芝心糖人街 (Closed)

就咁聽個名，好多人都會認為尼個吐司應該係甜食......原來係上面甜下面鹹㗎 haha一切開真係不得了！隱藏喺入面個蛋黃哥就即刻湧出嚟 吐司四邊烘得幾脆吓，面頭加咗粟米同芝士。芝士味唔算濃，不過加咗粟米豐富咗口感。上面個白色蛋白山丘打得好軟綿挺身呀 輕輕焗至呈少許金黃色嘅表面，食落仲有啲煙韌咬口添。鍾意個蛋白唔會好甜，即使食晒都唔覺膩。尼度最近新推出咗紫薯餅，雖然賣相平凡，但倒是令我愛不䆁口 炸到金黃色嘅外層相當脆口，一切開熱騰騰嘅煙就暮出。熱辣辣紫薯 餡裡面加咗粒粒栗子 肉，尼個味道配搭原來相當夾 而且一碟有兩件喎，都幾抵食，絕對值得試！芝士撈麵，而家好多地方都有得食，不過價錢一睇亦唔便，閒閒地都$50至$60。而尼度只係賣$35咋，仲可以自選2款餸添，性價比高好多！有出前一丁、烏冬同螺絲粉你揀，而配料就有脆皮腸、芝士波波腸、墨魚丸、芝士丸、漢堡扒、蟹柳、粟米粒及吞拿魚等。芝士係用咗Mozzarella同Cheddar兩款芝士，芝士味唔錯，只係口感有些少粗嚡，尼點有待改善。

平時成日經過呢間鋪頭，今晚終於決定黎試一試。最驚喜莫過於芝士蛋白流心吐司，雖然要等廿分鐘，但絕對值得！賣相好靚，一切開蛋汁流哂出黎，好好味！誠意小店！店主服務態度非常好，又細心！消夜好地方！

前陣子雜誌介紹了幾個芝士迷熱點，趁有一天假期立即拜訪！九龍城這個地方對外來人實在幾不就腳…所以要前來覓食要做足掃街準備，畫好景點。芝心糖人街，主打芝士小食和甜品，學生哥放學好去處，亦是晚飯後的落腳點。芝士撈丁，可選配料兩款，要了波波腸和吞拿魚，熱呼呼上桌，一定要趁熱撈勻，每啖麵都有芝士包圍住，丁分滿足吧！不過麵非出前一丁，味道和口感確是稍遜。芝士多士，超級精緻！烤至金黃的厚多士上有一球又如疏乎厘一樣的芝士蛋白，一切開，發現還有蛋黃流出，哼哼，非常邪惡的一枚！小食如粟米薯餅，會隨之附送一碟芝士醬，來得這裡就不管得肥多少，先吃為妙！薯餅內有粒粒粟米，感覺幾特別的。芝士以外，台式鹽酥雞超級超級棒。說真的，味道根本和台灣是一樣的！超好味！要點辣的，記得了！特色甜品有這個芒果脆脆，切開，內裡是芒果班戟，依然是冰凍的忌廉和芒果，外脆內軟，好滋味。加5元附雪糕一球，朱古力味香濃，非一般貨色！另加兩杯特色飲品，咖啡雪香和抹茶紅豆。我最欣賞的是甜度適中，解渴又清熱。很久沒吃小食吃得那麼滿足了！路過九龍城一定要拜訪這一家！ 

同朋友係九龍城食玩晚飯,行左2個鐘,見依個甜品屋新裝修又乾淨,就入去食做甜品,我點左3色雪糕球鮮果甜品,但我要左2色,因為我只鐘意食依2款雪糕,雪糕好冰凍,凍到好實,食落口凍到連牙都痺痺的,好正好得意,朱古力味濃,凍冰冰的係口內溶化,好掂!d生果食落感覺好新鮮,老闆話d生果當日賣唔哂就唔要,重話每曰都返新貨,要keep住客人食的生果要新鮮!我覺得好好,下次1定會再黎!

芝士蛋白流心吐司 $33 （8/10）平時流出泥既係芝士但依家搞搞新意思 流既係蛋黃唷💛 梳乎蛋都表示好嘆😏 上面由蛋白打成再焗 接近頂部有個蛋黃 一切開就陷陷聲流晒出泥🙈 仲加左啲粟米等佢無甘寡 有啲嚼口之餘又咸甜交集甘 芝士就係多士既面度😍 原本第一啖食到芝士既咸味加蛋白味 但之後又食到有甜味😮 原來本身設計係咸食泥既 但有客expect會係甜既😂 所以就加左奶酥落去 我覺得依個改良版剛剛好啊💕💕雖然依個多士需時20分鐘但係值得等待架🙆 可同朋友吹住水食住芝士魚蛋等佢 焗完叮叮聲就可以準備定相機開食😀榴槤脆脆 $38 （8/10）榴槤控去到甜品鋪梗係要嗌榴槤啦😻 依個係外脆內軟外熱內冷既甜品真係令人愛不釋手 2個人share食完應該會想一條接一條🙈 入面個feel似榴槤班戟 一半榴槤肉一半cream 但因為炸完連埋脆脆皮食 完全吾會膩🙅 反而迷上佢個種熱熱地入面又仲有啲凍既感覺😍 榴槤肉都好香 一切就散晒出泥 食完仲齒頰留香😁芝士魚蛋$25（7/10）一種魚蛋兩種食法 大大粒彈牙魚蛋入面有爆漿芝士😀 完全吾係平時芝心丸 依隻係流心芝士醬 無甘咸同膩 如果想再重芝味再蘸附上既芝士醬😂

