋糕就因為朱古力夠濃而搭夠,比較算係有少少水準只係藍莓慕絲蛋糕同埋紐約芝士蛋糕,但係呢兩款其實間間酒店的質素都唔會差太遠囉!所以,全場最值得食既甜品只有雪糕,不過佢唔係俾人”畢”,而係獨立杯裝,好處係比較衛生,唔好處係無咁”好玩”,雖然佢旁邊放左m&m,曲奇碎等配料,但係由