陳鳳記 (Closed)

行完海濱山徑，天口涼，趁等綠van之際，閑坐於這間港式茶座，食個下午茶，一樂。老闆好人，知道我等車，快速弄了份奶醬多士，加一杯奶茶，仲細心地用外賣形式上枱，方便我未食完的話，都可以帶上車繼續食. 多士好脆，無燶面，奶醬份量適中，佈滿麵包面，卻又沒有從側邊漏出搞到一手都甜；奶茶是正宗港式，茶的濃度啱啱好，不苦不瀝，奶味又不太搶，唔駛落糖都好易入口. 好寫意的一份小餐. 價錢方面，奶茶$17，多士$25，就梗係貴過巿區，但考慮到環境，出面茶記是無法提供.

週末早餐如果想比起平日的茶記特別一d，通常都會揸車去啲郊野地方，接觸大自然，再食個靚早餐！位於鹿頸交界嘅陳鳳記就係一個好好嘅選擇，好多電單車發燒友都中意晨早係新娘潭片車，再嘆返個靚早餐！今日去到大概11點到，停車場都已經拍滿晒車，成條車路都泊哂車，今次如常地坐低都係叫返All day breakfast，同屋企人再share個陳鳳記拼盤，因為特別想食雞翼值得一讚嘅係佢個拼盤雞翼可以轉為瑞士雞翼，唔會全部都係炸嘢，All day breakfast材料充足，一啲都唔馬虎，尤其鍾意佢個自家製果jam搽多士，唔會話好甜，好適合健康人士食用食！食果陣會忍唔住一大Pat茶落去檸檬茶的茶味特別濃，有別於出邊嘅檸茶，加上檸檬特別新鮮，帶出特別Flash嘅檸檬茶

全日早餐大多數都在咖啡店才有的餐點。這一次，竟然會在郊外的小茶座食到，感覺有點微妙感。外貌確實是一間普通茶座，但是裡面食物算時多元化，不止全日早餐、飯麵、小食、甜品都有。亦有分室內和室外座位。B2 全日早餐（蛋兩隻，多士，香腸，煙肉，蕃茄，蘑菇，焗豆）可以選擇炒蛋底者煎蛋，其實5款全日早餐，除了素食早餐外，其他都是大同小異。雖然個早餐食物沒有特別好味，但是自製果醬絕對是不能不試，果香味濃厚，同時亦非常清新。瑞士雞翼和自製果醬雞翼沒有什麼特別，還有點粗糙。也不是很有口感。最後，在逼滿人的茶座，不可能感到非常舒適，但是卻有香港本地的人情味，也有點像老式茶餐廳。

叫左個ALL DAY, 今次揀左太陽蛋, 因為我記得佢D炒蛋5係滑蛋, 太陽蛋好好多, 半生熟, 個多士仲可以沾蛋漿來吃。薯餅正常, 煙肉偏瘦, 仲大大塊, 條腸有D 油, 有少少香草味, 味道OK GE。烤蘑菇太乾了。自製果JAM 今次係杏/桃, 偏淡, 幾FRESH GE。叫多個花生漿多, 正常質素。`1朋友一早叫定個飯, 但遲左來, STAFF 肯翻熱, 服務不錯。

作為長周末既結束，應好友邀請驅車前往陳鳳記🤘由元朗方向出發，通過粉嶺同埋在建既蓮塘口岸🛣，圍住個沙頭角海🏖沿住宛庭既海邊單程路扭左十零分鐘，一路欣賞海景同避對頭車🙄 突然路面轉闊，見到大大既招牌陳鳳記，熱鬧既車龍同坐滿人既坐座，加上輕柔微風，吹開假日惺忪眼睛👀陳鳳記係簡單咁用膠幕分室內冷氣雅座同室外煙肺座，重點係可以係湖旁輕輕鬆鬆鄧梓峰咁吔個all day breakfast, 抓住假期既尾巴😁😁 仲有室內幾幅蝴蝶🦋照同電單車照, 提緊香港人, 放下忙碌雖然地點偏僻，但menu絕不馬虎💪 六大版6️⃣ 全日早餐、飯麵、小食、甜品、午餐，咁僻都可以做到應有盡有🙀揀咗霸王級既超級早餐😮 大大隻碟，齊齊整整裝滿🈵晒, 個擺盤加埋大自然景，無得頂💯 食物重點要提個自家製果醬🍯 輕身有果香，微甜帶爽，似咬緊樹上熟既雪梨一樣🍐 搽埋上牛油多士度, 似係樹林間食緊午餐🌲🌲🌳🌳🍀🍃其他食物正正常常，係咁偏遠地方有熱食已經很滿足🥰🥰 有時食嘢，唔單係味道，亦唔止賣相，租金，都要睇下係邊食😏 大霧山頂既燒賣🤩獅子山上既餐旦麪🤓鹹田灣豆腐花🥳 就係要特登去食個簡單嘢呢份情懷, 又點係用說話可以講得明🧐又要唱番句

今日放假，出來兜兜風。去左粉嶺陳鳳記食早餐，超級早餐。。咩都有。。。不過太多肉我自己覺得。。雞扒包。。好juicy!!!正。。。。其實真係夠哂飽。。不得不提呢個自家制果醬。。一定要嚟試。。

鹿頸遊車河行山勝地～必試全日早餐既自家制果醬星期日放假約左班friend遊下車河🚘再係鹿頸行下山⛰親親大自然出發前係陳鳳食個早餐，個個都係叫左All day Breakfast個set食🍽，all day breakfast 果set食落普普通通，唔算太差但最驚喜係果醬搽麵包🍞，好好食果D果醬食落好有鮮甜既感覺，食完想再添食不過我朋友就好似叫左杯蒸餾咖啡☕️來飲，佢講佢落飲一般般🤷🏻‍♂️吾算太好