夜晚同朋友食完飯之後，就去左九龍城食糖水，行行下見到巴士站後少少有間芝心糖人街，見個名幾特別，裝修又幾光猛整齊，就決定試下。叫左個熱既腐竹薏米蛋糖水，岩岩擺上台仲出緊煙，熱辣辣，糖水唔太甜，d腐竹夠溶，整體黎講好有屋企自己整既感覺。而且價錢都合理既，款式算多，有甜品糖水又有小食，下次可以去試下其他。

九龍城多野食就係人都知架啦~.~今次晚餐後黎到依間非一般糖水鋪睇下個menu 除左有普通糖水仲有好多其他小食試!!台灣鹽酥雞 $30 依個真係好好味😗️比豪大大好味10倍🖖🏻️即叫即炸 熱辣辣🌚️炸粉唔算好厚 有得簡辣唔辣芝心糖人街除左有炸雞食仲有其他甜品😶️芒果脆脆 $35 又係一水準之作🙈️外面炸到熱辣辣脆脆地而入面係又甜又凍既芒果🌚️又凍又熱又脆既感覺大家經開可以去試下😌️

九龍城其實有好多間甜品店，味道都邚有水準，又想食甜品之餘又想食一些小食之類就選擇不多，而早陣子就去到呢間就覺得味道好價錢平，咸甜品皆有，真係唔錯嘅選擇，值得一試係台式鹽蘇雞，比美市林夜市。甜品我就覺得榴槤脆脆就最好味道。其實還有其他甜品都唔錯。

之前去九龍城都係食泰國野同打邊爐，食完就走好小四處行下有次得閒行到街尾發現哩間以芝士為主既小店飲品方面，叫左芒椰椰西HK＄28、蜜瓜汁HK＄20，芒果鮮甜，重椰香，西米露份量十足，而蜜瓜汁相對比較清甜！芝士魚蛋 ！hk$25有5粒，魚蛋十分彈牙，用叉吉落去就爆左啲芝士出黎🍴🍴，想重味啲既可以蘸埋芝士醬！芒果脆脆$38係由芒果pancake炸成， 即叫即炸，唔油膩外皮夠香脆，夠薄，當然裡面係新鮮既芒果肉仲係冰凍既，一冷一熱既口感咬落食到淡淡既忌廉香，又唔會過甜搶左芒果味特濃芝士撈HK＄35簡左出前一丁另外可選兩樣配料，簡左墨魚丸同蟹柳芝士汁份量多，每啖都食到濃郁既芝士味但就小左份鹹香，不過價錢取勝，整體份量都多！

以為九龍城只有泰國餐廳？ 那就錯了！ 用心發掘下，九龍城還有很多值得去的餐廳，小店經營，每日默默耕耘，為的可能只是單純的看到光顧的客人喜歡自已的岀口，吃完食物後報以一但窩心的薇笑。得知清真牛肉館附近開了間港式小食，甜品店，難得來到九龍城，就算已經吃飽了，也要來這兒吃吃看！進人餐廳，燈光光猛，格局四方。 雖然裝潢未像一些cafe, 甜品店般精緻，但別有番溫馨感。餐廳放了很多個whatsapp emoji,等客人黎到可以拍張照片，放上社交平台呃下like， 不過bagel覺得，淨係影佢地嘅食物已經夠曬呃like la! Haha.食物主要分做小食類，麵食，甜品及飲品。有名比你叫，芝心糖人街，其食物當然和芝士有莫大的關係呢！ 聽過他們的芝士魚蛋十分岀名的，不過吃完泰國菜已經吃不下了，留侍下次再來吧！芒果脆脆$38: 芒果迷要注意了！ 其實是由芒果班戟炸成的， 即叫即炸，送到枱面熱辣辣呢！用刀切下，卡沙的聲音，清脆利落！ 一切開，入邊的忌廉緩緩流岀，入邊還有一塊新鮮的芒果肉。 吃下，外皮香脆香口，芒果肉香甜，沒有渣，忌廉呈半流心的狀態。不過如果忌廉再甜一些，pancake皮收口位再薄一些就更好

而家習慣同朋友食完晚飯, 就會諗住食埋甜品, 見呢間新開甜品鋪未試過, 一於入去試下.楊枝甘露$28材料沙田柚, 芒果粒, 西米等佈滿晒成個碗, 食極都有, 雖然呢D生果唔係當做時期, 但食落唔會太酸, 甜甜地酸酸地, 食完唔會濟. 而且糖水夠香夠滑, 奶味適中.鹽酥雞$30太耐無去台灣, 所以響香港都要食下. 炸到熱辣辣, 好脆口, 咬落索索聲. 話係鹽酥但唔會太咸, 味道剛剛好. 而且雞肉啖啖肉, 唔會有骨, 係最佳宵夜小食.

