茶狼 (Closed)

係九龍灣經過 見到好多人圍住呢間飲品店 就即刻問同行朋友試唔試 朋友話飲過茶狼嘅水果茶+芒果嘅水果茶都覺得好飲 咁我就決定試下！去到睇menu 見到鮮桃茶係期間限定 仲要係日本桃！ 緊係要飲呢隻！等咗約5分鐘 終於到手！本身我都唔係期望佢會有好幾飲 都係見咁多人 想試一試 因為我之前去台灣飲出名啲嘅水果茶店 都唔會覺得飲完一定要再飲！ 個呢杯桃茶真係好驚喜 味道係甜+濃+真嘅桃味 唔會係街邊個啲似溝出黎個啲藥水桃果 再加淡淡嘅茶味 仲要有桃嘅果肉係底！加埋一齊真係perfect match😭雖然價錢真係少少貴 但味道同埋係日本桃！我覺得係值嘅！下次一定要試其他茶+奶蓋！

1. When Cha Long opens a branch near where you work and live, it is difficult to resist getting one after work walking home.2. I tried the signature fruity tea of Cha Long and was very impressed. This time I decided to try their seasonal special drink.3. Queue was quite short, and I got my drink soon.4. The cheesy layer is simply thick and delicious. I recommend not to drink this with a straw, as it is best to sip the top cheesy layer first, followed by the peach layer, and then a mix of both to

本來都有小小期待！眼見佢有做promo既野飲！即刻買番杯！！宣傳版上圖極吸引！！鮮桃四季春奶蓋。原本滿心歡喜有好野。一路等一路望已經唔對路！咩料？！職員全部都無帶口罩，由頭傾到落尾，開放式廚房，咁就自然一路望住佢地用口水洗禮杯野飲！！你話我睇唔到都話姐！由頭到尾就咁望住杯野開住蓋就一路被口水狂噴！真心無晒胃口！！幾好飲都無用！極唔衛生！！口水加料絕無下次！！！傾唔係問題，但係好心帶番個口罩先啦！！

行經德福，期待嘅茶狼終於開咗！😍仲要臨關門時間，冇乜人，咁就即刻去左試！飲品價錢係九龍灣對比買差不多飲品嘅店鋪為貴！我自己好鍾意食日本桃，見到佢期間限定推出嘅山梨縣鮮桃飲品當然唔放過！🙈🙈🙈咁我就叫咗奶蓋款(自己好鍾意奶蓋😛😛)，店員建議少甜，不過我最後堅持咗走甜😬😬😬唔知係咪臨關門，沖嘢飲速度好快😂一飲，奶蓋好結身...點飲都飲唔到底，仲要結到同甜到我覺得好”溜”...最終我決定pit走啲奶蓋....但下面係用桃肉打混，我覺得走甜啱啱好食到原有桃肉嘅甜味👍🏻👍🏻飲到底仲食到甜甜嘅桃肉添😋😋😋下次再買我會選擇唔要奶蓋！🤔🤔🤔

今日外出去九龍灣做野，做完野得知徳福剛開了茶狼，係呢個夏日炎炎既天氣，當然想都冇想就跑去朝聖下喇可能未到放工時間，冇咩人排隊。茶狼曾係希慎開設咗pop up 店，果時未有動力專登去排隊買黎飲。雖然知道茶狼係主打水果茶和芝士奶蓋茶，但拿起menu,種類太多，都唔知揀咩。諗咗陣見到limited edition 2個字，今期主打日本桃，咁我最後就叫咗日本山梨縣鮮桃四季春($43)等咗15分鐘，終於到喇，入口勁香桃味, 我叫咗微糖，所以唔太甜，同有一粒粒果肉係入面，增加咗杯野既層次感。但價錢較貴，要成43蚊一杯，夠係隔離文華食個飯了久唔久一杯都可以既。

Blue monday 終於捱完，收工緊係去放縱一下。經過德福呢間茶狼，咁岩無咩人排，即管試下。試左最新果杯鮮桃買季春，未飲拎住影相已經聞到陣陣清香桃味！叫左7分甜，甜度岩岩好，食到果肉、飲到桃香、仲有陣陣清幽既四季春茶香。不過$43真係偏貴，但整體黎講係一杯非常消暑飲品！一次半次都ok 啦

今日同個FD係九龍灣行完街, 想搵杯野飲下, 知道茶狼係德福開左分店, 一定要黎試下, 都係第一次飲, 上網見就見得多人介紹季節限定既桃味茶, 但去到已經SOLD OUT, 有點失望, 佢出名既唔係黑糖珍珠鮮奶!!哈哈!!出名既係水果茶同埋奶蓋!!我叫左個水果四季春 (少甜半冰)，水果分量好多, 佔左半個杯, 有橙, 士多啤梨, 熱情果, 蘋果,青檸…..堅多!!水果味不太重, 唔會好甜, 放耐左D水果浸出味好似更好飲!!另外朋友叫左杯 碳培烏龍奶蓋茶 (少甜走冰), 奶蓋味道亦不算突出，好彩個茶底都不錯，真係冇咩特別!!比起其他過江龍, 茶狼真係麻麻地, 冇咩特色又唔係好好飲, 不過呢間都大間, 仲有位比人坐, 可以影下相休息下, 都OK既!!

好飲架, 有士多啤梨肉, 大家可以去試下。。店舖既設計成個廚房咁, 2,3部機係度攪, 好快手, 個杯, 令上手, 真係似拖住女朋友隻手仔咁, 細細隻, 靚過星巴克果d杯, 後面有幾個座位, 可以去坐, 見到有人外賣蛋糕, 個包裝幾靚, 當手信咁送俾人都得。。