Cakebearbear (Closed)

🐻相信好多女士心目中都有一隻最愛嘅bear🐻，我就比較貪心所以想有好多隻，更加想俾好多隻bear圍住我食飯。🐻明太子忌廉大蜆意大利粉 $138意大利粉被明太子忌廉醬完全包圍變成好靚嘅粉紅色，每條都充滿口感柔滑creamy嘅忌廉汁，仲帶有明太子獨特嘅辣味同微鹹刺激味蕾，大蜆亦都真係名乎其實大大隻，食落彈牙有口感，味道鮮甜，非常好味嘅一道意粉👍🏻。🐻芝士慕絲熊仔蛋糕 $58做型係超級得意可愛QQ到我望到心心眼嘅睡眠熊仔，靚到差啲唔捨得食，但味道真係太好味又忍唔住一路食，芝士味道濃郁香甜之餘完全唔會膩。🐻柯華田雪花冰 $102超大碗嘅雪花冰上面仲有隻熊仔冰，賣相就十分得意，味道亦都好出色，雪花冰本身浸入晒柯華田味，加上柯華田脆脆同麻糬粒粒，香甜之餘口感層次豐富，食到底層仲有芝士同朱古力，真係越食越有驚喜嘅甜品，下次一定要試埋其他口味🤤。🐻千語星晨 $45主要由蝶豆花、橙汁同菠蘿汁調製而成，賣相係紫色同橙色為主，飲落味道香甜充滿果香味，上面隻熊仔都可以當冰食架😂。🐻熊仔冷泡茶 $28茶底係烏龍茶，味道清新帶有淡淡香甜味道，個樽係熊仔做型仲可以俾你拎走做紀念，作為熊痴嘅我真係愛不惜手😍。

Bookmark咗呢間人氣打卡cafe一段時候... 終於約埋老友齊齊去打卡!😆  呢間cafe係以啤啤熊做主題... 飲品、甜品、佈置格局都加入咗好多啤啤熊元素... 勁啱情侶、閨蜜、或者帶埋小朋友去食!  同場我已經見到有兩、三張枱係啲家長帶埋小朋友一齊去打卡... 個個小朋友都好開心攬住店內嘅啤啤熊毛公仔影相... 見到啤啤熊甜品、飲品... 又嘩一聲... 碌大對眼... 愛不釋手咁!🤭講真... 鍾意啤啤熊真係唔係小朋友嘅專利... 當我同老友見到order嘅睡眠熊芝士蛋糕、加咗熊仔冰冰嘅雪花冰、特飲... 我哋都心心眼😍😍 少女心即時返哂嚟呀!😆雖然過嚟食主要係為咗啲啤啤熊甜品、飲品... 對熱食方面其實冇乜特別大嘅期望... 不過食落居然有驚喜... 絕對係水準之上!😋👍✨卡邦尼溫泉蛋意粉份量十分足!意粉口感煙煙韌韌... 同溫泉蛋撈埋之後... 每條意粉都掛滿蛋汁、醬汁... 係非常美味... 冇得輸嘅!✨黑松露帆立貝意粉帆立貝大大粒... 煎得香口... 店主一啲都唔孤寒... 加咗唔少黑松露醬... 非常惹味!✨富士山熊仔特飲加咗啤啤熊冰喺飲品入面... 非常吸睛!

呢間餐廳我好早已經bookmark 左，今日終於嚟試了😋講個秘密比大家知，其實我係粉紅控，所以呢間餐廳好啱我去打卡睇完Menu後，哇，好多嘢都想試，最後叫咗原條鰻魚飯，一上枱時已經聞到好香鰻魚味，正正正！而且係原條鰻魚好大條，蓋上在白飯上，然後配上鰻魚汁，再加上兩片黃蘿蔔黑松露忌廉蘑菇帆立貝意粉：意粉已經散發着好濃郁嘅黑松露味，勁多汁，而蘑菇同帆立貝更增加左個口感😋而且意粉軟硬適中叫咗杯初戀，令人一試難忘，初戀嘅味道就好似士多啤梨味，你一啖飲上就會不停口，杯飲品好值得打卡最後甜品劃上完美的句號：芝士慕絲蛋糕，sleeping bear靚到打卡超正，做到呢個瞓低嘅效果，極之欣賞呢個甜品雖然地方不算太大，但亦不會太迫，好適宜少女打卡😜一家大小！食物不錯，特別推介鰻魚飯😋

