California Pizza Kitchen (Closed)

近來MEGA BOX成為了我們心頭好，雖然位置較為不便，但正因如此…所以人流較少，行街、睇戲、食飯都唔洗迫，十分適合不愛等的我。 星期六去到MEGA BOX睇傢俱及買運動褲，唔經唔覺就行左4、5個鐘，行到腳都軟埋，响依個時候，最好就係坐低食餐好既，最後揀左California Pizza Kitchen，唔洗等位就有得食，真係無得頂。 經過一輪商議後，我們點算了： Soup：大蒜薯蓉湯，沒有想像中的濃濃蒜頭味，反之而來是帶有薄荷的清香，整碗湯充滿了幼滑的薯蓉，但味道就略微鹹了一點。Salad：Classic Caesar一直是我的至愛沙律，羅馬生菜的那份爽甜配上帶點酸味的醬汁，實在無法抗拒。Appetizer：Singapore Shrimp Rolls買相十分吸引，薄皮內包著鮮艷的鮮肉和什菜，精緻得令人不忍一口吞掉，賣相和味道同樣精彩。Pizza：Shrimp Scampi (味道很好呀！！微焦的蒜蓉，令味道更豐富，芝士香軟，小虾有別於那些雪藏虾，咬落還保留著彈性和鮮甜，厚度適中的批底，帶有點點甜味，減少了Pizza的飽膩感覺，十分討好。相片:http://hk.myblog.yah

冇食薄餅，想食清淡d，試左肉醬意粉，有d甜，冇乜芝士，所以唔似其它鋪頭個d咁咸，幾適合我。又試左個雞胸肉沙律，上菜後乜都唔理，想即刻食，但發覺好似少左d配料，個侍應好似聽到，即刻主動幫我地重新整過，服務好好，可能個時唔係好多人。下次一定要試薄餅！

I usually orders pizza & ice Lemon tea (free re-fill) at lunch. You can take soup or salad in set lunch. Pizza is crispy, and portion is 9" inch - enough for one person. Seating outside is relax & enough space in between with other tables. Servers are nice, and good attention. One thing is important - I did not feel thirsty after taking pizza. It happens in Pizza Hut, maybe MSG too much.

星期二同朋友來了這裏食飯,叫了一個二人餐好抵食,首先來了兩客餐湯,青豆湯及忌廉粟米湯,d湯好"結"的,但都幾好飲.跟住來了兩客卷物,一個是肉卷,另一個是素卷,我及我的朋友都覺得肉卷好味d.我們另選了一個蒜香雞肉pizza及青豆意粉.其實食到這裏已經很飽,pizza及意粉的份量也很多,我們很努力食完那碟意份,但pizza還餘下三件,於是打包走了,其實可以加10元叫飲品,但真的很飽所以沒有叫到.整體感覺都很好,環境也很舒適.不錯的選擇.

男友耐不過我的pizza癮，屈服到此晚膳。和pizzahut不同，這裡家庭組合頗多，情侶反而較少。半份Waldorf Salad($68)－－吃厭了凱撒試試這個也不錯，有西芹、紅提、合桃和火箭菜，份量也很多。三併春卷($72)－－總共有九件，份量當真不少。試了茄子口味，表皮不是中式春卷的脆而是Nann般的包皮，當是warp吃也不錯。三色醬料只試了牛油果醬，但味道帶辣，試了一口便放棄了。最後兩個人吃不完打包回家了。Shrimp Scampi Pizza薄底($88)－－批底沒有我想像的薄，但總比pizzahut好。Shrimp Scampi的牛油香不出，充其量只可算是中蝦薄餅，下次也是選傳統款式比較穩陣。朱古力梳乎里($48)－－沒有梳乎里的輕盈，反而是fudge cake的濕潤，配上雲喱拿汁，不顧減肥也掃過一空。高熱量的一餐，又要好好減肥了。

