明愛天糧包餅店 (Closed)

想幫襯左好耐喇，奈何地點不太就腳，今日媽咪路經買左雜錦曲奇、綠茶紅豆燕麥飽同埋菠籮合桃提子飽 ，終於有機會一試喇 !雜錦曲奇以杏仁曲奇同杏仁咖啡味最好食，幾他亦唔錯 ! 完全唔油，但超鬆脆!綠茶紅豆飽的豆沙餡好起沙、甜度剛剛好，店方已預切成薄薄一片，細心 !菠籮合桃包味道好清呀，個菠籮皮一d都唔(陋)，好味 !如果大家去開荃灣不妨支持下吖 ! 俾學員一d鼓勵嘛 ! 自己食得開心、又可以幫學員重建信心，共創融洽社會嘛 !

在荃灣廣場用餐後順道到訪這間由明愛主辦的社會企業麵包店。麵包店面積不大,環境真的很整潔,麵包排列得整整齊齊,而餅櫃裡的蛋糕看來也相當對辦,價錢也很相宜,真的很有興趣!!沙律包包身稍硬, 面層芝士有著芝士香味,烘得脆脆的增加口感; 沙律醬味道甜甜但有點乾乾, 雖然麵包沒有丁點餡料,不過由沙律醬和芝士的化學作用實在出色,這款麵包一向是自己所喜歡的, 要是麵包可以軟身一點,個人認為會更美味。藍莓muffin個子小小, 質感像牛油蛋糕多一些, 可能牛油用得足夠關係,MUFFIN真的很油, 連muffin紙杯也被油滲透至透明,好足料似的;muffin 甜度一般,藍莓醬在底層才發現一茶匙左右, 份量雖不多但甜美, 兩者一同來吃味道才佳。菠蘿包/小麥包 兩者質感同是不很軟, 尤其菠蘿包,整個硬硬似的像玩具;大人本以為又是實的的貨色,當她吃了一口菠蘿包後便說"咦..又幾好食喎!" ,包不可以貌相。餅櫃裡的芒果切餅相當對辦,跟週前在日航buffet裡的不相伯仲,只是買三件才有盒子,單以膠袋盛載真的不放心,打消念頭! 這裡的一磅蛋糕跟坊間的二磅沒分別,難怪店員也說"足磅丫嘛"!店員應該是康復者來擔當,服務

要搵鬆化又好食既曲奇唔容易。明愛也開麵包店?挺有趣噃!麵包看去平平無奇,要試既當然係曲奇餅啦!有日經過,只淨全包咖啡味。有緣地再來,碰到最後一包雜錦!!麥片合桃提子有兩款,大塊圓形既,麥片鋪在面,較粗口；小塊長方形的,反而唔覺麥片,提子味道會出D。杏仁曲奇,杏仁大大粒,都幾香口。杏仁咖啡曲奇,有杏仁薄片夾雜著,溝淡了咖啡的甘味。double choco,朱古力帶點甘苦,一D都唔甜,好正!曲奇餅做到鬆化但唔油既,都幾出色架喇!

我同男友經常四出搵蛋糕食架,食過好多間架啦,有次行過發現呢間"明愛天糧包餅店" ,買左個什果蛋糕,一試難忘,因為佢D蛋糕好軟身,D CREAM又OK噃~~~什果更加係比出面的新鮮!!!價錢仲實惠----$68一磅,好抵食呀!!!!之後,一想食蛋糕就諗起呢間啦~~~~有次仲試埋佢地既藍莓MUFFIN,都好味,個蛋糕好香牛油味~~~真係唔同其他連鎖式經營個D愈來愈差,仲無哂D蛋糕味~~~~~呢間就唔同,好明顯用料好,不是為利潤而減成本個D!!!!!

好多雜誌都有報導lee 間明愛麵包店.... 有日同朋友行過... 立即入去試一試.... 一入到舖頭... 就見到個公主蛋糕... 好靚呀... 又抵喎... 只係$390..... 立即訂一個俾我囡囡做生日蛋糕... 佢一定好開心啦..... 見到d 合桃酥... 一蚊一個.. 仲要獨立包裝.... 抵啦.... 個日買咗d 凍餅番屋企.. 屋企人全部都話好味... 問我係邊到買到d 咁超水準既凍餅... 我話係荃灣明愛間麵包舖買... 佢地都話值得一試..

星期日上午和一班朋友踢足球，經過一輪的剧烈活動，中場休息十五分鐘，見到一間明愛天糧的面包店，於時入店舖，見到二位很有禮貌的女士招待我們，我取了一罐可樂即時付錢等找錢，其中一位女士話合桃酥抵買好食一蚊一件，我即時買了十二件給Ball友試食，完場後大家一起試食，食落覺得很好味及松化，最後大家Ball友一起邦親這間天糧店。我除了買幾袋合桃酥外，還買了一個2磅蛋糕返屋企。

母親節行經旺角政府合署側有福利機構社企在擺檔,明愛天糧係其中一間當時被粉紅色心型盒吸引,原來裡面係心型曲奇,重送一支羽毛花,買左送比媽咪,佢好冧呀,心型喎我自己就買左一包半磅裝6款口味的曲奇售$30, 最鍾意塊塊獨立包裝,唔驚放耐d就疏氣,鳯梨酥就$5件最初唸住幫襯鼓勵社企,點知d曲奇真係好好味,又香又鬆d果仁又脆,好食過我食開個兩間J及Q字頭,鳯梨酥好有鳯梨味,唔會好似一般咁得個甜字好快比我食哂,真係後悔冇買多d,就算佢地舖頭係荃灣唔近我住個區,都一定要再去入貨順帶一提,當日的售貨員個個都好好禮貎,所以我買得好開心

