豪隍點心工房 (Moved) New Location

💛高質豪隍點心工房之前喺大西北叫Deliverxx外賣點心都指定會叫佢哋 不過而家無咗無得叫啦🥲難得今次出到觀塘 即刻要堂食回味一下點心即叫即蒸 全部上枱都熱辣辣堂食同之前外賣一樣咁高質🤤蝦仁燒賣皇（2 粒） $27一籠有兩粒 我哋叫咗兩籠有四粒粒粒都大到差唔多成個包咁大🤩除咗上面有蝦之餘 咬入口一樣食到彈牙既蝦肉入面既豬肉肥瘦均勻 真材實料 好好味😋豪隍蝦餃皇（2粒） $27同樣叫咗兩籠有四粒 大大粒 皮唔會太厚 入面嘅蝦好新鮮 仲好彈牙😋山竹牛肉球 $25牛肉球夠淋 加埋馬蹄夠爽口👍🏻流沙奶黃包 $27咬入口有流心效果 不過記得趁熱食因為放耐咗就會有少少凝固喇外層軟糯 流沙奶黃唔會太甜💛蒜蓉芝士長春卷 $37蒜蓉芝士味唔算突出 但勝在新鮮熱辣脆卜卜旁邊仲有青瓜可以解膩💚鵝肝醬鹹水角 $27平時酒樓食開嘅鹹水角通常都凍冰冰呢度嘅鹹水角竟然有驚喜 熱辣辣㗎入邊仲要有鵝肝醬 食出層次感 好好味🤤

食物都算係ok, 某些點心幾好食如蘿蔔糕, 某些就較為普通, 價格唔貴, 但整體食物唔覺得特別好食, 未至於話中伏, 但如果因為睇食評而嚟嘅, 係會有名多於實之感。出面有寫明食70分鐘, 但有好多吉位嘅情況下, 啲呀姐都會走埋問你食完未, 可能啲阿姐都做到慣曬, 但啲個感覺唔係咁好, 我寧願去返酒樓食, 你話即叫即蒸, 點得嘢食嚟仲要蒸埋起碼都唔見咗二十分鐘, 所以坐得耐係冇可能。另外環境其實麻麻, 入面嘅裝修都係偏舊, 燈光偏暗, 我一入去第一個感覺唔太精神。

今次介紹呢間點心專門店位於觀塘，地點就腳，價錢平民抵食，點餐紙以校園單行紙作為靈感，有種童年味道，價錢唔貴之餘份量幾大，值得一試！😙😙環境雖唔算大同唔叫新淨，但有間細房可以傾到下計。作為食客，都係專心野食多啲～叫左蓮藕煎鯪魚餅(大點$31)、紅油抄手(中點$27)、羅漢齋素腸(中點$31)、山竹牛肉球(小點$25)、養顏紅棗糕(小點$25)。雖然唔係飽肚野但都食得好滿足！蓮藕煎鯪魚餅(大點$31)坊間點心店較少見，蓮藕粒粒分明，煎得香口唔油膩，同鯪魚肉出奇地夾，每塊都手掌咁大，彈牙好味又抵食。推介：❤️❤️❤️❤️❤️價錢：❤️❤️❤️❤️🤍味道：❤️❤️❤️❤️❤️賣相：❤️❤️❤️❤️🤍紅油抄手(中點$27)口感紥實，每粒都好飽滿嘅肉同肉，皮薄大件抵呀。建議人均1至2粒夠，再多會太飽。推介：❤️❤️❤️🤍🤍價錢：❤️❤️❤️❤️🤍味道：❤️❤️❤️❤️🤍賣相：❤️❤️❤️🤍🤍羅漢齋素腸(中點$31)正正常常。推介：❤️❤️❤️🤍🤍價錢：❤️❤️❤️🤍🤍味道：❤️❤️❤️🤍🤍賣相：❤️❤️❤️🤍🤍山竹牛肉球(小點$25)大粒，口感彈牙，唔錯！推介：❤️❤️❤️🤍🤍價錢：❤️❤️❤️❤️🤍味道：❤️❤️❤️🤍🤍賣相：❤️❤️❤️🤍🤍養顏紅棗糕(小點$25)坊間有啲點心店紅棗糕蒸完一pat野，但佢較

