Cafe Paradise (砵蘭街) (Closed)

今日冇食晏晝，特登留肚同老婆出街食飯，今次朋友介紹呢間喺太子附近嘅一間coffee shop，好食同埋份量多，所以今次特登過嚟試吓。佢哋5:00開門，我哋4:50去到，職員見到我哋就已經安排我哋入去坐低，仲可以叫到下午茶，但係因為想食晚餐嘅關係，所以我哋直接叫左晚餐。個湯好creamy，好濃郁，佢配埋一份多士連士多啤梨醬，另外叫咗杯薄荷朱古力。首先上咗個前菜，黑松露薯條，黑松露醬好大份，薯條炸得好香脆，唔似得出邊嗰啲會食到好淋。老婆叫左份all day breakfast，份量一樣好大，有脆薯餅、煙三文魚、煙肉、漢堡扒、茄汁豆、粟米、沙律菜同勁大份嘅炒蛋，呢個份量其實一個人都食唔晒，真係好大份，同埋佢哋嘅味道真係好濃郁，仲有佢係連一杯橙汁既。最後叫咗份BBQ豬仔骨，豬仔骨焗得勁淋，完全唔使用刀切，用叉已經可以撕開，勁入面，回食指數相當高👍🏻👍🏻👍🏻

今次到太子尋覓美食，餐廳位於砵蘭街，近太子站D岀口，步行2分鐘後便到達。我叫了一份石燒美國頂級牛下肩眼肉($88)+升級套餐，有餐湯＋沙律+甜品＋飲品（$30）。餐廳把牛切成粒，有8粒。牛粒厚切，不會有太多筋位。職員很體貼，會建議客人可把牛再切細放左石板燒上，還提醒客人不要把醬汁倒在石版燒上。薯條份量多，很香脆可口。而醬汁有三款不同口味。餐湯係南瓜湯和沙律，味道普普通通，沒有特別。甜品係朱古力味雪糕，職員很有禮貌地提醒雪糕太硬，建議先等等再吃。另外叫了一份卡邦尼意大利粉（$65）+$15 （有飲品和餐湯）。意粉有驚喜！好creamy，芝士味十分濃郁，不會太膩。最令我意想不到既係，意粉份量多和有很多菇和火腿。相對其他西餐廳足料很多。叫了一杯chocolate paradise，飲品上有一球朱古力味的雪糕，味道不會很甜。餐廳內的環境很舒服，枱與枱之間不會太近。外賣自取，一律全單9折優惠。

今日約左朋友食晚飯預祝生日，因為朋友想食西餐就揀左呢間cafe Paradise,估唔到質素唔差，價錢仲好抵，甜品仲好有驚喜裝修風格好簡單輕鬆，氣氛柔和，因為放工去到未夠7點，唔使等位即刻有位坐唔使等坐低見到餐廳好多小飾物好靚，影相打卡無問題，座位寬敞又舒適侍應服務態度好友善，時刻都留意食客有咩需要，好快有回應，我地食飯都食得好開心餐牌選擇好多，set dinner 價錢抵好多，份量仲好多，所以我地都點左一個set dinner，另外再點多左一份ribs同黑松露薯條食到我地超飽最正係價錢唔貴，真係抵食夾大件龍蝦汁海鮮意大利飯賣相好靚，大蝦帶子好爽口，青口肉都好大粒，最驚喜係意大利飯唔會太creamy 而且唔膩，唔會食兩啖就飽都食唔落，飯軟硬適中，好有咬口跟餐仲有餐湯沙律同甜品，呢個價錢真心抵食，餐湯係南瓜湯，因為我地兩個都唔食南瓜，唔想浪費就同佢講唔要另外散叫一份BBQ烤焗西班牙黑毛豬肋排，一上菜嚇左一跳，份量好大份豬肋排兩大份，BBQ醬好濃好惹味，豬肋排上醬汁顏色較深色(唔係燒燶嫁)，再配少少芥末醬真係好食到唔停口豬肋排肉質好嫩滑好juicy，如果多人share會仲好，可以試多幾款菜

平時都唔算成日去太子，嗰日做完嘢閒逛就入咗去呢一間度食晚飯！外型唔算特別突出，但係係一種家庭式嘅西餐～諗唔到食咩就叫咗一個一人套餐，加咗少少錢沙律同餐湯。沙律同餐湯都不過不失嗰日係南瓜粟米湯，少少南瓜絲～主菜叫咗羊架以及薯蓉羊架偏肥多肥肉，但勝在佢係用鐵板上可以自己決定熟嘅程度！個人比較鍾意三成熟所以自己可以Manage好～切開都軟冧而且紋路清晰～有肉味。另上薯蓉係配上黑椒汁，口感順滑～另外都配左兩個醬俾我點羊架！咖啡同芝麻雪糕就不過不失作為甜品都算幾好咁完結呢一餐