我因為胃食，聽人講隔離間BB茶座好出名，所以慕名而去，特登揸車去食，結果當然失望啦～ 離開果時，就發現左旁邊呢間陳鳳記，決定下次要試，點知幾次去都吾合時，撞岩佢地休息，到第三四次先試到。難得試到，我地都點左佢嘅超級早餐食。呢份早餐好有歐陸風味，食材用料吾錯，廚師都煮得好有心機，各種食物都水油份平衡，香口得黎吾會太乾。我與同行友人一樣，其實都對佢個自家制果醬一試傾心，果味香甜，連平時吾多鍾意食面包嘅我，都為食呢隻果醬而食好多面包。之後我地有時間都會特登揸車去陳鳳記嘆早餐😋

每逢假日，都會同啲朋友揸車周圍搵嘢食！當係車聚傾下偈！今次入咗嚟鹿頸，試咗呢個餐廳！ 全因為佢有all day breakfast！ 就吸引咗我坐低食啦！當然呢啲山路中的餐廳，就唔能夠expect佢係裝修得好靚坐得好舒服嗰啲！但係佢又唔會趕您走，比您慢慢傾，都唔錯！佢喺路邊都有唔少為可以拍幾多車嘅，所以 假日同朋友去都係唔錯嘅選擇！咁佢除咗all day breakfast之外佢仲有普通麵食嘅！ 食物方面就正正常常！冇話好特別感！

幫嚫了好多次，本來尚算不錯。今早叫了兩個英式早餐，英式肉腸係普通超市雞肉腸，煙肉及黃豆都一樣係劣等貨，菇是兩片中國冬菇。從未食過英式早餐有冬菇。因為人多，老闆趕時間所以建議煎蛋要太陽蛋。雖有唔脆及硬的多士，但買㸃的果醬欠奉，要問先有。當問及其中一個餐的薯餅未到，店員的回答係我點知，老闆更在背後同店員言語中單打我們，十分受氣。以大約$65-$95一個早餐，這樣的食物質素及服務態度，簡直是難以接受。

在休閑假日，響郊區有樹有海。突然間你見到有個鋪頭，竟然有嘢食買有嘢飲仲可以坐低。簡直係上天賜比我嘅禮物。跟大隊，點咗個叫B3嘅早餐。美味的香腸煙肉，最盞鬼有兩粒冬菇有薯餅又豆真係冇諗過盒鄉村地方有咁嘅嘢食.爽啦!香腸仲好Juicy添. 杯奶茶都OK喎

假日想揾個全日早餐食，呢到都算又平又大份，仲要好食，之前都有去過一D餐廳食全日早餐，一般都要七八十蚊，但呢到只係五十幾，真係抵食之選，雖然只係普通嘅腸仔蛋，但面對住郊外呢個環境，真係心情都好D，另外咖喱牛腩飯D牛腩好林好入味，跟住仲叫左個小食拼盆，呢個拼盆都抵食，如果我冇記錯都係五十幾蚊，有蝦多士(冇油)，鷄亦(香口)，咖喱角同春卷就普遍D，三個人連飲嘢一百八十幾，我就覺得抵食，仲可以遠離緊張嘅市區，真係偷得浮生

某天假期朋友載我遊車河,而目的地是沙頭角鹿頸去郊遊。下午時間, 經過這店, 大家正是肚餓,就來依間食一下,下午茶依一依肚肚。我同朋友不約而同,點了 (100% 牛肉漢堡包薯條沙律 ~自家制)賣相靚,夠量,質素好好。  這牛肉漢堡包, 旁伴有香脆薯條及新鮮沙律。這牛肉漢堡包靈魂在於那塊夾在中間的牛肉,尤其牛肉口感紮實,具濃濃牛肉香味, 又不會乾淨淨,吃到如牛扒般的頂級滋味,與咸香芝士及鬆軟的包包十分夾, 簡直超好味呢!

其實係劣質的港式早餐，餐牌上的磨姑竟然變成三小粒港式冬姑？冬姑口感乾、又無一丁點味道。多士竟然是腍的！甘簡單的一件事，都做得唔好。餐牌上有兩隻蛋，可以改炒蛋，這是兩隻蛋的份量？這個炒蛋，薄如紙又全熟又油膩，相信你係屋企都整到。番茄無技術可言，只係個面燒一燒。茄汁豆又係罐頭貨。加上平價火腿及平價腸。無冷氣，環境又無咩特別，要成$55，你地覺得值？如果係揸車，無需要嚟呢間，甘的價錢，一定有更多更好的選擇。

通常逢星期日都會陪媽媽飲茶，今次揸車黎到鹿頸食個all day breakfast 🍳 陳鳳記有室外&室內位。室內冷氣夠涼！每位既服務招呼都好好呀！Menu上有all day breakfast，麵餐，三文治。我梗係叫個最多食物既fry up la haha 以前英國讀boarding school 日日都食，攪到我超鍾意食egg, sausage, bacon, bake beans & hash brown! 缺一不可haha 見到Menu上指有英式腸，好開心。香港唔係間間都有好味既英式腸架(😐其他餐廳有時仲係德國白色腸/普通廚師雞肉腸)。 全碟都好正！Love the Sausage & Bacon大塊香口有口感，又唔會太燶！薯餅脆脆，下次實加錢要多塊先！如果塊toast係好d既麵包就perfect喇！出面泊左好多電單車，氣氛好好！難怪大家都過來這邊食😝食完仲可以周圍行下吸收下新鮮空氣！