茶匠 (Closed)

黃到金嘅手搖店💛呢間小店已經幫襯過好多次，每次都好滿意 ( ´▽｀)推薦大家一定要試試「黑糖珍珠鮮奶」飲品面頭唧左cream，仲有燒到焦糖化嘅黑糖雖然嗌左少甜都有啲啲甜，不過係可接受範圍嘅～另一樣必試嘅係仙草凍奶茶🤤仙草超滑溜，仲有草藥香添！其實每款飲品都好好飲，而且價錢算比較平大家可以放心大大力懲罰💛.仙草凍奶茶 $22黑糖珍珠鮮奶 $30百香果綠茶 $26———📍茶匠藍田匯景道8號匯景商場3樓16號舖荃灣大河道12號地舖

放左工 當然要飲翻杯台式飲品🤩一落荃灣港鐵站下面就有間黃店 當然要支持一下👉🏻匠人之盆栽奶茶(💸$28)Oreo碎係面 中間有一層類似奶蓋😌加上茶底 飲落去唔會太膩🤗奶味好香濃👍🏻茶底有啲碎啫喱既東西有少少口感 整體感覺唔錯但個名好華麗 味道就比較sample😅👅回味指數: 6/10👉🏻白桃烏龍珍珠奶茶(💸$22)烏龍茶味好香濃 淡淡茶香🍵珍珠好有𡁻口😁亦都有好多粒珍珠😍但可能珍珠size大過飲管關係 一時時會啜唔到😜淡淡白桃味🍑令到烏龍茶中有種清新感覺🌱唔會太甜 下次味會回購😊👅回味指數: 7/10

荃灣區內美食林立，呢間茶飲店喺雲雲小店間可以話別樹一幟📍位於天橋出入口旁，店面當眼，好易搵到😆小店不時會推出新款飲品，選用時令食材入飲🤤之前飲過佢地嘅芋泥飲品都已經好鍾意，今次試嘅飲品更完全岩曬我口味💕😋食咗乜：芝士榴槤鮮奶雪沙HKD$48利申我喺一個榴槤控💕遇到好食嘅榴槤喺會不惜一切，冒住第二日會喉龍痛，都會自已拍曬成個🤤但對榴槤製品就無咩好感，驚味道好假🙈當然啦真係中太多伏了今次試呢杯飲品，其實一拎上手，已經心諗「咩料，唔通又伏左，點解同佢張產品圖差咁遠」唔緊要，點都飲啖試下先😍幼滑鮮奶冰沙+香濃嘅榴槤味+絲絲果肉✨佢嘅濃稠程度👍🏽真材實料但話分兩頭，我對佢同產品圖差好遠，又飲唔到有奶蓋係有小小深深不忿🤔飲多兩啖想搞均佢試真d，發現搞落好濃稠，個陣先打開個蓋睇下🤣原來我怪錯左小店🥰芝士奶蓋健在而且上面有層炙燒咗嘅焦糖🔥索性唔用飲管，大啖飲落去💕好似食緊焦糖布甸咁呀💕整體嚟講，炙燒焦糖+濃郁嘅芝士奶蓋+真材實料果肉沙冰💯咁當然咁足料價錢都成正比嘅，但極推薦榴槤控去試吓🤤真喺好正架，絕對會encore👍🏽

1.芋頭鮮奶我叫咗少甜少冰，甜度啱啱好。芋泥比得好足，差唔多成半杯都係😍。芋泥好綿密，唔會一粒粒好硬咁～鮮奶🥛都好濃郁，同芋泥撈埋一齊飲真係好夾🤩！芋頭同鮮奶真係好朋友🤪！！不過飲曬嘅話會有啲飽🤣！2.Oreo雪沙Oreo嗰杯我覺得偏甜，但夏天飲真係好清涼！上面仲有幾塊Oreo曲奇添！3.芋頭珍珠奶茶但芋頭味有啲假🤣，不過勝在夠大杯。下便啲珍珠都幾好味，煙煙韌韌！

收工細妹order要飲仙茶凍奶茶，咁啱經過呢間茶匠又未試過就幫襯下，700cc大杯都只係$22蚊真係好抵。細妹飲之前我試左少少，茶味唔算濃，半糖少冰我覺得岩岩好，其實重點我係想讚下佢既仙草，入口即溶好似空氣咁👍🏻，細妹都話佢既仙草好正，不過就少左啲，仙草好快無曬但仲有大半杯奶茶剩，希望仙草可以加多啲就好喇😊