三月九日(星期日)今日同老公去mega box睇戲~當然正如老公所講megabox係一個卧虎藏龍之地,呢度好多好味道既食肆,而且好多都係第度冇分店,同埋d野好特別!黎呢度可以用左一個下午!食完lunch睇戲再食tea!!hehelunch黎左呢度食!因為老公highly recommend呀!身邊老婆仔又點可以未試過呢!叫左1)Chic Tequila,唔錯呀!幾特別係菠菜闊條麵,仲有d青檸味!好fresh呀!加埋d雞肉!好match成個味道!正!2)Spag Carbonara,我中意食carbonara,所以覺得好好味!同埋好creamy,d煙肉又香,好醒胃呢!其實佢地d意粉唔係太碟,個份量較少,但係creamy,所以剛剛好,不會覺得太漏!再加左coke light,可以無限添飲!而且服務好好!值得一讚!

今日lunch同同事去左Megabox食california Pizza Kitchen~雖然我都知Megabox o個度無咩人,但係穩陣起見都係book位好d~但係去到佢竟然搵唔到我個booking,好彩間舖仲有好多位~我地4個人叫左3個餐-原味燒鷄烤肉薄餅,蒜香忌廉雞肉闊麵,肉醬意粉~上菜:上得好快份量:唔多,緊緊夠飽la~味道:跟餐個沙律最差,唔夠沙律醬,一d味都無~ 蒜香忌廉雞肉闊麵-大家都覺得幾好味 肉醬意粉-因為我唔食牛肉o既,唔太鍾意o個陣"酥"味,但係其他同事就好鍾意~ 個pizza餡料太少,但係個批底好好味,唔會好似餅乾咁,又唔會太厚,做得o岩o岩好!!^^服務態度:都算幾有禮貌,但係無咩笑容,檸水檸茶都有得不斷refill~仲refill得好快tim!應該會再幫襯~~

今日同女友和她的兒甥黎到Megabox食Pizza Kitchen.一向都係食開T.S.T.果間﹐已經覺得水準好高﹐因為有好多出面好少會有得食既Pizza同意粉。七點幾去到﹐以為會好多人﹐但可能始終地點比較遠﹐所以都係得一半客人。叫左個"中式宮保意大利粉"同埋一個"鮮芒果烤雞肉薄餅"。兩款食物既水準都好高﹐味道好好﹐好特別﹐出面一定搵唔到咁既口味既意粉同Pizza。最後仲叫左個"朱古力新地“。個人認為比起Ruby Tuesday既"Chocolate Tallcake”還要好食。Overall,如果價錢方面可以再便宜一點會更加好。But on the other hand, 佢地服務好好﹐好友善﹐一見我地有小朋友﹐立刻比D畫筆同紙個小朋友畫畫﹐跟住仲送多個氣球比佢添。絕對值得一讚。

年初六, 係Megabox 睇完早場, 因為有'開飯喇'會員pizza半價優惠, 落左CPK食, 個忌廉餐湯杰撻撻, 似飲緊(應該係食緊)薯蓉, 個意粉又勁多芝士味(可能係我不特別好芝士才覺得吧), 後尾惟有將個湯倒落意粉度撈埋黎食先覺得好味. 而個Pizza勁好味. 下次都會再來食pizza.

今次3個人左九龍灣大型商場裡面餐廳食飯~~環境非常之舒服~~服務非常之好~~我地叫左墨西哥雞肉pizza~意大利雲吞~~忌廉汁雞肉闊麵~墨西哥香辣闊麵~~pizzq好有水準不用落芝士粉已經夠濃~雲吞又係一個新突破食落好有質感唔會話好(溜)~2個闊麵都調較得好好~~尢其係墨西哥香辣闊麵~~食落有熱浪既感覺~~好特別~~我地食左八八九九有侍應過黎問我地食物既意見~~我覺得佢地好有聽客人意見去調較食物既質素~~重有就係經理會到每一張桌去傾談一下意見同埋送小禮物~~令到每個客人都好開心~~重有就係呢度order汽水,檸茶(唔知其他因為冇叫)係可以潻飲~~最後我地重叫左甜品食朱古力梳乎埋同檸檬cake~水準ok~~可以一試~~下次如果食pizza我會首選呢間先~~

