ChaTraMue (Closed)

無得去泰國之選！無得去泰國，一定好掛住係泰國隨手可得既Thai tea，當然要去飲下，扮下去左轉泰國都要😭😭😭知道佢將會好甜🤣緊係叫個少甜，仲要加珍珠🤣總覺得泰國會濃啲，呢間有啲稀🤔總結係太掛住都可以飲下，打下卡既😌😌😌

台式飲品就飲得多，泰式的還未試過，所以在lunch time來試試，當自己飛一轉泰國！這間店舖以紅色和木色為主調，在昏暗燈光的襯托下，營造出舒適悠閒的情調，加上當時店內沒有客人，更顯得分外寧靜，與店外繁華的渣甸坊形成強烈的對比！我點了「正宗泰國奶茶」，少甜，加「斑蘭碧綠珍珠」。奶茶是橘紅色的，比台灣奶茶的顏色更鮮艷，茶香順滑，茶味突出，濃而不澀，感覺上有點似馬來西亞的拉茶，還多了一點點香草味和椰糖味。雖然叫了少甜，但個人仍覺得比較甜，欠了回甘的味道！

玫瑰花茶的確外賣好靚，連杯身都有玫瑰花紋女仔望到一定好鍾意，可惜味道偏甜，茶味都唔濃，飲唔到香味只係好滑溜🥤價錢都比較貴，所以係有Ｄ失望相比起係泰國飲既～香港真係差好多應該唔會再有下一次了！很失望

好掛住泰國嘅味道🇹🇭之前去旅行嗰陣，寧願冒住夜晚瞓唔著嘅危險都至少要每日飲兩杯泰茶🤤個人認為一定要叫少甜先飲到真正嘅茶味同奶香😋無得飛唯有喺香港買杯止下癮😭香港嘅分店開咗咁耐都係第一次幫襯，睇完網上評語之後實在唔敢抱有任何期望🥴比起泰國，價錢貴咗一倍但份量依舊😌而味道大概只有泰國嘅三份一水準...叫做好過無啦🥱喺香港嘅所謂過江龍⋯共通點就係永遠都保持唔到原有嘅質素🙈

台式飲品，在香港早已經大行其道，早已經成為了香港人生活中的一部份。就是因為這樣，開始有一些非台灣式的飲品，效法了台茶的手法，來為大眾市民提供一杯美妙的街頭冰凍奶茶飲料。這一次，在銅鑼灣遇上了這一家《ChaTraMue》(ชาตรามือ) 品牌的泰式茶飲店，我一於來，品味一下，台茶化左既泰國手標茶。《ChaTraMue》是一個有75年歷史的泰國茶葉品牌。從前，他是專門提供茶葉給各餐廳、大排檔來沖調泰國人口味的奶茶。然而，他們效法了台式茶飲店的 idea，找這一個傳統的泰式茶美化，年輕化，同台茶化。近年來，在曼谷的街頭，很容易就會見到當地人，每人手執一杯潮流凍飲，而這就是變成了台茶 look 的《ChaTraMue》 (ชาตรามือ)。當日在銅鑼灣，我就不跟太太去喝珍珠奶茶了。我獨個兒來到渣甸街，找這一間《ChaTraMue》 (ชาตรามือ) 在香港開設的旗艦店，一於試試真真正正《ChaTraMue》品牌的手標茶。泰式的奶茶，茶味道比較濃，茶當中，有強烈的香料味，也有少許辣的感覺。甜的味道同奶的味道，就是煉奶的味道。南洋的奶茶咖啡，就是喜歡煉奶啊，而這也是泰國、甚至是馬來西亞同新加坡

平時每年都會飛兩三次泰國，但係今年係疫情之下邊度都飛唔到🤐 今日行行下突然之間就係好想飲果種偏甜而有橙橙地色，茶同煉奶嘅奶茶🤤 忍都忍唔到要即刻飛扑去買一杯以解家鄉之愁🤤飲過嘅人都知，佢哋奶茶不嬲都係偏甜，所以佢哋飲品都係爆冰，之後等佢慢慢用嘅時候就會稀釋返，不過唯一同泰國唔同嘅係，佢哋用嘅冰係有分別，因為泰國係小碎冰，但係香港就用正常正正方方型嗰隻冰，可能呢個就係嗰種美中不足🤭 如果可以用埋小碎冰就十分之好，就更加又返咗泰國嘅感覺👍🏾

唔知幾耐冇去過旅行，好掛住泰國嘅嘢食、甜品，好想去旅行呀。。。。 口痕好想飲奶茶就去咗呢間過江龍泰式嘢飲店買杯泰式奶茶飲！大家睇咗咁多篇食評都知鐘最鍾意係飲奶。。。。茶！不過呢度就冇得改甜度，冇得叫少冰，望住有一半都係冰有啲失望。滿心歡喜有期望點知飲一啖已經覺得甜到死，諗住再搞下佢會唔會冇咁甜點知都係咁，唔想再飲。加咗咁多冰都仲係咁甜，仲要杯野成$30真係唔係好識欣賞😅都係飲返陀地香港奶茶算！ #奶茶聯盟 #好外港餐廳 #支持黃店