試咗北角(不過地鐵站近炮台山）呢間開業大概一年左右嘅靚靚打卡熊仔主題Cafe. 粉紅色主調啱晒閨蜜同情侶夠sweet. 最估唔到嘅係好睇又好食，唔係得個樣，價錢都算合理，份量又大份. 餐廳經營貌似家庭作業式幾溫馨服務態度友善. 晚餐有成九個選擇大致有齊意粉意大利飯牛扒羊架等cafe 必備items. 套餐價錢都係$100至$200左右，有飲品，仲可以用優惠價加$45叫特飲，杯杯都IGdable. 另外都10幾款沙律同埋小食望落都好吸引啱晒一齊分享. 千語星晨本身想試初戀💕但係唔想飲奶想叫個清新少少，呢杯就啱曬，紫色💜蝶豆花夠曬夢幻，仲有菠蘿🍍汁同埋🍊橙汁，三種顏色層次分明mix 左個漸變色仲靚. 酸酸地好開胃. 熊仔造型嘅冰🧊超吸睛.👀⭐️熊仔冷泡茶套餐加$16就可以飲. 是日係🍑白桃烏龍茶☕️，清新解渴茶味香甜可以解膩消滯. 個🧸樽好靚，仲可以拎走，當買個撙都抵.⭐️焗甲羅燒多士🦀蟹膏蟹肉夠鮮味，加埋蟹籽夠口感，配上熱辣辣香脆多士🍞好有層次. ⭐️明太子忌廉大蜆意大利粉🍝意粉彈牙軟硬道剛好掛滿creamy忌廉醬汁，帶少少微辣幾惹味，份量不少，醬汁香濃又有蟹籽明太子等等食落味道咸香更豐富. 蜆

📍炮台山 | Cakebearbear今日同friend去咗港島區一間打卡餐廳食飯，見到餐廳名已經知道係熊仔主題啦~ 入到去裝修真係好夢幻，好多女仔喺度打緊卡~ 有個大鳥籠真係好靚吸睛！可惜已經有人坐咗啦~本身以為只係打卡餐廳，味道無咩期待，點知我朋友同我都覺得幾好食！呢間餐廳係一對90後情侶共同經營嘅，係一間幾有誠意嘅小店🐻‍❄️ 明太子忌廉大蜆意大利粉明太子同忌廉嘅濃郁口味與大蜆嘅鮮甜完美結合，帶來令人驚艷嘅味覺享受。好多蜆啖啖肉~~好貼心會比多一個兜比客人裝殼🐻‍❄️ 蒲燒原條鰻魚炒飯鰻魚嘅香氣同照燒汁嘅獨特風味相得益彰令讓炒飯增添咗豐富嘅口感同風味。🐻‍❄️ 朱古力咖啡（凍）濃濃嘅iced mocha，混合咖啡嘅苦同朱古力嘅甜，幾好飲🐻‍❄️ 玫瑰鮮奶（熱）玫瑰花香同鮮奶嘅結合，溫暖宜人，好好飲。仲有可愛嘅熊熊公仔🐻‍❄️ 朱古力麻糬窩夫配熊仔伯爵茶慕絲蛋糕口感獨特嘅麻糬窩夫搭配香濃嘅伯爵茶慕絲蛋糕，絕對係甜品愛好者嘅最愛。如果窩夫入面嘅麻薯更多就好啦~餐廳仲會派印花卡，食滿$300就有一個印仔，儲滿5個印仔就可以換一隻熊仔~~

