翟道翟棉棉冰 (Closed)

後天出發到曼谷前先來旺中的翟道翟香港第一家芒果糯米飯綿綿冰就在此點餐五分鐘後芒果冰徐徐送上賣相就如海報上的一般充滿立體感冰身有香濃芒果味頂部的椰汁極香濃再挖深一點就看到甜甜的芒果再深入內部就是軟綿綿的糯米飯了一口有椰汁果肉綿冰大滿足最後的彩蛋原來最底層還有粟米片未能比較泰國的版本但這個芒果糯米飯冰的確令人驚喜最後追加一杯椰子冰消暑解喝是夏日良品香港的潮流比世界任何一個地方都來得快不管味道是否正宗其實我們比誰都要幸福

近排hit食綿綿冰，呢隻有埋糯米飯嘅綿綿冰更加係hit上加hit，約咗好姊妹食飯打牌直落，為咗加强自己旺氣所以食冰先。仲要去旺中食冰，貪佢旺！ 好笑係我地唔熟路喺二樓兜咗幾個圈先揾到。連雜誌都賣通巷嘅糯米飯綿綿冰原來有三種味，唔似得芒果糯米飯咁悶，仲有泰奶茶黑糯米飯綿綿冰可惜賣晒，惟有要榴槤糯米飯綿綿冰。原來係我諗多咗我以為綿綿冰就係榴槤糯米飯味， 食過先知原來綿綿冰係榴槤味，佢下面有好大pat榴槤肉， 肉下面係煙韌嘅糯米飯， 飯嘅下層就係威化碎，有多層多層唔同嘅味道，食落好得意。 兩個人share呢食就啱，食完就好飽。成日聽啲男同事吹水，佢哋最鍾意講話綠帽唔怕戴最緊要除得快，睇嚟我要贈佢哋飲呢杯綠帽奶昔。 奶昔嘅味道好清新，就係喺泰國飲嗰種綠糖漿嘅味道。

早前係旺角做完療程, 便係附近的旺角中心行下, 已經好耐無來, 發覺多了不少小食店, 當見到其中一間叫翟道翟, 個名好特別, 原來係賣棉棉冰, 即時被吸引住, 決定試下. 招牌棉棉冰一共有三款口味, 本來想試榴槤, 可惜已賣完, 所以我試了芒果糯米飯棉棉冰. 棉棉冰賣相相當精緻, 而且份量也不少. 棉棉冰面淋上椰子忌廉, 入口有淡淡的椰子味道. 棉棉冰夠細滑, 味道適中, 芒果味道不俗. 底部放了糯米飯和芒果粒. 芒果幾甜, 加上煙煙韌韌的糯米飯, 雙重口感. 而底仲有一些威化脆脆. 另外, 也試了飲品. 選了泰式系列的泰Pink Lady. 顏色係粉紅色, 這是泰國的糖漿, 味道有點似士多啤梨味, 甜度適中.

旺中好似第二個小葵廣咁，加入愈黎愈多食店，要喺眾多之中突圍，都要有相當特色或者質素，否則短期內或許可以吸引到好多人，但長期要維持生意可能就係難題。2樓呢間翟道翟棉棉冰都開左一段時間，評語有好有唔好，有啲話等候時間長，有啲話材料唔齊。至於我，事隔接近一個月， 終於喺唔需要等嘅情況下試左，覺得可以一試喎。餐牌供應三款棉棉冰 定價$48/58 ，包括：芒果糯米飯棉棉冰、榴槤糯米飯棉棉冰、泰式奶茶紫米棉棉冰。另有幾款奶昔、梳打、泰式飲品，定價$18-28。我地點左一份冰同一杯飲品，份量都幾大，足以多人分享。芒果糯米飯棉棉冰 $48以威化餅墊底，之後係芒果肉同糯米飯、芒果醬，最後堆壘芒果冰，再加上忌廉。 忌廉打得綿滑，不過冇乜味，純粹提升口感。芒果冰絲唔係幼滑嗰種，偏乾細碎，甜度較低。個人認為芒果味如果香甜啲，味濃啲會更加好食糯米飯同棉棉冰嘅配搭冇乜違和感，而且份量都幾多，三個人食都好足夠。不過可能我地夜晚去，米飯冷藏過，點都爭少少煙韌口感。反而墊底嘅威化唔夠脆，有少少通風狀。泰式奶茶 $18用上泰國茶葉，加人煉奶、鮮奶等製成，入口細滑，味道都幾濃，但泰式嘅奶茶同我地飲開嘅真係好唔同，未必個個會