今日難得放假約左朋友仔shopping，出得黎玩緊係要對自己好啲，所以就揀左間個名又靚，賣相又相既餐廳 Cafe Paradise😌入面環境唔錯，用黑色做主調，不過燈光都算光猛。小妹今次同朋友就叫左兩個set dinner前菜沙律一般，都係普通沙律菜配芝麻醬。西西里茄茸煙肉三文魚意大利飯，番茄味好出，好甜，平時咸既意大利飯就食得多，估唔到甜既都咁出色、咁夾。不過可惜三文魚份量唔係好多。香煎慢煮三文魚扒配菠蘿橙酒汁，個汁好香濃橙甜味，好開胃，愈食愈想食。三文魚煎得好好，肉唔會散開，魚亦調味得唔錯，唔會太咸，吊到三文魚味出黎。黑松露薯條炸到熱辣辣卜卜脆，唔似得某快餐連鎖店咁啲薯條永遠都係淋既。薯條配上黑松露醬勁好味！如果再灑上啲松露碎就perfect！最後甜品係抹茶雪糕，食左咁多煎炸野，食返啲凍既下火，抹茶味好出，唔錯！Cafe paradise 係無改錯名既，依家見佢開左多間分店，下次出街又有多個高質西餐選擇

同朋友喺附近酒店staycation完之後就搵下附近嘅餐廳 見到呢一間都好熱門 果然嚟到都好多人 等左一陣先有位不過食物質素確實非常唔錯 性價比好高難怪佢咁多人點解話佢價錢抵 因為佢石頭燒200g嘅牛肩胛肉眼扒先至＄78！加＄30就可以變成套餐 有餐湯，沙律，飲品同甜品 我哋另外再揀多咗個卡邦尼意粉（＄65）晚餐時段之前加$15就可以揀一杯飲品，例如各種類型咖啡，特飲，活性乳酸飲品等。湯同沙律作為頭盤份量都幾多 仲要好多餐廳套餐通常只會兩者揀其一 呢到係兩樣都有 仲要個粟米忌廉湯夠甜好味道 沙律配芝麻醬無得輸 之後意粉就煮好 一上碟好香又大大碟 食落creamy又掛汁 夾埋洋蔥磨菇同煙肉 非常滋味 個人鍾意食比較硬身嘅意粉略嫌呢個未夠硬 不過味道真係非常之讚到咗今日我哋最期待嘅主角嚟啦 店員好有耐性咁樣講解呢個石板燒嘅食用方法同注意嘅野雖然有少少等唔切佢講已經想砌塊扒但我哋都係有聽埋嘅 佢有2種醬汁 蒜蓉汁同黑椒汁，自己燒下砌下玩下幾過癮 想熟啲又得生啲都得重點係可以影相呃like都唔錯 跟埋熱辣辣嘅薯條冇得輸雖然好忙但係員工服務態度都好好

早排去睇演唱會，見睇show前仲有時間，就喺旺角太子附近搵下有咩好野食。撞正Halloween ，友人見到呢間餐廳門口有魷魚遊戲裝飾，waiter都係著運動衫，所以就入去試試佢。餐廳唔算好大，大概坐到二十人。我作為all day breakfast愛好者，梗係要試吓。佢有好多個選擇，我最後揀左Paradise Full，已經有勁多料，仲包一杯橙汁。店員首先上左多士，配草莓jam，多士烤得幾脆👍🏻上碟我俾個份量嚇親，有超多蛋、薯餅，肉類有三文魚、腸、煙肉、漢堡扒、火腿，包你夠飽。美中不足係個茄汁豆，過於流質，同平時食嘅有啲唔同😅至於友人就叫左龍蝦汁海鮮燴意大利飯，有好多海鮮無呃錢，包括大粒帶子、青口、蝦，全部都above average。個龍蝦汁偏鹹，一邊食要飲多啲水。整體來講，$95食到呢個質素，CP值高😍大家行過太子，不妨支持良心店💛

最近朋友介紹左一間旺角有間西餐廳可以食石板燒，於是前幾日就同朋友黎左試一試。同朋友每人各自點左唔同既套餐，有石燒牛肩胛肉眼扒同石燒紐西蘭牛柳。兩塊扒都好厚，而且可以擺上塊石板上面自己燒，又幾過癮，唔係度度都有，都幾特別，而且仲可以自己控制牛扒既熟度，幾唔錯。牛扒厚得黎好重牛味，食得出唔係靚價既牛扒。套餐可以自己選擇配意粉定薯菜，牛扒汗有2款任君選擇。餐廳除左石板燒牛之外仲有好多其他西餐選擇，岩唔同口味既朋友。