星期日陪媽咪落九龍城行街買野整牛扒行到攰攰地又餓...於是就搵野食下醫下肚!經過宜家餐廳見到有小食又有甜品，符合哂我宜個吃貨女既心意，就衝左入去喇!我宜個朱古力控見到餐牌有朱古力雪香，當然二話不說就order左喇!!!朱古力雪香朱古力味濃郁，再加上雪香加有好似栗米片既脆脆，口感一流!媽咪order既白桃青蘋果綠茶賣相十分吸引。飲落十分清新，味道唔會太甜，果香味濃!鹽酥雞即叫即整，十分新鮮熱辣，外脆內嫩，炸既粉漿唔會太厚，十分美味!!!另一款餃子雞翼十分特別，雞翼入面饟製左豬肉，一啖入口啖啖肉!!!雞翼外面既醬汁甜甜地似瑞士雞翼，但再食真d就食到入面饟製既豬肉，好似食緊餃子咁!!!芝士哈哈笑薯圈岩哂男女老幼!!未食就已經被感染覺得好幸福了!!!薯圈唔單只賣相可愛，沾上芝士醬仲十分惹味添!!!!芝士迷另一必食推介...特濃芝士撈!!!芝士汁份量十分多，每啖撈麵都充斥著濃郁既芝士味!芝士味雖然濃，但一d都唔鹹，愈食愈滋味!芝士蛋白流心吐司必點!!!!!!!!!!!!!!!!!!!!!!!!上檯既時候見到蛋白發到咁大，變成金黃色已經好驚嘆!切開發現入面有隻生蛋黃，真係o哂嘴!!真係不得不佩服宜

芝士笑哈哈薯餅，薯餅塊塊都好香脆，唔會好似出面咁有啲係淋既，但芝士汁唔夠濃！香芋奶茶，味道好似歇x停果隻咁，陣味膠膠地！好一般！烏冬湯底只係煲左既熱水，再加啲胡椒粉，不過28$由佢啦⋯⋯但吉列豬扒意外地好食，香脆之余，豬排同炸粉仲唔會散開，比個讚佢芝士撈，啲汁都係果句啦，唔夠濃味，芝士味唔夠突出！同埋啲香草有種畫蛇添足既感覺！芝士加香草陣味怪怪的！希望鋪頭可以改善佢啲芝士汁啦！咁就岩晒了！

約咗朋友去九龍城食飯，食完飯梗係食糖水，咁先至圓滿句號，本來去非常出名果間老舗，但又有點悶，都係試下新式甜品，行下行下，係轉角位見到呢間應該新開不久既，鋪頭不算大，好整潔光猛，決定一試，一睇餐牌，有好多選擇，麵食，小食，甜品俱有，經店員介紹，原來店如其名，主打芝士，見到D相片，好吸引，唔知叫咩好，唯有求教店員，推薦我至愛既芒果甜品，"香芒三重奏"，原來係有脹滿滿芒果班㦸，芒果奶凍同芒果雪糕，班㦸係新鮮整，奶凍甜度適中，加埋新鮮粒粒芒果香，巧甜，一D都唔酸，之後再食雪糕，巧滿足，開心指數升升升。店員仲介紹鹽酥雞，炸漿恰好，雞肉好juicy , 有辣，同唔辣，好鬼香脆，巧巧味👍 另外介紹芝士蛋白流心吐司 ，其實飽飽地，本來想唔叫，但店員好推介，唯有繼續，好彩冇唔叫，好特別架，蛋白鋪係多士上面，你用刀切落去，D蛋黃就流心咁流出嚟，好鬼屎好味，味道仲好夾，但真係好飽，無能為力食其他，下次要未食飯黎食先得

店子位於九龍城一個人流不多的較偏位置，裝修簡潔，放了不少Emoji公仔，添了一份可愛感，亦令感覺更親切。 這裡有好多芝士乜乜乜，例如芝士撈麵、芝士魚蛋及芝士蛋白流心多士！ 彈牙的魚蛋，內裏流出炙燒芝士丸的芝士餡，旁邊還附芝士醬。 切開蛋白，蛋黃隨隨流出，多士上、蛋白中及面層都加入了芝士，將它們與脆脆多士同吃，非常合拍！ 鹽酥雞雞肉嫩滑無比，多汁而不膩，外層酥脆而不乾硬！必定要點！ 甜食方面，選了一份榴槤脆脆，就是炸榴槤Pancake。 炸得脆脆的外皮，內裏還包着冰凍的榴槤餡。不過榴槤份量可更豐富為好。 台式店少不了提供珍珠奶茶，這個香芋奶茶的香芋味適中不太濃，口感可更稠點，不過大大瓶很划算。 朱古力雪香的朱古力味亦突出，頗香滑。價錢便宜，小食、主食、甜品一應俱全，如果住附近的話，真可以常來！