呢間坐落喺北角嘅人氣打卡cafe，相信好多人都聽過，今日我哋專誠過嚟搵熊仔打卡！😍位置非常之容易搵，就係喺炮台山地鐵站出，唔使行5分鐘就到！我哋叫咗兩個set dinner ，同埋一份甜品，全部都好打卡able!🤭🍝明太子忌廉大蜆意粉$138意粉嘅份量好足，一碟意粉配上8粒大蜆，啲蜆食落有驚喜😍好鮮甜！而且配上嘅醬汁好多，一啲都唔乾！🫕炙燒芝士帆立貝海膽醬意大利粉$165雖然只係得一粒帆立貝，但好厚肉，鋪滿芝士，有微微焦香，出面好少地方會用海膽醬，稀杰度剛好，微帶鮮甜，好特別！🍧熊仔雪花冰：阿華田雪花冰$102熊仔雪花冰簡直係佢哋餐廳嘅誠意之作，佢有唔同嘅層次，最抵係有布甸🍮，然後再配上雪花冰朱古力醬🍫同埋粒粒麻糬🍡，俾你食落去每一啖都有唔同嘅口感層次感好豐富，可以睇得出呢一間餐廳係花咗好多心思去設計呢一個甜品呢！

終於帶左湯圓去食熊熊🐻餐廳 同熊熊一齊用餐 飯都食多啲🤪門面 打卡able 有拎住心形氣球🎈既熊熊 湯圓一見到已經話要影😂店子不算大 但明亮舒適 座位有四人枱 圍圈枱等 每枱有熊熊或小裝飾🎡 上菜速度合理 店員親切 也會主動介紹餐牌 👍🐻明太子大蝦🍤意粉明太子微辛 醬汁香濃 最驚喜係大蝦 係「有蝦味」並好味既🐻牛舌温泉蛋飯牛舌厚度剛好 海鹽份量恰到好處 每嚼一口都是好滋味 飯就相對淡口 無同牛舌搶味🐻香脆薯角配黑松露醬外皮香脆金黃 帶有薯香 加埋黑松露醬無得輸🐻芝士慕絲熊仔蛋糕店子招牌甜品之一 慕絲幼滑 賣相可愛療癒🐻朱古力鮮奶朱古力都有靚靚拉花🩷🌷 很用心 餐具也漂亮具 #儀式感🐻Latte賣相走可愛路線 味道也OK•整體是愉快的用餐體驗 可以再訪

🐻Cakebearbear 是家小熊主題Cafe，室内佈滿可愛小熊公仔，以夢幻粉色作設計主調，帶有少女居家風的感覺。 Cafe主打西日Fusion，今次點了2款Dinner Set（主菜 + 咖啡，或加購其他飲品）🍝腐乳卡邦尼意粉(Hk$112):滑溜的腐乳醬、香脆煙肉粒結合，令這款港式fusion意粉帶出獨有鹹香風味🐟香煎比目魚配薯角(Hk$150): 比目魚肉質嫩滑，伴菜有蕃茄、翠玉瓜，健康美味。更將薯蓉轉配了香脆惹味的薯角🥞焦糖哈密瓜棉花糖窩夫配雪糕 (Hk$82): 這款甜品份量充足，四件窩夫非常厚身紮實，口感綿密似雞蛋糕，夠2-3人share😆🍹荔枝梳打(Set+Hk$16): 小熊公仔浸浴造型得意，味道亦清甜怡人☕即磨熱咖啡: 溫度十足，口感相對幼滑(All subject to 10% service charge)📍Cakebearbear北角電氣道233號城市花園商場第10座地下G45號舖 (港鐵炮台山站 B 出口, 步行約6分鐘)