昨晚與朋友食這間多人讚 like的西餐廳，😣😦😣非常失望！ 叫了Set dinner : （一）基本的咖啡聞唔到有咖啡味，顯現咖啡粉料一般。（二）餐湯更加淡到無味 ＆👎🏻👎🏻👎🏻差 。（三）😖😖😖Main course: 西蘭羊膝好似別人煲完湯的湯渣，然後加上一些汁，上碟俾我們。 （四）最後的甜點: 芝麻雪糕👉🏻👉🏻冰硬到需要刀义才可以吃？。向侍應投訴想换另一個，他回答：讓它自己溶化吧。 最後，我們去了食泰國沙爹串燒，才填飽肚子。以這個💰出來這樣食物，簡直離譜😠😠😠！

今日去太子做嘢喺地鐵出口隔離有間幾特別嘅餐廳Paradise cafe Dessert Bar 呢間主打西式嘅餐廳，門口嘅餐牌都幾吸引，有好多午餐比客人選擇，最緊要價錢一啲都唔貴喺太子區收呢個價真係好平好抵食。12點準時見到佢剛剛開門，餐廳職員好有禮貌招呼我哋入去，我見座位多數都係二人坐位，有幾張枱係四人座位，所以都坐得幾舒服同埋最緊要好乾淨，我哋幾個朋友嚟到見到真係好多選擇，餐牌啲食物每樣都好吸引，有意大利粉，意大利飯，闊條麵，好多款式嘅牛扒，羊架，豬手，炸薯條，all day breakfast 佢呢個All day breakfast真係好抵食，有十幾樣食物(西冷牛扒，炒蛋，煙火腿，煙三文魚，煙肉，肉腸，茄汁豆，薯餅， 蕃茄，炒雜菌，粟米，田園沙律，多士，橙汁）相當豐富，牛扒勁好味，個薯餅又香脆，個炒蛋嘅份量我諗係出邊餐廳嘅兩倍，仲有個煙三文魚又唔會太咸有鮮甜味，性價比高好抵食澳洲榖飼肉眼牛扒配燒汁牛扒煎到啱啱好，大約七成熟，都算大塊。味道好香肉質超嫩滑，冇諗過一間餐廳仔可以做到超水準嘅牛扒，值得一讚。同埋佢都好細心，將啲燒汁用過碟仔另外裝住，因為本身唔鍾意太多汁，所以好欣賞佢嘅

老公喺呢間餐廳附近返工佢話平時行過見到好多人都要等位叫我今日早啲出嚟同佢食個lunch，夜晚時段仲人頭湧湧呢間小店非常方便，我喺地鐵太子站一出，d 出口,行1分鐘就到入面Cafe嘅環境非常清靜適合同老公或朋友談心食飽飽並沒有即是趕走，完全沒有被驅趕嘅壓力真真正正享受一個休閒嘅午餐🥣係一間有人情味嘅Cafe今日特登12點嚟到,啱啱好開門,唔使同人迫因為一到一點嘅時間一定好多人, 始終呢間都係人氣爆燈嘅Cafe，價錢又唔貴，門口完全唔起眼，但估唔到啲食物質素咁好$88就食到美國頂級下肩肉眼，仲有200g性價比都好高叫咗個all day breakfast $128 ，仲要係jumbo size 😁份量相當充足有西冷牛扒，煙火腿，煙三文魚，炒蛋煙肉肉腸茄汁豆薯餅烤蕃茄，炒雜菌粟米田園沙律仲有片多士配左士多啤梨果jam薯餅炸到卜卜脆熱辣辣好好味而沙律上面放咗啲芝麻醬好fresh 又新鮮嘅感覺,朋友就叫咗個午餐西冷牛扒飯，$98佢話食完都好飽牛扒嘅牛味非常濃郁鍾意食生啲嘅朋友可以叫5 成熟，最好味就係牛扒旁邊嘅醬汁呢個香脆豬手配燒汁$168真係不得不提一定要食係我食咁多間嘅豬手之中最好味嘅，份量

去太子開餐，位於砵蘭街的Cafe Paradise 鄰近港鐵站D出口，位置方便，即使當天天氣不太理想，也不需冒着風雨走很遠的路，就已經可以到達。當時正值下午茶時段，但由於未食午飯，比較肚餓，於是點了全日早餐。即使是all day breakfast，亦提供了四款選擇，有比較輕巧的，也有適合素食的。我選擇了最豐富的Paradise Jumbo。全日早餐內裏共有13款食材：西冷牛扒、炒蛋、煙火腿、煙三文魚、煙肉、肉腸、茄汁豆、薯餅、烤蕃茄、炒雜菌、粟米、田園沙律和多士。也許食材實在太多，一隻餐碟也不能完全盛載，所以多士是另碟獨立上菜，這個安排也不怕烘脆的麵包會被其他食材沾濕而變軟。多士配士多啤梨果醬，香甜可口。煙肉被摺疊很小的一塊 ，幾乎被淹沒在其他食材中，要找找看呢。雜菌名副其實，有幾款菇類組合而成，食材新鮮，味道豐富。烤蕃茄特別豐厚，切起來還得要用點勁。茄汁豆經過翻熱，更加滋味。西冷牛扒份量十足，值得一讚。全日早餐配搭的飲品是細橙汁，口感像是果X先生。另外還點了甜品，朱古力心太軟。熱騰騰的朱古力心太軟，配搭雲呢拿雪糕，冷熱交替，加上甜度適中，為這一餐畫上完美句號。