一直熱愛泰國菜，鍾意泰式奶茶更鍾意芒果糯米飯，知道旺中開左泰式棉棉冰特登黎試下。望住餐牌本來仲掙扎緊飲奶茶好定食棉棉冰好，落單嗰陣店員告知奶茶已售罄，都好，免得我又心思思會嗌哂。叫左芒果糯米飯棉棉冰，店鋪等候嘅人唔算多，但落單後都等左十五分鐘以上，如果人再多啲唔知要等幾耐，中途都忍唔住周圍行下先再返轉頭，幸好嘅係佢開係商場入面，等耐少少都唔算辛苦。棉棉冰份量幾足夠，有我兩個拳頭份量，必須讚嘅係個容器設計非常好！碟型設計啱啱好可以兜住倒塌落黎嘅冰，唔會食到一手都係。基本上個冰我當係芒果棉棉冰加芒果糯米飯兩個甜品咁食。棉棉冰對得住『棉棉』兩個字，都算幼細，入口唔洗咬，有淡淡芒果味，冰上有椰子味忌廉，撈埋一齊食都幾夾。冰下面藏住幾粒新鮮芒果同真糯米飯！可以撈埋上面啲忌廉食，變返芒果糯米飯，芒果夠甜，糯米飯都有調味但可以再甜啲。畫蛇添足嘅係最底層有威化筒，成件事唔夾，最好唔好整碎撈埋黎食，唔係最後幾啖會食得唔係幾開心。整體係好味嘅，希望下次再黎有奶茶飲！

旺角街頭三十幾度，真係好想食冰，講到旺角掃街，旺角中心就大把好野食。聽講旺中開左間泰國野叫「翟道翟棉棉冰」，梗係要試一試啦，舖頭係商場既二樓，舖仔細細提供左3款棉棉冰同13款飲品。因為係外賣既，買完就可以行去附近既立食區食，今次揀左芒果糯米飯棉棉冰($48) 同埋一杯飲品泰·綠帽 ($28)。店主用左一個非常方便拎住既黑色膠杯黎裝呢個咁靚既冰，冰底係一個椰汁同芒果汁既冰，所以見到個色都偏向淺黃色，上面淋左椰汁忌廉同有少量開邊綠豆，而杯邊就有芒果汁，當你以爲就咁就完既時候，就會發現底部仲有糯米飯、威化雪糕筒碎片同好甜既芒果粒，真係勁足料啊！一次過食到好多種唔同既口感，好味～而泰·綠帽俾佢個名吸引左，聽店員講係用左一種泰國地道既糖漿調製而成，出到去個顔色好夢幻，味道就似淡味既哈蜜瓜奶，都幾特別啊！雖然鋪頭有D細同只可以外賣，但係出到呢個質素，真係經過旺中都會再試下。

今天和朋友經過旺角，到旺中逛街時看到多了很多小食店。經過這間發現好像是新開的，而且看見好像廷吸引又和朋友逛到有點口痕便和朋友決定試試看。芒果糯米飯綿綿冰 $48最底是暖暖的糯米飯，鋪上芒果味的綿綿冰、芒果汁和椰漿。原來混合在一起時都廷夾的啊！我個人覺得整體都不錯的，芒果肉都夠新鮮，而且欣賞她的漿汁味道不會太甜。冰質感亦夠綿，整個味道都很夾。正式泰式奶茶 $18泰式奶茶有別於平時奶茶。顏色偏橙，感覺煉奶味較重。冰和飲品在夏天吃都很合適啊！

旺中掃街新熱點😀即叫即整芒果糯米飯綿綿冰～份量都幾大可以兩個人share👭綿綿冰細膩，吾會有冰粒情況出現，入口即溶個隻😀芒果味重，又夠清甜，加上粒粒芒果好岩芒果控黎朝聖一下🤗面頭鋪上椰奶忌廉，望落巧令令😊忌廉味香濃滑身，配綿綿冰食好match!最底層嘅就係糯米飯，口感煙軔帶有斑蘭香，偶爾食到有脆身威化，更添口感🤗整體上都唔會有違和感，吾錯喔泰式奶茶就用手標牌茶包沖成，茶味香濃吾會太甜😊經過嘅可以一試

位於旺角中心2樓既翟道翟綿綿冰，近期人氣爆燈，紅遍好多社交平台，聽聞呢款綿綿冰係泰國已經hit左一排，但香港暫時只此一家。最上層係茫果味綿綿冰，被杰杰地既椰奶蓋住，個人認為如果椰奶份量可以多少少，或者稀返少少，令綿綿冰更快吸收椰奶更好。中層係菲律賓既呂宋芒果粒，份量都唔少！之後就係煙韌體既嘅糯米飯，甜度適中。最底層係威化， 如果就咁食，感覺怪怪地，不過所有野mix埋一齊， 口感就變得豐富同得意。 溫柔提示：份量都唔細，最好兩個人share 食。

以前去開旺角中心都係shopping 賣衫，估唔到現在已經開在好多唔同既小食店...！唔去過都唔知添...睇下個餐牌...原來係特色甜品...同埋飲品...！剛巧我又有點口渴..所以就買在杯青檸梳打.行到呢間小店見到人頭湧湧當然要一探究竟啦⋯⋯呢間小店係以白色為主，配合多盞射燈，令到地方都好光猛！雖然小店既地細細....但見到地方都好整潔、唔混亂....青檸梳打...有兩青檸點綴、賣相都唔錯！而味道恰到好處...唔會太酸...亦有豐富青檸味！可惜我當時等一陣要去食晚飯...如唔係一定會試芒果糯米飯棉棉冰..唯有要留待下次啦！

My friend and I decided to try this out .saw a lot of good comments about the mango ice dessert. I was so disappointed. There is no mango taste in the ice, the sticky rice is really bad. I ended up throwing it away. It didn't worth to spend my calories quota on this nor my $48.

