祥榮茶冰廳

Open Now

Now Closed

26-5-2007 1718食完雞蛋仔，總要飲番杯凍奶茶總結，係巴士站隔離就有間茶記，就入去幫襯，頭先食得唔係好飽，順便叫埋吞拿魚三文治烘底。三文治烘底後仍然好硬，原本的已不夠鬆軟，買番黎既麵包通常打開後隔多兩三日就會變硬，當然唔希望係咁，裡面的料子就一搬。凍奶茶冇乜茶味，飲完後都冇茶味留係口裡面，平時去茶記都好少係咁。真係唔知我唔好彩，還是我都開始咀饞呢？希望唔係後者。

獵得懷舊茶餐廳一間，附送一千零一件蛋撻同熱咖啡一杯：翻叮的蛋撻，味道尚可，吉士很乾，估計熱食都麻麻地；咖啡又是用黑白淡奶…有點厭，而且惡。環顧四周，除有舊式冰室「應有」的藍調外，碟上所印的，相信亦是貴寶號。靚姐見食客機不離口，靜靜的送上鐵匙羹一隻，十分細心。漸漸的，她被迫採用「緊迫盯人」的戰術，大概是因這個食客的食相實在太離奇古怪- 一手揸住部（手）機，一手揸住部（相）機…尾指一係夾住隻鐵匙羹，一係反一反手，勾住隻咖啡杯…。