茶芝味 (Closed)

由讀書到出黎做野 每次去葵廣掃街都一定會飲茶芝味😙 奶蓋忌廉味濃郁又結身 暫時都未飲到間正過佢😛•茶芝味草莓雪葩($33)奶蓋就唔多講 都係咁出色😎 雪葩幼滑 草莓味道好出🍓 飲完個奶蓋再飲雪葩 真係好適合夏天🌞 既消暑又解渴🥶 本身以為兩者唔多夾 但試完又幾有驚喜🥳

📍葵芳 茶芝味去葵廣掃街必飲茶芝味，個人認為係全港最好飲嘅奶蓋（*´▽`*)，仲要係良心小店，必撐💛轉咗手之後第一次飲，但水準依舊。（出示學生證減$2/IG follower 減$1）𓇠 茶芝味宇治抹茶 $32 𓇠 呢杯係茶芝味招牌飲品，次次都係叫呢杯上層芝士奶蓋佔成杯飲品1/3，帶鹹香，下層抹茶有回甘🍵飲完超滿足🥰𓇠 黃金芒果益力多 $25 𓇠呢杯無奶蓋，比較清新岩夏天飲，有芒果粒增加口感🥭但略嫌唔夠益力多味，亦無無想像中甜。〰️總結：茶芝味係葵廣掃街必飲，鍾意奶蓋嘅一定要試！要多多支持小店☺️PS 疫情嚴重，大家最好外賣返屋企食，葵廣太多人啦🥡

話說前排好流行400次咖啡又400次抹茶等等，呢間飲品店唔執輸，整咗個400次阿華田，我又唔執輸，先試為快✌️。佢係配上阿華田忌廉加牛乳，另外上面可加Oreo粉，係幾好飲，味道香濃😋。飲嘢之餘不妨欣賞下店舖嘅佈置，十分有心思，間店嘅俾人嘅感覺係好黃，成間都佈滿各種象徵抗爭嘅裝飾，亦有post Card俾人拎👍。位置其實係喺葵涌廣場一個唔係幾當眼嘅位置，所以我特意去呢間店幫襯都需要搵一陣先搵到。但係呢間店生意都幾好，不斷有人嚟排住隊幫襯，要拎籌牌等。籌牌好特別，我果張寫住8.31，初頭唔知張卡係籌嚟😂。仲有一樣想講，間店嘅店員都係後生仔女，serve我嗰位女店員仲要身材十分好，睇落幾靚女😝。

係佢轉左手之後都未飲過😛 我覺得質素仲好左 又香港左😘 超正 一定會繼續支持👍🏻 ❣️茶芝味金鳳茶王$28好!好!飲!🥰 個奶蓋份量又接近1/3杯(˶‾᷄ ⁻̫ ‾᷅˵)微甜少冰啱啱好😽 芝士奶蓋好鹹香勁鍾意😆 茶底夠濃真係靚茶同芝士好夾🤤 飲到最後芝士溶咗都好正٩(˃̶͈̀௰˂̶͈́)و❣️茶芝味桂花烏龍 $28朋友叫嘅呢杯都好正😆 鍾意飲清爽啲可以一試 桂花味好出😍

行葵廣每次都必飲嘅一間因為有好好飲嘅芝士奶蓋😋😋名為茶芝味—————————————————作為芝士控嘅我就嗌左「茶芝味Oreo奶茶」（$29）呢杯嘢飲真係一直都keep到水準，質素一直維持high quality，而且佢啲芝士份量真心好多，芝士味好香濃，奶蓋亦都好濃厚，所以好適合芝士控嘅人，再者可以完全感受到兩種層次，芝士同奶茶兩者配合埋就好似係完美組合，好幼滑細膩，另外再加埋Oreo，將呢杯飲品昇華，而且更加好飲不過我已經飲左呢杯好多次，希望有機會試埋其他更優秀嘅嘢飲⭐️⭐️如果其他款式都可以有呢杯嘅質素，真係超越完美

黃店💛抗爭文宣+擺設.🍵茶芝味四季春綠茶($28)💰學生//做任務-$2💰奶蓋好厚身夠creamy🍼奶蓋有咸咸地既芝士味🙈今次揀左四季春綠茶，茶底清清地，加埋奶蓋都唔會覺得漏😝正！下次想試下其他🤤.🔸評分: 7.3/10💰人均消費: $20-$30

今日又去咗葵芳又要飲芝士奶蓋每次必點芝士奶蓋桂花烏龍茶😍😍😍奶蓋係少少鹹好豐盈好滿足又好夠芝士味今次我叫咗室溫個口感好特別因為啲茶仲係亂芝士係凍嘅，下次都係唔好叫室溫叫小冰算🤣🤣🤣但依然都好好味繼續支持黃店