旺中呢排真係好多新食力 岩哂我呢d購物狂邊行邊醫肚🤘🏿知泰國有間cafe出左個芒果糯米飯棉棉冰好出名真係一直都好想試 依家連香港都開左間🤤正～.一黎到二樓就見到好多人圍住呢間舖🙈可能都岩岩開 所以好多人黎朝聖 我都唔例外.我地當然係嗌佢最出名嘅.芒果糯米飯棉棉冰 ($48)全部棉棉冰都係即叫即整～ 等左5分鐘左右就拎得上面一大層芒果棉棉冰 上面仲淋左好似棉花糖口感嘅椰奶泡🤤首先真係好吸睛 好靚😂食落又椰味濃 配埋個芒果棉棉冰係好泰國嘅味道😍再食多d下面就會挖到有糯米飯同粒粒鮮芒果肉糯米飯煙煙韌韌嘅質地真係好正 而芒果肉好新鮮好甜💛再底層原來仲有d威化 不過個人覺得唔太夾😂雖然望落又唔係好大盤 不過食左我同朋友都飽左！.口渴仲嗌多左杯野飲 本身想嗌冬蔭功梳打但話今日打風入唔到貨😢 最後嗌左呢款泰 • Pink Lady ($28)話係士多啤梨味嘅🍓呢杯好重奶味 士多啤梨唔太甜但略嫌太artificial下次都係嗌番冬蔭公梳打試試😂😙

位於旺角中心2樓的翟道翟棉棉冰，主打泰式甜品及飲品，老闆正在埋頭苦幹製作甜品，小店用的材料都是來自泰國。點了一客芒果糯米飯棉棉冰及一杯泰．Pink Lady。棉棉冰的份量很多，兩至三個人也夠吃，堆得高高的冰山加了少許椰汁，很冰涼而且芒果味濃郁，口感細膩，不會吃到一大粒冰。下面整個杯都是實心的，而且更有糯米飯在下面。Pink Lady主要是士多啤梨口味的牛奶，頗解渴。2樓還有其他店的小食，可以在旺中掃街。

今日在旺角放工，突然下起大雨，我同友人立即9秒9跑到旺角中心避下先，上在旺中兜個圈，見到間食店人頭湧湧，行去睇下有乜好嘢食先見到時間尚早，不如.......友人點左個「芒果糯米飯棉棉冰」，嘩......有椰子忌廉、糯米飯、芒果粒、棉棉冰，很多層次呀，芒果肉都幾甜，糯米飯煙靭，份量幾大份，兩個人都食唔哂我點了一杯「綠帽奶昔」，帶有少少的香蕉味，感覺幾特別，幾喜歡💓下次行開旺角可以試埋梳打系列，一路行街一路飲小小的店舖，有兩位男店員為客人準備食物又要打單，真係好有默契，還可以耐心解答我的問題

知道咗旺角中心開咗間賣芒果糯米飯綿綿冰嘅舖頭，聽講晌泰國好流行，加上自己又幾鍾意食芒果糯米飯，咁就去試吓先。同場內大部份食肆一樣，呢度都係外賣為主，舖位麻雀雖小但五臟俱全，亦睇得出店主花咗唔少心思去佈置。四十幾至五十幾蚊一份綿綿冰，算係合理。我試咗芒果糯米飯綿綿冰，由於係外賣性質，所以呢個綿綿冰嘅膠杯都好輕巧，我覺得個設計有少少似個火炬，拎住食都幾方便。上面放咗用芒果汁同椰奶打到細碎嘅綿綿冰，然後淋埋芒果汁、椰子忌廉同綠豆邊，賣相唔會比出面堂食嘅出品差。綿綿冰味道微甜清新，食到內層時仲有唔少菲律賓呂宋芒果粒同糯米飯，最底下就有威化脆脆。個杯睇落細細，內容量就一啲都唔少。除咗綿綿冰之外，佢哋都有提供唔少飲品，原本想飲貓山王，但見呢款綠帽奶昔個名好搞鬼，於是叫埋嚟試。問咗店員之後得知原來係用咗泰國一種常見嘅有色糖漿去整，成杯淺綠色咁，上面就唧咗鮮忌廉，就咁睇又幾吸引。甜度方面由於我怕太濃郁，所以要咗少甜，出嚟嘅味道有少少似果味，奶昔嘅質感又唔會過份濃稠，反而有少少沙冰嘅冰感，飲得舒服又唔黏喉，不過我就完全想像唔到佢同綠帽有乜關聯，哈哈。