回家途中成日經過呢間小店都排好多人, 今次決定試下! 不過等候時間耐左少少, 差唔多半個鐘😩, 果下開始覺得整杯野飲使唔使咁耐, 本來諗住係街試下但點知係飲唔到口都覺有d怪, 明明係叫鮮奶水狀點解會飲唔到口黑糖厚鮮奶一反到屋企打開蓋, 嘩! 原來係我最愛既芝士奶蓋, 我估唔到係燒出泥, 唔知係本身定因為我叫常温既加熱效果, 面層唔係普通既奶蓋而係感覺似焦糖味既梳乎里 , 開蓋連鮮奶飲好似有三重體驗🤩🤩不過可能d cream比較結身印以要一邊飲一邊撈下雖然等得耐不過感覺係慢工長細貨呢🤪

咁岩行經荃灣，又好想飲台式飲品，上網Search 完之後，有好多選擇但就係咁岩，一落天橋就係佢，就係咁岩令我選擇佢，就係咁岩，令我愛上佢我諗我以後行經荃灣都會專登去買一杯飲一落天橋就見到呢一間Ga la, 真係好方便見到咁既面門，唔係唔過去幫襯掛加上佢隻柴犬Logo, 真係好可愛叫左本芝士奶蓋烏龍加珍珠估唔到原來可以咁好飲＊奶蓋好濃厚、咸咸地、芝士味都好重、仲要好滑💯＊烏龍茶就好香濃，珍珠煙韌度適中！好食過其他大型連鎖店大家行經真係要試下，誠意推介

在荃灣經開這間小店，咁岩口渴都要買杯野飲下，上網睇又平又好飲，今次又叫左杯大路既芝士奶蓋抹茶，收銀妹妹已提我奶不是用鮮奶，我Ok，$28。芝士奶蓋濃稠，飲落仲有粒粒芝士未融哂，頭幾啖都係奶蓋，最理想奶蓋係第一啖奶蓋而緊隨第二啖就應該是奶蓋加液體同時流入口中 #個人愚見 #勿插 但作為奶蓋愛好者我都接受到😂 最好比多啲奶蓋添，呢杯奶蓋絕對對得起價錢，對於抹茶方面，有較多沉澱物。不是一杯完美的奶蓋，只是我對黃店的期望，特別是小店（非連鎖式）是合格就可以了，所以一試無妨。📍 茶匠 (荃灣)荃灣大河道12號地舖

👧🏻 ate...仙草奶茶+芋圓(+4)👧🏻 wants to say...一杯咁大杯嘅仙草奶茶+芋圓(700cc) 哩間舖居然賣26蚊😨你話佢地唔係CLS係咩😋味道方面 我嗌左少甜少冰 覺得甜度啱啱好🙌🏻 值得一讚嘅係雖然我去到嗰日佢哋忙到踢晒腳 但呢個茶都沖得好香唔會太濃 個仙草好正😻不過最有驚喜都係個芋圓 個size同普通珍珠差唔多 淡淡茶、仙草同芋圓仔🥰 佢地有兩間分店 所以荃灣同藍田嘅街坊可以去支持下喔💛

屋企人行過茶匠幫手買嘢飲，真開心！今日試咗呢個芒果沙冰奶蓋，好有驚喜！啲沙冰有濃郁嘅芒果味唔會好淡，鹹鹹地嘅奶蓋配搭甜嘅芒果沙冰一流～夏天飲即刻清涼晒！睇咗佢嘅Menu仲有好多嘢飲，之後要再試下！