葵廣出名多黄店 去掃街一流～自己平時好少飲呢啲手搖飲料 知道個代價係跑番幾日就索性少飲😂😂但朋友對呢間台式茶飲店comment都一致地好 個日去開葵廣試下 一試難忘😈.👉🏻茶芝味宇治抹茶(少冰走甜)分左兩層 最上層係芝士奶蓋唔好放飲筒住 要飲一啖奶蓋先👀味道䶢䶢甜甜 芝士個䶢味好出😽.下層係宇治抹茶 抹茶控表示好滿足！完全唔係落少少抹茶加勁多糖就話抹茶個level佢個抹茶味好濃 苦中帶甘我叫左走甜 飲落去個甜度係剛剛好—————————————茶芝味CheeseTea @cheesetea_gfhk 葵芳葵富路7號葵涌廣場1樓B07 號舖

一直都好想試下依間小店, 支持下年輕人. 今日經過就買咗杯招牌水果茶 (走冰, 少甜). 可能走冰嘅關係, 杯水果茶都係好甜. 坦白講茶味真係唔係好出, 有啲似果汁糖嘅味道. 不過以$28嚟講, 有嘢飲之餘, 仲有幾舊橙, 檸檬同西瓜, 算係咁啦.雖然我唔會再買佢哋嘅水果茶, 但下次都想試下佢哋芝士奶蓋系列嘅飲品 (話晒個名叫茶芝味, 應該唔係伏嘢). 另外, 佢哋仲有花茶系列嘅飲品, 都幾吸引.

葵廣嘅美食真係試一世都未必試得晒，今次嚟到細細個就聽過呢個名嘅茶芝味，飲咗一啖之後嗰種大滿足嘅感覺就湧咗出嚟，真係有即刻搬去葵廣住嘅衝動，咁就日日都飲到好滋味嘅茶芝味😝呢個芝士抹茶簡直係近乎完美😍 抹茶味好濃，芝士奶蓋味道同濃度都恰到好處，苦中帶甘嘅抹茶溝埋甜甜地鹹鹹地嘅芝士，真係超夾🥳 五一黃金週勁多人排隊買，但人多都無影響出品質素，超抵讚👍🏻

葵芳一樓黃店，每次嚟到一定要飲番一杯芝士奶蓋四季春芝士奶蓋嘅份量佔咗成隻杯三份一有多，真係非常足料，奶蓋很滑很濃鹹鹹地好有芝士味，好正呀好味過喜茶多多聲四季春茶味很濃，飲完一啖有茶嘅餘香嚟到葵廣唔飲就走寶

以前去到成日賣晒芝士奶蓋🙉有次要一個鐘之後先有今次終於試到 好感動😹！📔 黃店 茶芝味 負責人及其朋友稱自己為同路人———————————————————茶芝味高山綠茶($28) 微甜少冰🧀🍵芝士奶蓋不得不讚🤤同朋友飲到up晒頭 正呀！厚身又香濃 鹹鹹地飲落無咁膩 份量仲好多😍至於綠茶底清香 帶有綠茶苦澀味 感覺好清新🤓味道：🌖 (評分：正🌕🌖🌗🌘🌑不了).茶芝味金鳳茶王($28) 微甜少冰🧀☕️芝士奶蓋都係無得輸😘茶底濃郁 好有解油膩嘅感覺！.味道：🌖 (評分：正🌕🌖🌗🌘🌑不了)

1. 招牌水果茶（$29）呢個好好飲呀😭 其實我對手搖真係冇咩興趣🙉 次次都覺得好甜嗌救命，加上成日未飲完又要拎住，飲唔哂又覺得浪費，飲得慢又溶哂冰....但黎到葵廣都冇理由唔飲返杯，揀左養生既水果茶，個茶好清新好香，d生果勁多，有橙有檸檬，仲有3-4舊西瓜，多到離哂譜....另外，我見「大大杯招牌水果茶」既size係真心好浮誇！兩個人share就岩岩好，都只係$35

今日就介紹一間非常出名既茶飲店— 「茶芝味」。 平時大家嚟葵廣都會幫襯茶芝味，真心佢價錢又合理，野飲質素又唔差！但因為近期經營環境唔好，所以前店主打算執左佢，幸好有大學生夾份「頂手」，最後令黃店繼續生存住！幸好前一兩日知道呢個消息，我都去買返杯支持下！我就試左杯較出名既高山綠茶，味道都唔錯👍🏻！本身杯綠茶茶味都幾香，唔似坊間咁沖得太稀而導致無味！綠茶味道帶點清甜！當然，佢既奶蓋都做得唔錯，入面有香濃芝士，鹹鹹香香，除左增添多一種味道外，更豐富左本身綠茶嘅甜味。以一杯台式茶飲嚟講，真整得唔錯！如果身為同路人既你😢，路過/住係附近的話，不如去買返杯支持下佢地，多謝呢班年青人能令呢間舖繼續經營下去，大家都同路人，要互相幫助下！

位於葵講一樓嘅茶芝味，最近狂ig shop @teamores2018合作，採用左佢哋嘅茶葉嚟沖茶底，店內仲有好多唔同嘅飲料俾大家選擇，最近新出嘅芝士奶蓋1001夜非常好飲，茶底勁香，陣陣嘅花香加上濃郁嘅芝士奶蓋，味道一流。