🐻熊啤啤Cafe🐻-呢間Cafe喺炮台山 入邊用熊啤啤做主題 有好多啤啤嘅公仔 😆另外食物都會加咗好啤啤嘅元素 😌整到好靚 食得好開心 🥰好啱打卡🤣-😆明太子忌廉大蜆意大利粉 $138有好多蜆肉 全部都好新鮮 🤣意粉口感啱啱好 唔會好淋 意粉醬好creamy 明太子味濃 🥰-🐟香煎比目魚 $142 比目魚都幾大 好厚身 外皮煎得好香脆 😌 魚肉質嫩滑 唔會好乾🤤 調味唔錯 另外仲有薯角 同樣都係好脆身🤪 -🥛榛子鮮奶+$16熱鮮奶加左榛子🤣表面係奶泡 好滑🥰而且畫左 bearbear嘅樣 好有心😍-🐻芝士慕絲熊仔蛋糕$58 bearbear 好可愛😍 Mousse口感綿滑另外芝士味好濃厚🤤-📍Cakebearbear北角電氣道233號城市花園商場第10座地下G45號舖-

Cakebearbear北角電氣道233號城市花園商場第10座地下G45號舖睇 店舖名就知道兩大特色入面好多唔同size嘅紅啤啤 仲有色彩繽紛嘅蛋糕裏面有童話feel 係童年回憶香煎比目魚配薯角 $145+8 配薯角 原本係薯蓉比目魚肉質鮮嫩細膩 放入鍋中煎至金黃色外層酥脆 內部保持著濕潤口感薯角鹹香點上茄汁 比目魚健康Omega-3脂肪酸 魚油脂好正熱情果梳打上面有隻粉紅色啤啤，再加啲彩色珠奶油忌廉做頂 下面有椰果粒清新 酸酸甜甜

Cakebearbear地址: 北角電氣道233號城市花園商場第10座地下G45號舖電話: =====================以bear bear 🐻 做主題的café 成間餐廳都好夢幻又可愛，佈置放滿了bear bear ，食物同樣加入了熊仔原素，令在場的人大叫可愛位置要行入住宅入面，假日lunch menu 唔貴，只是百來元起，像我叫了carbonara 都只是$92 包飲品 ，由bacon 炒香至油脂滲出，再加隻流心蛋，意粉彈牙，白汁多富奶香。$58 金沙單骨雞翼,不用多說，見鹹蛋黃即叫，炸到脆卜卜人人愛吃。$148 比目魚配薯蓉，仲可以$8upgrade 做甜蕃薯條/薯角，咁蕃薯條甜甜地，纖維同營養比薯仔高就轉了。比目魚肉好滑，煎到魚皮略脆，輕盈美味。$58 熊仔芝士蛋糕，叫了來打卡影相，味道是cheese mousse chocolate大量熊公仔，少女心full

早幾日去咗間熊仔主題既餐廳食左個甜品🍧佢d甜品同飲品同個店名都幾貼切，上面都分別放左隻熊仔系到，造型可愛，加上餐廳本身都有幾多得意既打卡位，打卡－流我食左：👉🏻✨富士山牛奶雪花冰✨ $98入面有牛奶冰、布丁同椰果充滿奶香既牛奶冰冰冰涼涼，口感綿密，入口即化，估唔到同滑滑既手工布丁同Q彈椰果－齊食又幾夾😍✨千語星晨✨ $68入面有蝶豆花熊仔冰、橙汁同菠蘿汁，酸酸甜甜，感覺清爽🐻Cakebearbear📍北角電氣道233號城市花園商場第10座地下G45號舖 港鐵炮台山站B出口,步行約6分鐘

