茶點

Open Now

Now Closed

一間很細的小店，坐位當然是比較窄，這是完全可以接受的，店舖裝潢不錯。但店員就完全沒有服務可言，我不可以說他們沒有禮貌，但感覺很差。 花枝丸是好味的，花心厚多士就一般，是可以的，我點的黑糖玫瑰花茶就幾好。

點左肉燥飯同豬扒飯，肉燥多汁舖滿成碗飯，但略嫌頗咸；豬扒炸得鬆脆，剛剛好，野食整體合格。 欣賞老闆創業精神，但座位安排和服務態度極需要大力改善。我地一坐低被安排坐近門口好迫既位置，但仍可接受。野食一到，拎起筷子，男店員即刻沖上來，叫我地坐去第二度，等佢拼台俾其他人。雖然口講唔好意思，但個勢已經搬緊你既野食，好無奈我地唯有被佢安排坐第二張枱。之後先係慘，呢台附近係水吧，好多水聲洗野聲好嘈，枱附近係一箱箱雜物，張枱又近門口，出出入入，度門開開合合，熱到同坐露天無分別！ 好想同老闆講，你可以訓練下店員既服務態度，點樣應對呢種拼位問題，唔係唔可以搬去第二枱，但唔該可以安排好少少既位置，如果我一入店，見到呢個雜物位我唔會坐落去，野食叫左、來左，俾你調左位，我都唔好意思話唔要。夾硬要人坐得唔舒服唔開心，你既野食整得幾好食都無用。我唔會推薦呢間野食俾大埔既朋友，亦唔想再來。呢度講出來，希望你地改善下，對其他客人好少少，改善下座位，唔好咁多雜物，等人坐得舒服少少。

星期六下晝兩點幾同班姊妹黎食返個下午茶（其實係lunch🙈)，舖面唔算好大，所以黎到都要等一等，但都好快有位啦。朋友黎食過，介紹我地食個雞絲肉燥飯同豬扒飯，另外仲點左個鹵翼麵，鹵豆干同蜜糖花枝丸。個肉燥飯好味丫，撈住黎食食到唔停口🙈而個麵都好好味，口感好好，值得一試👍🏻花枝丸都唔錯，熱辣辣架，朋友喉嚨痛都話要食😝飲品我叫左杯黑糖玫瑰，都ok嘅但甜左少少，或者大杯少少就會岩岩好啦。呢間小店唔錯，雖然坐得逼逼地，但性價比高😋下次會再幫襯！

大埔台灣餐廳，都有好幾間，呢間又平又扺食。午餐又包飲品。味道都中尚，最愛吃呢間酥炸豬排，炸得夠香，配搭特別醬汁。珍珠奶茶珍珠唔會淋淋的。喜歡茶味多啲嘅可以試試看喔！另外小食蜜糖炸墨魚丸，也好好味喔。

話說今日原本想食蕃滿門，不過友人話蕃滿門而家用茄膏整湯底，變得愈來愈難食，所以就轉左場地去茶點。星期日夜晚9點去到唔洗等位😄但裡面都幾乎坐滿，好多捧場客。叫左個酥炸豬扒飯（$46）加杯熱香芋珍珠（+$4）佢其實可以配搭$20樓下飲品就唔洗加錢，選擇都ok多，不過我情迷香芋奶茶豬扒飯賣相同meun好似：）合乎商品說明而且豬扒炸得好「酥」！跟飯個豉油都好正👍🏻香芋珍珠都唔錯，唔係好假嘅味道。總括都滿意今日嘅晚餐🥣性價比幾高，值得回頭支持

午餐時段，周圍都係人，間間餐廳都要等位，茶點都唔例外，特別係接近下午茶時段。午餐最後叫左個雞翼米線同埋豬扒肉燥飯。雞翼米線都幾大碗，而豬扒飯嘅豬扒即叫即炸，好食。

最近愛上嘅一間台式小店食過兩次，分別叫過炸豬扒飯、牛肉飯同鹽焗雞絲飯，好味之餘份量適中。炸豬扒同鹽焗雞都分別配有醬汁，個人超級鍾意個汁，因為令到個飯變得惹味，更開胃炸豬扒夠鬆脆、牛肉夠軟易入口，略嫌較咸。飲品出色奶綠值得一試，少甜剛剛好柚子梳打有星星啫喱，綠茶多多口味獨特，都不錯，可以試試。個人麻麻地蘋果紅茶，過甜。兩次食飯，兩個人，一人一碗飯加一杯飲品，埋單唔洗100蚊，一個人50都唔洗，超抵食

茶點下午茶有迷你肉燥飯食，咁就試下啦。另外飲品方面就叫左胚芽奶茶。個肉燥飯d肉燥都唔係好肥，而且肉燥舖滿飯面，撈飯一流呀。胚芽奶茶都幾好飲，唔算太甜，唔錯唔錯。

一向喜歡光顧小店，支持一下他們的努力！大埔市中心附近或者在太和附近一帶也有不少小店可以選擇！但如果想食台灣的食物，我第一時間就會想起「茶點」。這是一間好有回憶的餐廳，由我中學時代開始已經有食，中途亦轉過手同改過餐廳的名字，但水準也沒有差得太遠！今次就與友人相約晚餐鹽焗雞絲撈米線～雞絲有微微的咸香，配上他們自家制的辣汁簡直是惹味的選擇！魯肉飯～份量不是太多，女仔食就相當足夠。魯肉不會過肥，是送飯的好選擇！炸豆腐～新鮮炸起，外脆內軟！亦需要配上辣汁一同食用更佳！價錢平民，地點方便，食物質素不錯，是會繼續支持的小店！👏🏼👏🏼