今日禮拜日同朋友出街約食飯嚟呢度食晚餐book咗枱旺角咁多餐廳今次試吓呢一度見好多好評但識落就比較失望今日叫咗四個晚餐set豬手、豬肋排、煙三文魚意大利飯、同埋牛扒。今日嘅Cheung同我去薯仔煙肉湯，甜品係抹茶雪糕。首先黎嘅係煙三文魚意大利粉食落真係好普通，個意大利飯真係食落口粒粒飯都係硬硬哋，味道唔up to Standard。然後嚟嘅係豬肋排同埋豬手，呢兩樣都醃得唔入味，食落去係真係一浸豬肉味，真係唔多掂。跟住等得比較耐嘅係石版牛扒。隻味都係唔係咁好食，可能我食開嗰啲都好好味啦。呢度食嗰個牛肉嘅品質就真係差啲囉。presentation OK嘅，喺石板上邊。個汁冇乜味。薯蓉反而比較好味。跟住食晒啲嘢先落埋杯飲品，真係好凍。嗌咗杯芒果沙冰，坐到發冷。早知早啲落杯飲品。咁凍仲要食球雪糕。五個人食四個set其實我未夠飽，叫多個水牛城雞翼。反而呢個我覺得味道都算係咁。雞翼炸得好脆，整體上我都冇咩好挑剔佢㗎啦相比起其他算好味。今餐我最滿意嘅嘢食係呢個水牛城雞翼同埋我杯芒果沙冰真係好味。芒果沙冰夠大杯而且芒果味都自然好味嘅，唔係嗰啲化學味。呢間餐廳嘢食真係唔算好食，我覺得沙冰同埋小食應該比較

今日去咗太子搵食 就嚟咗地鐵站附近嘅一間Cafe😗 門口有個餐牌寫住有石燒牛食 而且價錢唔貴 所以就吸引到我哋嚟呢度食個Tea🤓 由於女朋友唔係太肚餓 所以我哋嗌左一個餐 加一份小食😚 份量都幾足夠 食完都捧住個肚走🤰🏼石燒美國頂級穀飼牛肩胛肉眼扒 只係$78就有200g 牛肉 加多$30就有埋個餐 沙律 餐湯 甜品 同埋飲品☕️ 沙律嘅芝麻醬都幾多 餐湯就有啲南瓜蓉 石燒肉好快就嚟啦 真係聽到啲煎牛扒嘅嗞嗞聲都好開心🥳 牛扒都幾大塊 我由得塊扒煎咗一陣先食 keep住都聞到煎肉嘅香味😚 牛扒食落口都幾多肉汁 唔算太韌 不過食石燒肉要小心彈油 著淺色衫嘅朋友要留意水牛城雞翼 雞翼每隻都好大 面頭嘅炸衣都幾脆 不過略嫌個醬汁有啲太多 會太重口味😗Chocolate@Paradise 係石燒肉套餐加$15嘅特飲 飲品上面嘅朱古力雪糕有好濃郁嘅朱古力味☺️呢間餐廳嘅食物食物質素都可以接受 喺度嘆返個下午茶都唔錯嘅👍🏻

去開太子買野，買完上openrice 睇下有咩食。見到依間人氣爆燈嘅cafe, 價錢唔貴。就稔都唔稔去試試。門面唔太起眼，估唔到係openrice 咁hit.menu 太多，冇點影。叫左個set,同就咁叫個飯。唔叫兩個set 好似抵d, 因為唔係特別好d 沙律同湯。湯同沙律都係正正常常，唔難食嘅。但唔係我入依間餐廳食嘅原因。羊膝set好大份，好小食羊膝，屋企好難煮，同唔知邊到有得買。d 肉好易就可以同舊骨分離。d 肉 好淋，有小小紅酒味。龍蝦意大行飯。自己真係煮唔到。好重龍蝦味，唔係假果隻龍蝦粉味，係真係有龍蝦味。海鮮唔小，個飯有咬口。芝麻雞翅，好熱。多汁，送酒一流。芒果沙冰好大杯飲唔哂。有芒果肉。檸檬茶就正常野。仲有個雪糕送，跟set 嘅。普通野。