🌟Bookmark左呢間餐廳好內，餐廳每個角落都佈置左好多熊啤啤，仲有舒適打卡卡位😍超級igable😆餐廳的甜品同飲品menu有好多熊啤啤造型的食物，真係睇得又食得，超級可愛😍餐廳另外新出左個二人套餐，會額外有個熊啤啤鎖匙扣送🐻😆香煎比目魚配薯蓉$145魚皮煎得超級香脆，魚扒都幾厚身，魚肉嫩滑魚油豐富，真正的外脆內軟👍🏻餐廳仲好好可以幫我將薯蓉轉左個沙律菜😍好體貼。原條蒲燒鰻魚炒飯$145原條厚身鰻魚，魚肉燒得好香幾彈牙，魚肉厚身所以口感一流😋性價比好高👍🏻晚巿套餐包左一杯咖啡/茶，加$16叫左杯荔枝梳打，面頭都有塊熊啤啤餅乾裝飾，好可愛😚伯爵茶慕絲熊仔蛋糕$60外形超級可愛😍真係做到熊啤啤毛茸茸的感覺。伯爵茶味就吾係好出，不過慕絲口感好棉滑😋🌟總括嚟講，餐廳環境真係爆晒分，估吾到食物質都好高。全晚好多熊啤啤倍住食晚餐，熊啤啤控一定吾可以錯過😆

這間人氣咖啡店位於炮台山的城市花園商場，鄰近地鐵站，主打西日料理；店內環境寬敞舒適，以小熊為裝潢主題，採用夢幻的色調及佈置，四處也有可愛小熊公仔的身影，充滿打卡感，適合約會或慶祝。假日的午市時段設有九款選擇，奉送熱飲一杯，或可半價升級其他特式飲品，亦可加配小食。惠顧滿$300可獲一個印仔。五個印仔可換熊仔一隻，十個則可獲全單八五折或大熊仔一隻。原條蒲燒鰻魚飯 - $128大大條蒲燒鰻魚肥美飽滿，塗滿鹹中帶甜的日式蒲燒醬汁，再撒上白芝麻粒，軟滑鮮嫩，亦有沙律菜平衡膩感。自家製唐揚南蠻炸雞 - $65金黃酥脆的炸雞塊毫不油膩，咬開雪白的雞肉嫩滑多汁，淋上雞蛋沙律醬，亦有酸汁可蘸，份量十足。焗甲羅燒多士 - $85蟹蓋釀滿了經調味的蟹肉蟹膏充滿味噌豆香，再放滿甘甜的鮮蟹肉絲和爽脆的蟹籽。初戀 +$32白色及粉紅色層次分明，香甜的士多啤梨醬伴隨著幼滑的鮮牛奶，加上熊仔造型冰塊超可愛。芝士慕絲熊仔蛋糕 - $58招牌芝士蛋糕以睡眠熊為造型，有著精細的細節，香滑細膩的慕絲充滿芝士鹹香。

Cakebearbear的內部環境非常有趣和獨特，因為它充滿了熊公仔。用餐區處處都可以看到各種尺寸和類型的熊公仔。這些熊公仔被巧妙地擺放在牆壁、桌子、椅子和角落等等地方，營造出一種可愛和活潑的氛圍。這些熊公仔的色彩鮮豔，給整個餐廳帶來了一種歡樂和童趣的氛圍。除了充滿熊公仔的裝飾，餐廳的食物品質和味道非常不錯。香煎比目魚配薯蓉（$142）這道菜的比目魚鮮嫩多汁，外層煎至金黃酥脆，充滿了濃郁的香氣。魚肉的質地非常傳統，口感柔軟，與薯蓉的濃郁口感形成了完美的組合。薯蓉細緻順滑，帶有奶油的香甜味道，完美地平衡了魚肉的鮮味。炙燒芝士帆立貝海膽醬意粉（$165）這道意粉以帆立貝和海膽醬為主要材料，搭配著炙燒芝士和新鮮的麵條。帆立貝經過炙燒後，表面呈現出美麗的焦糖色澤，內部鮮嫩多汁。海膽醬有濃郁的海味，與帆立貝的甜味相得益彰。意粉的麵條彈牙，完美地吸附了醬汁的味道。芝士慕絲熊仔蛋糕（$58）這個蛋糕外觀可愛，味道更是美味。慕絲蛋糕的質地輕盈綿密，芝士的濃郁口感和甜度適中，帶有微妙的奶香味。蛋糕的熊仔造型非常可愛，增添了整體的視覺效果。初戀（$68）這個飲料以士多啤梨、牛奶和熊仔冰為主要成分。飲料的口