如果去大型商場行街搵食，往往選擇大多數就是連鎖的食肆，所以宜家搵食變左去大商場附近的小店為主！好耐冇去過台灣旅行，突然好掛住台灣食物，就走左去屋企附近的台式小店啦！hehe炸豬排撈米線～豬排炸得好脆同香口，加埋佢秘製辣汁簡直一流呀！雞絲撈米線～亦很出色，雞絲有咸香，唔會怕太淡味！讚叫左個小食，炸燒賣～外脆內軟，冇炸得過左火當然不能唔叫飲品啦，芒果綠茶，唔太甜！綠茶多多～估唔到佢係一個幾清新的選擇，少少酸幾開胃！小店我會再次光臨的！

d間台式的餐廳，我真係細細個就開始食啦，間唔中就會掛住佢想食啦！hehehe今次就tea time 去左食啦！叫左個茶餐！草莓吐司好香口，切成細細舊，一口一件食得好方便，加上有足夠的果醬，剛剛好！大愛另外叫左兩杯飲品，苿香奶茶，好香茶味，叫左小甜不是太甜，也是我的最愛之一另外一杯係芒果綠茶，亦有淡淡芒果香最後仲有雞絲飯同炸豆腐雞絲有咸香，加埋辣汁更野味炸豆腐亦好香口，內很軟，亦是做小食的好好選擇我會繼續去光顧的

經過海寶花園就想起日月居，日月居結業一段時間後又重開了。雖然改名了，但味道依舊。中午特別肚餓便來了吃台式食品，我點了鹽焗雞絲撈麵拼章魚小丸子。雞絲的確有一點點鹽焗味道，而非白灼雞絲。麵條彈牙，算有咬口，合格吧。而撈麵的汁有陣陣的蒜味，愛蒜人士可叫多一份汁去撈。而小丸子算是關東風(跟餐加13元)，偏脆身。另外，女朋友就點了肉燥鹵水雞翼飯。在香港很難找到好味的肉燥，這裡做得算不錯了，不太咸。而且肉燥份量也足夠伴飯。而鹵水蛋，鹵水雞翼都很入味。當然少不了台飲品，分吃點了椰香珍珠及草莓紅茶加椰果。椰香珍珠確如其名，散發著絲絲椰味，喝下去就像是椰子奶茶，值得一試！珍珠則偏硬身，一般。草莓紅茶就普通。

今日30幾度本身想行去太和食下其他野, 去到八號花園個附近頂唔順, 太熱大佬, 是但入左呢間"茶點"食Tea外表feel like以前日月居個類型餐廳, 主打台式野食咁anyway熱到飛起 唔想食肉燥個啲, 我地3條友叫左:酥炸豬扒米線(跟餐飲: 百香果綠茶)呢個不錯的, 炸豬扒好軟熟, 似落左鬆肉粉個種軟熟(?), 唔會皮肉分離, 味道亦不會過咸, 份量岩岩好米線幾彈牙 湯底亦正常發揮正過譚仔哈哈 正既係佢地有自家製麻辣醬 香!!!唔難入口, 食辣人要試!餐飲冇叫少甜但正常甜度,  百香果綠茶解渴就好 追加涼拌青瓜(+$13)味道剛好了但真係唔太凍..差咁啲 炸雞翼米線(跟餐飲: 檸檬綠茶*少少甜)炸雞翼有3隻, 亦冇皮肉分離, 脆皮有少少燒酒香, 唔差~餐飲..檸檬加綠茶其實似冇咁重茶味既檸茶, 叫左少少甜冇甜咁濟 幾好hahaha小丸子tea set (包沙律、餐飲: 杯芽奶茶少甜) ($35)小丸子個味好夠,但耐何太多粉, 變左好少肉, 我expect會食到一兩舊章魚咁但真係冇乜lol餐飲個奶茶比較似奶綠 叫左少甜但真係好微甜, 幾香口, 唔會有渣, 夏天黎講, 只要低糖我都愛

1.鹽焗雞絲撈麵加貢丸$542.雞翼肉燥飯$533.炸魚蛋$134.草莓紅茶加椰果5.椰香珍珠+$2撈面夠乾身，同埋秘製醬汁去撈，好襯。雞絲唔會乾爭爭同好老，好嫩滑。肉燥飯唔知佢算唔算正宗，但佢一定係好食先，肉燥好香，加埋入味既鹵水雞翼，做晏一流。炸魚蛋真係好脆好彈牙，點埋店內的秘製醬汁 無咁單調好好味。野飲好多選擇，實有樣岩你，佢有既果汁都可以配紅茶綠茶，岩晒我鐘意飲紅茶既，再自己加配埋椰果，有埋咬口，大滿足。仲有椰香珍珠，真係好香椰子味，飲開出面珍珠奶茶會好有驚喜，好好飲，珍珠份量岩岩好 唔會話佔左半杯飲品得黎，飲落每啖都有。

路過此店，第一次來食，叫咗個豬扒米線，另加了全份涼拌雲耳，米線唔算覺得抵食，以咁既價錢去某大連鎖店叫幾個餸都抵過佢，豬扒同米線分開幾好，雲耳都ok，米線份量太少只得芽菜做配料，叫咗走芽菜都無走，叫咗杯特飲都ok，不過整體嚟講選擇唔多，款式太少，未必吸引到我下次再去光顧，服務人員態度尚算ok，門口唔多吸引人，如果再多返少少嘢食會更好，總括來講，如果嘢食返d,我會考慮去食，去過一次暫時未有嘢食值得推介