朋友的生日飯就算第2日要考試都要黎食!詳情唔太記得喇...好耐喇...叫左...加州鮮蝦卷墨西哥特色雞肉波菜闊麵海鮮幼麵etc,,,記憶中pizza嘛嘛地硬係覺得怪怪地可能係食慣左pizzahut既原故因為呢度同pizzahut既pizza有好大分別印象最深刻係d麵特別係芝士汁果個因為小弟比較鍾意食用芝士煮既野上面提過既墨西哥特色雞肉波菜闊麵都唔錯個汁幾特別幾醒胃總之呢度d麵係抵讚既比起pizza更出色遺憾係有好多小食冇試因為叫左3個pizza budget有限所以試唔到真係不得不讚既係呢度d職員超好既服務態度! 不停refill汽水都keep住有笑容臨收工見住自己d手足開緊每月大餐做野都仍然冇"那西" 冇話想趕客咁幫我地影相收碟等等亦都非常主動有禮生日壽星公仲有雪糕同甜品送真係1流

最愛的pizza依然係青檸雞肉pizza, 因為上面有兩個波波, 一邊係青檸味, 另一邊係酸忌廉, 底下再加上一堆鮮蕃茄粒粒. 很好味! 就算有很多新出的pizza, 我還是情繫於此. 無辦法啦!

今天下午約5時幫襯約只有6-8枱客，帶位小姐心思好，用盡餐\廳內外地方，將每枱客分散隔開，令人感覺有充足私人空間非常舒適，不像一般的將客人擠放在餐\廳一角只顧方便自己工作。讚！與家人各點了個非常抵食下午茶餐\:1/. 中式宮保雞肉意粉- 好好味8分，少少辣，火喉足炒得很香，意粉有咬口。2/. 肉醬意粉- 好味7分，肉醬味道與別不同，味道清新，意粉彈牙。3/. 磨菇辣肉腸薄餅- 好味8分，新鮮熱辣上枱，餅身香脆，那有不好味之道理。侍應生有禮落單專注快爽，飲品食物15分鐘內準確奉上，侍應醒目自動不停refill仔仔杯可樂，適當時間出現收碟，完全無趕客或被打擾之感覺。此餐\非常舒適滿意，除加一外另賞15%貼士以示讚賞。

夜晚等齊朋友們就黎megabox食飯，原來黎食california pizza kitchen。朋友訂左木台，食物由佢地發板。十多分鐘就有野食!先黎既係加州鮮蝦卷，沾上醬汁食，皮夠薄、蝦肉幾新鮮，而且仲有唔少蝦，正!墨西哥特色雞肉波菜闊麵，呢個我覺得好好食，以唔同既辣椒加埋青檸同其他香料整個汁，加埋雞肉同闊麵，好香口好開胃!海鮮幼麵，材料幾豐富。三個pizza都幾好食，個蒜香蝦pizza好香。總括而言，麵幾有特色；pizza幾有風味，d食物幾有水準。食完野待應拎出朋友買既cova蛋糕，而餐廳亦送上朱古力雪糕新地作賀，杯新地大大杯，朱古力醬加埋雪糕幾好食，加上cream同榛子，十分滿足!份量足與朋友分享。待應主動refill飲品，亦幫我地影相，環境都唔錯，食到最尾得返我地，嘈少少都唔怕。

晏晝去左California食lunch，點左春捲(三款食哂)，雲吞with紅汁，火雞沙律同pizza。次次都係凱撒沙律，今次食火雞沙律，正!d腸絲好香，加埋生菜，正!春捲超好食，特別係墨西哥o個隻，好好味!而且係焗o既，又脆又唔油!!芝士雲吞配肉醬茄汁，估唔到芝士同紅汁撞埋都咁好味!!可惜雲吞皮係乾皮，唔係新鮮皮，不過算la，80蚊左右有10隻....最後個pizza係咩味都唔記得...因為次次最普通都係個pizza....而且中午1點去到，得幾檯人，搞到d人勁得閒，service勁好，可樂飲唔到兩啖就有人幫你加..hahaha!