咁講番個奶茶先，茶底有鳥龍茶香，奶蓋係有淡淡芝士味既，飲落就有少少咸味！你見杯野我都擺左一陣，所以都會有少部份芝士奶蓋沉澱左落去。估吾到個奶蓋同鳥龍茶係咁match，因為平時我只會飲芝士奶蓋四季春居多！同埋茶類我吾太喜歡飲鳥龍茶個苦澀味，都係純粹今次試一試芝士奶蓋同鳥龍茶呢個組合！咁就飲到一半果陣就飲到一塊塑膠仔，個size都有我指甲一半咁大既。（其實係飲到兩塊既，仲有一塊比較細。因為另一塊太細，影得吾清晰，就吾放上黎）我當時飲到，以為係昆蟲類，係塑膠都算係咁。我就check過既，塊塑膠吾屬於飲管或飲管包裝（專登由垃圾筒攞上黎睇清楚）、亦吾屬於裝飲品既膠袋。同時，我番到屋企係第一時間對杯蓋進行酒精消毒，消毒完後係無見到任何東西響插飲管位既上方！咁我估應該係裝芝士奶蓋包裝用既塑膠！？可能開芝士奶蓋既包裝果陣吾小心整到落去咁。吾完美既，需要改善！🙏🏻  相信只係單一事件，或者沖飲品過於心急，或者可能店員有機會係新人，所以今次就會吾小心左！但如果比小朋友誤吞，咁就可大可少嫁啦！🙈比好評係因為良心小店必須支持，而且飲品味道吾差，多款式而且價錢公道！

近排天氣咁熱，出街真係會想買杯冰凍既飲品飲下。提提大家，因疫情關係 最好搵個少人d既地方先好除口罩飲野啦~今次嗌左芝士奶蓋綠茶 ($22)芝士奶蓋好濃厚，鹹味偏重，個人黎講都幾鍾意鹹味重既芝士奶蓋。綠茶亦都唔會因為加太多糖水而過甜，整體味道融合。茶匠既飲品大杯得黎，價錢又唔貴，有機會既話會想試埋其他飲品。平日等候時間大約5−10分鐘，但係星期六、日就要等15-20分鐘。

«722»芝士奶蓋抹茶L＝港女組合＝me🧀🥛🍵﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷芝士奶蓋抹茶 $28▶多多椰果雪沙 $28荃灣呢一帶都幾多黃店茶飲，次次試下新野都抱住想分散投資，但又好驚中伏嘅心態去買。兜咗一個圈，專登揀間最多人排緊隊但我又未試過嘅😂睇睇下menu先發覺唔怪之得咁多人排啦！最平$20就有一杯珍珠奶茶，芝士奶蓋大杯都唔使$30就飲到，即刻狗衝芝士奶蓋抹茶先～因為人多都等咗3個字先有野飲，一拎上手好鬼大杯，第一啖啜下個芝士奶蓋，香濃度我畀7分啦，唔算話超濃特濃，但又唔係冇味，都飲到芝士味嘅，不過可以再鹹啲就好。抹茶都飲到應有嘅苦味，而且唔會成口粉，都沖得好滑～ 我覺得整體性價比都高！抵飲之選！🤗椰果沙冰個杯影到長到好似一條野咁，我見水果沙冰系列都好多人嗌好受歡迎，熱辣辣整返杯即時降溫❄️ （頭盔：都係個句近排咁危險就唔好除口罩係街飲啦！買返屋企慢慢飲啦！😬）﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣茶匠荃灣大河道12號地舖

Oreo奶茶💰 HKD $18-大家去荃灣掃街時，相信大家都會去路德圍尋覓美食。其實大家可以走多兩步到大河道（紅十字會旁）支持良心小店，今次介紹的「茶匠」絕對是一間值得光顧的茶飲店。-🤑價錢方面，真的很相宜﹗現在普遍的一杯台式飲料都要$20以上，$18就有一杯奶茶就真的是「買少見少」。😋味道方面，有明顯的oreo味但未算濃郁，但個人略嫌oreo的數量有點少，如果可以再多些的話會更好。奶茶甜度尚可、茶的苦澀味較突出，但勝在口感順滑。-個人覺得$18就有一杯中上質素，還可以支持良心小店的話，都「收貨」啦～-►好食指數：7/10中上質素，價錢相宜，味道屬正常表現。-✎想看更多的請到IG @wd.smallworld

好飲個日去到茶匠，原先仲驚會唔好飲你知啦，好多黃店，雖然黃，但d食物既味道可能食過一次就唔會再返轉頭不過呢間，我飲過2次，2次都好滿意！！！！今次叫左杯紅豆奶茶，店員問我要唔要試下轉烏龍奶茶底，我諗下都覺得可以試下結果就叫左一杯黎試下，因為飲個日落雨，所以我返到屋企先開黎飲味道好好，好有茶香，仲要價錢只要22蚊，真係仲抵過其他飲品店，大大杯，我以後經過荃灣都要飲啊下次打算試下白桃烏龍奶茶，感覺好似好得意咁