一家大細路過天糧餅店，知道這間餅店是明愛主理社企，有幾位售貨員很有禮儀招呼我們，我估無生意的緣故吧！囡囡話買一打雜果撻給嫲嫲食，我心想都唔知好唔食架，到了嫲嫲家親戚全在屋裡，於時將雜果撻取出給大家品嘗，在座的人都話好食，皮脆、生果夠新鮮及用料足『好正』，食落味道不太甜，只是雜果撻的尺碼太細了。嫲嫲問餅店在甚麼位置下次她自己去購買，每個只是$3.5不貴。況且是支持一班殘疾人士就業。超值！

上個星期日阿囡生日，經過天糧餅店見到公主旦糕好Q。囡囡賴唔走，我於是同囡囡入店邦襯。問店員三磅公主旦糕內有甚麼物料，店員話內有雜果，後來烘焙房請來造餅師傅。師傅連造餅的程序講解一次，每個公主旦糕製作需時五至六鐘頭來完成，所以話超值。價錢只是$390.-。據我了解九龍有好幾間餅店買出同類旦糕價大約$480.-。返到屋企囡囡的同學到齊。嘩！好食好正！下次再邦親。支持社企。

有能量才能完成工作, 晨早出動, 不自覺地入了麵包店...冷冰冰的櫃上, 找不到所愛, 卻見師夫拿著一盤菠蘿包, $2.5, 不肯定是熱, 但確定必是新鮮, 夾了後, 熱力四射, 一路行一路將一口一口麵包送進口內, 牛油皮非常脆口, 麵包個子一般, 但 $2.5 算很平宜了, 質感在凱施及金華之間, 亦有咬口!補回上星期買的甜品 - 木糠布甸, $8 (八折後), 外觀吸引, 配上 strawberry…返到屋企已急不及待! 三層 cream, 三層木糠, cream 滑, 但過腍, 木糠唔夠多, 不過, $8好抵食! 繼續支持!

睇左亞視ge介紹，所以媽媽就去買黎試下啦...個晚太飽所以就冇試食，跟住第二朝叮熱個菠蘿包仔諗住做早餐...點知個飽都幾硬...雖然真係幫到人咁，但就真係唔想再試喇

下午茶的份量較少，吃畢仍未夠飽；正盤算著要吃甚麼填塞之時，忽然，這家新開的麵包店，「明愛天糧」出現在我眼前，飾櫃裏的甜品小撻還在向我招手！不顧一切地衝進去，要了栗子撻、芝士撻和蘋果撻各一個 ($3.5@)；也不顧儀態就在球場看台上開動！三個撻有著個共同缺點，就是其酥皮不夠酥脆，變硬了；其實這些撻既然不能新鮮存放，而酥皮不耐放，用牛油曲奇皮製作會較為明智。做得最好的是栗子撻，粟蓉夠香甜，也夠滑，加上一點點的吉士在撻中央，食味甚豐；可惜芝士和蘋果撻較弱；蘋果撻的醬太杰，尤如下了過多獻汁的餸菜，口感奇怪，蘋果味也不夠香；芝士撻的可可粉雖香濃，但芝士竟帶酸，我想有關導師需要好好研究材料和製成品來貨/存放的問題了！天糧是明愛的社企，為弱能人士及弱勢社群提供麵包製作和零售的經驗和實習。此店剛開張不久，相信餅食的製作還有改進的空間；現階段甜品雖未達標準，但仍見是下了心機和誠意去製作；希望學員和導師們能憑著這份誠意，去改善品質！如想了解更多有關天糧的背景，可參考明愛簡報：http://www.caritas.org.hk/57/news13.html

每次也幫襯方包....傳統有兩種味道, 一是麥方包, 二是純方包! 薄切有一磅八塊, $8, 半磅四塊裝, $4, 一磅厚切五塊, $8....麥包....我覺得麥味唔重, 厚切質感較有咬口, 上星期買了新鮮運到的...煙煙韌韌...好軟熟, , 昨天又見了兩 loaf....大膽要求侍應給我首尾的麵包頭....佢仲專登俾哂我, 嘩....有4塊....有啲仲幾厚, 再另加一塊.....非常滿足, 食完會繼續支持!

附近無一間較為似樣的麵包店, 一見呢間就即刻忍唔住入去買黎試下我買左一件芝士酥餅, 一包綠茶紅豆燕麥包, 四隻蛋撻芝士酥餅 - 細細件幾得意, 上面好似係 tiramisu, 下面係酥皮撻, 個皮幾好味, 不過 $3.x 一個就貴左少少綠茶紅豆燕麥包 - 整體上唔差, 不過個包可以多返 d 綠茶味蛋撻 - 係我鐘意既牛油皮, 唔錯, 買三送一, 抵~~整體黎講, 唔算差, 加上因為佢係明愛既,我會再幫襯

附近真的沒有一間開得耐既本地麵包店....最近發現了它 - 天糧, 上網查一查...好似係明愛主理既社會企業, 真正開店日期未知, 我買既時候可能只是試業形式售賣, 此段時間還有八折, 黑麥提子軟西包, $10, 共有八塊, 分了三天吃, 黑麥味淡, 提子集中在中間位置, 好多好多, 麵包質地略粗糙, 論品質....雖然只試了一種, 不公平準則下已不會再買, 但如果真的是社會企業, 我會繼續幫襯!