芝脆雞 (Closed)

開業咁耐差唔多日日都有光顧 因為一直都好鐘意食cheese pizza 但天水圍分店令我好激氣頭個幾日自取要等成1個鐘 要個客企係度等咁耐 效率勁低 連店面D staff都一樣 一邊聽外賣電話 一邊落單 點解d管理咁無效率 最離譜有一日要等2個鐘 其他分店未出現過咁既現象 有一晚打去叫外賣 打左一個鐘都唔通 有無搞錯呀 結果打過左 又話cut左單 個陣只係8點鐘 但佢10點先關門到底識唔識做生意嫁 過多幾日再去鋪面買外賣啦 staff話等4個字 結果等左半個鐘都未得 到等左40mins 佢竟然同我講無炸雞 話退錢 大佬呀 我好似個傻人咁等左咁耐 你先話我知無我想要既野 退錢有鬼用咩 d服務差到咁 我以後都唔會再係天水圍呢間買 其他分店都唔係咁既

見間野新開,今日放學就去自取番屋企食,d店務員好似咩都唔識做咁,落個單都落左成10mins,眼見後面排隊既人越黎越多,我自己都唔好意思最慘既係店務員一聽外賣電話,就要d客等等,等佢落埋張外賣單先,真係當d客係透明囉!落完單就叫我企係度等一陣,一陣又一陣....過左20mins我真係忍唔住,問佢有未,佢話等等就快,好我等,再過左15mins我再問佢有未,佢話入去睇下,跟住佢就拎住我個外賣出黎,唉~有就出聲啦,要人問先拎出黎!!呢間d服務態度真係好差牙!!!

我估計我地去個日係第一日開將, 好開心可以試下P 記 & K 記以外的炸雞, 所以行埋去叫外賣LA~因為去到都成9:15PM LA, 晚飯都未食, 真係超肚餓對答:我: 1客檸汁炸雞翼(8隻) 及2件招牌雞塊要幾耐?落單小姐: 炸雞翼好快現有, 不過炸雞塊要耐少少.我: OK如是者, 等到9:30PM 我忍唔住行過去問佢得未? 佢話就得; 我再等...等到9:40PM... 想點呀, 我問茖單小姐, 你又話"只係耐少少, 我等左就嚟半個鐘LA"... 佢再入去Kitchen 度睇, 出嚟話, 整埋個雞塊就得... 我已經餓到無力再問...到9:50pm... 我為左8隻雞翼 及2件雞塊, 足足係度罸企左40mins... 返到去home食有２大點一定要講：1. 唔夠熱 & 雞肉好乾 (我返home 路程約5mins), 但佢話啱啱炸起...2. 原來所謂檸汁炸雞翼 就係炸雞翼 + 你係超市買個D 檸汁其實新開的話, 建議可以試業唔好開堂食住, 咁D 單唔會做唔切, 搞到成班客, 企哂係度囉... 嬲!!!

等到呢間店登陸天水圍啦，最好既係。一開就有外賣速遞，唔使出去都可以叫pizza食。而且價錢又唔算太貴，真係好啦。蒜蓉包送到過黎到仲係脆架，而且又夠蒜蓉味。真係好食。炸雞呢個又係佳作之一，炸雞送到黎仲熱架。而且皮脆肉嫩，又啖啖肉。真係好正。次次食都會叫炸雞食，因為真係有料到架。海鮮闊條麵呢個都唔算太差，闊條麵算幾彈牙。又唔會太淋，呢個又幾好食架。但要彈既係，個忌廉汁唔夠濃，呢個就要改善一下啦。墨西哥香辣pizza呢個pizza真係好正，料又多。而且個pizza底整得好靚，不過佢就唔係太辣。但整體上都唔錯，料多芝士又夠已經唔錯啦。整體上真係好食，價位又唔算太高。食到我地好飽呀，真係好抵食。