今日lunch 時間黎左呢間餐廳食點心, 入口唔顯眼, 工廠大廈側門入口, 上左樓梯之後見到有人排隊, 以為要等, 原來佢地係排下午茶,一個人入去食就即刻有位，入去叫左套餐, 有好多個配塔 (通常一個飯/面+一個點心)。最後揀左北菇滑雞飯+菜肉雲吞先講北菇滑雞飯，雞件數目足夠, 菇好入味, 飯夠硬同有飯香, 加上平時蒸飯既甜豉油, 總體好正菜肉雲吞有五大粒,好足料, 加上辣油, 好好食。但因為加埋個飯, 食淨兩粒, 真係好飽, 建議一般肚餓既話, 要叫第二樣加埋茶位只係$57, 如果唔要茶就$49總結呢間性價比高, 上菜快, 打工仔午膳好好既選擇

平日放假同屋企人去飲茶多數都係去茶樓多，但其實點心既質素好一般，所以今次帶屋企人去豪隍點心專門店試下。假日去飲茶都預左會好多人，但估唔到會大排長龍，不過好彩唔算等左好耐就可以坐低。我地見每款點心都好吸引，所以都叫左唔小，雖然即叫即蒸，但又唔係要等十分之耐。眾多點心之中最值得一提就係蝦餃、燒賣一籠係得兩粒，但每粒都超大粒，接近有我既拳頭咁大，啖啖都係鮮味既蝦肉。兩老都食得好開心，已經決定下次要再黎過。

去觀塘搵朋友lunch，佢話工廠大廈入邊有間點心好抵食。價錢的確唔貴，所以中午好多人。口咸魚肉餅飯餐：咸魚肉餅飯 ×1鮮蝦菜苗餃+$3肉餅新鮮厚寶，鹹魚香口，飯口感煙靭。鮮蝦菜苗餃：結實大隻，蝦肉又大又新鮮。山竹牛肉球 $25都係好大一粒，內有馬蹄粒，口感變得爽口。叉燒腸餐蜜汁叉燒腸 ×1.四寶雞扎 x1+$3叉燒份量很多，腸粉晶瑩剔透。四寶雞扎，份量很大，味道普通。高湯鮮竹卷 $25口感比較油膩。蝦仁燒賣皇（2粒） $27賣相普通，味道一般，感覺唔抵。價錢的確係便宜，點心亦都係大大件，但味道也不是十分之驚喜，侍應都非常趕急，一食完就馬上收走，而且不停地問食物是否到齊，而且有被趕著埋單的感覺。

🥧🫖🥢二訪觀塘人氣點心▫️茶芥$8/位▫️免加一☑️蝦仁燒賣皇(2粒) -$27二訪要Encore的，燒賣大粒，蝦仁同肉都彈牙爽口，冇得頂！☑️蜜汁叉燒腸 -$31腸粉有兩條，總共六件，雖然比出面嘅腸粉店好似少左條，但其實佢都幾大條同足料，有大量嘅叉燒粒同芫荽碎，叉燒唔會好肥，都幾好味，但唔食芫荽嘅就要留意啦。☑️鹹魚肉餅飯 -$37呢個迷你煲仔飯，賣相吾錯，肉餅都夠撈飯，上面有鹹魚同薑絲，配豉油好味😋☑️沙律雜果鮮蝦炸雲吞 -$33上面嘅沙律雜果真係幾好，好有童年嘅味道，酸酸甜甜好開胃。鮮蝦炸雲吞新鮮炸好脆。鮮蝦彈牙。☑️紅油抄手 -$27抄手有五隻，都幾大粒，個皮都幾薄，應該係椰菜豬肉餡，紅油冇撈埋一齊，係另上嘅比你自己點，可以自己決定要幾辣。

豪隍點心工房是一家以精緻點心聞名的餐廳。他們的招牌菜包括蝦餃、燒賣和奶黃包。這裡的食物質量優良，味道美味，而且價格實惠。無論是想品嚐正宗的點心還是享受一頓美味的午餐，豪隍點心工房都是一個不容錯過的地方。餐廳環境豪隍點心工房的餐廳環境非常舒適，設有足夠的座位供應客人。衛生環境良好，乾淨整潔，給人一種舒適和放鬆的感覺。無論是和家人一起用餐還是和朋友聚餐，這裡都是一個理想的場所。主打菜品介紹在豪隍點心工房，蝦餃是他們的招牌菜之一。蝦餃皮薄、口感彈牙，內餡鮮美，蝦肉鮮嫩多汁。每一口都能品嚐到新鮮的蝦肉和獨特的調味料。蝦餃是一道絕對不能錯過的美味。另一道必試的菜品是燒賣。燒賣是一種傳統的粵菜，以豬肉和蝦肉為主要成分。燒賣的外皮金黃酥脆，內餡鮮嫩多汁，口感豐富。每一口都能品嚐到豬肉和蝦肉的鮮美滋味，絕對是一道令人垂涎的美食。除了蝦餃和燒賣，豪隍點心工房還以他們的奶黃包聞名。奶黃包是一種以奶黃為餡料的包子，外皮鬆軟，內餡香甜。奶黃包的奶香味道令人陶醉，每一口都能品嚐到濃郁的奶黃味道。這是一道絕對不能錯過的點心。服務質量除了美食，豪隍點心工房的服務質量也非常出色。服務員熱情友好，樂意解答客人的問題。他