🥈泰國🇹🇭過江龍奶茶😋.🐡🐡話好想去泰國😂真係有排都未有得去旅行啦，咁迷宜家唯有飲住呢杯奶茶，就當自己去左泰國先啦😝其實講真，真係諗唔到好多野去形容杯野😂😂😂😂😂因為就真係泰式奶茶一杯😛去食泰國菜叫黎飲既味😝聽🐡🐡講係去big c 都有得買🤣泰國手信之一，就係甜甜有茶味，老人家我喜歡但冇好好好特別🙈.#fatfat4ever_銅鑼灣 #口乾飲咩 #fatfat4ever

試下泰國野先，飲杯泰式奶茶，經典奶茶+珍珠$36飲開無糖，屈服少甜(60%甜)，飲落唔算太甜，感覺係形合港人口味，軟淺左加$6綠色斑蘭珍珠，我唔太食到個味，可能俾奶茶搶左

ChaTraMue上年係銅鑼灣開左之後都無飲過，我地都唔係好潮聖既人，前幾日行過就順便試吓👧🏻👦🏻 #正宗泰國綠奶茶 ☕️ +斑蘭珍珠 HKD 33 (around)抱歉用左effect影所以唔係太清，下次會影返好啲😳話說我哋本身想叫Thai Tea，但綠茶好似特別啲，同埋小妹係綠茶控😳 本身都幾期待，賣相都幾靚，但係加咗冰之後覺得茶味唔太香，略嫌有啲甜，都唔係太好飲，同我之前去泰國飲既爭好遠🥺🔗題外話：我地拍拖行街個陣好多時買嘢飲都淨係會買一杯，因為如果唔好飲就覺得賺左，留返個肚食第二啲嘢🤣同埋兩個人飲一杯幾sweet ah 🤪 唔知係咪好多情侶都會好似我哋咁呢🤤✅甜度方面只可選擇正常(100%)或是少甜(60-70%)

在泰國時因為行程關係，一直沒機會試這一間，在香港又因為分店離我太遠，今日偶然在附近吃飯，終於試到！泰式奶茶($30)+ 斑蘭珍珠($6)一到手，果然像大家說的一樣，看起來非常多冰，而且不能調節！但可選甜度，拌勻後喝一口，出乎意料地好喝，獨特的香濃泰式茶底，很對我的口味，斑蘭珍珠口感軟糯，少了點咬口，只有淡淡斑蘭味，下次可能不加珍珠，但奶茶還是十分推介！看到裡面有座位，可惜因疫情關係而關閉了，希望下次來的時候可以進去坐坐

呢幾日熱辣辣就去飲啲甜嘢啦， 見好耐冇去過泰國有咁啱有呢間奶茶舖， 再入咗去買杯正宗奶茶 加仙草仙草大粒難啜， 明明叫咗小甜都甜到痴線， 店舖要加多兩個甜度選擇。冇得去泰國都可以飲下嘅， 開返旅行嘅話我寧願買茶包囉

泰國人氣手標奶茶ChaTraMue係五六月果陣新開尖沙咀、將軍澳分店，新店依然大排長龍！今次我就同大家試下佢地既雪糕同奶茶！先講奶茶，泰式奶茶係出名比較甜，所以飲落好甜係意料之內，不過我個人覺得太甜，唯有話可接受！但我覺得呢一杯奶茶只死甜，而茶味係好濃，但入面味道較雜亂無章，無一種茶味係突出。另外，因為呢一杯奶茶都落左好多冰，所以唔抵飲/唔化算！呢間舖另一大焦點就係奶茶味雪糕係，不過表現依然失色。雪糕係滑身，奶味好夠，但雪糕比奶茶更缺乏茶味，如果合埋眼會以為食緊煉奶雪糕🍦！另外，雪糕質身雖然係滑身，但明顯同日本雪糕一樣，落左好多水/冰🧊，所以杯雪糕係極容易溶💦！我只由收銀處行入去搵位坐，由雪糕已經好似冰川咁溶緊，食到好狼狽。

上兩個星期同老公食完廚師發板落樓下行返去崇光之際竟然見到呢一間手標奶茶店大鄉里😂開咗咁耐都唔知原來喺呢度所以我哋即刻想買一杯嚟一解”思泰之情”佢哋而家淨係做外賣但係望入去堂食個環境應該都會坐得幾舒服由於我哋前邊冇人等嘅關係基本上一叫唔使3分鐘就已經有嘢飲我哋叫咗正宗泰國奶茶少甜少冰利申小妹之前喺泰國進修過兩個月所以都叫做做過兩個月曼谷本地人喺當地每次飲呢杯泰式奶茶都係會叫少甜少冰嘅但都係非常滋味！茶味香濃奶味又重今次香港呢杯就真係令我哋好失望😭基本上係冇乜茶味衰啲講句同我哋買咗包手標奶茶粉係屋企沖嘅泰式奶茶比較唔可以話冇分別嘅好少少咁囉😑重點係呢杯奶茶要收成$30😢如果用呢$30去買杯珍珠奶茶可能仲會開心啲

一直都聽身邊啲人話杯嘢飲超多冰但無諗過真係有咁多冰，幾乎二分之一都係冰我就嗌左泰國玫瑰花奶茶（$32）其實呢杯嘢飲味道係幾唔錯嘅，唔會過甜得嚟又可以微微嘅玫瑰香味🌹奶茶又唔會得一種死甜味，不過太多冰真係扣左好多分，我好似飲左幾啖已經飲到底，最後飲完嘅時候都仲有半杯冰係杯入面😔😔 如果冰嘅份量可以少返啲，我覺得呢杯嘢飲會變得比較優秀（不過呢間舖頭冰嘅份量係固定左嘅，唔可以嗌少冰）