兩年前第一次食完全兩回事燒賣愈來愈差，咁既質素食連鎖仲好人地有2粒，反正啲料都係肉泥以前就貪你啲肉一粒粒，依家其實得2件仲少過連鎖其實全部野都差左太多 希望唔好犧牲原店質素既情況下開分店

🥧🫖🥢高質大件抵食點心▫️茶芥$8/位▫️免加一☑️豪隍蝦餃皇(2粒) -$27蝦餃真係好大粒飽滿，大過隻匙羹，包住大量蝦肉，新鮮彈牙，蝦餃皮幾薄，而且軟糯，實在難得。☑️蝦仁燒賣皇(2粒) -$27燒賣同樣比一般嘅大粒，蝦仁同肉都彈牙爽口，調味都好正，絕對會encore。☑️高湯鮮竹卷-$25一份三件，入面有木耳絲，魚肉、芹菜，口感豐富，高湯味道都吾錯。☑️山竹牛肉球 -$25牛肉球有三件，超大粒，好多芫茜碎😍口感味道都吾錯，配喼汁一流☑️溫泉蛋牛肉飯 -$37吾算好大碗，好似迷你煲仔飯咁，飯應該係用瓦碗煮熟，飯粒粒分明，牛肉餅係拍扁咗嘅牛肉球，口感味道都同牛肉球一樣，係餅中間多左窩蛋，但個窩蛋整得好靚。☑️蒜蓉芝士長春捲 -$37春卷幼長脆口，有3條，同樣有蝦係入面，蒜蓉味唔算好出，配左胡麻醬，幾特別，仲有兩條爽口青瓜。☑️蓮藕煎鯪魚餅 -$31一分三件，每件都好厚實，蓮藕粒好爽口，鯪魚肉都好彈牙，係油膩左d。🆗鮮蝦腐皮卷-$31一份三條，切開咗六件，新鮮炸起熱辣辣，出面層皮好脆，但因為腐皮有d厚，入面d腐皮會有d靭，入面有超級多芹菜粒，中意食芹菜嘅應該鍾意😂

今日同屋企人第一次來食，本身係親戚介紹帶我地去食。食物大大件好抵食，味道唔錯本身叫左好多款點心，怕食唔曬，所以一開始只叫一籠燒賣。之後食曬其他食物，想加單要多一籠燒賣14：13落單，等左十幾分鐘都未有但一開始首單出餐好快，之後屋企人怕漏單所以想問幾時有而且入座前話用餐時間70分鐘，所以屋企人都怕太趕。之後叫來一個束馬尾既阿嬸職員之後問幾時有個燒賣之後個阿嬸職員勁串嘴話： “咁要時間蒸咖嘛，咁唔係即叫即蒸既！”屋企人話：“咁我怕時間太趕”然後個阿嬸職員竟然話：“咁你味唔好加單lor”我們都好愣然，屋企人話：“你咁講咩意思”阿嬸職員話：“咁你趕時間既，就唔好加單”屋企人話：“咁你地話食70分鐘，咁怕食得太趕”阿嬸職員話：“咁你食緊既話，唔會趕你既。”最後個燒賣14：40才到======而一開始係13：44落首單，14：13加單只加一籠燒賣14：40一籠燒賣先到======其實蒸要時間，冇問題但個呀嬸職員咁講野就好有問題人地覺得好食先加單，但叫人地趕時間就唔好加單。但個職員唔知我地怕唔夠用餐時間，而唔係我地有事要趕去做。之後勁串咁講野。我都做服務業既，就算內心有不滿之類，都唔會直接講出口。證

成日聽人講呢度似好正，OpenRice 觀塘區排名長期名列前茅，專登早左出門去觀塘試試佢。上樓梯去到門口，已經見到5-6人排緊隊，幸運地，因為我地得兩個人，所以即時有得入！🙌🏻入面好多檯，但全部坐滿，再次對於成功入座要感個恩！🙏🏻職員通知我地有限時，咁就渣渣臨叫野食，有點心紙，點返平時二人份量既野食，等左陣，野食就黎啦，見到人生從未見過既巨人化點心，食到一半開始飽飽地，仲有一半黎緊😂size 令人驚喜，味道都好，物有所值！☺️#補打返8月既食評

豪隍之前朋友移左民咁啱夏天返嚟過暑假期，佢話想去飲茶🫖 就帶左佢去豪隍飲茶🤣呢道出名平價全時段飲茶就決定同佢夜晚飲茶🤪我哋今次join嘅人食量都好大 就叫左成十幾樣嘢就拎印象深刻嘅幾樣講下啦燒賣同蝦餃 🫖佢呢兩樣點心每一件都大大件 搞到我哋失曬預算🤣 佢嘅size 一件可以當出面嘅兩件 每隻蝦餃都會有一隻大大嘅蝦🤩 好鬼足料芒果布甸🍮食到尾，就想食吓啲甜嘢中和一吓，佢個芒果布甸就係以前細細個係酒樓會叫到個種 味道唔係特別 不過就係回憶嘅味道👅我地三個人叫左十二十三樣嘢都只係三百零蚊左右 真係好抵食🤣

豪隍是觀塘區出名的點心店 即使地點不算就腳 不論是什麼時段去 都有人排隊等位 特別是週末 豪隍的點心大份又抵食 而且即叫即蒸 上菜時熱辣辣 每次去觀塘飲茶 首選一定是豪隍 豪隍燒賣皇燒賣是最推介的 十分足料啖啖肉 蝦肉彈牙 XO醬金錢肚金錢肚入味 質感柔軟 墊底的芋頭更是吸收了醬汁 墨西哥叉燒包 一客有三個熱辣辣 一上菜已經即使偷食左一個 墨西哥咸甜咸甜地的味道同叉燒配合得剛剛好牛肉球大粒飽滿 口感一流 可以食到明顯陳皮味道點心拼盤是可以一次試多不同種類的好選擇蝦餃 大大粒 同流沙包一樣大 煙韌的餃皮同彈牙的蝦肉沒有令人挑剔的地方潮州粉果 大粒是豪隍的點心特色 皮薄餡足流沙包同叉燒包 正正常常 前者做流沙效果 後者沒有墨西哥叉燒包出色鳳爪排骨飯正常 蒸飯偏軟 脆皮雞中翼 做到表皮香脆 內有肉汁炸饅頭是令人情有獨鍾的點心 外脆內鬆軟的口感 配合煉奶的奶香味 即使擺放了一陣 仍然十分脆口豪隍的點心出色 令人不斷回訪 雖然同區多了分店 不過本舖座位較多 而且水準較穩定 所以大多回訪本舖

😁 小編見好耐都冇食一盅兩件，於是依日就向朋友提議去觀塘試一間幾出名嘅點心專門店。🍽 豪隍蝦餃皇 (2粒) 😋😋😋😋蝦餃皇好大粒，皮薄晶瑩，透到餡內嘅蝦肉，而鮮蝦🦐好大隻，調味可以帶出鮮蝦味！🍽 蝦仁燒賣皇 (2粒) 😋😋😋😋一大隻鮮蝦舖喺燒賣面，下面啖啖豬肉，同蝦餃一樣每粒好大隻。😚🍽 流沙奶黃包 😋😋😋😋趁熱摵開兩半會有流沙，但因為小編食咗其他點心先，所以奶黃稍為凝固咗少少，但奶黃味道依然！建議大家嚟到就要快啲食呀！🤗🍽 山竹牛肉球 😋😋😋😋牛肉球肉嫩，帶有馬蹄粒嘅爽同芫荽嘅香。🍽 蓮藕煎鯪魚餅 😋😋😋😋鯪魚餅煎到金黃色，加咗蓮藕會爽口啲，鯪魚肉味濃，仲帶有胡椒味同香蔥味，亦好香口！😚🍽 蜜汁叉燒腸 😋😋😋😋叉燒分佈平均，而且份量唔少，腸粉口感滑溜，每啖都食到叉燒餡！👍🏻午餐 💵💵 約港幣$90/人💁🏻‍♀️ 點心專門店好旺場，觀塘有兩間分店。每人茶芥$8，入座後有70分鐘用餐時間。大家去到把握時間填點心紙，大約10分鐘後就會有點心上枱㗎啦！😉 另附上一張上樓梯專閣見到嘅指示牌 😆